London, British Library, BL Indian Office Collection MS Ethiopic 4
Nafisa Valieva
This manuscript description is based on the catalogues listed in the Catalogue Bibliography
Work in Progress
- Citation URI: https://betamasaheft.eu/BLEthiopic4
- Collection API: https://betamasaheft.eu/api/dts/collections?id=https://betamasaheft.eu/BLEthiopic4
- Navigation API: https://betamasaheft.eu/api/dts/navigation?id=https://betamasaheft.eu/BLEthiopic4
- Document API: https://betamasaheft.eu/api/dts/document?id=https://betamasaheft.eu/BLEthiopic4
| a ፩ በስመ፡ አብ፡ ወወልድ፡ ወመንፈስ፡ ቅዱስ፡ ፩ አምላክ፡ ሥላሴ፡ ዋህድ፡ እሩይ፡ ዘኢይሰደቅ፡
ዘሀሎ፡ እምቅድመ፡ ተራት፡ ዘይፈደፍድ፡ እምክዋኔሁ፡ እንዘ፡ ኢይተ/not sure/በአድ። እምግጻዌሁ፡ እንዘ፡ ኢየሐጽጽ፡
ወኢይፈደፍድ። በዓናሰረ፡ ዓለም፡ ዘኢይትገመር፡ ወኢይትኤለድ። ዘኢይትፈለጥ፡ ወልድ፡ እም፡ አብ፡ ወመንፈስ፡ ቅዱስ፡
እምወልድ፡ ዘአምጽአ፡ ዓለመ፡ በቃለ፡ ጽዋዕ፡ እምኀበ፡ ኢሀሎ፡ በአሐቲ፡ ምክር፡ ወበአሐቲ፡ ፈቃድ። ዘሳረራ፡ ለምድር።
በልቡና፡ ዘኢይትሐየድ፡ ወለማይኒ፡ ዘአንበራ። በአየረ፡ እሳት፡ ዘይነድድ፡ ወለእሳትኒ፡ ዘሰፍሐ፡ በአየረ፡ ነፋስ።
[ዘያ]ንድድ፡ እን/በ/ለ፡ ገሢሥ፡ በእድ፡ ወለነፋሰኒ፡ ዘረበቦ። ሰረገላ፡ ዲበ፡ ሰረገላ፡ ጽልመት። እንበለ፡ መሠረት፡
ወድድ። ወዓርጊዖ፡ ማየ፡ ዘረሰየ፡ ሰማየ፡ ወሰቀሎ፡ ከመ፡ ቀመር፡ እንበለ፡ ሰዋቅ፡ ወአምድ/not sure/፡ ዘረሰዮሙ፡
ለመላእክቲሁ፡ መንፈሰ፡ ወለእለ፡ ይትለአክዎ። ነደ፡ አቆና፡ ዘነድ። ይመጦ፡ ለንጥረ፡ መረቅ፡ ወያጸንዖ፡ ለነጐድ።
ዘይፌትቶ፡ ለዕብነ፡ ሰረድ፡ እምከርሠ፡ ደመና፡ በበሕጠታቲሁ፡ ከመ፡ ይሪ
| ከመ፡ ይረድ። ዘይጌሥጻ፡ ለጸዓዕ፡
ወይዘርዎ፡ ለጊሜ። ከመ፡ ሐመድ፡ ጌርገልጌርጌላሁ። ዘነበልባል፡ ወሰረገላሁ። መርዕ፡ ዘይረምማ። ለማዕበለ፡ ባሕር፡
ወያዝኅና፡ ለሞገደ። ዘኢየኃልቅ። ምስናሁ፡ ለትውልደ፡ ትውልድ። ወኢይትዌዳዕ። ምኩናኑ። ለዘመደ፡ ዘመድ። ጥንተ፡ መዋዕሉ።
ዘኢይትኈለቍ፡ ወሰፍሐ፡ ሀለዎቱ። ዘኢይሄለድ። ዘለሐኮ። ለአዳ?ም፡ በአበአርአያሁ። ከመ፡ ይትሐየድ፡ ይትገሐድ፡ ለዘከመዝ።
እግዚእ፡ እንዘ፡ እንዘ፡ እገኒ፡ ወእሰግድ። እነግር፡ ዜና፡ ገድለ፡ ጻማሁ። ለብእሲ፡ ብፁዕ፡ ወቅዱስ፡ ክቡር። መርዑስ።
ስቡሕ። ወወዱስ። በቢሴ፡ ንጽሕ። ዘኢለከፎ፡ ደነስ። ጸዋሬ፡ ንዴት፡ ዘምስለ። ንግሥ፡ ዘኢያንዕሰወ፡ በፍኖት፡ መብዕስ።
ዘኢተኃደጰ። በአሕፃ። መተቃርን። ዘውእቱ፡ ዲያብሎ። ደብረ፡ ወወርቅ። ወደብረ፡ ብሩር፡ ደብረ፡ ባሕርይ። ወደብረ፡
ሰንፔር፡ ወግረ፡ ስኂን። መንክር። ወደብረ፡ ወርቅ፡ ንብሎ። በእንተ። ስነ፡ ሃይማኖቱ፡ ርትዕት። ወበእንተ። ስነ፡
ትውግሥቱ፡ በውስተ፡ ገድል፡ እንዘ፡
| ይጽሕቅ፡ ለፈጽም፡ ቃለ፡ መጻሕፍተ፡ ወንጌል፡ እስመ፡ ይሰምዖ፡ ለቀነ። ለመድኃኒት፡ ዝውእቱ።
ብስራተ። እስራኤል። ሐዲስነ። ዘይመጽእ፡ እምልሳነ፡ በግዑ። እንዘ፡ ይትነፋ። በቤተ። ክርሰያን። በአፈ፡ ካህናት።
ወደምፀ፡ ቃሉ። ከመዝ፡ ይብል። በትእግሥትክሙ፡ ታጠርዋ። ለነፍስክሙ። ወካዕበ። ይቤ፡ ባዑ። እንተ፡ ጸባበ፡ አንቀጽ፡
ወሰፍሕት፡ ፍኖት። እንተ፡ ትወስድ፡ ወታበውዕ፡ ውስተ። ፍኖተ፡ ሐጉል። ል። ፈድፋደ፡ ጸበብ፡ አንቀጸ። ወጥቀ፡ መቅአኒት፡
ወጽዕቅት፡ ፍኖታ። እንተ፡ ትወስድ። ወታበውእ። ውስተ፡ ሕይወት፡ ወሕዳጣን፡ ይበውእዋ። ወውስተ፡ ስፍሕትሰ፡ አንቀጽ።
ይብል፡ ብዙኃን፡ እለ፡ ይበውእዋ። እለ፡ መኑኬ፡ እለ፡ ቦእዋ። ለአንቀጸ። ሐጌል /not sure/። ወእለ፡ መኑ፡ ካዕበ፡
እለ፡ ይበውዕዋ። ወእምድኅረዝ። እስመ፡ ኢተአጽዋ። ይእዜ፡ እስከ፡ ይእዜ። እላንቱ፡ ፍናው፡ ክልኤቲ፡ አሐቲ። እንተ፡
ሞት። ወአሐቲ፡ እንተ፡ ሕይወት። እለ፡ ቦዕዋሰ፡ ለአንቀጸ። ሐጉል፡ እሉ፡ እሙንቱ። እለ፡ ሖሩ። በፍኖተዝ፡ ዓለም፡
ስፉሕ። ዝውእቱ፡ በሊዕ፡ ወስታይ። በሰመ፡
| ወስታይ። ዘእንበለ፡ አ[ም]ቅም። እስመ፡ እለ፡ ይበል፡ ዑ። ወይስተዩ። ዘእንበለ፡ አቅም፡
ይትቃረንዎ። ለቃለ። ወንጌል። ዘይቤ፡ ኢታክብዱ፡ ለበሊዕ፡ ወስታይ። ወይትፈጸም። ላዕሌሆሙ። ቃለ፡ ነቢይ። ዘይቤ፡
አሌሎሙ። ለእለ፡ ይገይሱ፡ በጽባሕ። ቤተ፡ መያሲ፡ ወይውእሉ። ውስተ፡ ስታይ። ወያነድዶሙ፡ ወይን። ወካዕበ፡ ይቴክሎሙ፡
ወይን። አፍአ፡ እምቤተ፡ ግዕዝ፡ ቃለ፡ መርዓዊ። ዘይቤ፡ አሌሎሙ። ለእለ፡ ይጸግቡ። ይእዜ። እስመ፡ ይርኅቡ። እስመ፡
የኃድግዎ። ለቃሉ፡ መስራተ። ጽሙና፡ እንተ፡ ትብል፡ ተገብሩ። እንከ፡ ለመብልዕ። ዘይነብር፡ ለሕይወት። ለዓለም፡
ዘይሁበክሙ። ወልደ፡ እጓለ፡ እመሕያው። ወአኮ፡ ለመብልዕ፡ ኃላፊ፡ ወይፈልሰ፡ ጸጋ። እግዚአብሔር። እምስሡአነ፡ ልብ፡
ብነ፡ ኀበ። እለ፡ ያፈቅርዎ። ለጽሙና። በከመ፡ ፈለሰ፡ ብኵርና፡ ኤሰው፡ መፍቀሬ። መብልዕ፡ በኀበ፡ ያዕቆብ፡ መፍቀሬ።
ጽሙና። ወእለ። ካዕበ፡ እለ፡ ይበውእዋ፡ ለአንቀጽ፡ ለአንቀጸ፡ ሐጉል፡ ምስለ፡ እለ፡ አቅደምነ፡ ነጊረ፡ ምስለ፡ ስሡአን።
ዘማውያን፡ ዓለውያን። ሰራቅያን። መስተቃትልን። መስተበቊላን።
| ኃያላን፡ መስተመይምናን፡ መስተሰቃትላን። ዕቡያን። መሰግላን። እለ፡ ይትአመኑ። በኀሰበ፡ ከዋክት።
በቃለ። ብእሲ፡ ወበቃለ፡ ብእሲት። እለ፡ ይብሉ፡ ነአምር። ዘይመጽእ፡ ወንፈልጥ። ዘይከውን። እሉኬ፡ እለ፡ ወእለ፡
ይመስልዎ። ይመስልዎ፡ ይመስል። ፍኖተ፡ ሐጉል። ፍኖቶሙ። ሞት፡ ወደኃሪቶሙ፡ ወሲኦል፡ ተፍጸሚቶሙ። ዛቲ፡ ይእቲ፡
ትርጓሚሁ። ለአንቀጸ፡ ትፍሥሕት። እንተ፡ ትወስድ። ውስተ፡ ሞት። ኢይምሰልክሙ፡ ፍቁራንየ። ሶበ፡ ተሰምዓ። አንቀጸ፡
ሐጉል። ዘተብሕለ፡ በወንጌል። ከመ፡ ሀለወት። ውስተ፡ ሰማይ፡ ሰማያት። አላ፡ በዝየ፡ ይእቲ፡ በምድር። ውስተ፡ ሰማያትሰ፡
አልቦ። አንቀጸ፡ ሐጉል። እንበለ፡ አንቀጸ፡ ሣህ፡ ብ፡ ኀበ፡ ይነብር። አምላክነ። ባሕረ፡ ምሕረት፡ ወነቅዓ፡ በረከት፡
ወዘይትኃጐል፡ ኢየዓርግ። ውስተ፡ ሰማይ። ሶበ፡ ተሰይመ፡ ሊቀ፡ መላእክት፡ ወድቀ፡
| እምስማይ፡ ሶበ፡ ሐለየ፡ ሕሊናሁ፡ ሐጉል፡ እፎኬ፡ የዓርግ፡ ሰማየ፡ ብእሲ፡ ሐጕል፡ ወእለሰ።
ቦኡ፡ አንቀጸ፡ ጸባብ። እሉ፡ እሙንቱ፡ እለ፡ ፆሩ፡ መስቀሎ። ለክርስቶሰ፡ ወተለውዎ። ወጸዋረ፡ መስቀሉኒ፡ ዛቲ፡ ይእቲ፡
ጾም፡ ምስለ፡ አኰቲት፡ ወፍቅር፡ ምስለ፡ ትሕትና፡ ንዴት፡ ወአንብዕ፡ ምስለ፡ ትእግሥት። አለጕመ፡ ልሳን። እምጽርፈት።
እምነቢበ፡ ዓመፃ፡ ሐሰት፡ ዓርቄ። እምገብር። ኀላፊት፡ እንተ። ትወስድ። ውስተ፡ ሞት። አንጽሖ፡ ሥጋ። ወእምዝሙት፡
አዪል፡ ውስተ። ገዳም፡ በዘብድ፡ ወጠሊ። ወበ፡ ሐሜለት። ወተዘግሆ፡ ጾማዕት። አንሖ፡ ልብ። እምሐልዮ። ኃጢአት፡
ወተዘክሮ፡ ሞት። በኵሉ፡ ጊዜያት፡ ዛቲኬ። አንቀጽ። ከመ፡ ይባዕ፡ ተሐ/የ/ለ፡ ? ተመርሖ፡ ባዕለ። ቀደምዎ፡ ቅዱሳን።
ወቦአሂ፡ ዝንቱ፡ ብእሲ፡ መካህ፡ ዘስሙ። ላሊበላ። ዘተሰምየ፡ ገብረ፡ መስቀል፡ አመ፡ ቅብዓት፡ ንግሡ፡ ዘአመ፡ ሰቀለ፡
አክናፈ፡ ሕሊሁ። ከመ፡ አክናፈ፡ ኪሩቤል። ከመ፡ ይትመየጥ፡ ቦቶን፡ ኀበ፡
| መንበረ፡ መለኮት፡ ከመ፡ ይኅበር፡ ሰብሖ፡ ምስለ፡ ሱራፌል፡ እስመ፡ ተወክፈ፡ ኵሎ፡ ስቃያተ። እለ፡
አቅድምነ፡ ነጊረ። ተሰጢሞ። ውስተ፡ ባሕረ፡ ትእግሥት። ወጸሚዕኒ፡ [ይት]፡ ኢይትከሐል፡ እንበለ። ትእግሥት፡ እርቃንኒ፡
ወተጽናስኒ። በእንተ፡ እግዚአብሔር፡ /ወ/ፈጸመ፡ ኵሎ፡ ቃለ፡ ወንጌል፡ ኢይትከሐል። እንበለ፡ ትእግሥት። ወጽርአ፡
እንግዳኦ። ዘመዊዕ። ከመ፡ ይማዕ፡ ኵሎ፡ ምንዳቤ፡ ገድል፡ ዝንቱ፡ ብእሲ፡ ዘሰመይኖ፡ ደብረ፡ ወርቅ። እስመ፡ በከመ፡
ወ[ድ]/ር/ቅ፡ ይትዓቀብ፡ ውስተ፡ አስከሬን፡ ተዘጊሆ፡ በቀማጥር፡ ከማሁ፡ ኮኖ፡ መዝባበ፡ ለቃለ፡ ወንጌል፡ አሰከሬነ፡
ልቡ፡ ለብፁዕ፡ ወቅዱስ። ላሊበላ። ወቃለ፡ ወንጌልስ፡ አማን። ወርቅ፡ ዘአልቦ። ተምይነ፡ ዘሐደረ። ውስተ፡ ልቡ። ለዝንቱ፡
ፍጹም፡ ብዙኃ፡ አምጠን፡ በአቅሙ። ለክርስቶስ፡ ህየንተ። ቀማርኒ፡ ኮኖ፡ ትሕናሆሙ። እስመ፡ በሀብለ፡ ትሕትና፡ ሕሱል።
ክሳደ፡ ልቦሙ፡ ለጻድቃን። እስመ፡ እንበለ፡ ትሕትና፡
| ኢይትከሀል፡ ያሰምርዎ፡ ለእግዚአብሔር፡ በከመ፡ ከልሀ፡ [ን]ነቢይ፡ ተመጣዊ፡ ፍህም። እምጒደጠ፡
ሱራፌል፡ ከመዝ። ይቤ። እግዚአብሔር። ኀበ፡ መኑ፡ እኔጺር። ዘእንበለ፡ ኀበ፡ የዋህ፡ ወትሁት። ወጽውም፡ ዘይርእድ፡
እምቃልየ፡ ወእግዚኦ፡ ነቢይኒ፡ ይቤ፡ ተመሐሩ። እምኔየ። እስመ፡ የዋህ፡ አነ፡ ወትሁት፡ ወትረክቡ። እረፍተ፡ ለነፍስክሙ፡
ደብረ፡ ብሩርሂ፡ ወደብረ፡ ሰንፔር፡ አሰተማሉሙ። በእንተ፡ ቃለ፡ ፍትሕ፡ ዘይወፅእ፡ እምአፉሁ፡ ዘሣዕሣእ፡ አፉሁ፡
ዘቅሱም። ልሳኑ፡ በጺወ፡ መለኮተ፡ ደብረ፡ ባሕርይኒ፡ ንብሎ። በእንተ፡ ንጽሐ፡ ሥጋሁ። እስመ፡ አጥረየ፡ ንጽሐ። ከመ፡
መላእክት፡ ወአጽደለ፡ ባሕርየ፡ ንጽሁ፡ ምስቢዒተ፡ እም፡ አሶንያ። ወእምኦርያሬስ። እምዝሮት። እስመ፡ ይስምዖ፡ ለሐዋርያ።
እንዘ፡ ይብል፡ አንጽሑ። ልበክሙ። ወአንጽሑ፡ እደዊክሙ። ወዓዲ፡ ተደደቀቶ። ቃል፡ እምአፈ፡ ጳውሎስ፡ እንዘ፡ ትብል።
ከመዝ፡ አልቦ፡
| እምውሳጥያቴክሙ፡ ዘይከውን፡ ዘማዌ፡ ወርኩሰ። ወካዕበ። ይቤ፡ ወዘሰ። አማሰነ። ቤተ፡ እግዚአብሔር።
ሎቱ፡ ያማሰኖ። እግዚአብሔር። ወዓዲ፡ ተእፍእሞ፡ ኅጠተ። ቃል፡ እምአስካል። ትንቢቱ፡ ለብፁዕ። ዳዊት። ዘይቤ፡ መሥዋዕተ፡
ቁርባን። ኢፈድኩ፡ ሥጋከ። አንጽሕ። ሊተ፡ መሥዋዕተ፡ ዘበእንተ፡ ኃጢአት፡ ኢሠመርኩ። ወዘንተ። ኵሎ፡ ኵሎ፡ አቅቦ።
ውስተ፡ ምጉንጳ። ንጽሕ። ተኀብአ፡ ከመ፡ ይርከቦ። ኅምዘ። ከመ፡ ይምሲ፡ ዘያስዖዝዝ። ኀበ፡ ተነዝኃ። ሕምዝ፡ በእንተዝኬ።
ጐዩ፡ እም፡ ኃውዘ፡ ጣዕመ። ዝጊቱ፡ ዓለም፡ ዘያወረዙ። ለአበሰ፡ ከመ፡ ከመ፡ ይምሲይሰመይ፡ ጥሪት፡ ዓቢይ። ዘእሉድ።
ውስተ። መዝገበ፡ ቤቱ፡ ለልዑል። በከመ፡ ይቤ፡ ሰሎሞን፡ ጥሪት፡ ክቡር፡ ብእሲ፡ ንጹሕ።ወግብረ፡ ቅንዓትሂ፡ ወግብረ፡
ስሂን፡ ተብህለ። በእንተ፡ አፈዋተ። ኂሩቱ፡ ዘመዓዘ፡ ዕፍረተ፡ ርህራሄሁ። ውስተ፡ ኵሉ፡ አጽናፈ፡ /ዓለም/። በከመ፡
