Saint Petersburg, Institut Vostočnyh Rukopisej Rossijskoj Akademii Nauk, IV Ef. 22

በስመ፡ አብ፡ ወወልድ፡ ወመንፈስ፡ ቅዱስ፡ ዝንቱ አስማተ፡ ኀይል፡ ዘወረደ፡ እምሰማየት፡ ዘነገሮ፡ ለቶማስ፡ ረድእ፡ ለዘክሮቱ፡ ይደሉ፡ ስብሐት። ሰላትያላዊ፡ ኤለዊ፡ እዝቅያስ፡ ዘሩባኤላዊ፡ ኤላዊ፡ ኢላላዝራዊ፡ ኢላላዝራኤል፡ ብራኤል፡ ኬንያዊ፡ ጸጋናዊ፡ ዓልዊ፡ ብናጽያዊ፡ ድያግራእድ፡ ዮብድያድያዊ፡ ብነ፡ ኢዮላዊ፡ ኤልያቅ፡ አክዮስ፡ አክናሲስ፡ ብነ፡ መባርህተ፡ ባዜን፡ አዕርክቲሁ፡ ለመዋቅሕት፡ ካዜን፡ አጽላላከ፡ በዝንቱ፡ አስማቲከ፡ ስብር፡ መዋቅሕቲሁ፡ ለገብርከ፡ ርዕድናዊ፡ ራሄላዊ፡ አድማስ፡ ፈታሒ፡ አሔላዊ፡ ሞቅሕ፡ አዝኃዊ፡ ሊደላዊ። በስመ፡ ደላዊ፡ ሊደላዊ፡ በስመ፡ ደላዊ፡ ሊደላዊ፡ መዋቅሕተ፡ አርኀዊ። በስመ፡ አርዴና፡ ዲያብሎስ፡ ጐየ፡ ሶበ፡ ተናቀዋ፡ መዋቅሕት፡ በስመ፡ ፍዱዲል፡ ወርዕደ፡ ዲያብሎስ፡ ሶበ፡ ርእየ፡ አሥዋከ፡ መዋቅሕት። በስመ፡ ጓጓን፡ መጕሐቲ፡ ዮፉዲን፡ ተናቀዋ፡ ፭፻፼፡ መዋቅሕት፡ ዘአጽአ፡ በስመ፡ ጋዴን፡ ወአሰሮ፡ ለመዋቅሕት፡ ክቡድ። ወይቤ፡ ዲያብሎስ፡ ብየ፡ ትእምርት፡ ወይቤሎ፡ እግዚአብሔር፡ ምንት፡ ውእቱ፡ ትእምርትከ፡ ወይቤ፡ ጋዴን፡ ስምከ፡ ወይቤ፡ ሊቅ፡ እሁበከ፡ ንዋመ፡ ከመ፡ ኢጽርሐ፡ ለውእቱ፡ ጋዴን፡ ወይቤ፡ ዲያብሎስ፡ ታነሥኦሙ፡ ለእሊአከ፡ ጻድቃን፡ ወተኅድጎሙ፡ ለእሊአየ፡ ኃጥኣን፡ ወይቤሎ፡ ሊቅ፡ እወ፡ አነሥኦሙ፡ ለእሊአየ፡ ጻድቃን፡ ወአኅድጎሙ፡ ለእሊአከ፡ ኃጥኣን፡ ወአዐጽዎሙ፡ በስመ፡ ጋዴን፡ በ፯ቱ፡ ይትናቀዋ፡ በስመ፡ መንበረ፡ ሜሎስ፡ ድልዋኪን። ወአምጽኡ፡ ፭ተ፡ ፻፼፡ መዋቅሕተ፡ ስንጉጥረ፡ እሳት፡ በስመ፡ መንበረ፡ ሜሎስ፡ ድልዋኪን፡ ወጸርኀ፡ ዲያብሎስ፡ እንዘ፡ ይብል፡ አይቴ፡ ሀሎ፡ ኃይልየ፡ ዘተናገርኩ፡ ሜሎስ፡ ድልዋኪን፡ ወይቤ፡ ሊቅ፡ ሜሎስ፡ ደልዋኪን፡ ይኩንከ፡ ማኅተመ፡ እስከ፡ ለዓለም፡ ለዘተዐየርከ፡ እሊአከ፡ መላእክተ፡ ወዐለውላውኮ፡ ለልሳንከ፡ ለተቃጽቦ፡ መልክአ፡ ገጽየ። ወተመዐ፡ እግዚአብሔር፡ ወይቤ፡ አምጽኡ፡ መዋቅሕተ፡ በስመ፡ ፍዳዲን፡ ወመጽአ፡ ከይሲ፡ ዘእሳት፡ ወይቤሎ፡ ኦአኁየ፡ ብርያል፡ አይቴ፡ ሀሎ፡ ጽንዕከ፡ ወኀይልከ፡ ኢትክልኑ፡ ትፍትሖሙ፡ ለእሉ፡ መዋቅሕት፡ ወይቤሎ፡ ዲያብሎስ፡ ሀለወኒ፡ በይእቲ፡ ዕለት፡ በዘእፈትሖ፡ ለዝንቱ፡ ሰናስል፡ በትእምርት። ወሰምዑ፡ ዘንተ፡ ሚካኤል፡ ወገብርኤል፡ ወነገርዎ፡ ለእግዚኦሙ፡ ወይቤሎሙ፡ እግዚእ፡ ሊቅ፡ አአስሮሙ፡ ለ፪ኤሆሙ፡ ወለውእቱ፡ ከይሲ፡ ዐቢይ፡ ስሙ፡ ፀፈን። ወይቤሎዎ፡ ምንተ፡ ይከውን፡ ሶበ፡ ይጸርኅ፡ በስመ፡ ስዋኪን፡ ዐውሎድልዋኪን፡ ወይቤሎሙ፡ ሶበ፡ ይጸርኅ፡ ይከውን፡ ከመ፡ ሕፃን፡ ረቦደላዊኪን። ወይቤልዎ፡ መላእክት፡ ለምንት፡ ይትመሐርዎ፡ ለዝንቱ፡ ኵሉ፡ ቃላት። ወይቤሎሙ፡ ከመ፡ ይኩን፡ ወዳሴ፡ ለቤተ፡ ክርስቲያን፡ ሕዝብኒ፡ ከመ፡ ይስምዑ፡ ዕበዮሙ፡ ወክብሮሙ፡ በበነገዶሙ፡ በስመ፡ ፈደላዊ፡ ዓውደ፡ ወአነ፡ አዐቅቦሙ፡ አውላላልኤል፡ ቅብአ፡ መንፈስ፡ ለእለ፡ ረኵሱ፡ በርስሕ፡ ወሶበ፡ ይጠምቁ፡ በዝንቱ፡ ማየ፡ ጸሎት፡ እንዘ፡ ይብሉ፡ በዐውደ፡ አውላላልኤል፡ ወአውላውከኤል፡ ውእተ፡ ጊዜ፡ ይነጽሑ፡ እምኀጢአቶሙ፡ ወይቤሎሙ፡ ወሀበኒ፡ ከዳነ፡ አቡየ። በስመ፡ አብ፡ ወወልድ፡ ወመንፈስ፡ ቅዱስ፡ ከመ፡ ኢያስተኀፍሮሙ፡ ወኢይረዱ፡ ውስተ፡ ኵነኔ፡ በዝንቱ፡ ቃላት፡ በበ፯ቱ፡ ጊዜ፡ እለ፡ ይጼውዑ፡ ዘንተ፡ ስምየ፡ እንዘ፡ ይብሉ፡ በዐውዶ፡ አውለውክኤል፡ ለእመ፡ አእመሩ፡ እሎንተ፡ ቃላተ፡ እምኢውዕዩ፡ ሣዕረ፡ ወዕፀወ፡ ገዳም፡ ወአሜከላ፡ ፀሓይ፡ ወወርኅ፡ ወእምኢወሀቡ፡ አስማቲሆሙ፡ ወከዋክብትኒ፡ እምኢቆሙ፡ በሰረገላቲሆሙ፡ እመ፡ ቦሙ፡ እሉ፡ ቃላት፡ ሶበ፡ ይጸርኁ፡ በስመ፡ እዳ፡ ጋዳ፡ በዓውሎፍን። ወይቤ፡ ዲያብሎስ፡ ንግረኒ፡ መዋቅሕተ፡ አድማስ፡ ዘአሰረኒ፡ ወልደ፡ ማርያም፡ እንዘ፡ ይብል፡ ዓወደ፡ ዓወደ፡ አውላላክኤል፡ ብሂል፤ ወከልሐ፡ መዋቅሕተ፡ አደማስ፡ እንዘ፡ ይብላ፡ ኢትመጥወነ፡ እግዚአ፡ ለግሙራ፡ በእንተ፡ ስምከ፡ ወኢታውርደነ፡ ውስተ፡ ደይን፡ ምስለ፡ ዲያብሎስ፡ እኩይ፡ አመ፡ ይበከዩ፡ ኵሉ፡ ፍጥረት፡ አንብዐ፡ መሪረ፡ ከመ፡ ማየ፡ ክረምት። ሀለወት፡ ዕለት፡ እንተ፡ አልባቲ፡ ምጕያይ፡ ማኅደሬ፡ ለዲያብሎስ፡ ለቆለቆድልዋኪን፡ ወፈቀደ፡ ይትማሕፀን፡ ዐወደ፡ መንበሬ፡ ወየአኀዝ፡ አግሮ፡ ወከልሐ፡ መዋቅሕት፡ ወከልዕዎ፡ መላእክት፡ በጕጠተ፡ እሳት፡ ወከልሐ፡ ዲያብሎስ፡ እንዘ፡ ይብል፡ አዊን፡ አወያን፡ አዊን፡ አወላላክኤል፡ ወአንቀልቀላ፡ መዋቅሕት፡ ወፈቀደ፡ ይፍትሖን፡ በእሎን፡ ቃላት፡ ወአለውለወ፡ ልሳኖ፡ ዲያብሎስ፡ በታቃጽቦ፡ ወይቤ፡ ሊቅ፡ ትኩንከ፡ ርስተ፡ እስከ፡ ለዓለም፡ እስከ፡ ይመጽእ፡ ዳግመ፡ ወበከመ፡ ይውግርዎ፡ ለዕብን፡ ውስተ፡ ቀላየ፡ ባሕር፡ ከማሁ፡ ይውግርዎ፡ ለበርያል፡ ምስለ፡ መዋቅሕቲሁ፡ ዘእሳት፡ በመዋቅሕተ፡ አውልዕ፡ ዘፈጸጓዳዲን። ወከለሐ፡ ዲያብሎስ፡ በቅዳሚ፡ ትእምርቱ፡ እንዘ፡ ይብል፡ አውዓኤል፡ ወአልቦ፡ ዘሰምዓ፡ ወተፈጸመ፡ አውለሎዶላዊ፡ ወይቤ፡ ዲያብሎስ፡ እምይእዜሰ፡ ጠፍአ፡ ትምክሕትየ፡ ወኮንኩ፡ ሠሐቀ፡ ወስላቀ፡ ለእለ፡ ይጼውዑ፡ ስመ፡ ክርስቶስ፡ ርግምተ፡ ትኩን፡ ዛቲ፡ ዕለት፡ እንተ፡ ሰማዩኒ፡ በዲዳሌም፡ ለእመ፡ አእመርኩ፡ ዘንተ፡ እምሰገድኩ፡ ለመሬታዊ፡ ወእምአክበርክዎሙ፡ ለመላእክት፡ ወይ፡ ሊተ፡ አሌ፡ ሊተ፡ ወእምተማሕፀንኩ፡ ኀበ፡ መንበሩ፡ እንተ፡ ስማ፡ አላዳ፡ አጎዳ፡ አፍላላኪን፡ ብሂል፡ አነ፡ ውእቱ፡ ኢየሱስ፡ ክርስቶስ፡ ከሀሊ፡ ሰማያዊ፡ ዘቀጥቀጥኩ፡ አረፈተ፡ እደማስ፡ በስመ፡ ፍልፍልልላኤል፡ ከልዓሙ፡ ከልዓወ፡ ፈለፋዲን፡ ስራውዳ፡ ለፋዴን፡ ከሬሀው፡ ኵላኤል፡ ወጣኤል፡ ሞቅሕ፡ ፍላፍላ፡ ፍላለኤል፡ ጸዋዲን፡ ኢይንሣእ፡ ዐስቦ፡ ወሕልያነ፡ በስመ፡ አውላላአላኤል፡ ውጉዘ፡ ለይኩን፡ ኢይርግም፡ መነሂ፡ በስመ፡ ስቆድላዊ፡ ከመ፡ ኢይትሀጐል፡ በዕለተ፡ ደይን፡ መኑሂ፡ ወይጠፍእ፡ ማይ፡ ወይፈቅእ፡ ዕብን፡ ወይዝንው፡ ሞቅሕ፡ በስመ፡ ለቆለቆድልዋኪን፡ አምላከ፡ ቆፍድዲ፡ ንደፍደዲ፡ ብሂል። አነ፡ ውእቱ፡ ኢየሱስ፡ ክርስቶስ፡ ወልደ፡ እግዚአብሔር፡ ክርስቶስ፡ ብሂል፡ መሲሕ፡ ጸኑዕ፡ ትሞሕይስ፡ ሞቅሕ፡ ስንጕጥር፡ በ፭፻፼ መዋቅሕት፡ ዘተአስረ፡ ቦቱ፡ ዲያብሎስ፡ ከማሁ፡ ዘከሠተ፡ ኀበ፡ ቤተ፡ ንጉሥ፡ ወኀበ፡ መኰንን፡ ዘይሜህር፡ ዘንተ፡ ቃለ፡ ለአዋልድ፡ ወለአንስት፡ ይትነሣእ፡ በዕለት፡ እምርት፡ ወአነ፡ መሐልኩ፡ በአቡየ፡ ቱተሰበላዳኤል፡ ከመ፡ ኢይረድ፡ ውስተ፡ ኵነኔ፡ ወአነ፡ ወሀብክዎ፡ ርስተ፡ ውስተ፡ ሕፅነ፡ አብርሃም፡ ይስሐቅ፡ ወያዕቆብ፡ ተናቀዋ፡ መዋቅሕት፡ ፈላታላዊ፡ ወሀለወት፡ መልዕልተ፡ ታቦት፡ ኅብእት፡ በውስቴታ፡ ይውኅዝ፡ ስብሐት፡ እምአርያም፡ ወይበውኡ፡ ውስቴታ፡ እንበለ፡ ሐተታ፡ ይትዐቀብዎ፡ ለዝንቱ፡ አስማት፡ በ፯ቱ፡ መሰክወ፡ ሰማይ፡ እንዘ፡ ይትዋነይ፡ ምስለ፡ ፀሓይ። በስመ፡ ፍዲለዳኤል፡ አነ፡ ውእቱ፡ ኢየሱስ፡ ክርስቶስ፡ ወልደ፡ እግዚአብሔር፡ ቀታሊ፡ ወማሕየዊ፡ ዘአሰርክዎ፡ ለዲያብሎስ፡ በመዋቅሕተ፡ ጋዴን፡ ጋዴን፡ አነ፡ ውእቱ፡ ኢየሱስ፡ ክርስቶስ፡ ወልደ፡ እግዚአብሔር፡ ሜሎስ፡ ዘይነድድ፡ አፍሐመ፡ እሳት፡ ዘወጽአ፡ እምአፉሁ፡ ወለእመ፡ ፀአቱ፡ ለሰብእ፡ እምዝንቱ፡ ዓለም፡ ይድግም፡ ዘንተ፡ ዘእንበለ፡ ይትዐጸው፡ አፉሁ፡ በሞት፡ ከመ፡ ኢያኅዝኖ፡ መልአከ፡ ሞት፡ ወሶበ፡ ትወጽእ፡ ነፍሱ፡ እምሥጋሁ፡ ይበል፡ አሜን። አዊን፡ አዊን፡ አዊን። ወይስደዱ፡ መላእክተ፡ ጽልመት፡ እም፸ወ፯ቱ፡ ምዕራፈ፡ ዘመላእክት፡ ከመ፡ ኢይሕስው፡ ስሞ፡ ለክርስቶስ፡ ወይመጽኡ፡ መላእክተ፡ ብርሃን፡ ወይቤልዋ፡ ለይእቲ፡ ነፍስ፡ ንዒ፡ ነፍስ፡ ብርህት፡ ዘነበርኪ፡ እንዘ፡ ትብሊ፡ ሜሎስ፡ ወጋዴን። ወይቤላ፡ መልአክ፡ ዘነበረ፡ ምስሌሃ፡ ስግዲ፡ ኀበ፡ ፈጣሪኪ፡ ወይወስድዋ፡ መላእክተ፡ ብርሃን፡ በፍሥሓ፡ ወበሐሤት፡ ኀበ፡ ሀሎ፡ ፍግዓ፡ ወተድላ፡ ወከብካበ፡ ሰማይ፡ በእንቲአሁ፡ እንዘ፡ ይብሉ፡ ቀለተላዊ፡ ቀተናዊ፡ በዝንቱ፡ ቃል፡ ትብል፡ ቅዱስ፡ ቅዱስ፡ ቅዱስ፡ ሥሉስ፡ ዘኢይትመዋእ፡ ለፀር፡ ወበዝንቱ፡ ትነብር፡ ውስተ፡ ከብካቡ፡ ለመርዓዊ፡ በዝንቱ፡ ቃል፡ ሶበ፡ ትሬኢ፡ ንስቲተ፡ ገጾ፡ ትብል፡ ቀለላዊ፡ ቀተላዊ፡ ወበዝንቱ፡ ቃል፡ መሐሮሙ፡ ለሕዝበ፡ ክርስቶስ፡ ወኢታውርዶሙ፡ ውስተ፡ ኵነኔ፡ ወለእመ፡ ኢፈቀደ፡ ምሕረተ፡ ለሰብእ፡ ያረስዕ፡ ዘንተ፡ ቃለ፡ ለጳጳሳት፡ ወለሊቃነ፡ ጳጳሳት፡ ለቀሳውስት፡ ወለዲያቆናት፡ ዘንተ፡ ቃለ፡ ጸሎት፡ ለእመ፡ አእመሩ፡ ወለበው፡ እምኢወረዱ፡ ውስተ፡ ኵነኔ፡ ወኢመኑሂ። ወተፈጸመ፡ ዝንቱ፡ አስማት፡ ይድግም፡ ለለወርኁ፡ በርኅወ፡ ሰማይ፡ ወይበል፡ ረድእ፡ ውስተ፡ ቤተ፡ ክርስቲያን፡ ወይንበር፡ ውስተ፡ እግረ፡ ታቦት፡ እንዘ፡ ያቴሕት፡ ርእሶ፡ ወይሁቦ፡ እግዚአብሔር፡ ኪዳነ፡ በዕለተ፡ ርኅወ፡ ሰማይ፡ እንዘ፡ ይብል፡ በቃለ፡ መምሕሩ፡ ወእምይእዜሰ፡ ወሀብኩከ፡ ኪዳነ፡ ከመ፡ እስጢፋኖስ፡ ቀዳሚ፡ ሰማዕትየ፡ በእደ፡ ዖፍ፡ ወለማርያም፡ እምየ፡ በደብረ፡ ዘይት፡ በዕለተ፡ ሰንበት፡ ወለቶማስ፡ ገብርየ፡ ዘከሠትኩ፡ ሎቱ፡ እምድኅረ፡ ዘሐቁ፡ አነዳሁ፡ ከማሆሙ፡ ወሀብኩከ፡ ኪዳነ፡ በዕበይከ። ወይቤ፡ ረድእ፡ እወ፡ አሜን፡ ለይኩን፡ እምይእዜሰ፡ ወሀብከኒ፡ ኪዳነ፡ ከመ፡ ኢይረድ፡ ውስተ፡ ኰነኔ፡ ለእመ፡ ዐቀብኩ፡ ዘንተ፡ አስማተ፡ ለዓለመ፡ ዓለም፡ አሜን። ወይሰግድ፡ ወይጠመቅ፡ በማየ፡ ዝንቱ፡ ጸሎት፡ ወኢትናገር፡ ምንተኒ፡ ወይንሣእ፡ ሥጋሁ፡ ወደም፡ ለወልደ፡ እግዚአብሔር። ዕቀብ፡ ዝንተ፡ ወተሐዩ፡ ለዓለመ፡ ዓለም፡ አሜን። በእሉ፡ አስማቲከ፡ አድኀነኒ፡ እመከራ፡ ሥጋ፡ ወነፍስ፡ ለገበርከ፡ ወልደ፡ ዮሐንስ፡ ወምስለ፡ ጸሐፊሁ፡ ወልደ፡ ኪዳን። ለለርኅወ፡ ሰማይ፡ ድግም፡ አመ፡ ፫ ለጰጕሜ፡ ወአመ፡ ፳ ለጥቅምት፡ ወአመ፡ ፲ወ፪ ለታኅሣሥ፡ ወአመ፡ ፳ወ፯ ለመጋቢት፡ ወአመ፡ ፲ወ፰ ለግንቦት፡ ወአመ፡ ፲ ለሐምሌ፡ በእሎን፡ ዕለታት፡ እሙራት፡ ጸሊ፡ ዘንተ፡ ጸሎተ፡ ወትረክብ፡ ዐቢየ፡ በቍዔተ።