Paris, Bibliothèque nationale de France, BnF Éthiopien 110

---

Maṣḥafa ḥāwi (CAe 1933)

Language of text:

---

Colophon

ተፈጸመ፡ በረድኤተ፡ እግዚአብሔር፡ ትርጓሜ፡ መጽሐፈ፡ መጸሐፈ፡ (!) sic by Hermann Zotenberg(!)corrected by Dorothea Reule ሐዊ፡ እምልሳነ፡ ዓረቢ፡ ኀበ፡ ልሳነ፡ ግዕዝ፡ በዓመተ፡ ፸፻ወ፸ወ፬ እምፍጥረተ፡ ዓለም፡ ዘከመ፡ ሐሳቦሙ፡ ለቅብጣዊያን፡ ወዮናናዊያን፡ ወበ፷፻ወ፮፻፵ወ፪፡ ዘከመ፡ ሐሳቦሙ፡ ለዕብራዊያን። ወበ፲፻ወ፰፻፺ወ፫፡ እምዓመተ፡ እስክንድር፡ ዮናናዊ። ወበ፲፻ወ፭፻፸ወ፬፡ እምዓመተ፡ ሥጋዌሁ፡ ለእግዚእነ፡ ኢየሱስ፡ ክርስቶስ፡ መድኅነ፡ ዓለም፡ ወበ፲፻ወ፪፻፺ወ፰፡ እምዓመተ፡ ሰማዕታት፡ ንጹሓን። ወበ፱፻ወ፺፡ እምዓመተ፡ አጋር፡ እብናዊ፡ ወበ፳፡ ዓመተ፡ መንግሥቱ፡ ለመፍቀሬ፡ እግዚአብሔር፡ ንጉሥነ፡ ሠርፀ፡ ድንግል፡ ወበ፲ወ፭፡ ዓመተ፡ ሢመቱ፡ ለአብ፡ ክቡር፡ ዮሐንስ ፡ ሊቀ፡ ጳጳሳት፡ ዘእለ፡ እስክንድርያ፡ ፩፡ እም፡ ፺ወ፮፡ ሊቃነ፡ ጳጳሳት፡ ወበ፯፡ ዓመተ፡ ሢመቱ፡ ለአባ፡ ማርቆስ ፡ ሙጥራም፡ ዘኢትዮጵያ፡ አመ፡ ፪፡ ለመጋቢት፡ በሐሳብ፡ ፀሐያዊ። ወአመ፡ ፳ወ፬፡ ለሳባጥ፡ ወርኀ፡ ፬፡ ነገድ፡ ዘውእቶሙ፡ ሮማዊያን፡ ወሥራዊያን፡ ወአፍርንጅ፡ ወአርመን። እለ፡ ይሰመዩ፡ ዮናናዊያን። ወአመ፡ ፫፡ ለመሀረም፡ ጥንተ፡ አውራኂሆሙ፡ ለዓረብ፡ እንዘ፡ ሀሎ፡ ፀሓይ፡ በ፲ወ፯፡ መዓርግ፡ እማኅፈደ፡ ሑት፡ የማናዊ። ወበ፻፹ወ፱፡ መዓርግ፡ እምነ፡ ሥርቀቱ። ወበ፯፡ መዓርግ፡ እምነ፡ መዓርጉ፡ ለሳዕድ፡ እልአክብየህ። ወእንዘ፡ ሀሎ፡ ወርኅ፡ በ፩፡ መዓርግ፡ እማኅፈደ፡ ተውር፡ ፀጋማዊ፡ ወበ፲ወ፪፡ መዓርግ፡ እምነ፡ መዓርጉ፡ ለረሻ፡ ዘውእቱ፡ ፳ወ፰፡ እምነ፡ መናዝል፡ ጊዜ፡ ፮፡ ሰዓት፡ በዕለተ፡ ሰኑይ[።(?)]supplied by Hermann Zotenberg ወለዝንቱ፡ መጽሐፍ፡ ኮነ፡ ተጋብኦቱ፡ ቅድመ፡ መዋዕሊሁ፡ ለቈስጠንጢኖስ፡ ንጉሥ፡ ርቱዓ፡ ሃይማኖት፡ በዘይበዝኅ፡ ወይፈደፍድ፡ እምነ፡ ዝንቱ፡ በእንተ፡ ምክንያቶሙ፡ ለሰብእ፡ እለ፡ የኀድሩ፡ ውስተ፡ ደብር፡ ጸሊም። ወድኅረ፡ ዘመን፡ ጕንዱይ፡ ሶበ፡ ርእየ፡ አንቲያኩስ፡ ሊቅ፡ ክበደ፡ ውእቱ፡ መጽሐፍ፡ ዘኮነ፡ በደብረ፡ ሲቅ፡ አስተዋፅአ፡ በአኅፅሮ፡ ዘንተ፡ መጽሐፈ፡ ወሰመዮ፡ ሐዊ። ወነበረ፡ ዝንቱ፡ መጽሐፍ፡ በልሳነ፡ ዮናናዊ፡ ፱፻፹ወ፫፡ ዐመተ። ወድኅረ፡ ተርጐሞ፡ ገብርኤል፡ ወልደ፡ በትረክ፡ እምልሳን፡ ዮናናዊ፡ ኀበ፡ ልሳነ፡ ዓረቢ። ወነበረ፡ በልሳነ፡ ዓረቢ፡ ፫፻፲ወ፭፡ ዓመተ። ወእምድኅረ፡ ዝንቱ፡ ኈልቈ፡ ዓመታት፡ ተርጐምክዎ፡ አነ፡ ሰሊክ፡ ሕፁፀ፡ አእምሮ፡ እምነ፡ ኵሎሙ፡ ሰብእ፡ እንዘ፡ እግዚአብሔር፡ ይረድእ፡ ወቃሎ፡ ያጸንዕ፡ ወበእንተ፡ ዘኢያሠነይኩሰ፡ አሠርግዎተ፡ ቃሉ፡ ወትርጓሜሁ፡ ስረዩ፡ ሊተ። እስመ፡ አነ፡ አቅደምኩ፡ ነጊረ፡ ሕፀፀ፡ አእምሮትየ። ኦዘትቀውም፡ ውስተ፡ አንቀጸ፡ ዝንቱ፡ መጽሐፍ፡ ለአንብቦ፡ ሰአል፡ ወአስተብቍዕ፡ ኀበ፡ እግዚአብሔር፡ ስርየተ፡ ኀጢአቶሙ፡ ለተርጓሜሁ፡ ወለጸሐፊሁ። እስመ፡ ለከ፡ ዕሤተ፡ ፍቅር፡ ዐቢይ፡ ህየንተ፡ ዝንቱ፡ ወስብሐት፡ ለእግዚአብሔር፡ ዘባሕርዩ፡ ኂሩት፡ ወተፋቅሮ፡ ወዘይሁብ፡ ለኵሉ፡ ጥበበ፡ ወአእምሮ።

(

Text in English

)