ይቤ፡ መጽሐፍ፡ እምአጽናፈ፡ ምድር፡
| ሰማዕነ፡ ዝክረ፡ ዜሃኑ፡ ለጽድቅ፡ ወነዋ። ያረወጾሙ። ለሕዝብ። ወለመኳንንት፡ ወለመሳፍንት፡
ወለዓበይት፡ መዓዘ። ዕፍረቱ፡ ዘኢይትመዝመዝ፡። እስከ፡ ይእዜ፡ [መጽዑ፡] ጥዕመ፡ ጹአጤሁ፡ በከመ፡ ይቤ፡ መጽሓፍ።
ለመዓዛ፡ ዕፍረትከ፡ ንረውጽ። ወዕፍረቱሰ፡ ለዝንቱ። ብእሲ፡ ብፁዕ፡ አኮ፡ ከመ፡ ዕፍረተ፡ ክነቱ፡ አሮን፡ ዘእምአፈዋተ፡
ጽጌሁ። ዘከርቤ፡ ወአበሚ፡ ወኢዘአምዓም። ወቀናንሞሰ፡ ወቅብአን። እምዘይት። አላ፡ ዕፍረቱኒ። እምአፈዋተ። ወንጌል፡
ወኢኮነ፡ እምዕፅ፡ ወማኅፈድ። ደብተራሁኒ፡ ኢኮነ። ከመ፡ ደብተራ፡ ሙሴ። እስመ፡ አር/አ/ያሃ፡ ወጽላሎታ፡ ይእቲ፡
ደብተራ፡ ሙሴ፡ ለእንተ፡ ትመጽእ። ሐዳስ፡ ደብተራ፡ እንተ፡ ይእቲ። ቤተ፡ ክርስቲያን፡ ወፈድፋደሰ። ዘተገብረ። በእደ።
ላሊበላ። ሕንጽ፡ ሕንጻ፡ ማኅፈድ፡ ቤተ፡ መርዓ፡ ዘበግዑ፡ ዘኢተገብረ። በኀበ፡ ካልኣን። በሐውርት፡ ወኢበአይቲኑ፡ እስከ፡
ይሬኢ። ፀሐይ፡ ወኵሎስ፡
| ግብረታቲሆን፡ ድኅረ፡ ንነግረክሙ፡ ዘከመ፡ እፎ። ግብረ፡ ኅንፃሆን፡ ወቀዲሙሰ፡ ንፈቅድ፡ ንነግረክሙ።
ግብሮ፡ ለሐናፂሆን። እፎ፡ ኮነ። ጥንቱ፡ ወእፎ፡ ኮነ፡ ተፍጻሜቱ። እምከመ፡ ሰአልናሁ፡ ለመጥበቤ፡ አብዳን። ከመ፡ ያርኁ፡
ለነ፡ አናቅጸ፡ ቃል፡ በከመ፡ ይቤ፡ ሐዋርያሁ። እመሰቦ፡ ዘኃጥኣ፡ ለጥበብ። ለይሰአል። ኀበ፡ ወሀቢ። እግዚአብሔር።
ዘይሁብ፡ ለኵሉ። በስፉሕ፡ ወይስአል። እንዘ። ይትአመን፡ ወኢይናፍቅ፡ ወይትወሀብ። ሎቱ። ወአንትሙሂ። ፍቁራንየ፡ ሕዝብ፡
ዘከመ፡ ከካህ፡ ዘይሰመዩ። እስራኤል፡ ሐዲሳን፡ እለ፡ ትሴሰዩ፡ እምመጥበሕት። መንክር፡ ዘኢየዓፂ፡ ገደላሁ፡ ዘኢኮነ፡
እምፍርሃት፡ ዘኢኮነ። ዕፄ፡ ወበአፍአ፡ እለ፡ በልዕዎ፡ ወእለ፡ ሰትዩ፡ ማየ፡ ሕይወት፡ እምኰኵሀ። ምሥጢር፡ ዘኢኮነ፡
እምኰክሀ፡ ኮሬብ፡ ዘኢመጽአ፡ ማዩ፡ ቅድስት። ማዕከለ፡ እግዚአብሔር፡ ወማዕከለ፡ ነቢዩ፡ ሰአሉ፡ ሊተ፡ ከመ፡ የሀበኒ፡
ልሳነ፡ ጥበብ፡ ከመ፡ አእምር።
| ዘእንበለ፡ ዘእነብብ፡ እስመ፡ አነ፡ ሕጸጸ፡ ልብ፡ ከመ፡ እስከ፡ ይእዜ፡ ኢገሠሥኩ፡ ማዕዘንተ።
ነገረ፡ ዜናሁ። ለዘ፡ እትናገር። በእንቲአሁ። እስመ፡ ነዋህ፡ ነገሩ፡ ወሌጐ፡ ክሥተት፡ ምሥጢሩ፡ ወባሕቱ። ወእነግረክሙ፡
በሐሳብ፡ ክህልኩ። እንዘ፡ እትአመን፡ በኃይለ፡ ጸሎቱ። ለዝንቱ፡ ብእሲ፡ ኮከበ፡ ክብር። ጽባሐዊ፡ ዘየሐይድ፡ ብርሃኑ፡
ዘእምብርሃነ፡ ካልኣን፡ ክዋክብት። እንዘ፡ አብ፡ ይረድእ፡ ለወጢን። በለብዎ። ወእንዘ፡ ወልድ፡ ያጸንዕ። ወያጸግዕ፡
በአስተሰናዕዎ። ወዘመንፈስ፡ ቅዱስ፡ ፍጻሜ። ኃይል፡ ቃል። ዘአስተዳለዎ፡ በሰመ፡ ዚአሁ፡ አሜን። ። አቀድም፡ አአኵቶ፡
ቶ፡ ለእግዚአብሔር፡ በእንተ፡ እግዚእነ፡ ኢየሱስ፡ ክርስቶስ። ዘውእቱ፡ ወልዱ፡ ወቃሉ። ለአብ፡ ዘበሕጽነ፡ አቡሁ፡ ሠረፀ፡
ፍሬሬ። ሕይወት። ዓቃቤ፡ ሥራይ፡ ዘወረደ። እምሰማያት። ከመ፡ ይደይ። ርጢኖ። ዲበ፡ እለ፡ ቈስሉ፡
| በንሰከተ፡ አርዌ፡ አስዋር፡ ወአልህምት፡ እምትቡዕ። ወአእኑስ፡ ፈኒዎ። መ[?]ፈሰ፡ ኀበ፡ ነቢያቲሁ፡
ዘያጌብሮሙ። ከመ፡ ይበልዎ፡ እግዚኦ፡ አጽንን፡ ሰማያት፡ ወረድ፡ አንሥእ፡ ኃያለከ፡ ወነአ፡ አድኅነነ፡ አምላከ፡ ኃያላን፡
ሚጢነ፡ ግሥሦሙ፡ ለአድባር፡ ወይጠይሱ፡ ምንትኑመ፡ ግሰቶሙ፡ ለአድባር፡ ወጢሳቶሙኒ። እምከመሰ፡ ጤሱ፡ ወይጠፍኡ፡
አድባርሰ፡ ይሰመዩ። ሰይጣን፡ ወአጋንንቲሁ፡ በእንተ፡ ልዕልና፡ ትዕቢቶሙ። እስመ፡ ቀዳሚሁ፡ ኮነ፡ ደብረ፡ ትዕቢት።
ፀኒሶ፡ በፃዕር፡ ዘወለደ፡ ኃጢአት፡ እማኅፀኑ፡ ዘምሉእ፡ /ሕምዘ፡ ዘይቀትል። ወይእቲ፡ ኀጢአቱ፡ ልኂቃ፡ ፍጡነ፡ ኮነቶ።
ቀኖተ፡ ለአዳም፡ ወለዘርኡ። ወበእንተ፡ ዝኩኒ፡ ለሐኰ፡ ሶበ፡ ርእየ፡ ልሕኵቶ፡ እንዘ፡ ይነብር፡ በአርዑተ፡ ቅኔሁ፡
ለሰይጣን፡ ዘወረደ። እንዘ፡ ኢየአርቅ፡ እመንበሩ፡ ዘሰማየ፡ ሰማያት፡ ኢያገምሮ፡
| ውስተ፡ ማኅፀነ፡ ብእሲት፡ ተገምረ፡ ተስአተ። አውርኃ፡ እንዘ፡ ኢያርሁ፡ አንቀጸ። ድንግልናሃ፡
ተወሊዶ፡ ዘደባትራ፡ ብርሃንናት። ይሴወር፡ በአጽርቅት፡ ተጠብሊሎ፡ ዘበጽሐ፡ አርያም፡ ያሰምክ። ውስተ፡ ጎል፡ ሰኪቦ፡
ዘኢበልዕ፡ ሥጋ፡ ላህም፡ ወኢይሲቲ፡ ደመ፡ ጠሊ። ከመ፡ ሕፃን፡ ሐሊበ፡ ጠቢዎ፡ ዘበክንፈ፡ ነፋስ፡ ይጸወር። በአብራክ፡
ተሐቂፎ፡ ዘብሉይ። መዋዕሊሁ። በበሕቅ፡ ልሒቆ። ዘይትለአክዎ። አእላፈ፡ አእላፋት። ከመ፡ ገብር፡ ተልኢኮ፡ ዘሐፀባ።
ለዓለም። በማየ፡ አይኅ፡ በዮርዳኖስ፡ ተጠሚቆ። ፵፡ መዓልተ፡ ወ፵፡ ሌሊት። በውስተ፡ ገዳም፡ ጸዊሞ። እምድኅረዝ፡ ርኂቦ፡
እምኀበ፡ ዲያብሎስ፡ ተመኪሮ፡ ወወንጌለ፡ መንግሥት፡ ምሂሮ፡ ድውያነ፡ ፈዊሶ። ዕውራን፡ ከሢቶ። ወመፃጐዓነ፡ አርትዖ፡
ሐንካሳን፡ አረዊፆ፡ ጽሙማነ፡ ፈቲሆ፡ ሕስፋነ፡ አዔርዮ። እለ፡ በምጽ፡
| ንጽሖ፡ ወበሐማነ፡ ከሢቶ፡ ዘደመና፡ ጸበለ፡ እገሪሁ። ምድረ፡ ከይዶ፡ ዘይጼዓን። ዲበ፡ ከሩቤል።
ዲበ፡ አድግ። ተጽኢኖ። ወኵሎ፡ ትሕትና። አርኢዮ፡ ወሕማተ፡ ሥጋ። ተወኪፎ። በየማነ፡ ገብር፡ ቀዊሞ። ከመ፡ ጊጉይ።
ተአሢሮ፡ በእደ፡ ገብር። ተጸፊዖ፡ በበትረ፡ ሕለት፡ ርእሶ፡ ተኰሪዖ። ወዲበ፡ መስቀል፡ ተሰቂሎ። ዲበ፡ አዕጋር፡
ወአእዳው፡ ተቀኒዎ፡ ወሐሞተ። ዘምስለ፡ ከርቤ፡ ቱሱሐ፡ ሰቲዮ። ወሰለጠ፡ መዊቶ። በአጽንኖ። ርእስ። ወገቦሁ፡ ተረጊዞ።
እምኔሁ። ውሕዙ፡ ክልኤ፡ አፍላገገ፡ ት። ወተገኒዞ፡ በሰንዶናት፡ ገርዜን። ወተቀቢሮ። በመቃብር፡ ወተአፂዎ። በዕብነ፡
መኅተም፡ አይሁድ፡ ወነቢሮ። ውስተ፡ ልበ፡ ምድር፡ ሰለስተ፡ መዋዕለ፡ ወሰለሥተ፡ ለያልይ፡ ወተንሢኦ፡ እሙታን። ዓርገ፡
ሰማያተ፡ ወሀሎ፡ ይነብር፡ በየማነ፡ ዕበዩ። ዘውእቱ። አብ፡ ወይትዋቀስ፡ በእንቲአነ።
| ወዘንተ፡ ኵሎ፡ ፈጺሞ፡ ኃደገ፡ ለነ፡ ማዕተቦ። ሰቲሮ፡ አሕባለ፡ መ[እ]ሣግር፡ ወአንደደ፡ እሳተ፡
አከ፡ ከመ፡ ያውኢ፡ አበሳ፡ ሥጋ፡ አላ፡ እሳት፡ ፍቁሩ። ውእቱ። ዘኢይትቈረብ፡ ለህበ። እለ፡ ያፈቅርዎ። በከመ፡ ይቤ፡
አበ። ኵሉ፡ ለሊሁ። ወሲሳየ፡ ኵሎ፡ ሥጋሁ፡ እሳተ፡ አውፃዕኩ፡ ለብሔር፡ ወእፈቅድ። ጾታ። ወሶበ፡ ነደት፡ ይእቲ፡ እሳት፡
ወመልዓ፡ ነበልባሉ። ውስተ፡ ኵሎሙ፡ ቅዱሳ/ኒ/ሁ። ወኅሩያ፡ ሁ። ወላቱ። ነዲዶሙ፡ አርአዩ። ፍድፋዴ። ፍቅር፡ ዘበግዑ።
በቃል፡ ወበምግባር። በቀሎሙሰ። ይቤሎ፡ ወበከመ፡ አነ፡ ውእቱ፡ ኮነ፡ ንሕነኒ፡ ውስተ፡ ዓለም፡ ዝንቱ፡ ዓለም።
በምግበሮሙኒ። ኵሎ፡ ፍኖታ፡ ወንጌል፡ በዛቲ። እሳት፡ ዋዕዮሙ። ሰማዕትኒ፡ አጥፍአ፡ እቶነ፡ እሳት፡ ዘአንደዶ፡ ኣላውያን።
እስመ፡ ትሂይል፡ እሳት፡ ፍቅር። ዘውስተ፡ ልቦሙ፡ ዘአንደደ፡ መንኅን። በዛቲ፡ አውአዮሙ፡ ጸድቃን። አጥፍዑ፡ እሳተ፡
ውርት፡
| ዘቁ?ር፡ ውስተ፡ ሥጋሆሙ፡ ወአጥረዩ፡ ንጽሐ። እስከ፡ ተሰምዩ። መላእክተ፡ እንዘ፡ ሀለው። በሥጋሆሙ።
ለብሱ። ጠባይአ። እሳት። ወኮነ፡ ከመ፡ ኪሩቤል። እለ። ፮፡ ክነፊሆሙ። እስመ፡ ፈጻምያነ። ቃለ፡ ወንጌል፡ ስድስቱ፡
ምስለ። ኵሉ። ፍድፋዲሆሙ፡ ወበእንተዝኬ። ኮኑ፡ ቢጸ፡ ሱራፌል፡ ወሰባሕያነ፡ ምስሌሆሙ። በዛቲ፡ እሳት፡ ውዕዮሙ። ደናግል፡
ኃደጉ፡ አውስቦ። ወኃፀው። ርእሶሙ፡ ለመንግሥተ፡ ሰማያት። በዛቲ፡ እሳት፡ ውዕዮሙ፡ መነኮሳት፡ ተናከርዋ። ለዝንቱ፡
ዓለም፡ ወለጣዕሙ፡ ወአልበስዎ፡ ሥጋሆሙ፡ በትምህርት፡ ወዔሉ። ገዳመ። እንዘ፡ ኢይፈርሁ። አጋንንተ፡ ወአናብስተ።
እምዋዕየ። እሳት፡ ወእምዋዕየ፡ ሌሊት። ወመሣግራን፡ ወመሣግርኒ፡ ዘሰተረ፡ አኮ፡ ብከ፡ አላ፡ ከመ፡ ይስሕብ፡
ይስሕ[ብ]ቦሙ፡ ቦቱ፡ ለእለ፡ መልዕልት፡ ለእለ፡ አሰገሮሙ። በከመ፡ ይቤ፡ ለሊሁ፡ እግዚእነ። እምከመ፡ ተለዓልኩ፡
| እምድር፡ እስሕብ፡ ኵሎ፡ ኃቤየ፡ በዝንቱ፡ ሐብል፡ ተሰጊሮሙ፡ ብዙኃን፡ እለ። መጽኡ፡ እምዓዘቅተ፡
ሕርትምና፡ ወእምጽቡር፡ አመዓም። ተበልሁ። በዝንቱ፡ ሐብል። ተሰጊሮሙ፡ መ[ግ]ሣግራነ፡ ዓሣ። ኃደጉ፡ መሣግሪሆሙ።
ወተለውዎ፡ ለአሥጋሬ። [አሣ]፡ ሰብእ። ይትመሐሩ፡ እምኔሁ፡ ንዒወ። ከመ፡ ይንዓው፡ እሙንቱሂ። አናብስተ፡ በየውሆ፡
ወአናምርተ። በአባግዑ። ኵሎ፡ ዘቦ፡ እከየ። መይጦ፡ ኀበ፡ ግዕዝ፡ ሠናይ። ወዝንቱኒ፡ ዕፀ፡ ገነት፡ ርጡብ፡ ዘስሙ።
ላሊበላ። በዘትረ፡ ቃሎሙ፡ ተሰቅዮ። ጸገየ፡ ምዑዘ፡ ወበሐብለ፡ ሀረጎሙ። ተእኅዘ፡ ፈረየ፡ ሐዋዘ። በከመ፡ ይትከሠት፡
ይእዜ፡ ፍሬ፡ ምግባሩ፡ ፈድፉደ። ሶበ፡ ነኃልፍ። ንስቲተ፡ ወፍሬሁሰ፡ አኮ። ዘአሐደ፡ ዕፀ፡ ገነት፡ አላ፡ ዘዘዚአሁ፡
ኅበሪሁ። ወዘዘዚአሁ፡ አርአያሁ። ዘዘዚአሁ፡ ወዘዘዚአሁ፡ አምሳሊሁ። በከመ፡ ይትዓወቅ።
| ዘገነታተ፡ ፍሬሁ፡ በበመዓዛሁ፡ ወበበ፡ አርአያሁ፡ ወበበኅበሪሁ። ፍሬ። ወይንኒ፡ ካልዕ። አርአያሁ፡
ወአጥላሊሁ። ወመዓ[ዘ]ዘሁ፡ ወአርሁ። ፍሬ፡ ሮማንኒ። ካልዕ። አርአያሁ። ወአምሳሊሁ፡ ወመዓዛሁ፡ ወፍሬ። [ወ]
መልጰጱንሂ። ካልዕ፡ አርአያሁ። ወአምሳሊሁ። ወፍሬ፡ ዕንጉታትሁ። ካልዕ፡ አርአያሆሙ፡ ወአምሳሊሁሙ። ወከማሁኬ። ዝንቱኒ፡
ብእሲ፡ አምላክ፡ አምላከ። ላሊበላ። እንዘ፡ ንጉሥ፡ ዘተመሰለ። ወአሊ፡ እንዘ። ወእግዚእ፡ ነባርያን። ዘተመሰለ፡ ነባሬ፡
እንዘ። እግዚእ፡ መኰንን፡ ዘተመሰለ። ተኰናኒ። አርአየ፡ ፍሬ፡ ሒሩታቲሁ፡ ፍሬ፡ ጾም፡ ምስለ፡ ፍሬ፡ ትእግስት፡ ፍሬ፡
ትሕትና። ዘምስለ፡ ፍሬ፡ ንዴት።ፍሬ፡ ጸሎት፡ ዘምስለ፡ ፍሬ፡ የውሀት፡ ፍሬ፡ ሰጊድ። ዘምስለ። ነጸፍጸፈ፡ ሀፍ። ትሜሰል።
ከመ፡ ሰማዕት። እስመ፡ ትትኤጸር፡ እምጠባይዕ፡ እንበለ፡ ምክያድ፡
| ወእንበለ፡ መጥባሕት፡ ፍሬ፡ ንጽሕ፡ ዘምስለ፡ ፍሬ፡ ገይሰ፡ ቤተክርስቲያን፡ ቅድስት። ፍሬ፡
ተቀብሎ፡ ነባድ፡ ዘምስለ። ምጽዋት። ፍሬ፡ ጽድቅ፡ ምስለ። ምስለ፡ ምሕረት። ፍሬ፡ ሰብሐት፡ ዘምስለ፡ ፍሬ፡ ገናይ።
ወአኰቲት። ፍሬ። አርምሞ። ዘምስለ፡ ኤለሚድ። ፍሬ፡ ዓቂበ፡ እጓለማውታ። ዘምስለ፡ ፍሬ፡ ረድእ። እቤራት። ፍሬ፡ ዓቂቢ፡
ኵሎን። መጻሕፍት። አጥረየ። ለላሊበላ። አስተጋቢኦ። እምቅዱሳን። ቀደምት፡ ሠናየ። እንተ፡ ውእቱ። ፍሬ፡ መንፈስ፡ ቅዱስ።
በከመ፡ ይቤ ጳውሎስ። ልሳነ፡ ዕፍረት። ወፍካሬሁሰ። ለመንፈስ፡ ቅዱስ። ዝውእቱ። ሃይመኖት። ሰላም፡ ትእግሥት። የውሀት፡
ኢዘምዎ። ፍቅር። እስመ፡ ፍቅርስ፡ [ኵ]፡ ርእሰ፡ ኵሎን። ውእቱ፡ ትእዛዛት። እስመ፡ ፍቅር። ኢያስተጌብር። እከየ፡
ፍቅር። ያስተኢግሥ። በኵሉ። ፍቅር፡ ያሥተፌሥሕ። በግፍዕ። ወፍቅር። ኢ/ያ/ስተማትዕ። ፍቅር፡ ኢይሂሊ፡ እከየ።
| ፍቅር፡ ኢየሐሥሥ፡ ተድላ፡ ባሕቲቱ፡ ፍቅር፡ ኢያስተአቢ። ዘንተኬ፡ ኵሎ፡ ዓቂቦ። ፍሬሁ፡
በበአግዋሪሁ፡ ዘምዑዝ። ፄናሁ፡ ዘጥዑም። ፍሬሁ። ዘተዘግበ፡ ውስተ፡ ሰማያት። ኀበ፡ ኢይረክቦ። ፃጼ፡ ወኢቁንቁኒ፡ ውስተ።
መዝግብተ፡ ጽድቆሙ። ለቅዱሳን። እሉ፡ እሙንቱ፡ ብርሃና፡ ኵሉ፡ ዓለም። ብፁዕኪ፡ ዘበልዓ፡ እምፍሬሁ። ለዝንቱ፡ ብእሲ።
ጻድቅ፡ ቀሲሞ፡ እምአስካለ፡ ጻማሁ፡ በተመስሎተ። ምግባራቲሁ። እስመ፡ ዘይትማሰሎ። በምግባር። ይሂሉ፡ ኀበ፡ ቦአ።
ይበውእ፡ ወኀበ፡ አስመከ። ወኀበ፡ ተጽሕፈ። ስሙ፡ ይጽሐፍ፡ ስሙ። ተምሳሊሁ። ወዘተሰርገወ፡ ስነ ይሰርገወ። ተላዌ፡
ፍኖቱ፡ ወዘተቀጸለ፡ አክሊለ። ምዝጋና፡ ይትቄጸል። ዘይትሜሰሎ። በገድል። ወናሁ፡ ውእቱሰ። ነሥአ፡ አክሊለ፡ ምዝጋናሁ፡
ዘኢየሐልፍ። ወወዘኢይጸመሒ፡ ዘተዘግበ፡ በሐሳበ፡
| ሕሊናሁ፡ ለአሰንዮ፡ ሕይወቶሙ። ዘኢተገብረ፡ በሐሳበ፡ ሐከሚሆሙ፡ ለጠጠቢባን። ወመአስቃን። እለ፡
ያሲንዩ። አኒመ፡ በሜለት፡ ወበኅብረ፡ ለይ። ወበሕብረ፡ ለይ፡ ወበኅብረ። ደርከኖ፡ ወዘአዝማር። ወዓዲ፡ ነሥአ፡ ክብረ፡
እምኀበ፡ እግዚአብሔር፡ ዘየአቢ። እምክብረ፡ ካልዓኒሁ። እስመ፡ ብዙኅ፡ ፆታ፡ ክብሮሙ። ለጻድቃን። በከመ፡ አርአየ፡
ጳውሎስ። ወነገረ፡ በምሳሌ። እንዘ፡ ንብል፡ ከልዕ፡ ክብሩ፡ ለፀሐይ። ወካልዕ፡ ክብሩ፡ ለወርኅ። ወካልዕ፡ ክብሮ፡
ለከዋክብት። ወኮከብ፡ እምኮከብ፡ ይኄይስ፡ ክብሩ። ወከማሁ፡ ልብሰቶሙ፡ ለቅዱሳን፡ በከመ፡ ኮከብኒ፡ ወከማሁ፡ ወርኅኒ።
በማዑጻፌ። ወለዝንቱስ፡ ምክሀ፡ ኵልነ። ላሊበላ። ልብስተ፡ ክብሩ፡ ኢኮነ፡ ከመ፡ ካልአን። ኢከመ፡ ፀሐይ፡ ወኢክዕበተ።
እስመ፡ [አላ፡] ፀሐይ፡ አላ፡ ምስብኢተ፡
| እምፀሐይ፡ ይበርህ፡ ስነ፡ አልባሲሁ፡ ዘተኣ/ን/መ፡ [ነ፡] በእደ፡ ኬንያ፡ ሕያው፡ ዘአልቦ፡
ዘይትማሰሎ፡ እምነ፡ ኪነት። ብፁእኬ፡ ዘረከበ፡ ምስለ። ላሊበላ፡ ወዘተአጽፈ፡ ልብስተ፡ ወዑጻፌሁ፡ ወዘኢተመሰሎ፡
በምግባሩ፡ ኢይነሥእ፡ ለክብሩ። ወዘሰ፡ ይፈቅድ፡ ይባእ፡ ኀበ፡ ቦአ። ላሊበላ፡ ይለበስ፡ ለጻማሁ። በከመ፡ ይቤ፡ ጳውሎስ።
ለእመ። አርየነ፡ ሕማመ፡ ንኤሪ፡ ንዔሪ፡ ክብረ። ወለእመ፡ ዓረይነ፡ መዊተ፡ ንዔሪ፡ ሕይወተ፡ ንዔሪ። ነግሠ። እስመ፡
እንበለ፡ ጸማ፡ ኢይትከሀል። ኢይበውዕዋ፡ ለመንግሥተ፡ ሰማያት። በከመ፡ ይቤ፡ ካዕበ፡ ጳውሎስ፡ በብዙኅ። ጻማ። ሀልወነ፡
ንባዕ። ውስተ፡ መንግሥተ፡ እግዚአ፡ ብሔር፡ ወዘሰ፡ ይብል፡ እረክብ። መክፈልተ። ውስተ፡ ርስቶ፡ ሙ፡ ለቅዱሳን። ዘኢለበሰ፡
| ጸማሁሙ፡ ለቅዱሳን፡ ወይዘለፎ፡ ቃለ፡ ነቢይ። ዘይቤ፡ ወይፈድደ፡ ለኵሉ፡። በከመ፡ ምግባሩ፡
ወለእለሰ፡ ቦሙ፡ ምግባሩ፡ ምግባረ፡ ጽድቅ፡ በሎሙ፡ ክብር፡ ሎሙ፡ ወሎሙ፡ ስ/ብ/ሐተ፡ ወሎሙ፡ ዕፀ፡ ሕይወት፡ ወሎሙ፡
መንበር፡ ድልው፡ በየማነ፡ በግዑ፡ በከመ፡ ይቤ፡ በአፈ፡ ላዕኩ፡ እጓላ፡ አንበሳ፡ ዘእምነገደ፡ ይሁዳ። ወለዘ፡ ሞአ፡
እሁቦ፡ መንበር፡ ምስሌየ፡ ውስተ፡ መንበርየ። በከመ፡ አነ፡ ሞ/ዕ/ኩ፡ ወነበርኩ። ውስተ፡ መንበሩ፡ ለአቡየ። ወይሰምዑ፡
ካዕበ፡ ቃለ፡ አስተብጽዖ፡ እም፡ አፈ፡ ነቢይ፡ ዘሰነቀወ። ወእንዘ፡ ይብል። ብፁዓን፡ እለ፡ ኦንጽሐን። በፍኖቶሙ፡ እለ፡
የሐውሩ፡ በሕገ፡ እግዚአብሔር፡ ብፁዓን፡ እለ፡ ያሕሱ፡ ስሞ፡ ወበኵሉ፡ ልቦሙ፡ የሕስዎ። ዝኬ፡ ውእቱ፡ ፍ[ፍ]ዳሆሙ፡
ለጻ[ቃ]ድቃን፡ ለእለ፡ ዓቀቡ፡ ሐጎ፡ /ለ/ልዑል። እንዘ፡ ይትሄየሉ።
| በገድል፡ ወለገባርያነ፡ እኪትስ፡ ሎሙ፡ ኃሠረ፡ ወሎሙ፡ ጽእለተ። ሎሙ፡ ዘርኪዮ፡ ሎሙ፡ ምናኔ።
እምኀበ፡ እግዚአብሔር። ወእምኀበ፡ ሰብእ፡ ወመላእክት፡ ወሎሙ፡ መርገም፡ ሎሙ፡ ረኃብ፡ ወሎሙ፡ ጽምዕ፡ ሎሙ፡ ደይን።
ሎሙ፡ እሳት፡ ርሱን፡ ሎሙ፡ ሲኦል፡ ወሎሙ፡ ገሐነም፡ ዝውእቱ፡ ሞት፡ ዳግም፡ ዘዘይመጽእ፡ ዓም። ወይሰምዑ፡ ካዕበ፡ ቃለ፡
መደንግፀ፡ መፍርህ፡ ወረዓድ፡ እምአፈ፡ መድኅን፡ ዘይብል፡ ሑሩ፡ እምኔየ፡ ርጉማን። ውስተ፡ እሳት። ዘለዓለም። ዘድል፡
ለሰይጣን፡ ወለመላእክቲሁ። እስመ፡ ርኅብክሙ፡ ኢያብላዕክሙኒ። ጸማዕኩ። ኢያስተ/ይ/ክሙኒ። ነግደ፡ ኮንኩ፡
ወኢተወከፍክሙኒ። አረቁ። ወኢያሪበስክሙኒ፡ ደወይኩ፡ ኢሐወፅክሙኒ። ተሞቃሕኩ። ወኢመጻእክሙ። ኀቤየ፡ ወኢነበብክሙኒ።
ዝውእቱ፡ አሐዱ፡ አፈ፡ ሰይፍ፡ እምክልኤቱ፡ ዘይቤ፡
| ዮሐንስ፡ አቡቀለምሲስ፡ ወይወጽእ። እምአፉሁ፡ ሰይፍ፡ ዘክልኤ፡ በሊሕ፡ ዘክልኤ፡ አፉሁ። ዝውእቱ፡
ዘይበትክ፡ ቃሎሙ። ለእልዋን። ለእለ። አግብዑ። ቃለ። እንዘ፡ ይብሉ፡ እግዚኦ፡ ማዕዜኑ። ርኢናከ፡ ርሁበከ፡ ወጽሙዓከ።
ኢያብላዕናከ፡ ወኢያስተይናከ። ማዕዜኑ፡ ርኢናከ፡ ነግደ። ወተወከፍናከ፡ ወኢያኅደርናከ፡ ዕሩቀከ፡ ወኢያልበስናከ። ድውየከ፡
ዘኢሐወጽናከ። ወተመቂሐከ። ኢመጻእነ። ኀቤከ። ወኢነበብናከ፡ ወያወሥኦሙሙ። ዝኩ፡ ቃል፡ ሰይፍ፡ እንዘ፡ ይበትክ፡ ቃሎሙ።
ወይቢሎሙ፡ አማን። እብለክሙ። ኵሎ፡ ዘኢገበርክሙ። ለአሐዱ፡ እምእሉ፡ ንዑስን፡ አኃውየ፡ እለ፡ የአምኑነ። ብየ፡ ሊተ፡
ኢገበርክሙ። ወእምዝ፡ አልቦ። ዘያውሥኡ። እስመ፡ ይትበተክ። ቃሎሙ፡ በሰይፈ፡ ቃሉ፡ ለልዑል። ወይትፈጸም። አፉሆሙ፡
በከመ፡ ይቤ፡ በነቢይ። እስመ፡
| ይትፈጸም፡ አፍ፡ ዘይነብብ፡ ዓመፃ፡ ወባሕቱ፡ የሐሩ። ውስተ፡ ኩነኔ፡ መቅሠፍት። ዘለዓለም።
ተአሢሮመ፡ በስድስቱ፡ አሕባል፡ ቃለ፡ ወንጊል። ወያንጐረጉሩ፡ ውስተ፡ ግበ፡ ሲኦል። ወበህየ፡ ይዘረው። አዕፅምቲሆሙ።
ምስለ፡ ሲኦል፡ ካዕበ፡ ይትመጠውዎሙ፡ ገሃነም፡ ወህየ፡ ቤቶሙ። እስከ፡ ለዓለም። ዝኬ። ፍዳሆሙ፡ ለገበርተ፡ ዓመፃ።
ወካልዑሂ። አፈ፡ ሰይፍ፡ ዘይወስድ፡ ሕይወተ፡ ዝውእቱ፡ ዘይቤሎሙ፡ ለጻድቃኒሁ፡ ወልደ፡ እግዚአብሔር፡ ንዑ። ኀቤየ፡
ቡሩካኑ፡ ቡሩካኒሁ፡ ለአቡየ፡ ትረሱ፡ መንግሥተ፡ ሰማያት። ዘአስተዳለውኩ፡ ለክሙ፡ እምቅድመ፡ ይትፈጠር፡ ዓለም። እስመ፡
ርኅብኩ፡ አብላ[?]እክሙኒ፡ ጸማዕኩ፡ አስተይክሙኒ፡ ነግዳ፡ ኮንኩ፡ ተፈክፍክሙኒ። አረቁ፡ አልበስክሙኒ፡ ደወይኩ፡
ሐወጽክሙኒ፡ ተሞቃሕኩ፡ ወመጻዕክሙ። ኀቤየ፡ ወነበብክሙኒ። ወእምዝ፡ አሜሃ፡ ያውሥእዎ፡ ጻድቃን፡ ወይቤልዎ፡ እግዚኦ፡
ማዕዜኑ፡
| ርኢናከ፡ ርሁበከ፡ አብላዕናከ፡ ጽሙአከ፡ ወአስተይና። ወማዕዜ፡ ርኢከ። ነግደከ። ወተወከፍናከ።
ወአኅደርናከ። ዕሩቀከ፡ ወድውየከ። ወሙቁሐከ። ተልእክናከ [ወተ]። ወያወሥኦሙ። ዝኩ፡ ሰይፈ። ቃለ። ማኅየዊ። ወይቤሎሙ፡
አማን፡ እብለክሙ። ኵሎ፡ ዘንዑሳን፡ አኃውየ። እለ፡ ይ፡ የአምኑ። ብየ፡ ሊተ፡ ገበርክሙ፡ ወየሐሩ። እሉሂ፡ ተሥሒቦሙ፡
በስድስቱ። አሕባለ፡ ቃላተ፡ ወንጌል። ውስተ፡ መንግሥተ፡ ሰማያት፡ ወይበውዑ፡ ኀበ፡ ሀለወ፡ እግዚአብሔር፡ ምስለ፡
መንፈስ። ወዝንቱሂ፡ ገብረ፡ መስቀል። አሐዱ፡ ውእቱ፡ እምኔሆሙ። እምእለ፡ ቦኡ፡ ውስተ፡ ኢየሩሳሌም፡ ሰማያዊት።
አግዓዚት፡ ብሔረ፡ ብርሃን። ዘኢየኃልፍ፡ እንተ፡ ውስቲታ፡ ቆላፍ። ዘኢተገዝረ፡ ቈልፈተ፡ ልቡ፡ በመጥባሐተ፡
| ሃ/ይ/ማኖት፡ ወአኮ፡ ቁልፈተ፡ ነፍሱ፡ ነፍስቱ። በመጥባሕት። ሥጋዊት። ወሀገርሰ። ኀበ፡ ቦአ።
ላሊበላ። ኢትፈቅድ። ከመ፡ ያብርህ። ላቲ፡ ብርሃነ፡ ፀሐይ። ወወርኅ፡ ወኢከዋክብት። ብሩሃን፡ እስመ፡ ብርሃነ፡
እግዚአብሔር። ያበርህ፡ ላቲ፡ ብርሃን፡ ብርሃነ፡ በግዑ። ውስቴታ። ሐደረ። ምስለ፡ አብያጺሑ። ብርሃናውያን። በርሃ፡ ልቡ፡
በፀላ፡ መንፈስ፡ ቅዱስ። ወበቃለ፡ መጻሕፍት። በከመ፡ ተብህለ፡ ፌ፡ መንክር። ስምዕከ፡ በእንተዝ። ኃሠሠቶ። ነፍስየ።
ነባረ፡ ቃልከ። ያበርህ፡ [ሕፃ]፡ ወያጠብብ፡ ሕፃናተ። ወዓዲ፡ ይቤ፡ ኖን፡ ማኅቶት፡ ለእግርየ። ሕግከ። ብርሃን፡
ለፍኖትየ። ወከዕበ፡ ይቤ። ሕጉ፡ ለእግዚአብሔር፡ ንጹሕ፡ ወይመይጣ፡ ለነፍስ። ስምዑ፡ ለእግዚአብሔር፡ እሙን፡ ወርቁዕ፡
ወያሥተፌሥሕ፡ ልበ፡ ትእዛዙ፡ ለእግዚአብሔር። ብሩህ፡
| ወያበርህ፡ አዕይንተ። ፈሪሃ፡ እግዚአብሔር፡ ንጹሕ። ወየሐዩ፡ ለዓለም። ፍትሑ፡ ለእግዚአብሔር።
ጽድቅ፡ ወርትዕ፡ ኅቡረ። ወይትፈትው፡ እምወርቅ፡ ወእምዕንቁ፡ ክቡር። ወይጥዕም፡ እመዓር፡ ወሦከር፡ ወገብርከሰ፡ የዓቅቦ።
በአማንኬ፡ ዓቀበ፡ ሕገ፡ ብሉየ፡ ሐዲሰ፡ ወጥኢሞ፡ ቃለ፡ እግዚአብሔር፡ ውስተ፡ አፉሁ። እመዓር፡ ወሦከር። በከመ፡
ተብህለ፡ በነቢይ፡ ጥዑም፡ ለጉርዒየ፡ ነበብከ፡ እመዓር። ወሦከር። ጥዕመኒ፡ ለአፉየ፡ ወእምትእዛዝከ፡ ለበውኩ። በእንተዝ፡
አፍቀርኩ። ትእዛዝከ። ወእምወርቅ፡ ወእምጳዝዮን። ወበእንተዝ፡ አርታዕኩ፡ ኀበ፡ ኵሉ፡ ትእዛዝከ። ኵሎ፡ ፍኖተ፡ ዓመፃ፡
ጸላእኩ። በአማንኬ፡ ጸልአ፡ ኵሎ፡ ዓመፃ። ወእስመ፡ ፍኖተ፡ ጽልመት፡ ውእቱ፡ ፀሩ፡ ለብርሃን፡ ወዘገብረ፡ ኪያሁ፡
| ኢይወጽእ፡ ኀበ፡ ብርሃን፡ በከመ፡ ይቤ፡ ዮሐንስ። ወልደ፡ ነጐድጓድ። ወዘሰ። እኩይ፡ ምግባሩ።
ኢይመ/ጽ/እ፡ ኀበ። ብርሃን። ከመ፡ ኢይትከሠቶ፡ ምግባሩ። ወዘሰ፡ ጽድቅ፡ ምግባሩ። ወይገብር፡ ይመጽእ፡ ኀበ፡ ብርሃን።
ከመ፡ ያስተርኢ፡ ምግባሮ። እስመ፡ በእንተ፡ ገብረ። ወበእንተዝ፡ ሖረ፡ በፍኖተ፡ ብርሃን። ከመ፡ ይትመሰሎ፡ ለብርሃን።
ዝውእቱ፡ እግዚእነ፡ ኢየሱስ፡ ክርስቶስ። ተሰ[ብ]ሒቦ፡ በሐብለ፡ ቃሉ። ይቤ፡ ተመስሉ፡ ኪያየ። እስመ፡ ያረውፆ፡ ካዕበ፡
ቃለ፡ ሐዋርያ። ዘይቤ። ተመሰሎ፡ ኪያየ። በከመ፡ አነ፡ እትሜሰሎ፡ ለክርስቶስ። ዮሐንስኒ፡ ወዓዲ፡ ይቤ። ወዘሰ፡ ይብል፡
ውስተ፡ ብርሃ፡ ሀለውኩ። መፍትው፡ ይሑር፡ ዝክቱኒ፡ በእላንቱኬ፡ አሕባል፡ አኅባለ፡ ቃል፡ ተሥሒቦ። ወራግናቶሂ። እንዘ፡
ይሄድፍ፡ በመቃፈደ። ሃይማኖት፡ ኢየኃይሎ፡ ነፋሰ፡
| ዓውሎ፡ ዘኃጢአት፡ አንሶሰወ፡ ውስተ፡ ባሕረ፡ ዓለም። እንዘ፡ ኢይለክፎ፡ ማየ፡ ወአዕጋሪሁኒ፡ ጥቀ።
ኢያርሖሰ። በከመ፡ ይቤ፡ አሐዱ፡ እምነ፡ ብርሃናተ። ዓለም። እንዘ፡ ይነግር። በእንተ። ኵሎሙ። በእንተ፡ ርሱን፡ በእንተ።
ርእሱኒ፡ ወበእንተ። ካልዑኒ። እስመቦ። እለ፡ ይትኃዘቡኒ። ከመ፡ በሥጋነ፡ ነሐውር። በሥጋነሰ፡ ነሐውር፡ አኮ። ሕገ፡
ዚአሁ፡ ዘንገብር። እስመ፡ ንዋየ፡ ሐቅሉ፡ ለፀብእነ፡ ኢኮነ። በሥጋ፡ በሕገ፡ ሥጋ፡ አላ፡ በኃይለ፡ መንፈስ፡ ቅዱስ።
ውእቱ፡ ይነሥት። ወዘያንህል፡ ኵሎ፡ አጽዋናተ። በኃይለ፡ መንፈሱ፡ አንሂሎ። ኵሎ፡ አጽዋናተ፡ ዘኃጢአት፡ ምጽሐያት፡
ርቱዓ። በዘጺሑ፡ ሎቱ። ነቢያት፡ ወሐዋርያት። እንዘ፡ ይትመየጥ። ኢለየማን። ወኢለፀጋም። በከመ፡ ይቤ፡ ወንጌላዊ።
| a ጺሑአ፡ ፍኖቶ፡ ለእግዚአብሔር፡ ወአረዩ። መጽያህቶ። ኵሎ፡ ማዕምቅ፡ ይምላዕ። ወኵሎ፡ ወግር።
ወደብር። ይቲሐት። ወይከውን። መብዕስ፡ መጽያሕተ። ርቱዓ፡ ወየዓሪ፡ ፍኖተ። መብዕስ፡ ወይርአይ። ኵሎ፡ ዘነፍስ።
አድኅኖቶ። ለእግዚአብሔር። ወዘንተ፡ ኵሎ፡ ሰሚዖ። እምቃለ፡ መብህል። ንዋየ፡ ሐቅሉ። እስመ፡ ቦቱ፡ ይትዌከል፡ ይትዌለጥ።
ግዕዘ፡ መዋቲ። ኀበ፡ ግዕዘ፡ መልእክት። ወዝንቱሰ፡ ብእሲ፡ ፀሐይ፡ ፀይሐየ፡ ጽድቅ፡ ብሩህ፡ ረከበ። ዘንተ። ኵሎ፡
ኅብታተ። እንዘ፡ ሀሎ። በሥጋሁ፡ ኮነ፡ ከመ፡ ዘኢለብሰ፡ ሥጋ፡ ወኮነ፡ ሀገሪተ፡ ምስለ፡ ሱራፌል። ወእኅወ፡ ለኪሩቤል።
ወቢረሌ፡ ለቅብዓ፡ መንፈስ። እስመ፡ ኵለንታሁ፡ ኮነ፡ ሕንጻ። እሳት፡ ዝውእቱ፡ ምብያተ። ጰራቅሊጦስ፡ እስመ። ተሐፅነ፡
በክልኤቱ፡ አጥባቲሃ።
| ለመርዓት፡ እሉ፡ እሙንቱ፡ ሐሊበ፡ ወመዓረ፡ ሐጸነቶ። መርዓተ፡ ንጉሥ። ሰማያዊ። እስመ፡ አእመረት።
ከመ፡ ይከውና፡ ወልደ፡ ወምክሀ። ዘይትመካህ፡ በፍናዊሃ። ወበሐሢሠ፡ ሕገጊሃ። በከመ፡ ትቤ፡ እስመ፡ ሳሙኤል፡ ወዘሰ፡
ይትሜካህ። በአእምሮ፡ ወበለብዎ፡ እግዚአብሔር። በገቢረ። ፍትሕ፡ ወጽድቅ፡ በማዕከለ፡ ምድር። ወላሊበላኒ። አፍቀረ፡
አጥባቲሃ። ለዘሐፀነቶ። እስመ፡ ይጥዕም። አጥባቲሃ፡ እምወይን። ወአፈዋቲሃኒ። ይምዕዝ። እፍረታት። በከመ፡ ይቤ፡ ሰሎሞን፡
በማኅልይ። በውስተ፡ ማኅልይ፡ አዳም፡ አጥባትኪ። እምወይን፡ ወመዓዛ። ዕፍረትኪ፡ እምኵሉ። አፈው፡ በመዓዛ፡ ዕፍረታቲሃ፡
ተስሂቦ፡ አንሶሰወ። ውስተ፡ መርኅበ፡ ወኢፈቀደ። ይፃእ፡ እምውሳጠቲሃ። እስመ፡ ፈድፋደ፡ ሀለወ፡ ምስሌሃ፡
| በከመ፡ ይቤ፡ ነቢይ፡ እግትዋ፡ ለጽዮን፡ ወሕቀፍዋ፡ ወተነባሩ፡ በውስተ፡ ማኅፈዲሃ፡ ደዩ፡ ልበክሙ፡
ውስተ፡ ኃይላ፡ ወትትካፈልዋ፡ ለክበዲሃ። በአማንኬ። ተካፈለ፡ ክበዲሃ፡ ለጽዮን። እንተ፡ ይእቲ፡ ቤተ፡ ክርስቲያን።
ወክበዲሃ። ምሥጢራተ፡ መለኮት። ውእቱ፡ ወላሊበላኒ። ተወክፈ፡ ተካፈለ፡ ም/ስ/ጢራተ፡ ቅድሳተ፡ ዘይትቀነደ፡ ዘይትቀዳኅ፡
በውስቴታ፡ አስራበ፡ ሕይወት። ክዊኖ፡ ተከለ፡ ውስተ፡ ዓፀድ፡ ከመ፡ ዕፀ፡ ዘይት። ስሙር፡ ዘኢየአብር፡ ፍሬሁ።
ወኢይጸመሂ፡ ቈጽሉ። ወኢይየብስ፡ ጕንዱ። ወኢይጸንን። አ/ዕ/ጹቂሁ፡ ወኢይበኅብኋ። ሥረዊሁ። እስመ፡ ማየ፡ ሕይወት፡
ይሰቀዮ፡ እምነ፡ አርባዕቱ፡ አፍላገ። ሕይወት። ወኮነ፡ ሙካፈ፡ በዘትረ። ወንጌል፡ ዝውእቱ፡ ፈልፈለ፡ ሣህል። ዘነቅዓ፡
እም፡ አፉሁ፡ ለእግዚእነ፡ ወአምላክነ፡ ወመድኃኒነ፡
| ወፈራቂነ፡ ኢየሱስ፡ ክርስቶስ፡ በዝንቱኬ። ጠለ፡ ኮነ። ከመ፡ ገነት። ርውይት። ወከመ፡ ዓዘቅት፡
ዘኢይነጽፍ፡ ማየ። በከመ፡ ይቤ፡ ኤርምያስ። ቡሩክ። ብእሲ። ዘይትዌከል፡ በእግዚአብሔር፡ ተስፋሁ። ወይከውን። ከመ፡ አመ፡
ዘጸረፈ፡ ዘጽፉቅ፡ ለአእጽቂሁ። ወይከውን፡ ቈጽለ፡ አዕጽቂሁ፡ ወኢይፈርህ። ሶበ፡ ይመጽእ፡ ሐሩር። ወኢይትነገፍ። ፈረየ፡
ዕመቀ፡ ልቡ። ጥዩቀኬ፡ ተፈጸመ። ዝንቱ። ቃል፡ በላዕለ። ላሊበላ። ብፁዕ። ቀትረ፡ መንግሥት፡ ዘአልቦ። ጽልመት። ውስቴቱ።
እስመ፡ ያበርህ። ማኅቶተ፡ መንፈስ፡ ቅዱስ። ውስተ፡ ልቡ። እስመ፡ ኮነ፡ አሞደ፡ ለኵሉ። ምግባራተ፡ ሠናይ፡ ዘተብህለ፡
ዘገብሮ፡ የሐዩ። እስከ፡ ለዓለም። ወኮነ። ለቤተ፡ ከርስቲያንሂ። ከመ፡ ብንተ፡ ዓይን። እንዘ፡ ያስተሐይጽ፡ ዘልፈ፡
ግብሮ፡ ግብረ፡
| ሥርዓታቲሃ። እመቦ፡ ዘቦ፡ ውስቴታ፡ ተስናነ። እምሥርዓተ፡ ምሥጢራቲሃ። ከመ፡ ያተሐምም፡ ላቲ፡
[እስመ፡] እስመ። ወልድ፡ ውእቱ፡ ዘወለደቶ፡ እመርዓዊ፡ ሰማያዊ፡ ወረከብኩ። ወሩካቤሃ፡ እምሰሚዓ። ወንጌል። ወበእንተዝ፡
ኮነ። ላሊበላ። መስተ፡ ገብረ፡ ለአሥተናሲኦታ። በከመ፡ ይቤ፡ ነቢይ። በመዝሙር፡ ህየንተ፡ አበውኪ፡ ተወልዱ፡ ለኪ።
ደቂቅ፡ ወአበዊሃሰ። ነቢያት፡ እሙንቱ፡ ወደቂቀ፡ አበዊሃኒ። ሐዋርያትኒ። ወወልደ፡ ሐዋርያትኒ። ላሊበላ። በከመ፡ ይሰምዕ፡
ወልድ፡ ትእዛዘዘ። አቡሁ። ከማሁ፡ ሰምዓ፡ ትእዛዞሙ። ወኢነተገ፡ እምቃለ፡ ምዕድናሆሙ። በከመ፡ እሙንቱ። ሐዋርያት።
ኮንዋ፡ ለቤተ፡ ክርስቲያን። ኀፁረ፡ ወጥቅመ። ከማሁ። ላሊበላ። እስመ፡ ወልደ፡ ሐዋርያት። ውእቱ፡ ወዓቃቤ። ትእዛዞሙ፡
ወተላዌ፡ አሰሮሙ። እስመ፡
| ኢኃደገ፡ ሥርዓቶሙ፡ ወገብረ፡ ሥምረቶሙ። በከመ፡ ይቤ። መክብብ። እስመ፡ ኢ/የ/ኃደግ። ወልድ፡
ግብረ፡ አቡሁ። አማንኬ፡ ኢኃደገ፡ ወልደ፡ አሠሮ። ለክስስቶስ። ለዘወለደ፡ እምከርሠ፡ ጥምቀት። ወግብሮሙኒ፡ ለሐዋርያቲሁ፡
ሐሙ፡ በከመ፡ ሐሙ፡ እሙንቱ፡ ሐሙ። በእንተ፡ ፍቅሩ፡ ለእግዚኦሙ። እንዘ፡ ይብሉ፡ አልቦ፡ ዘያኃድግነ። ፍቅሮ፡
ለክርስቶስ። ወኢሞት፡ ወኢሕይወት። ወኢእሳት። ወኢመጥባሕት። ወኢኳናት። ወኢረኃብ። ወኢጽምዕ። ኢጸድፍ። ወኢጸግሞ፡ ልደት፡
ወላሊበላኒ። ተላዌ፡ አሠሮሙ፡ ኢፈርሃ። ኢሞተ፡ ወኢእሳተ። ወኢመጥባሕተ፡ ኢረኃበ። ወኢጽምዓ። ኢቍረ። ወኢዕርቃነ።
ኢድካመ፡ መ፡ ወኢሀፈ። ወበእንተዝ፡ ኮነ፡ ላሊባላ፡ ጽዋዓ፡ ለመርዓ፡ በግዑ፡ ኀበ፡ ተደለዎ፡ ማዕ[ፈ]ደ። ሕይወት።
ወኀበ፡ ተቀድሐ፡ ጽዋዓ፡ መድኃኒት፡
| ኀበ፡ ሀለው፡ ነቢያት፡ ወሐዋርያት፡ እስመ። ለነቢያትኒ። መፍቀሬ፡ ትንቢቶሙ። ውእቱ፡
ወለሐዋርያትኒ። ተላዊ፡ አሠሮሙ። ወበእንተዝ፡ ደለዎ። ከመ፡ ይረከብ። መክፈልተ፡ ወርስተ። ውስተ፡ በአቶሙ። በከመ፡
እሙንቱኒ፡ አሥመርዎ፡ ለእግዚኦሙ። እስመ፡ ኮነ፡ ሙዳየ፡ ለቃሎሙ፡ ወመዝገበ፡ ለበረከቶሙ፡ ወለጸጋ፡ ለረድኤቶሙ። ሚመጠነ፡
ይደልዎ። ውዳሴ። ለዘከመዝ። ብእሲ፡ ለዘ፡ ኢያንተገ። እምነቢያት። ወኢሐፀ፡ እምሐዋርያት። ኃይለ። ትንቢቶሙ፡ ለነቢያት።
ኃደረ፡ ውስቴቱ፡ ወመንፈስ፡ ቅዱስ፡ ረድኤቶሙ፡ ለሐዋርያት። ኢርሕቀ። እምኔሁ። አስተ፡ ረድኤቶሙ። ለጻድቃን። ኢሰለለ።
እምኔሁ፡ ወጸጋ። መዊዖ፡ ቶሙ፡ ለሰማዕት፡ ኢበጠለ። እምኔሁ። ወንጽሖሙኒ። ለመዕመናን፡ ኢዓርቀት። እመሥጋሆሙ፡ ወኀብተ፡
ትጋሆሙኒ፡ ለመላእክት፡
| ሀለወት፡ ምስሌሁ፡ ወበረከተ፡ ኵሎሙ፡ ኅሩያነ። አምላክ፡ አዕረፈ። ውስተ፡ ጽማሁ፡ ምግበራቲሁ።
ፈድፈድት፡ እስመ፡ አደረቶ። ጻማ። ምግባራቲሁ፡ ፈድፈደት። ምስለ። እሉ ኵሎሙ። ነቢያት፡ ውእቱ። እስመ፡ የአምር።
እምቅድመ፡ ይኩን፡ ዘሀሎ፡ ይኩን። ሐዋርያነ። ውእቱ። ኮነ፡ ሎሙ፡ እስመ፡ ሰባኬ፡ ውእቱ፡ ኮነ፡ ሎሙ። ለእለ፡ ኢየአምር።
ስብከተ፡ መድኃኒት። ወመሐሮሙ። አሚነ፡ ሥላሴ። ወአብኦሙ። ዓቢየ። ክርስቲያን። ለብዙኀን፡ አረማውያን። ወአጥመቆሙ።
በስመ፡ አብ፡ ወወልድ፡ ወመንፈስ፡ ቅዱስ። በከመ፡ ይቤ፡ መድኃኒነ፡ በወንጌል። ሑሩ፡ ወመሐሩ፡ በስምየ። እንዘ፡
ታጠምቅዎሙ። በሉ፡ በስመ፡ አብ፡ ወወልድ፡ ወመንፈስ፡ ቅዱስ። ወላሊበላሂ። ገብረ። ከመዝ፡ ከመ፡ ኢይኩን፡ ንቱገ፡
| ፪ እምሐዋርያት፡ ወአእመሮሙ፡ ለዕልዋን፡ ወበእንተዝ፡ ተሰምየ፡ ሐዋርያ። ጻድቅኒ። ውእቱ፡ እስመ፡
በበትረ፡ ጽሙና። ኵኑን፡ አባለ፡ ሥጋሁ። ሰማዕትኒ፡ ውእቱ፡ እስመ፡ ነበረ። እንዘ፡ ይትኳነን፡ በተቀስፎ፡ ወእንዘ፡
ይሰደድ። እምሐገር። ውስተ፡ ሀገር፡ በግፍዕ። ዘአልቦ፡ አበሰ። ወበእንተዝ፡ ይደልዎ፡ ክፍለ። ይረክብ፡ ውዳሴ፡ ምስሌሆሙ፡
እስመ፡ በኀበ፡ ኵሉ፡ ተሰምዓ። ዜናሁ፡ ወኢየኃልቅ፡ ዝክረ፡ ውዳሴሁ። እስከ፡ ይእዜ፡ ወእስከ፡ ለዓለም። እምአፈ። እድ፡
ወአንስት፡ እምአፈ፡ አዕሩግ፡ ወሕፃናት። እምአፈ፡ ደናግል፡ ወመነኮሳት፡ እምአፈ፡ እቤራት፡ ወእጓለ፡ ማውታ፡ ወመበለታት።
እምአፈ፡ መሳፍንት፡ ወመኳንንት። እምአፈ፡ ሊቃናት፡ ወመሐዛት። እስመ፡ መንክር፡ ዘተገብረ፡ በእደዊሁ፡ በዘተከሥተ፡
በመዋዕሊሁ፡ መድፍን፡ ኅቡዕ፡ እስመ፡ ኮነ፡ ፍሥሐ፡ ለኵሉ። ለንዑስ። ወለዓቢይኒ፡ ለልሂቅኒ፡ ወለደቂቅኒ። ለእቤራትኒ፡
ወለእጓለ፡ ማውታ። ለአብእልትኒ፡
| ወለነዳይኒ። ድኅርዎ፡ ዓበይት፡ እስመ፡ ውእቱ፡ አዕበዮሙ። ድኅርዎ፡ አዕሩግ፡ እስመ፡ ውእቱ፡ ሰቀ፡
ርእስ፡ ናሆሙ። ኅድርዎ፡ ሕፃናት። እስመ፡ ውእቱ። አልሐቆሙ። ድኅርዎ፡ እጓለ፡ ማውታ፡ እስመ፡ ውእቱ፡ ሐፀኖሙ፡
ወናዘዞሙ። ወአንገፈ፡ ላሐሆሙ። እስከ፡ ረስዑ፡ ድክትምናሆሙ። ደኃሪሁ፡ እቤራት፡ እስመ፡ ከልአ፡ ተጽናዕሙ፡ ወናዘዘሙ፡
እምሐዘኖሙ። በከመ፡ ይቤ፡ ነቢይ፡ ፍትሑ፡ ለነዳይ፡ ወለእጓለ፡ ማውታ። ወአጽኅኑ፡ ግፉአ፡ ወምስኪነ፡ ወአድኅኑ፡ ባሕታዊ፡
ወጽኑስ፡ ወአንግፍዎሙ፡ እም፡ እደ፡ ኃጥአን፡ ወላሊበላኒ። ኢያኅፀጸ፡ እምእላንቱ፡ ቃላት፡ ወዓዲ፡ ክዕበተ፡ ገብረ፡
ደኃርዎ። አብዕልት። እስመ፡ ውእቱ፡ አብዓሎሙ። ወአልቦ፡ ዘተአገሎ፡ ዘእንበለ፡ ዘወሀቦሙ፡ አልቦ። ዘነሥአ፡ እምኔሆሙ፡
ደኃርዎ፡ ነዳያን። እስመ፡ ውእቱ፡ ኮኖሙ፡ ምስካየ፡ ወረድኦሙ፡ በኵሉ፡ ትካዞሙ። ለቢዎ፡ ዘይቤ፡ ብፁዕ፡ ዘይሊቡ፡
| ላዕለ፡ ነዳይ፡ ወምስኪን። እም፡ እሰት፡ ዕለት፡ እኪት፡ ያድኅኖ፡ እግዚአብሔር፡ እግዚአብሔር፡
የዓቅቦ። ወየሐይዎ፡ ወያበጽዖ፡ ዲበ፡ ምድር። ወኢያገብዖ፡ ውስተ፡ እደ፡ ጸላኢሁ፡ እግዚአብሔር፡ ይረድአ፡ ውስተ፡ ሕማሙ።
ወይመይጥ፡ ሎቱ፡ ኵሎ፡ ምሳካቢሁ፡ እምደዌሁ። ደኀርዎ። ዕሩቃን። እስመ፡ ውእቱ፡ ከደነ፡ ዕርቃኖሙ። ደኃርዎ፡ ርኁባን።
እስመ፡ ውእቱ፡ ሴሳዮሙ፡ በከመ፡ ይቤ፡ ኢሳይስ፡ ነቢይ። አብዕ፡ ነዳየ። ውስተ፡ ቤቱ። ውስተ፡ ቤትከ። ወአድኅኖ፡
ጽላሎትከ፡ ወአጽግብ፡ ርኁበከ፡ እምእክልከ፡ ዘንተ፡ እምከመ፡ ገበርከ። እግዚአብሔር፡ ይሂሉ፡ ምስሌከ፡ ወጊዜ፡ ጸዋዕኮ፡
ነየ። ይብለከ፡ ወየኃድር፡ ጽድቁ፡ ቅድመ፡ ገጽከ፡ ወይሠርቅ፡ ብርሃን፡ ብርሃንኑ። ከመ፡ ብርሃነ፡ መዓልት። ወትከውን፡
ከመ፡ ዘገነት፡ ርውይት። ወከመ፡ ዓዘቅት። እምዓዘቅት፡ ዘኢይነጽፍ፡ ማያ፡ ወደኃርዎ፡ ጽሙዓን። እስመ፡ ውእቱ፡
| ወአውአዮሙ። እምጽምዖሙ፡ በስቴሁ፡ ሠናይ፡ ወጥዑም። በከመ፡ ይቤ፡ ጳውሎስ፡ ለእመ፡ ርኅበ፡ እሁከ፡
አብልዖ፡ ለእመ፡ ጸምዓ፡ እስትዮ። ደኃርዎ፡ ባሕታዎያን። እስመ፡ ውእቱ፡ ኮኖሙ፡ ረድአ፡ ወመጋቤ። በኵሉ፡ በውስተ፡ ኵሉ፡
ዘንተ፡ ኵሎ፡ [አስተ]፡ አስተጋብአ። እምኅበረ፡ ቤተ፡ ክርስቲያን። እምንዑሳን፡ ወዓቢያን። ተሰምየ፡ ውሉዶሙ። ወካዕ፡
በእንተ፡ ዘ[ረ]ፀረ፡ ትካዞሙ፡ በበጾታሆሙ፡ ለኵሎሙ፡ ለድኵምኒ፡ በከመ፡ ድካሙ፡ በጽኑዕኒ። በከመ፡ ጽንዑ፡ በከመ።
ወበእንተዝ፡ ተሰምየ፡ አቡሆሙ፡ እስመ፡ ርቱዕ፡ ይሰመይ፡ አበ፡ ኵሉ፡ ዓለም፡ ዘከመዝ፡ መናዝዝ። ወዘከመዝ፡ መተንብል።
እስመ፡ ባዕቍዕ፡ ውእቱ፡ ዘበሰማይኒ፡ ወዘበምድርኒ። እፎኬ፡ ንዊድሶ፡ ለዝንቱ፡ ብእሲ፡ ክቡር፡ በኀበ፡ ሰማያዊያን፡
ወበኀበ፡ ምድራውያን፡ እፎኬ፡ ንክል፡ አብጽሖ። ውዳሴሁ፡ በልሳነ፡ ሥጋ፡ መዋቲ። እስመ፡ ውዳሴሁ፡ እምኆፃ፡ ባሕር፡
ወእምከዋብተ፡ ሰማይ፡ እምዓቢይ፡
| ውእቱ። ላሊበላ፡ ዘምሉዕ፡ ቈጽሉ፡ ወበ፡ ወበብዙኅ፡ አዕፁቂሁ፡ ምዑዝ። ጽጌሁ፡ ወጥዑም፡ ፍሬሁ፡
ወንሕነኒ፡ አጽለልነ። ውስተ፡ ኦመ፡ አዕፁቂሁ፡ ወአዕረፍነ። እምሐሩረ፡ መርቂ፡ ተከዲነነ፡ በመንጦላዕተ፡ ጸሎቱ፡
ወተምዕዝነ። በጸጌሁ፡ ወጸገብነ፡ እምፍሬሁ፡ በግዕ። ውእቱ። ላሊበላ፡ ዘዕጹፍ፡ ፀምሩ። ዘኢተቀርፀ፡ በመጥባሕተ፡ ኃጢአት፡
መኃሥዕ። ውእቱ፡ ላሊበላ፡ ዘግቡ፡ ሐሊበ፡ እምአርያም፡ አርያማዊት፡ ወአመስኵዓ፡ ወአምጽኦታ፡ ሠናይ፡ ዘጥልልት፡ በየማነ፡
ሕይወት፡ ላሕም፡ ውእቱ። ላሊበላ፡ ዘጽሙድ፡ ታሕተ፡ አርዑተ፡። ወንጌል፡ ዘኢያጽነነ፡ ትልመ፡ ገራህቶ፡ ለሐረሳዊ፡
ወሐረሳዊሰ። መንፈስ፡ ቅዱስ። ውእቱ። ዘያረውፆ፡ ውስተ፡ ፈረስ፡ ወፈረ፡ ዚአሁ፡ እንተ፡ ይእቲ፡ ወፈረ። ሕይወት።
[እም]፡ እንተ፡ እምኔሃ። ይትአረር፡ መንፈስ፡ እንተ፡ ትዘገብ፡ ውስተ፡ ሙዳየ፡ አጽቆሙ፡ ለቅዱሳን። ምሥዋዕ፡ ውእቱ፡
ላሊበላ፡ እስመ፡ አጥረየ፡ ይዋሄ፡ ለበግዓ፡
| ምሥጢር፡ ወበእንተዝ፡ ተሰምየ፡ መልአከ፡ መሥዋዕተ። በከመ፡ ይቤ፡ ነቢይ፡ መሥዋዕቱ።
ለእግዚአብሔር፡ መንፈስ፡ የዋህ፡ ልብ፡ ትሁተ፡ ወየዋህ፡ ኢይሜንን፡ እግዚአብሔር። ባሕርይ፡ ውእቱ። ላሊበላ። ዘያጸድል፡
ስኑ፡ በውእቱ፡ ውስተ፡ ጽልመት። ገሪፍ፡ ውእቱ። ላሊበላ፡ ዘያጽድል፡ ስኑ፡ በውስተ፡ ጽልመት፡ ገሪፍ፡ ውእቱ። ላሊበላ።
ዘያጸድል። ዘአስተጋብእ፡ ዘመደ፡ ዓሣት፡ እምባሕረ፡ ገድሎሙ፡ ለቅዱሳን። ወሪዎ፡ ርእሶ። ውስተ፡ ዕመቀ፡ ቀላይ፡ ጻማሆሙ።
ወኮነ፡ ሎሙ፡ ዘውገ፡ በሕጉ፡ ርቱዕናሁ፡ ገይበ፡ ወርቅ፡ ውእቱ። ላሊበላ። ዘንጡፍ፡ ሰብአ፡ ወወርቁኒ፡ እለ፡ አስከሬን፡
ዘይትቀዳህ፡ እምዘትረ፡ ውስቴቱ፡ እምዘትረ፡ ምሥጢር፡ ዘነቅዓ፡ እምገቦ፡ በግዕ። መለኮታዊ፡ ዘኢከሠተ፡ አፉሁ፡ በሕማሙ፡
ወኢነበበ፡ በቅድመ፡ ዘይቀርጸ። ጸንሐሕ። ውእቱ። ላሊበላ፡ ዘይትሜአዝዎ፡ ውሉደ፡ ቤተ፡ ክርስቲያን። ሠረጸ፡ መርዓት፡
ሐዲሳን። እለ፡ ንዙኃን። በደመ፡ ኪዳን፡ ሥርናይ፡
| ውእቱ፡ ላሊበላ፡ ዘኢረከቦ፡ ተስናነ፡ ዕፃ፡ ዘሙስና፡ እስመ፡ ዕቁብ፡ ውእቱ፡ ውስተ፡ ሚከኖቱ፡
ለአኃዜ፡ ኵሉ፡ ዓለም፡ እፎ፡ ንክል፡ ፈጽም፡ ውዳሴሁ፡ ንሕነ፡ መትያን። እስመ፡ ብዙኅ፡ ውእቱ፡ ኆልቈ፡ ውዳሴሁ። እምነ፡
መሬተ፡ ምድር፡ ለእመኒ። ኮነ፡ ኵሉ፡ አባልየ፡ ልሳነ። ወኵሉ፡ ሕሊናየ፡ አእምሮ፡ ኢይክል። አብጽሖ፡ ውዳሴሁ። ወነገረ፡
ሂሩታቲሁ። ወለእመሶቦ፡ ዘይፈቅድ፡ ይንግር። ኵሎ፡ ትራፋቲሁ፡ ይደልዎ። ከመ፡ ይኅድግ፡ ሕሊናሁ፡ ዘበምድር። ወያዕርቅ፡
ልብሰ፡ እምልብሰ፡ ሥጋ፡ ወይልበሰ፡ ጠባይዓ፡ ዘመላእክት። ከመ፡ ይንግር፡ ዝክረ፡ ውዳሴሁ። ፍጹም፡ ወይሬሲ። ሎቱ፡
መጠነ፡ ባሕርይ፡ ቀለም፡ ወመጠነ፡ ዕፀወ፡ ገዳም፡ ብርዓ፡ ወመጠነ፡ አቁጸሊሆሙ። ክርርታሰ፡ ወመጠነ፡ ኖሃ፡ ሰማይ፡
ሰፍሐ፡ እንግድአ፡ ወመጠነ፡ ከዋክብት፡ ሰርጐ፡ ቃል። እስመ፡ ዓቢይ፡ ውእቱ፡ ብእሲሁ። ወዓቢይ፡ ዝክረ፡ ውዳሴሁ፡
ወበከመ፡ ውእቱ፡ ብርሃነ፡ ፀሐይ፡
| ፀሐይ፡ ብርሃነ፡ ወወርኅ፡ ወከዋክብት። ከማሁ፡ ይመውዕ፡ ክብር፡ ክብረ፡ ዝንቱ፡ ብእሲ፡ ዘስሙ፡
ላሊበላ። ወእምክብረ፡ ካልአኒሁ፡ ጻድቃን። ወበእንተዝ፡ ይነሥእ። ሎቱ፡ ብእሲ፡ ዘይፈቅድ። ይጠንቅቅ፡ ዝክረ፡ ውዳሲሁ፡
አፈ፡ ዘኪሩቤል፡ ወልሳነ፡ ዘሱራፌል። እስመ፡ ንጉሥ፡ ውእቱ፡ ላሊበላ። ኢበልዓ፡ እምእደ፡ መንግሥቱ፡ ዘከመ፡ ይደልዎ፡
ለንጉሥ፡ ቅሡማት፡ በጣዕመ፡ ዝንቱ፡ ዓለም፡ ዘያፈግዕ፡ ሥጋ። እስመ፡ መ/ፍ/ቀሬ። ጽሙና፡ ውእቱ። ከመ፡ መነኮሳት፡ እለ።
አያልያን፡ ገዳም፡ ወከመ፡ ያፈቅሩ፡ እለ፡ ያፈቅዱ፡ ጾማዕተ። ወከመ፡ እለ፡ ይትአረዙ፡ ስቃያተ፡ እስመ፡ ጻማ፡ ኵሎሙ፡
ተጠግአት። ውስተ፡ ሥጋሁ፡ ወተጋብአት፡ ኃቤሁ። እስመ፡ ጸምአት፡ ነፍሱ፡ ኀበ፡ አምላክ፡ ሕያው። በከመ፡ ይቤ። ነቢይ፡
ከመ፡ ያፈቅር፡ ሀየል፡ ኀበ፡ አንቅዕተ፡ ማያት፡ ከማሁ፡ ታፈቅር፡
| ነፍየ፡ ኀበ፡ አምላኪየ፡ ሕያው፡ ማእዜ፡ እበጽሕ። ወእሬኢ፡ ገጸ፡ ለአምላኪየ፡ ሲሳየ፡ ኮነኒ፡
አንብዕየ፡ መዓልተ፡ ወሌሊተ። ኣማንኬ፡ ተሲሰየ፡ ኅብስተ፡ ንዴት፡ ምስለ፡ ሐዘን። ወገዓር፡ በእንተ፡ መንግሥተ፡ ሰማያት።
ወስንሐትሁኒ፡ ምስለ፡ ብካይ። ወአንሰ፡ በአንብዕ፡ በእንተ። እግዚአብሔር። በከመ፡ ይቤ፡ ዳዊት፡ በመዝሙር። ዘምዕት፡ ወ
አርባዕቱ፡ ወሲቴየኒ፡ ምስለ፡ አንብዕየ፡ ሰተይኩ፡ እፎኪ፡ ይክል፡ ብእሲ። ለባሴ፡ ሥጋ፡ አብጽሖ። ውዳሴሁ፡ ወጸቢተ፡
ውስተ፡ ዕመቀ፡ ትሕት። ናሁ። ላሊበላ። እንዘ፡ ንጉሥ። ውእቱ፡ ዘፆረ፡ ዘከመ፡ ንዴተ። ዘከመዝትሕትና፡ ወንሕነሰ፡ እንዘ፡
ነዳያን፡ እምነዋየ፡ ዝንቱ፡ ዓለም፡ ንትኤበየ። እንዘ፡ አልብነ። ዘንኴንን። ወኢምንተኒ፡ አግብርተ፡ ወኢአዕማተ።
ወኢወርቅ፡ ወኢብሩር፡ ወኢአልባሰ። ቀጠንት፡ ወሶበ፡ ተከደነ፡ ጸጉረ፡
| በግዓ፡ ወአጊያተ፡ ዘገዚፍ፡ ፍትሉ፡ ይመሰል፡ ዘንበጽሕ፡ ውስተ፡ ደመናት፡ ወነዓርግ። ውስተ፡
ሰማያት። ወይትነፋሕ፡ ልብነ። በመንፈስ፡ ትዕቢት፡ ወንትሜሰል። ከመ፡ ዘኢይመውት። ወላሊበላኒ፡ እንዘቦ፡ አግብርት፡
ወአዕማተ። ወስልጣነ፡ ላዕለ፡ ኵሉ፡ ሕዝብ፡ ዘአመገቦ፡ እግዚአብሔር። እምታሕቴሁ፡ ኢቀነየ። ኢቀነየ። አግብርቶ፡ በሕገ፡
አግብርት፡ ወአዕማቶ። በሕገ፡ አግብርቲሁኒ፡ ይሬሲ፡ ከመ፡ ውሉዱ፡ ዘወጽኡ፡ እምሐውቂሁ። በከመ፡ ይቤ፡ ጳውሎስ፡ ብርሃን፡
ቤተ፡ ክርስቲያን። አጋዕዝትኒ፡ ግብሩ፡ ዕሩይ፡ ለነባሪክሙ። እስመ፡ ተአምሩ። ከመ፡ ብክሙ፡ እግዚእ፡ በስማያት፡
ወአዕማቲሁኒ። ከመ፡ እንተ፡ ወለቱ፡ ወአልባሰኒ፡ ቀጠንተ፡ ኢለብሰ፡ ላሊበላ። እንዘ፡ ንጉሥ፡ ውእቱ፡ በእንተ፡ ዘኢለብሰ፡
ተመክሆ። በከመ፡ ይቤ፡ መድኃኒነ፡ በብስራተ፡ መድኃኒት። ወኵሎ፡ ዘገበርክሙ፡ ገቢረክሙ፡ በሉ፡ አግብርት። ጽሩይ፡
ጽሩዓን፡ ንሕነ፡ ወባሕቱ፡
| ዘይደልዎነ፡ ለገቢረ፡ ግብርነ፡ ወይቤ፡ ካዕበ፡ ኢትክሉ፡ ተቀንዮ፡ ለክልኤቱ፡ አጋእዝት፡ እመአኮ፡
ለአሐዱ፡ ትጸልኡ፡ ወካልእታ፡ ፈቀሩ፡ ኢትክሉኪ፡ ተቀንዮ፡ ለእግዚአብሔር። እንዘ፡ እንዘ፡ ንዋየ፡ ታፈቅሩ። ወዘንተተ፡
ሰማዖ። ላሊበላ። መነነ፡ ዘበምድር፡ ንዋየ። ዘይበሊ፡ ወዘይማስን፡ ወርቅ፡ ዘይዝህል፡ ወአልባሰ፡ ዘይቈነቍን፡ ተሰፊዎ፡
ንዋየ፡ ዘኢያስተርኢ። ሣህሎ፡ ሰማያተ፡ ዘኢይደልዎ። ከመ፡ ይረሰይዎ፡ መፍቀርያነ፡ ወርቅ፡ እለ፡ ፈጸሙ፡ ፍትዎሙ፡
ዘበምድር። በኵሉ፡ ትዕግሥት። ኀበ፡ ኃላፍያት፡ ኢነበሪት፡ አመ፡ እስመ፡ ምስሌሆሙ፡ ይማስን። ትፍግዕቶሙ። በከመ። ይቤ፡
ዮሐንስ፡ ሐዋርያ፡ ዘረፈቀ። ውስተ፡ እንግዳዓ፡ እሳት። ኢታፍቅርዎ፡ ለዓለም። ወኢዘሀሎ፡ ውስተ፡ ዓለም። ወፍትወተ፡ ሥጋ፡
ለሥጋ። ወፍትወቱ፡ ለዓይን፡ ወሥራሁ፡ ለመንበርተ። ዝንቱ፡ ኢኮነ፡ እምኀበ፡ እግዚአብሔር። አላ፡ እም፡ ዓለም፡ ውእቱ፡
ወዓለምኒ፡ የኃልፍ፡ ወፍትወቱኒ፡
| ወዘሰ፡ ይገብር፡ ፈቃዶ፡ ለእግዚአብሔ፡ ይነብር። ለዓለም። ወበእንተዝ። ላሊበላ። ብፁዕ። ኢጥዕመ፡
ግሙራ፡ እሞት፡ ፍግዕቶሙ፡ ለኃጥአን፡ ኢእምአልባሰ፡ ቀጠንት። ወኢእማዕድ። ጥዕምት፡ እንዘ፡ ይሴፎ፡ በሊዓ። እም፡
እማዕድ፡ ሕይወት። እስመ፡ ሰምዓ፡ ቃለ፡ ዘተብሕለ፡ እምኀበ፡ እግዚአብሔር፡ በኀበ፡ ነቢይ፡ እለ፡ ይትቀነዩ፡ ሊተ፡
ይብልዑ፡ ወአንትሙሰ፡ ረኃቡ፡ እለ፡ ይትቀነዮ፡ ሊተ፡ ይስተዮ፡ ወአንትሙ፡ ጽምዑ። እለ፡ ይትቀነዩ፡ ሊተ፡ ይልበሱ፡
ወአንትሙሰ፡ ዕረቀ፡ ዕረቁ። እለ፡ ይትቀነዩ፡ ሊተ፡ ይትፈሥሑ፡ ወአንትሙሰ፡ ሕዘኑ። እለ፡ ይትሜክሁ፡ ሊተ፡ በሐሠት፡
ይትፌሥሑ፡ ወአንትሙስ። በገዓሩ፡ በመንሱት። በሕማመ፡ ልብክሙ፡ ወበቅጥቃጤ፡ ሐቋ፡ ክሙ፡ አውየው፡ ወበእንተዝኬ፡ ላሊበላ።
ያሜክራ፡ ለነፍሱ፡ ወለሥጋሁ፡ በጾም፡ ወበርኅብ፡ ወበጽምዕ፡ አመ፡ ይርኅቡ፡ በላዕያን፡ ከመ፡
| ይጽገብ፡ አመ፡ ይጸምዑ፡ ሰታይያን፡ ከመ። ይርወይ። አመ፡ ያረምሙ፡ ሰሐቅያን። ከመ፡ ይትዋኃዋህ።
ወአመ፡ የሐዝኑ፡ ፍጉዓን። ከመ፡ ይትፌሥ፡ ወአመ፡ ያአርቁ፡ እለ፡ ለብሱ፡ ቀጠንተ፡ ከመ፡ ይትዓጸፍ። ሜላተ፡ ብርሃን።
ንጹሕ፡ ዘኢተአንመ፡ ባዕደ፡ መሬታዊ፡ ወባሕቱ፡ ዝንቱ፡ ኵሉ፡ ኢይትረከብ፡ ዘእንበለ። መከራ፡ ወሕማምሰ፡ ለዝዓለም፡
ኢኮነ፡ መጠና፡ ለእንተ፡ ትመጽእ፡ ሕይወተ፡ ዘለዓለም። ወበእንተዝ፡ ላሊበላኒ፡ ቅዱስ፡ ምግባር፡ ተወክፈ፡ ሕማመ፡
ወምንዳቤ። ብዙኃ፡ በእንተ፡ ጽድቅ። በከመ፡ ይቤ፡ መምሕረ፡ አሕዛብ፡ ጽደቁ፡ እንከ፡ በአሚን። ወንርከብ። ሰላመ፡ በኀበ፡
እግዚአብሔር፡ ወእግዚእነ፡ ኢየሱስ፡ ክርስቶስ፡ ዘበእንቲአሁ፡ ተመራህነ። ውስተ፡ ጸጋሁ፡ እንተ፡ ባቲ፡ ቆምነ፡ ወይእቲ፡
ምክህነ። ወአኮ፡ ባሕቲታ፡ ዓዲ፡ በሕማምነሂ፡ ንትሜክህ፡ እስመ፡ ተአምሩ። ከመ፡ እምሕማሙ፡ ይትዓወቅ፡ መከራሁ፡
ወተመኪሮ፡
| ይነሥእ፡ ክብረ፡ ጸማሁ፡ ወተስፋሁኒ፡ ኢያስተሓፍሮ፡ እስመ፡ መልአ። ውስተ፡ ልብነ፡ ፍቅረ፡
እግዚአብሔር፡ በመንፈስ፡ ቅዱስ፡ ዘወሀበነ። በዝንቱ፡ ቃላት። ወበፍቅረ፡ ወበፍቅረ፡ መንፈስ፡ ቅዱስ። ተወርዝዎ፡ ላሊበላ፡
ዝኅዙኃ። ገድል፡ ተወክፈ፡ ምንዳቤ፡ ሥጋ። በከመ፡ ይኵን፡ ስሉጠ። ላዕለ፡ ዕፀ፡ ሕይወት። በከመ፡ ይቤ፡ ቴዎጕሎስ።
ወልደ፡ ነጐድጓድ። ብፁዓን። እለ፡ ያነጽሑ፡ አልባሲሆሙ። ከመ፡ ኢይኵን፡ ስልጣኖሙ፡ ላዕለ፡ ዕፀ፡ ሕይወት፡ አመ፡
ይሰደዱ። ወይወጽኡ፡ አፍአ፡ ኃምስቱ፡ አክላብ። እሙንቱ፡ መሠርያን፡ ዘማውያን፡ ወቀታልያን። ወእለ፡ ያጥዕው፡ ወኵሎሙ።
እለ፡ ያፈቅሩ፡ ግብሩ፡ ሐሰት፡ ወእሉ፡ አመ፡ ይወፅኡ፡ አፍአ፡ እምቤተ፡ መርዓ፡ ወውእቱሰ፡ ላሊበላ፡ ይበውዕ፡ ተጸዊዖ፡
በቃለ፡ መርዓዊ፡ ሰማያዊ፡ ዘይብል፡ ንዑ፡ ኀቤየ፡ ቡሩካኒሁ፡ ለአቡየ፡ ትረሱ፡ መንግሥተ፡ ሰማያት፡ ዘድልው፡ ለክሙ፡
እምቅድመ፡ ይትፈጠር፡
| ዓለም፡ ወይወጽእሂ፡ አፍአ፡ በከመ፡ ይቤ፡ ለሊሁ፡ ረድኡ፡ እመቦ፡ ዘሰምዓ። ቃልየ። ወዓቀቦ፡
እሬስ። አምደ። ውስተ፡ መቅደስ። ለአም/ላ/ኪየ፡ ወኢይወጽአ፡ አፍአ፡ እወ፡ ወእኁቦ፡ መጽሐፈ፡ ብርሃን። ሕቱመ፡
ዘኢየአምሮ። ካልዕ፡ ዘእንበለ፡ ዘነሥአ፡ ወእሲሰዮ፡ እመና፡ ኅቡዕ፡ አማንኪ፡ ይደልዎ፡ ላሊበላ። ከመ፡ ይባእ፡ ውስተ፡
ቤተ፡ መርዓ፡ ከመ፡ ይኵን፡ ዓምደ። ውስተ፡ መ[ጸ]ቅደሱ፡ ለበግዕ። ይደልዎ፡ ካዕበ፡ ይንሣእ፡ መጽሐፈ፡ ብርሃን፡ ሕቱመ።
እንተ፡ ይእቲ፡ ሥጋሁ፡ ለክርስቶስ። ወይእቲ፡ ኅብስተ፡ አምሪኮ፡ ዘጽሑፍ፡ ላዕሌሃ፡ ስነ፡ ግዕዛን፡ በደመ፡ መላኮት፡
ወይእቲ፡ ሲሳዮሙ፡ ለምዕመናት፡ እለ፡ ዕቱባን፡ በስመ፡ ሥላሴ፡ ወአመ፡ ይሠራዕ፡ ማዕደ፡ ሕይወት፡ በዝንቱ፡ ኅብስት፡
ዘጽሑፍ፡ ላዕሌሃ፡ ስመ፡ ሐዲስ፡ ዘኢያምራ። ካልዕ፡ ዘእንበለ፡ ዘነሥአ፡ ወአመ፡ ይቀንት፡ ወያረፍቆሙ፡ ወአመ፡ ያንሶሱ፡
ወይመጥዎሙ፡ ለአግብርቲሁ፡ ሄራን፡ ወለጻድቃኒሁ፡
| ቡሩካን፡ እለ፡ ፆሩ፡ ክበዳ፡ ወላህባ። ለዕለት፡ ወለነኒ፡ ወአስራተ፡ ምሕረት፡ ይንሥአነ፡ ምክሀ፡
ኵልነ፡ ላሊበላ። ከመ፡ ንባዕ፡ ምስሌሁ፡ ኀበ፡ ቦአ፡ ለሊሁ፡ ወከመ፡ ንርፍቅ፡ ኀበ፡ ረፈቀ፡ ለሊሁ፡ ከመ፡ ንሴፎ፡
በፍሥሐሁ፡ ወከመ፡ ንደለው፡ በተድላሁ፡ ወከመ፡ ናንሰሱ፡ ውስተ። ውስተ፡ መርዓ፡ ሐዲስ፡ ዘኢይበውዕ። ካልዕ፡ ውስቴታ፡
ዘኢለብሰ፡ ልብሰ። ከብካበ፡ መርዓ፡ ወዘኢተሰርገወ፡ በብርሃነ፡ ሥላሴ፡ ወየበለነ፡ ላሊበላ። በይእቲ፡ ሰዓት፡ ነየ፡ አነ፡
ወደቂቅየ፡ ዘወሀበኒ። እግዚአብሔር፡ ወያቁመነ፡ ምስሌሁ፡ ቅድመ፡ ገጸ፡ በግዑ፡ ኀቢኦ፡ በጽላሎተ፡ ክነፊሁ፡ ወከዲኖ፡
በመጦላዕተ፡ ጸሎቱ፡ ከመ፡ ኢቅረቡ፡ ኀቤነ፡ መላእክት። እሳት፡ እኁዛነ፡ አስይፍት፡ እለ፡ የአጽዱ፡ ክርዳደ። አርአዮሙ፡
እማዕከለ፡ ሥርናይ፡ ወኢ፡ ወያአሥርዎሙ፡ በበከለሰስቲሆሙ፡ ለአንድዶቶሙ፡ ወእለ፡ ይፈልጥዎሙ፡ ለኃጥኣን፡ እማዕከሎሎሙ፡
ወእለ፡ ይፈልጥዎሙ፡ ለኃጥአን፡ እማዕከሎሙ፡
| ለጻድቃን፡ ወእለ፡ ይሌልይዎሙ፡ ለጸዋጋን፡ እማዕከሎሙ፡ ለየዋሃን። ወለእመ፡ መላእክተ። መዓት፡
ከመ፡ ኢይቅረቡ፡ ኀቤነ፡ ወካዕበ፡ ኢይፍልጡነ፡ እምኔሁ፡ ወይመግበነ፡ ሐቂፎ፡ በየማነ፡ እዴሁ፡ አሜን። አሜን። ። ።
ን?ትሚጥኬ። ኀበ፡ ጥንተ፡ ገድሉ፡ ለዝንቱ፡ ዕፉረት፡ ምዑዝ፡ ከመ፡ ኢይምሰሎ፡ ዝንጋኤ። ለልበ፡ አብድለዘኢያፈቅር፡
ውዳሴሆሙ፡ ለጻድቃን፡ ወለረባሐ፡ መንፈስ። እስመቦ፡ እምውስተ፡ አሕዛብ። እለ፡ ያንጐረጕሩ፡ ሶበ፡ ይሰምዑ፡ አሐተ፡
ውዳሴሆሙ፡ ለጻድቃን። ወጣዕመ፡ ቀሰሞሙ። ለመጻሕፍት። ወጸማ፡ ገድሎሙ፡ ለቅዱሳን። ዘኢያስተኢድሞሙ፡ ወለእለሰ። ቦሙ፡
ፈሪሃ፡ እግዚአብሔር፡ ወጽሙዓን፡ ለሰሪበ፡ ቃሉ፡ እመኒ። ሰምዑ፡ እንዘ፡ ይትነበብ፡ እምነህ፡ እስከ፡ ሰርክ፡ ነገራተ፡
መንፈስ፡ ኢይጸግብዎ፡ ወእገሪሆሙኒ፡ ኢይደክም፡ እምእደዊሆሙ፡ ኢያስተጋብዑ። እምዘ፡ ሰፍሑ። ወአዕይንቲሆሙ፡ ኢይደክማ፡
እምነጽሮ፡
| ወክሳዶሙ፡ እምአንቃዕደዎ፡ ኢይትሄየያ፡ ወኢይርትሀከያ፡ ወልሳኖሙኒ። እምተናግሮ፡ ወኢአረፈ።በውሂዘ፡
ስብሐት፡ እንዘ፡ ይሰቀያ፡ ወይረውያ፡ ወእዘኒሆሙኒ። ወኢይጸግባ፡ እምሰሚ፡ ወሕሊናሆሙኒ። ኢይትወላወል፡ እስመ፡ መንፈስ፡
ቅዱስ። ኃደሉመ፡ ወያረስን፡ ልቦሙ፡ ወያውዕዮሙ፡ እስመ፡ አቡሆሙ፡ ዘበሰማያት፡ ይሁቦሙ፡ ሠናየ። ኀብተ፡ መንፈስ፡ ቅዱስ፡
ለእለ፡ ያፈቅርዎ፡ ወይስዕልዎ፡ ወለእለ፡ አልቦሙ። ፈሪሃ። እግዚአብሔር፡ ወአሚነ፡ ተስፋሆሙ፡ ለጻድቃን፡ ወተጸውኖ፡
በኃይለ፡ ጸሎቶሙ፡ ለቅዱስ። ለእመሰ፡ ሰምዑ፡ እንዘ። ይትነበብ፡ ጻማሆሙ፡ ለመስተጋድላን፡ ወለእመ፡ ኖኃ። ነገሩ፡ ይቤሉ፡
ምንትዝ፡ ዘከመዝ፡ ዝንጋኤ፡ ዘንተኬ፡ ይሄልዩ። ወያንጐረጕሩ፡ ላዕለ። ወመንፈስ፡ ቅዱስ። እስመ፡ ኢጥዕሞሙ። ቃለ፡
መለኮተ፡ ለጽሩዓን። ኢተቶስሐ፡ ልቦሙ፡ በሃይማኖት፡ ኅጡአን፡ እምእሳተ፡ መንፈስ፡
| ቅዱስ፡ ወቈሪራነ፡ ልብ፡ ከመ፡ አስሐትያ፡ ዘአሜ፡ ክረምት። ወይወፅኡ፡ እምቤተ፡ ክርስቲያን፡
እንዘ፡ ኢይትፌጸም፡ ነባረ፡ እግዚአብሔር። ወግብር፡ ወግብረ፡ መንፈሳዊት፡ ወሶቤሃ፡ ይትፌሣሕ፡ ሰይጣን፡ ምስለ፡
አጋንንቲሁ። እስመ፡ በሀብለ፡ ሀኪት፡ አሢሮሙ፡ አውጽኦሙ። ወይኤምሆሙ። ሐቂፎ፡ ክሣዶሙ። ከመ፡ ዘይኢምኅ። አብ፡ ወልዶ፡።
ወፍቁሮ። ይተልዎሙ። ኀበ፡ ሖሩ፡ እንዘ፡ ይሜግብ፡ ይሜግቦሙ። አጋንንቲሁ። ይምነ። ወጽግመ። ከዋላ፡ ወፍጽመ፡ ያድኅነነ።
እግዚአብሔር፡ እመክፈልቶሙ። ለእሉ፡ ወያጽህቅ። ልበነ፡ ለሰሚዓ፡ ቀላቲሁ። ወለገቢረ፡ ትእዛዛቲሁ። ወይረስየነ። ድልዋነ።
ከመ፡ ንኅድር፡ ውስተ፡ ቤቱ። ወከመ፡ ንጸመ። ውስተ፡ ቤተ፡ መቅደሱ። በኵሉ፡ መዋዕለ፡ ሕይወትነ። ወይርአየነ፡ ዘናሰምሮ።
ሎቱ። በኃይለ፡ ጸሎቱ፡ ለዝንቱ። ፀሐየ፡ ጽድቅ። ስሙ። ። ላሊበላ። አሜን፡ አሜን። ስምዑኬ።
| ኦፍቁራንየ፡ እለ፡ ተኃሥሡ፡ በረከተ፡ ጸጋሁ፡ ጻድቅ፡ ወእለ፡ ትመጽኡ፡ ለፍቅረ። ላሊበላ። ከመ፡
ትርወዩ፡ እምነቅዓ። ገድሉ፡ ጥዑም፡ ዘይበውዕ። ከመ፡ ማይ፡ ውስተ፡ አማዑት። ወከመ፡ ቅብዕ፡ ውስተ፡ አዕፅምት። እስመ፡
ውዳሴሁ። ከመ፡ ክረምት፡ ውዳሴሁ። ዘኢያነትግ። ክስቱኬ። እዝነ፡ ልብክሙ። ወናሁ፡ ወጠንኩ። እንግርክሙ፡ ለእመ፡ ክህለ፡
ልሳንየ። ወጸያፍ፡ ወሕፁጽ። አእምሮትየ፡ ዜንዎ፡ ኅዳጠ። እም[ዙ]ብዙኅ። መንክራቲሁ። ወአኮ፡ ፍጹም፡ ዘእክል፡
እዜንወክሙ፡ አላ፡ ኅዳጠ፡ መክፈልተ፡ እምፃማሁ። ከመ፡ ይትፌሣሕክሙ። ልብክሙ፡ በሰሚዖቱ። እስመ፡ ዜና፡ ጽድቅ።
ያሥተፌሥሕ፡ ፈድፋደ። እምነ፡ ማዕድኒ፡ ስሩዕ። ዘያጸግብ፡ እምወይንኒ፡ ወሜሰ፡ ያጠልል። እምነ፡ ዘይትኒ፡ ወቅብዕ።
ያጽሕድ። በከመ፡ ይቤ፡ ዳዊት። ወይጽሕድ። እምቅብዕ፡ ነገሩ። ወአንትሙኒ፡ ርቱዕ፡ በተአምኖ፡
| ትለብስዎ፡ ከመ፡ ልብስ፡ ወትትሞጥሕዎ፡ ከመ፡ ሞጣኅት፡ እንዘ፡ ታከብርዎ፡ ከመ። መላእክት፡ ወከመ፡
ነቢያት። ወሐዋርያት። ወከመ፡ ጻድቃን። ወሰማ/ዕ/ት። ወከመ፡ ደናግል። ወመነኮሳት። እስመ፡ ውእቱኒ፡ ኢኃፀ። እምኔሆሙ፡
ጸሎቱ፡ ወስዕለቱ። ወትንብልሁ፡ ወሀብተ፡ ረድኤቱ። ወበረከተ፡ ተስፋሁ፡ የሀሉ። ምስሌነ። ወምስለ፡ ኵልነ፡ ዝየ፡ እለ፡
ሀለው። ሀለውክሙ፡ እለ፡ መጻእክሙ። እምርሑቅ። ወእምቅሩብ። እንዘ፡ ትትአመኑ። በጽሎተ፡ ክነፊሁ። ወውእቱኒ፡ ኢይርሕቅ፡
እምኔክሙ። አሜን። ወሀለወት። አሐቲ። ሀገር፡ እም፡ አህጉራተ፡ ኢትዮጵያ፡ እንተ፡ ትሰመይ፡ ሮሃ፡ ሀገረ፡ ሙላድ።
ለላሊበላ፡ ወሀለወ፡ በይእቲ፡ ሀገር። አሐዱ፡ ብእሲ። እምዘመደ፡ አበይት፡ ወክቡራን። ወብዑላን፡ ፈድፋደ። ዘወርቅ።
ወዘብሩ፡ ወበአፍራስ፡ ወበአልባሰ፡ ቀጠንት፡ በአግብርት፡ ወአዕማት፡ ወስሙሰ፡
| ለውእቱ፡ ብእሲ፡ ዛንሰይም፡ ወነሥአ፡ ለወለቱ። ወወለደ፡ እምኔሃ፡ ለዝንቱ፡ ቡሩክ፡ ወቅዱስ፡
ዘተሰምየ፡ ላሊበላ፡ በምሥር፡ ወትርጓሜሁሰ፡ እንግርክሙ፡ በእንተ። ምንት፡ ተሰምየ፡ ለሊወተ፡ ጸውዓ። በዝንቱ፡ ስም፡
ዘውእቱ፡ ላሊበላ። ወአመ፡ ወለደቶ፡ እሙ፡ መጽኡ። አንህብት፡ ብዙኃን፡ ወአገትዎ። ከመዝ፡ ዘየአግቱ፡ መዓረ። ወርዕየ፡
እሙ፡ እሎንተ፡ አንህብተ። ከመ፡ ዘአገትዎ፡ ወኃፀርዎ። ለሕፃና፡ ከመ፡ ዘየዓውድዎ፡ ሐራሁ፡ ለንጉሥ፡ ወሶበ፡ ርእየት፡
ዘንተ፡ ወረደ፡ ላዕሌሃ፡ መንፈስ፡ ተነብዮ፡ ወትቤ፡ ንህብኒ። አእመረ፡ ከመ፡ ዓቢይ፡ ውእቱ፡ ዝንቱ፡ ሕፃን፡ ወበእንተ፡
ዝንቱ፡ ሰመየቶ። ላሊበላ። ንህብ። አእመረ፡ ጸጋሁ፡ ብሂል፡ እማንኬ፡ አእመረ፡ ጸጋሁ፡ ንህብ። እስመ፡ አገትዎ። ከመ፡
እንተ፡ መዓር። እስመ፡ ንህብ፡ ያፈቅር፡ መዓረ፡ ወበእንተ፡ ዝንቱ፡
| ከበብዎ፡ እስመ፡ ሀለዎ፡ ለላሊበላ፡ ከመ፡ የአመር፡ ጸቃውኦታ፡ መ፡ ዘምግባረ፡ ሠናይ፡ አስተጋቢኦ፡
ፀገየ። ዘዘዚአሁ። ኅበሪሁ፡ ወዘዘዚአሁ። አርአያሁ። ወዘዘዚአሁ፡ ጼናሁ። ወዘዘዚአሁ፡ መዓዛሁ፡ እምነ፡ ገድለ፡ ኵሎሙ፡
ቅዱሳን፡ እምነ፡ ጸዋምያን። ጾመ፡ እምነ፡ ንጹሐን፡ ንጹሐ። ወእምቀዋምያን፡ ቁመተ። እምነ፡ ሰጋድያያን፡ ስግደተ። እምነ፡
ትሑታን፡ ትሑተ፡ ትሕትና። ወእምነ፡ የዋሐን፡ የዋሀተ። ወእምነ፡ መሐርያን፡ መሕረተ፡ እምነ። ወሀብያን፡ ውሂበ፡ ምጽዋተ፡
እምነ። መፍቀርያነ፡ ሰብእ፡ አፍቅሮ፡ ቢጽ። ወእምነ፡ ረዋጽያን። ገይሰ፡ ቤተ፡ ክርስቲያን፡ ሩጸተ። ወእምነ፡ ሰላማውያን፡
ሰላም። ወእምነ፡ ኵሉ፡ ዘቦ፡ ምግባረ፡ ሠናይ፡ አልቦ፡ ዘኢአስተጋብአ። ላሊበላ። ዘንተኬ። ኵሎ፡ ጽጌያተ፡ ምግባር፡
ዘምግባረ፡ ሠናይ፡
| ከመ፡ ያስተጋብእ፡ አእሚሮ፡ ዘይፈትን፡ ልበ፡ ወኵልያተ፡ ፈነዎሙ፡ ለአንህብት። ከመ፡ ያዕግትዎ።
በከመ። የዓግቱ፡ መዓረ፡ በዕለተ፡ ተወልደ፡ ዝንቱ፡ ብፁዕ። ላሊበላ። ወዓዲቦ፡ ካልአኒ። አምሳለ፡ ዘይትፌጸም፡
ት/እ/ምርተ፡ ዝንቱ፡ ንህብ፡ ላዕለ። ላሊበላ። እስመ፡ ዓበይ፡ ምሥጢር፡ ተከሰተ፡ በእንተ። ልደቱ፡ አመ፡ ልህቅናሁ፡
ንህብሰ። ይትሜሰል። በሠራዊተ፡ ንጉሥ፡ ወእኅቤሆሙኒ። ዘቦቱ። ሐሙ፡ ሰብእ፡ በበንዋየ፡ ሐቅል፡ ሠራዊተ፡ ንጉሥ፡ በዘቦቱ፡
ይፃምዑ፡ አላውያነ፡ ስዕለ፡ እለ፡ አጸረርዎ፡ ለንጉሥ። እስመ፡ ሀለዎ፡ ለላሊበላ፡ ከመ፡ ይኩን፡ ንጉሥ። ወበእንንተዝ፡
ዓገትዎ፡ ንህብ፡ በአምሳለ፡ ሠራዊተ፡ ንጉሥ፡ ወሐራሁ፡ እንዘ፡ ኢየአምር፡ ሊሁ፡ ለሊሁ፡ ተኣምረ፡ ምኵናነ። ዚአሁ፡
ዘእንበለ፡ ይሲምዎ፡ ተ/ዓ/ውቀ፡ ሢመተ፡
| ንግሡ፡ ወእንበለ፡ ያምልክዎ፡ ተዓውቀ፡ ምልክናሁ። ወዘእንበለ፡ ያመስፍንዎ፡ ተዓውቀ፡ ምስፍናሁ፡
ንህብሰ፡ ኢኮነ፡ ዘሥጋ፡ አላ፡ ከመ፡ መላእክት፡ እሙንቱ። እለ። ተመሰለ፡ ንህበ፡ እንዘ፡ ይኤምሮ። ንግሦ፡ ወጸቃውዓተ፡
ምግባር፡ ዘይትቀዳሕ፡ እምኔሁ። እስመ፡ ሀለዎ። ላሊበላ። ከመ፡ ይልበስ። ወይፈጽም፡ ዘንተ፡ ኵሎ፡ ትንቢታተ፡ ዘበምግባር።
እንተ፡ ይእቲ፡ ምግባራተ። ጽድቅ። ወእምዝ፡ ዘልህቀ። እንዘ፡ ያሐፅኖ። መንፈስ፡ ቅዱስ፡ ወያጸንዖ፡ በኃይል። ወጥበብ፡
ወበምክር፡ ወበምግባር፡ ወበግርማ። መንክር።ኵለንታሁኒ፡ አዳም፡ ውእቱ፡ ወአልቦ። ኀቤሁ፡ ኅሱም፡ እምኔሁ፡ እምርእሱ፡
እስከ፡ እገሪሁ፡ ወቂሐተ፡ መላትሕቲሁ። ከመ፡ ቅርፍተ፡ ሮማን፡ አ/ዕ/ይንቲሁኒ። ከመ፡ ኮከበ፡ ጽባሕ። ወአፃብኢሁኒ።
ዘውገ፡ እማንቱ፡ ወአዕናፊሁኒ፡ ቀዋም፡ ወአውሥኦተ፡ ቃሉ፡
| ጥዑም፡ ወሣዕሣእ፡ አፉሁ፡ ወለለዝ፡ ልሳኑ። ወከመዝ፡ ልህቀ። እንዘ፡ ትተልዎ። ጸጋ፡ እግዚአብሔር።
ወረድኤተ፡ ኢየሱስ፡ ክርስቶስ። ወኀብተ፡ መንፈስ፡ ቅዱስ። ወኵሉ፡ ዘርእዮ፡ ያነክሮ። እምግርማሁ። ወእምስነ፡ አርያአያሁ፡
ወይትነበዩ። ሎቱ፡ ንግሠ፡ እስመ፡ ንህብ። አመረቶሙ። ቀዳሚ። በዕለተ፡ ልደቱ፡ ዝኩ። ሕፃን፡ መድኃኔ፡ ገጽነ፡ ዘተወልደ።
እምድንግል፡ እንበለ፡ ዘርአ፡ ብእሲ፡ በከመ፡ ፈነዎ፡ ኮከበ፡ ኀበ፡ ሰብአ፡ ሰገል፡ ዘይዜንዎሙ፡ ልደቶ፡ ወይኤምሮሙ።
ንጉሥ፡ ንጉሠ፡ ሰማያት፡ ወምድር። ከመ፡ ከማሁ፡ በምድረ፡ ይሁዳ። ወበህየንተ። ኮከብ፡ ፈነወ፡ ንህብ፡ አመ፡ ልደቱ።
ዘይኤምር፡ ንግሦ። ለላሊበላ፡ አመ፡ ሕፃን፡ ውእቱ። እስመ፡ ሀለዎ፡ ይኵን፡ ንጉሠ፡ አመ፡ ልህቅናሁ። እስመ፡ ይፈቅድ፡
ኢየሱሰ፡ ከመ፡ ይክፍሎ፡ መንግሥተ፡ ዘበሰማያትኒ፡ ወዘበምድርኒ። ዘሎቱ፡ ልደት፡ ሰበከ፡ ኮከብ፡
| ወልደተ፡ ገብሩኒ። ላሊበላ፡ ሰበከ፡ ንህብ፡ እስመ፡ ይፈቅድ፡ እግዚእ። ከመ፡ ያርእዮ፡ ምስሌሁ።
ወበእንተዝ፡ መልአ፡ መንፈስ፡ ቅዱስ። እምከርሠ፡ እሙ፡ ከመ፡ ኤርምያስ፡ ወዮሐዮንስ። ወከመዝ፡ ተወልደ፡ ላሊበላ። እንዘ፡
ምሉዕ፡ ወመንፈስ፡ ጥበብ፡ መንፈሰ፡ ሕይወት። መንፈሰ፡ ቅድስና። ወመንፈሰ፡ ምክር። መንፈስ። ንጽሕና። ወከመዝ፡ ተወልደ፡
በፈቃደ፡ አብ፡ ወበሥምረተ፡ ወልድ፡ ወበኃይለ፡ መንፈስ፡ ቅዱስ፡ እልክቱሰ፡ ሠራዊተ፡ ንህብ፡ እለ፡ ዓገትዎ፡ አመ፡
ልደቱ፡ ከልዕዎሙ፡ በዊአ፡ ለእለ፡ ሀለው፡ አፍአ። እምነ፡ ቤት፡ ዘተወልደ፡ ቦቱ። ላሊበላ። ወለእለሂ፡ ሀለው፡ ውሳጤ።
ውእቱ፡ ቤት፡ ከዕዎሙ፡ ወፂአ፡ እንዘ። ይቀሥፍዎሙ፡ በምሐሜሆሙ፡ በከመ፡ ይቀሥፉ። ሐራ፡ ንጉሥ፡ ሶበ፡ ፈቀዱ፡ ይባኡ፡
ኀበ፡ ሀለወ፡ እግዚኦሙ፡ እንዘ፡ ኢ/ያ/በውሆሙ፡ እግዚኦሙ፡ ወከማሁኬ፡ ከልዕዎሙ፡ ላዕለ፡ አፍአ፡ በዊአ፡ ኀበ፡ ሀለው።
ላሊበላ። ወለእለ፡
| ውሳጤኒ፡ ወፂአ፡ ከልዕዎሙ፡ ተመሰሎሙ፡ ከመ፡ ሠራዊተ፡ ንጉሥ፡ ወከመ፡ ወአልያኒሁ፡ ገባርያነ፡
ፈቃድ፡ ወእልክቱኒ፡ ሰብእ፡ ርእዮሙ። ዘንተ፡ መንክረ። ይቤሉ፡ ዮም፡ ተወልደ፡ ሕፃን። ሮስ፡ ዘንህብ፡ ማዕፆሁ፡
ወእምአሜሃ፡ አኃዙ፡ ይት[ነ]ቀነዩ፡ ንንግሦ። ወይቤሉ፡ ሀለው፡ ይኵን። ንጉሠ፡ አመ፡ ልሕቀ፡ ዝንቱ፡ ውእቱ፡ ቀዳሜ፡
መንክራት፡ ዘኮነ፡ በላዕለ፡ ላሊበላ። ዘተቀትለ፡ ኃይለ፡ ውስተ፡ ቀናዝአ። ድማሁ። ከመ፡ ሶምሶን፡ ቀዳማዊ። እስራኤል፡
እስመ፡ ናዝራዊሁ። ለእግዚአብሔር። ቅዱስ፡ ውእቱ። ጸሎቱ፡ ወበረከቱ። ወበስዕለቱ። ወበትንብልናሁ። ወሀብተ፡ ረድኤቱ።
የሀሉ። ምስሌነ፡ ወይባርክነ። ለኵልነ።ሕዝበ፡ ክርስቲያን። ወኖላዊነ። ወሊተነ፡ አነ፡ ኃጥእ፡ ጸሐፊ፡ ለዓለመ፡ ዓለም።
አሜን። ወአሜን፨ ለይኵን፨ ለይኵን፨ ፨ ወእምዝ፡ እነግረክሙ፡ ካልአ፡ ነካረ፡ ዘተገብረ፡ በላዕለ፡ ላሊበላ፡ አመ፡
ወሬዛሁ፡ ወዝንቱሰ፡ ዘእከሥት፡
| ለክሙ። ይእዜኒ፡ በቍኤት፡ ለክሙ፡ ለነፍሳቲክሙ። እስመ፡ ሎቱኒ፡ ኮነቶ። በቍዔተ። ወለነሂ። ለእመ፡
ተመሰልናሁ፡ ትከውነነ። በቍዔተ፡ ወአክሊለ፡ ውዳሴ፡ ትጸፍር፡ ለነ፡ ወትሬስየነ። ዘውገ፡ ምስሌሁ፡ ወታስተዴልወነ፡
ለበዊአ። መንግሥተ፡ ሰማያት። ወውእቱ፡ ላሊበላ፡ ዓብየ። እንዘ፡ የዓውዶ፡ ጸጋ፡ እግዚአብሔር። ወኵሉ፡ ዘነጽሮ።
ይደነግፅ። ከመ፡ ዘርእየ፡ ወረከበ፡ አንበሳ። በሐቅል። እስመ፡ ግርማሁ፡ ኢኮነ። ከመ፡ ካልአን፡ ዘቦአቅመ፡ እለ።
እንታክቲ። ግርማ፡ እንተ። ኃለፈት፡ አንቀጸ፡ ስብሐቲሃኒ፡ አርብዓ። በደብረ። ኮሬብ፡ በቅድመ። ነቢይ፡ ቴስብያዊ። በከመ።
ይቤሎ። ለሊሁ፡ ዘአስተርአዮ። ወቁም። እስመ፡ ዝየ። ውስተ፡ ደብር። ወያኃልፍ። እግዚአብሔር፡ ወይመጽእ፡ ኃኀቤከ፡ ነፍስ፡
ጽኑዕ፡ ዘይፈትሕ፡ አድባረ፡ ወይፈትቶ። ለኰኵሕ፡ ወኢሀለወ፡ እግዚአብሔር፡ ውስተ፡ ነፋስ፡
| ወእ። ። ወእምድኅረዝ፡ ይመጽእ፡ ኀቤከ፡ ድልቅልቅ። ወኢሀለወ፡ እግዚአብሔር። ውስተ፡ ድልቅልቅ።
ወይመጽእ። ኃቤከ። እሳት፡ ወሀለ/ወ/፡ እግዚአብሔር። ውስተ፡ ውእቱ፡ እሳት። ወእምድኅረዝ። ይመጽእ፡ ኀቤከ፡ ቃል።
ቀጢን። ከመ፡ /ዘ/ይትፋጸይ። ወህየ፡ ሀለወ፡ እግዚአብሔር፡ በእላንቱኬ። አርባዕ። ረቂቃን፡ ዘጼሐ። ፍኖቶ። ወበድምፀ፡
ፋፃ። ዘአእመረ፡ ሀልዎቶ፡ ዘበከመዝ። ግርማ፡ በዘ፡ ተርዕዮ። ለነቢይ፡ በላዕለ። ላሊበላ። አርአየ፡ ሰዊጦ፡ ግርማሁ፡
አኮ። አፍአ፡ እምሥጋሁ። ከመ፡ ግርማ። ሙሴ፡ እንተ፡ ትፈቅድ። ግላ፡ ከመኢይርአዩ። ገጸ፡ ሕዝባ፡ አላ። እንተ፡ ውስጡ፡
ኅብስት። ወባሕቱ። ትትዓወቅ። ወግርማሁ፡ እንዘ። ኢያስተርኢ፡ በከመ፡ ፋፃ። ኢይትረአይ። አላ፡ በድመቶ። ኢይትዓወቅ፡
ግርማሁ፡ እንዘ። ሀለወት፡ ተኀቢኦ። ውስተ፡ አፈ፡ ፋጻይ። ወከማሁ፡ ተኃጥአት፡ ግርማሁ፡ ጸጋ፡ እግዚአብሔር፡
| እንተ፡ ውሰጡ፡ ላሊበላ። እንዘ፡ ትትዓወቅ። ውስተ፡ ገጹ፡ በዋካሃ። ወከመ። ወከመዝ። ልሕቀ።
ወበጽሐ፡ መጠነ። አካል። እንዘ፡ ይጌርም፡ ለኵሉ፡ ሰብእ፡ ወግርማሁሰ፡ አኮ፡ ሶበ፡ ተዓብዮ። ልብ፡ ሥጋዊት።
ወኢበአልዕሎ። ቃል፡ ዲበ፡ ካልአ። አላ፡ እመንፈሰ። ጸጋ፡ ተመሊኦ፡ ኮነ፡ ግሩመ። ወይእቲሰ፡ ዘትሬኢ፡ ዘትሬእዮ።
መደንግፅ። እመኒ፡ ፈቀደ። ወለእመኒ። ኢፈቀደ፡ ወበእንተዝ። ወፅአ። ስሙአተ፡ ነገሩ። ወድምፀ፡ ትንቢት። መንግሥተ፡
በኵለሂ። በእንቲአ[ነ]ሁ። ወበውእቱ፡ መዋዕል። ዘሀሎ፡ እኁሁ፡ ዲበ፡ መንበረ፡ መንግሥት፡ ዘስሙ። ሐርባይ፡ አባይ።
ወሶበ፡ ሰምዓ፡ ተዕቢተ፡ መንግሥት። በእንተ። ላሊበላ፡ እኁሁ። እንዘ፡ ይመስሎ። ከመ፡ ይንሥእ። ወያሐዩ፡ ንግሦ፡
እንበለ። ፈቃድ፡ ፈቃደ። እግዚአብሔር፡ ተሀወከ፡ ወኵሎ። ፍቁራኒሁ፡ ተሀውኩ፡ ምስሌሁ፡ ወባሕቱ፡ ነሢአ። መንግሥትሰ፡
እለ፡ ይትከሀል፡
| እንበለ፡ ፈቃደ፡ እግዚአብሔር። ኢይትኃደግ። እንበለ፡ ይኵን፡ ወእኁሁሰ። ነጋሢ፡ ሐዘነ፡
ይኂ/ይ/ስ። በእንተ። ቅንዓተ፡ መንግሥት። ወኵሎሙ። ቤተ፡ መንግሥቱ፡ ሠራዊተ። እኁሁ፡ ጸልዕዎ፡ እንበይነ፡ ቅንዓተ።
መንግሥቱ። ለእግዚኦሙ። በከመ፡ ይጸልእዎ፡ አኃዊሁ። ለዮሴፍ፡ በእንተ፡ ዘነገሮሙ፡ ሕልመ። እንዘ፡ ይብል፡ እሬኢ፡
በሌሊት፡ ከመ፡ ዘሀለውነ፡ ውስተ፡ ገራህት፡ ወናዓፅድ፡[መ] ወመጽኡ። ከላስስቲሆሙ፡ ወሰገዱ። ለከላስስትየ። ወአእመሩ።
አኃዊሁ፡ ሕልመ፡ እሁሆሙ፡ ወይቤልዎ፡ አንተኑ፡ ትነግሥ፡ ላዕሌነ፡ ወትከውነነ፡ ንገሠ። ወበእንተዝ፡ ሤጥዎ። ብሐረ፡
ግብጽ። ወወባሕቱ፡ ኢይትኃደግ፡ ዝንቱኒ፡ ዘእንበለ። ይኩን፡ አመ፡ በጽሐ፡ ዕድሜሁ፡ ወአኃዊሁኒ፡ ሰገዱ፡ ምስለ፡
አንስ/ቲ/ያሆሙ፡ ወምስለ፡ ደቂቆሙ። ወሪጾሙ፡ ምድረ፡ ግብጽ፡ እስመ፡ በህየ፡ ነግሠ፡ ዮሴፍ፡
| ወዘንተ፡ ኢያእመሩ። እለ፡ ጸልዕዎ። ለላሊበላ። እንዘ፡ ቦሙ፡ ጽሑፈ። በከመ። እምትካት፡ ይቤ፡
ነቢይ፡ ኢያእመሩ፡ ወኢለበው፡ ውስተ፡ ጽልመት። የሐውሩ። ሶበሰ። አእመሩ። እስመ፡ ኢጸረፉ። ሎቱ፡ ወኢተኅለቅዎ፡ አላ፡
በከመ፡ ይቤሉ፡ ለዘአቅነይነ፡ እግዚአብሔር። ንትቀነይ። ወለዘአኰነነ። ንትኳነን። ወባሕቱ፡ ተኬነው። ወሎቱ። በዘይቀትልዎ።
እንዘ፡ ይመስሎሙ። ከመ፡ ከመ፡ ይክልዕዎ፡ በሥራይ፡ ወአኃተ፡ ዕለተ፡ ሰትየ፡ ላሊበላ። ኀበ፡ ወበዝ፡ ድካም። እንዘ፡
ሀለወ። እስመ፡ መድክም፡ ውእቱ፡ ዘሰትየ። ወያወፅእ፡ ርስተ። ዘውስተ፡ ከርሥ። ወሀለወት፡ አሐቲ፡ ብእሲት። ላሊበላ፡
ዘተወልደት፡ ምስሌሁ፡ አሐዱ፡ አብ። ወይእቲሰ። እኪት፡ ምግባሬ። ወለታ፡ ለኤልዛቤል፡ ወካልዕታ፡ ለሄሮድያዳ፡ ወዘወጉ፡
ለቃየል፡ ቀታሌሁ፡ እኁሁ፡ ይእቲኬ፡
| ይእቲኬ፡ አምጽአት፡ ሎቱ፡ ለእኁሁ፡ ገቢራ፡ ሥራይ። ሕምዘ፡ ዘይቀትል። ቶሲሐ። በምዝር፡ እንዘ፡
ትሄሊ፡ ከመ፡ ፍጡነ፡ ይሙት። ከመ፡ ኢይኩን። ንጉሠ። ወፈነወት፡ ሎቱ። ውእተ፡ ሕምዘ። መሊአ፡ በጽዋዕ። ወላሊበላ፡
ጐጕአ፡ ከመ። ይስተይ። እንዘ፡ ይመስሎ። ከመ፡ ምዝር፡ ባሕቱ። እስመ፡ ጽዋዕ። ውእቱ፡ ኢያእመረ። ከመ፡ ሕምዝ። ውእቱ፡
ቶሲሐ፡ ሎቱ። ወአዘዘ፡ ለዲያቆን። ዘይቀውም፡ ቅድሜሁ፡ ወልደ፡ ቤቱ፡ ውእቱ። ወይቤሎ፡ ስተይ፡ ቅደመ፡ እንዘ። ትባርክ፡
ሊተ፡ ልማዱ። ውእቱ፡ ከመዝ። ላሊበላ። ወቀደመ፡ ያሰትዮ፡ ለዲያቆን፡ እምነ፡ ጽዋዑ። ወእምዝ፡ ይስተይ። ውእቱ፡ ውእቱ፡
ወውእቱሰ። ሶበ፡ ስትየ፡ እምውእቱ፡ ጽዋዕ። ተሰውጠ፡ ውስተ፡ ኵሉ፡ አባሉ። እምርእሱ፡ እስከ፡ እገሪሁ። ወበጊዜሃ፡ ቄአ፡
ወወድቀ፡ ወሞተ፡ ግብተ፡ እስመ፡ ፈድፋደ፡ ጸዋግ፡ ሕምዙ። ። ወቅያዐ፡ ኒ፡
| ዘቈዓ፡ ውእቱ፡ ዲያቆን፡ ሰትየ፡ ከልብ፡ ዘሀ፡ ህየ፡ ወውእቱኒ፡ ሞተ፡ በጊዜሃ። ወሶቤሃ፡ ወሶበ፡
ርእየ፡ ላሊበላ፡ ዘንተ፡ ዕፁበ። ዕፀበ፡ ግብረ፡ ወአንከረ፡ እፎ፡ ሞተ፡ ፍጡነ፡ ውእቱ፡ ዲያቆን፡ ዘሰትየ። እምውእቱ፡
ጽዋዕ፡ ዘፈነወት፡ ሎቱ፡ እሳቱ፡ ወውእቱሂ፡ ከልብ፡ ሰትየ፡ ቂያዑ፡ ለውእቱ፡ ዲያቆን፡ ዘንተ፡ ርእዮ፡ ላሊበላ። ከመ፡
ሞተ፡ ክልኤቱ፡ ግብተ፡ በበጊዜሃ፡ ሰትይዎ፡ ለውእ ጽዋዕ፡ ዘቦቱ፡ ሕምዘ፡ ላሊበላ፡ ሶበ፡ ርእየ፡ ዘንተ፡ ተሰጥመ፡
ውስተ፡ ባሕረ፡ ሐዘን፡ በእንተ፡ ሞቶሙ፡ ለእሉ፡ ክልኤቱ፡ ወጐድአ፡ እንግድዓሁ፡ ወሆከ፡ ርእሶ፡ ወይቤ። እንዘ፡ ይበኪ፡
አሌ፡ ሊተ፡ አኮኑ፡ በእንቲአየ፡ ተገብረ፡ ዝጽዋዕ፡ ሕምዝ፡ ወበእንቲአየ፡ ሞቱ። እሉኒ፡ ክልኤቱ፡ ዲያቆንኒ፡ ወከልብኒ፡
እስመ፡ ጌጋይ፡ በዝኃኒ። እስመ፡ በዝኃ፡ በእንቲአየ፡ ተቀትሉ፡ እሉኒ። ወዘንተ፡ ብሂሎ፡ ወበክይዮ፡
| ብዙኃ፡ ተጋብኣ፡ ላዕሌሁ፡ ፍቅረ፡ እግዚአብሔር። ወፍቅረ፡ አኃው፡ ዘሰምዓ። እምኀበ፡ መጻሕፍት፡
ወፈድፋደሰ። ዘይቤ፡ ጳውሎስ። ወዓዲ፡ እንተ፡ ትሴሰይ፡ ፍኖት። እሜህረክሙ፡ አልቦ፡ ዘይበቍዓክሙ፡ ምንተኒ፡ ገቢረክሙ፡
ዘእንበለ፡ አፍቅሮ፡ ቢጽክሙ። እመኒ፡ አእመርኩ፡ ነገረ፡ መላእክት፡ ወነገረ፡ ኵሉ፡ በሐውርት፡ ወዓዲ፡ ሥጋየኒ። ለእመ፡
አብላዕኩ። ከመ፡ እመ፡ እትመዘገን፡ አልቦ። ዘበቋዕኩ፡ ተነበይኩ፡ ወአእመርኩ፡ ኵሎ፡ ዘኅቡዕ፡ ወዘክሡት፡ ወተፋቅሮ።
አልብየ፡ ከንቶ፡ ኮንኩ፡ ወአልቦ። ዘበቋዕኩ፡ እስመ፡ ተፋቅሮ። ፍጽም፡ ሕግ። ውእቱ፡ ዘንተኬ፡ ርዕዮ። ላሊበላ፡
ወአእመረ፡ አፍቅሮተ፡ ሰብእ፡ ዘእግዚእ። ከመ፡ አፍቀሮ፡ ለሰብእ፡ ነሥአ፡ ውእተ፡ ጽዋዓ፡ ዘቀተሎ፡ ለዲያቆንኒ፡
ወለከልብኒ፡ ወሰትየ፡ እስመ፡ ይቤ፡ ለእሙንቱ፡ ከማሆሙ፡ እስመ፡ በእንቲአየ፡ ሞቱ፡ እስመ፡
| እሙንቱኒ። ርእዩኬ፡ አፍቁራንየ። ዘከመዝ፡ ይዋሄ፡ ወዘከመዝ፡ ንጹሐ። ልብ፡ ዘኃደረ፡ ላዕለ፡
ላሊበላ። ዘመጠወ፡ ነፍሶ፡ ለሞት፡ በእንተ፡ ሞተ፡ ከልብኒ፡ ኢመሐከ፡ ርእሶ። እስመ፡ ላህበ፡ ፍቅረ፡ መንፈስ፡ ቅዱስ፡
ነደት፡ ውስተ፡ ልቡ፡ ወኢቁረት። እምሥጋሁ። እስመ፡ ኢለከፈቶ፡ ማየ፡ ሙስና። ርእዩኬ፡ ኦፍቁራንየ፡ ወ/ለ/እመሰ፡ ኮነ፡
ዝነገር፡ በላዕለ፡ ካልአን። እምአኰትዎ፡ ለእግዚአብሔር። በእንተ፡ ዘኢሰትየ። ቀዳሚ፡ ውእቱ፡ ጽዋዕ፡ ሕምዝ፡ ዘ/ቀ/ተሎ፡
ለዲያቆን፡ በጊዜ፡ ሰትዮ፡ አኮ፡ ብዙኃ፡ አላ፡ ንስቲተ፡ ሶበ፡ ጥዕማ፡ ቀተለቶ፡ ፍጡነ። ወላሊበላሰ፡ ይቤ፡ ርእዮ።
ለእሙት፡ ከማሁ፡ እስመ፡ ጽዋዓ፡ ሞት፡ ዝየ። ተቃተለቶ፡ ለከልብየ። እስመ፡ ኃጣውእየ፡ ሊተ፡ አከለኒ፡ ተደኃፈቶ፡
ለእኁየ። ወዘንተ፡ ብሂሎ፡ ነሥኣ፡ ውእተ፡ ጽዋዓ፡ ሞት። በጥቡዕ። ልብ፡ ወበፍቅር፡ ፍጹም። ኦአኃውየ፡ መኑ፡ ይሬኢ፡
ቀታሌ፡ ወጐየይ፡
| እምኔሁ፡ ወመኑ፡ ዘይሬኢ፡ ኵይናተ፡ ሰሑለ። ውስተ፡ እደ፡ ጸላኢሁ፡ ወይፈቅድ፡ ወያመሰጥ፡ እምኔሁ፡
ወመኑ፡ ዘይሬኢ፡ ሰይፈ፡ ስሑለ፡ ወያነብር፡ ዲበ፡ ክሳዱ፡ ወያፈርህ። እምብልሑ። ወመኑ፡ ዘይሬኢ፡ እሳተ፡ ውእቱ፡
ወይትወረው፡ ውስቴቱ። ወይጌግፅ። እምላህቡ፡ ወመኑ፡ ዘይሬኢ፡ ጸድፈ። ዓቢየ፡ ወያን፡ ኰረኵር፡ እመልዕልቴሁ፡ አልቦ፡
ዘያጌብር፡ ዘንተ፡ ዘከመዝ፡ ገብረ፡ ላሊበላ፡ በእንተ፡ ፍቅረ፡ ቢጹ። እስመ፡ ኮነ፡ አስከሬነ፡ ለፍቅረ። እግዚአብሔር።
ወለፍቅረ፡ ካልዑ። ወካልኣንሰ፡ ለእመ፡ ኮኑ፡ ወለእመ፡ በጽሖሙ። ዘከመዝ፡ ነገር፡ እመ፡ ኢለከፍዎ፡ ጥቀ፡ በኣጽባዕቶሙ፡
ለውእቱ፡ ጽዋዕ። እንዘ፡ ይሬእዩ፡ ዘይቀትል፡ ካልዖሙ፡ ለዘቀደሞሙ፡ ሰትየ፡ ወዓዲ። እምአንሥኡ፡ ጸባኢት፡ ላዕለ፡ ውእቱ፡
ዘሀበቶሙ፡ እምተሰነዓውዋ፡ ወእምአብጽሕዋ። ለሞት። ወይመስለኒሰ፡ ሥጋሃ፡ እምበልዑ፡ ወደማኒ፡ እምሰትዩ፡
| ወዘንተኒ። እምከመ፡ ገቢሮሙ፡ እስመ። ኢአኀድአ። ልቦሙ፡ እስመ፡ ፈድፋደ፡ መልአ፡ መሪር፡ ነገሩ።
ወላሊበላሰ፡ ኢፈርሃ። ሰቴየ፡ ጽዋዓ፡ ሞት፡ እንዘ፡ ይዜከራ፡ ለነፍሱ፡ ሐሞተ፡ ከይስ። ወብሒአ፡ መጺጸ፡ ዘምስለ፡ ከርቤ፡
ቱሱሐ፡ በዲበ፡ መስቀል፡ ዘሰትየ፡ መድኃኒነ፡ በእንተ፡ ቤዛ፡ ብዙኃን። በከመ፡ ይቤ፡ ለሊሁ። እሜጡ፡ ነፍስየ፡ ቤዛ፡
አባግዕየ፡ አልቦ፡ ዘየዓቢ። እምዝ፡ [ኢ]ግብር፡ በከመ፡ ዘቦ፡ ዘይሜጡ፡ ህየንተ፡ ቤዛ፡ አዕርክቲሁ። ዘንተኬ፡ ቃለ፡
ዘአውጽአ፡ እም፡ አፈ፡ በግዑ። ከመ፡ ይፈጽም፡ ፈተ ላሊበላ። ወፈቀደ፡ ከመ፡ ይትመሰሎ፡ ሎቱ፡ ለሊሁ። ተመሰለ፡ ኪያየ።
ኢየሱስ፡ ሰትየ፡ ጽዋዓ፡ ሞት፡ በእንተ፡ ፍቅረ፡ ሰብእ፡ ዘአፀሩ፡ ሎቱ፡ ነገደ፡ ሕዝብ፡ ዕብራውያን። ወላሊበላኒ። ሰትየ፡
ጽዋዓ፡ ሞት። በእንተ፡ ፍቅረ፡ ካልዑ፡ ዘተፀውረ፡ ሎቱ፡ በእደ፡ እስቱ። ናሁ፡ አርአየ፡ ሎቱ፡ ረድእ፡ ምስለ፡ መምሕሩ፡
| ወበግዕ፡ ምስለ፡ ኖላዊሁ፡ ወገብር። ምስለ፡ እግዚኡ፡ እስመ፡ ይደሉ። ከመ፡ ይኵን፡ ግብር። ከመ፡
ገብረ፡ እግዚኡ። ወረድኡ። ምስለ፡ መምህሩ። ወሐዋርያ፡ ከመ፡ ዘፈነዎ፡ ወበእንተዝ። ኢፈርሀ፡ ላሊበላ፡ ሞተ፡ ተወልቲዎ።
በወልታ፡ ፍቅር፡ ሥሙር። ወበወልታ። መድኃኒት፡ ጽኑዕ፡ ዘኢይሰቊሮ። ኳናተ፡ ዓላዊ፡ ወዘኢያክፎ፡ ዕሥረተ፡ ሐጽ፡
ወሞጸፍተ። ዕብን፡ ወሊተሰ፡ ይመስለኒ። እምሰማዕትኒ። ዘያዓቢ። ላሊበላ። ዘሰትየ፡ ጽዋዓ፡ ሞት፡ በእንተ፡ ፍቅረ፡ ቢጽ፡
እንዘ፡ አልቦ፡ ዘአገበሮ። ሰማዕትሰ፡ ሰትዩ። ጽዋዓ፡ ሞት፡ ዘይቀትል፡ ሶበ። አገበርዎ፡ አላውያን። ከመ፡ ይሰትዩ፡
ሕምዘ፡ ሥራይ። ወእመ፡ አኮ፡ ከመ፡ ይክህድዎ፡ ለአግዚኦሙ፡ ወከመ፡ ይክሀዱ፡ ሃይማኖቶሙ። ወበእንተዝ፡ ሰትዩ፡ ጽዋዓ፡
ሞት። ሰማዕት። እምይክሀዱ፡ ሃይማኖተ፡ እስመ፡ ይቤሎሙ፡ መድኃኒነ፡ ኢትፍርህዎሙ፡ ለእለ፡ ይቀትሉ፡
| ሥጋክሙ፡ ወለነፍስክሙኒ፡ ወአርእየክሙ፡ ዘትፈርሁ፡ ፍርህዎሰ። ለዘ፡ እምድኅረሰ። ቀተለ፡ ሥጋ።
ስልጣነ፡ ሎቱ፡ ነፍስኒ፡ ወሥጋኒ። ይቅትል፡ ወያሐዩ። ውስተ፡ እሳተ፡ ገሃነም፡ ዘንተኬ፡ ፈሪሆሙ፡ ሰማዕት፡ ዘአጥብዑ።
ለሞት፡ ነፍሶሙ። ወእመኒ። በስታየ፡ ሕምዝ። ወለእመኒ። በእሳት። ወለእመኒ፡ በኳናት። ወለእመኒ፡ በመጥባሕት። እስመ፡
ዘይክህድ፡ ሃይማኖት። ይትዓሰድ። እሳተ። ወላሊበሰ። ኢይክሂደ፡ ሃይማኖተ፡ ሰትየ፡ ጽዋዓ፡ ሞት። ወኢሂ፡ በእንተ፡ ፍጻሜ፡
ትእዛዝ። አላ፡ በእንተ፡ አፈድፈደ፡ ኂሩት። እንዘ፡ ይትሜሰሎ፡ ለጸጋዌ፡ ምሕረት። ምሕረተ፡ እግዚአብሔር፡ ዘፆረ፡ ኵሎ፡
ሕማማተ። ወቅሥፈታተ፡ ወሪዶ። እምሰማያት። እንዘ፡ አልቦ፡ ዘአገበሮ። ለቢሶ፡ ትስብእተ፡ ወመዊቶ፡ ጸጋ፡ ጸገወ፡ ሕይወተ፡
ለሞታን፡ እስመ፡ በፈቃዱ፡ ሞተ፡ ጥዕመ፡ በእንተ፡ እሊአሁ። ወበእንተ፡ ፍቁራኒሁ። ወላሊበላኒ። አማን። ተመሰሎ፡
ለመድኅኔ፡ ኵሉ፡ ዓለም። እስመ፡ በፈቃዱ፡ ሰትየ፡ ጽዋዓ፡ ሞት፡ በእንተ፡ ፍቅረ፡
| ካልዑ፡ እስመ፡ ቃል፡ ዘይቤ፡ እስመ፡ ተፋቅሮ፡ ፍጹም፡ ሕግ፡ ውእቱ፡ ዘአፍቀረ፡ ቢጸ፡ ኵሎ፡ ሕገ፡
ፈጸመ፡ ገቢረ። ወሶበ፡ ሰምዓ፡ ቃለ፡ ካዕበ። እምብስራተ፡ መድኃኒት። አፍቀሮ፡ ለእግዚአብሔር፡ አምላክከ፡ በኵሉ፡ ልብከ።
ወበኵሉ፡ ኃይልከ፡ ወበኵሉ። ነፍስከ፡ ወበኵሉ። ሕሊናከ። ወአፍቅር፡ ቢጸከ። ከመ፡ ነፍስከ። እስመ፡ በእንተ። ኵሉ፡
ክልኤተ፡ ትእዛዛተ፡ ተሰቅለ። ኦሪት፡ ወነቢያት፡ ወላሊበላሰ። ተሰቅለ፡ ቦሙ። እስከ፡ ይበጽሕ፡ ለሞት። እስመ፡ ሰትየ።
ወ እተ፡ ጽዋዓ፡ ዘወለደት፡ ሞተ፡ ለሰብእ። ወለእንሰሳ፡ ወሎቱሰ፡ ሰትዮኒ። አኮ፡ ዘቀተለቶ፡ አላ፡ ከሠተት፡ ሎቱ፡
ምሥጢረ። ሰማይ፡ ወምድር። እስመ፡ ተመስለሁ። ውእቱ፡ ኢየሱስ፡ ክርስቶስ። ጽዋዓ፡ ሞቱ፡ ለኢየሱስ፡ ጸገወት። ሕይወተ፡
ለእለ፡ ሀለው፡ ውስተ፡ ሞት። ጽልመት። ወቦ፡ እለ፡ ሀለው፡ ውስተ፡ ንዴት።
| ወንጽሖሙ፡ ለእለ፡ ሀለው፡ ርኵስ፡ በአምልኮ፡ ጣዖት። አጽገየት፡ ስብሐቶሙ፡ ስብሐተ፡ ኵሉ፡
ኣጽናፈ፡ ዓለም፡ በባሕር፡ ወበየብስ፡ ወበአለደስ፡ ወአግነየት። ኵሎ። ሕዝብ፡ ለአምልኮቱ። ወኃይላትኒ። አስገደት፡ ታሕተ፡
እገሪሁ፡ ወረሰየቶሙ። ከመ፡ ይበሉ። አርኅው፡ ኆኃተ፡ መኳንንት፡ ወይትረኃዋ፡ ኆኃት። እለ፡ እምፍጥረት። ወይባዕ፡ ንጉሠ፡
ስብሐት። እግዚአብሔር። ኃያል፡ ወጽኑዕ። እግዚአብሔር፡ ኃያል፡ በውስተ፡ ጸብዕ። ምስለ፡ መኑኬ፡ ተፃብዓ። ወመኒኬ፡
ዘሞአ። ወማዕዜኑ፡ ዕለተ፡ ፀብዕኒ። ወለዘፀብአሰ። እግዚአብሔር። ውእቱ። ወዘንተ፡ ፀብአሰ፡ ወዘተመውአ፡ ሰይጣን። ውእቱ፡
ወዕለተ፡ ፀብዕኒ፡ ዓርብ። ዕለተ፡ ዓርብ፡ ይእቲ። ወሶበሰ፡ ትሰምዕ። እንዘ፡ ይብል፡ ውእቱ። ነቢይ፡ እግዚአብሔር፡
ኃያል፡ በውስተ፡ ፀብዕ፡ ወኢይምሰልከ፡
| ፀብዕ፡ እግዚአብሔር፡ ዘእምቅድመ፡ ዓለምሰ። አልቦ፡ ዘፀብአ። እስመ፡ ምስለ፡ መላእክት፡ አልቦ።
ዘይክል። ተቃውሞቶ፡ ወዛቲሰ፡ ፀብአ፡ ዘዲበ፡ መስቀል፡ ይእእቲ። ፀብአቶ፡ ለሰይጣን፡ አመ፡ ሐመ፡ በትስብእተ፡ ሥጋሁ።
በእንተ፡ አፍቅሮተ፡ ሰብእ። ወውእቱ፡ ሥጋ፡ ዘተሞአ፡ በኀበ፡ አዳም፡ ተሰምየ፡ ኃያለ። ወጽንዓ። ከዊኖ። መዋኤ። በኀበ፡
ወልድ። ዋህድ፡ እግዚአብሔርሃ። [ብ]፡ ተብህለ። ገሃደ፡ ከዊኖ፡ ዕሩየ። ምስለ፡ መለኮቱ። ዛቲኬ፡ ጽዋዓ። ሞቱ፡ ኢየሱሰ፡
ዘወለደት፡ ሕይወተ፡ ወአጽገየት፡ ስብሐተ። በላዕሉ፡ ወበታሕቱ። ወበጽዋዑኒ። ላሊበላ፡ ዘአኃዘ[በ]ቶ፡ ሞተ። አኮ፡
ዘቀተለቶ፡ አላ፡ ወለደት፡ ሎቱ፡ ሕይወተ። ወከሠተት። ሎቱ፡ ምሥጢራተ፡ እስመ፡ አልስሐት፡ ሕምዘ፡ ዘውስቴታ። ጽዋዓ፡
ሃይማኖት፡ ዘውስተ። ልቡ፡ ወተውኅጠት፡ ስቴ፡ ሕምዝ፡
| በስቴ፡ ምሥጢር፡ ዘው/ኅ/ዘ፡ እምገቦ ለርጢን። ብዙኃን። በከመ፡ ተውኅጡ። አብትረ። ኢያኔስ፡
ወኢያንበሬስ፡ ዘኮነ፡ አራዊተ፡ በበት ለሙሴ፡ ዘኮነ፡ አርዌ፡ ምድር፡ ወዘከመሰ፡ ወለደት፡ ሎቱ፡ ሕይወተ፡ ወዘከመሂ፡
ከሠተ። ሎቱ፡ ምሥጢራተ፡ እነግረክሙ። ወሶበ፡ ነሥአ፡ ውእተ፡ ጽዋዓ፡ ሕምዘ፡ ዘገብረት፡ ሎቱ፡ እኅቱ፡ ትቅትሎ፡ ወሰትየ።
ላሊበላ። ዘአኃዘ፡ ይደክም። ወአኮ፡ ዘደክመ፡ ተመዊአ፡ እምኃይለ፡ ሥራይ፡ እለ፡ ደክሙ፡ ሶበ፡ ተሀውከ፡ ዕፄ፡ ዓቢይ፡
ዘነበረ፡ ቀዲሙ። እንዘ፡ የሐምም። ከርሦ። ወሶበ፡ ረከበቶ፡ ይእቲ። ሕምዝ፡ ለውእቱ፡ ዕፄ፡ ዓቢይ፡ ወተቀሥፈ፡ ባቲ፡
ወስእነ። ተአግሦ፡ ወወፅአ፡ አፍአ፡ እምውስተ። ከርሡ። ለላሊበላ፡ ወኆለቈ፡ አጽፋሪሁ፡ ለውእቱ። ዕፄ፡ ወመጠነ፡ ሐምሳ።
ወሶበ። ወፅአ፡ ውእቱ፡ ዕፄ፡ ጥዕየ፡ ሥ/ጋ/ሁ።
| ወኵሉ፡ አባሉ፡ ወሶበ፡ እብለክሙ፡ ደክመ። ኢይምሰልክ፡ በእንተ፡ ውእቱ፡ ኅምዝ፡ ዘሰትየ። እስመ፡
ኢይክህሎሙ፡ ሥራይ። ለአግብርተ፡ እግዚአብሔር። በከመ፡ ለሊሁ፡ እግዚእነ፡ ወዘሂ፡ ዘይቀትል፡ ለእመ፡ ሰትዩ፡ አልቦ፡
ዘይነክዮሙ፡ ወአልበ፡ ዘይሬስዮሙ፡ ወዘደክመሰ፡ በእንተ፡ ውእቱ፡ ዕፄ፡ ሶበ፡ ተሀወከ። እንዘ፡ ይወፅእ፡ ተነዲፎ፡
በአሕጸ። ዝንቱ፡ ሕምዝ። ላሊበላ፡ እንዘ፡ ሀለወ፡ ጥዑየ፡ ጥዑይ። በእንተ፡ ዘሐይወ። እምደዊሁ፡ ወሶቤሃ፡ ርእየ።
እግዚአብሔር፡ ኂሩቶ፡ ብዙኃ፡ ላሊበላ። አፍቅሮተ። ሰብእ። ወተመሰለቶ፡ ኪያሁ። ወጽሕቆ፡ ለገቢረ፡ ፈቃዱ፡ ወለፈጽሞ፡
ትእዛዝ፡ ትእዛዙ። ወዘከመሂ፡ ሰትየ። ጽዋዓ። ሕምዝ፡ ቀታሌ። በእንተ፡ ፍቅረ፡ ካልዑ። ወፈነወ። ሎቱ። መልአከ፡
ብርሃናዌ። እምነ፡ ኃይላቲሁ። ከመ፡ የኃውጾ። ወከመ፡ ይመስጠ፡ ለነፍሱ፡ ውስተ፡ ሰማያት፡ ከመ፡ ያርዕዮ፡
| ኅቡዓተ፡ ምሥጢር፡ ዘላዕሉ፡ ወሶቤሃ፡ ወረዳት፡ ወረደ፡ ዝኩ፡ መልአክ፡ ብርሃናዊ። እንዘ፡
ያንበለብል፡ ከመ፡ እሳት፡ ወእንዘ፡ ይትፌሣሕ። ፈድፋደ። እስመ፡ ከማሁ፡ ልማዶሙ፡ ለመላእክተ፡ ብርሃን። ሶበ፡ ይፌንዎ።
አምላክ፡ ጽድቅ። ኀበ፡ ኅሩያኒሁ፡ ወኀበ፡ ገባርያነ። ፈቃዱ፡ ለኃውጸቶሙ፡ አው፡ ለአውፅዖቶሙ። እምቤተ፡ ሞቅሕ። አው፡
ለዜንዎቶሙ፡ ነገራተ፡ ምሥጢራተ። አው፡ ለረድኤቶሙ፡ በውስተ፡ ኵሉ፡ ሰሐቀ ኃዘኖሙ፡ ሶበ፡ ይትፌነው፡ ኀበ፡ ቅዱሳን።
ይትፌሥሑ። መላእክተ፡ ብርሃን። ወውእቱሰ፡ መልአክ፡ በጽሐ፡ ኀበ፡ ላሊበላ፡ በይእቲ፡ ሰዓት። እንተ፡ ባቲ፡ ሰትየ፡
ጽዋዓ። ሕምዝ፡ ወመሰጣ፡ ለነፍሱ፡ ውስተ፡ ሰማይ። በዓቢይ፡ ፍሥሐ፡ ወእንዘ፡ የዓርጎ፡ ውስተ፡ ዓየር፡ መሀሮ። ከመ፡
ይሔሊ፡ ወይብል፡ ብርሃንከ፡ ጽድቅከ። ወይሰዳኒ። ደብረ፡ መቅደስከ። ወውስተ፡ አብያቲከ። እግዚኦ። እበውዕ፡ ኀበ፡
| ምሥዋዒሁ፡ ለእግዚአብሔር። ኀበ፡ አምላኪየ። ዘአሥፍሐ፡ ለውርዙትየ። እመኒ፡ ዓረጉ፡ ህየኒ፡ አንተ፡
ወእመኒ፡ ወረድኩ፡ ቀላይ፡ ህየኒ። ሀለውከ። ወእመኒ፡ ነሣእኩ፡ ክንፈከ። ከመ፡ ንስር፡ ወሰረርኩ። እስኩ፡ ማሕለቅተ፡
ባሕር። ህየኒ፡ እዲከ፡ ትመርሃኒ፡ ወታነብረኒ፡ የማነከ። ወዘንተ፡ እስመ፡ እንዘ፡ ይል። ዓርገ፡ ውስተ፡ አየረ ሰማይ፡
ቀዳሚት፡ ተጽሒኖ፡ ዲበ፡ ብርሃናዊ። ወሶበ፡ በጽሐ፡ ምጽናዕ። ዕምዓ። ድምፀ፡ መፍርሃ። ወመርዕደ፡ ወአስተርዓይንዎ።
መፍርሃን፡ ገጽ። እለ። ይበኵሑ፡ ቀምጺጸ፡ እሳት፡ ወእንዘ። ይጥኅሩ፡ በመዓት። ከመ፡ ዘይፈቅዱ፡ ይምስጥዎ፡ ወአኃዘ።
ላሊበላ። ከመ፡ ይፍራህ። እምነ፡ ድምፀ፡ መዓቶሙ። ወእምነ፡ ፈሀለ፡ ጥኅረቶሙ። ወእምነ፡ አርአያሆሙ፡ መደንግፅ፡ ዘይመሱ፡
አባለ። በከመ፡ ይትመሰው፡ ሰምዕ፡ እምገጸ፡ እሳት፡ ዘንተ፡ ርዕዮ፡ አንዘ፡ አኃዘ፡ ያነክር፡ በዓቢይ፡
| ድንጋፄ፡ ወዝኩኒ፡ መልአክ፡ ዘይመርሖ፡ አርመመ። ወኢገሠፆሙ፡ ለእልክቱ። መፍሃነ፡ ገጽ፡ ለእለ፡
አስተርአይዎ። ለላሊበላ። በግርማ፡ መደንግንጽ። ወሶበ፡ ርእየ። ላሊበላ፡ መዓቶሙ፡ ወለበው፡ ኵሎ፡ ፍልሐተ፡ ዘይከውን፡
እምኔሆሙ። ወሶቤሃ። ይቤሎ፡ ዝኩ፡ መልአክ። ለላሊበላ፡ ርኢከኑ፡ ርኢከኑ፡ ኦብእሲ። እሎ/ን/ተ፡ መናፍተ፡ ወዘከመ፡ እፎ፡
መፍርሃን። ወይፈቅዱ። ይምስጡኬ፡ በመዓት። ወይቤሎ። ላሊበላ። እወ፡ ናሁ፡ እሬኢ፡ ኦእግዚእየ። ወይቤሎ፡ ዝኩ፡ መልአክ፡
አእመርከኑ፡ እምድመዝ፡ ኦብእሲ። ዘከመ፡ ሀሎ፡ ዝየ፡ ዘከመዝ፡ መፍርሃት። ወይቤሎ፡ ላሊበላ። ለመልአክ፡ ሰሚዓሰ፡
ሰማዕኩ፡ እግዚእየ፡ በውስተ፡ መጻሕፍቲሆሙ፡ ለእለ፡ ዓርጉ። ዝየ፡ እንዘ፡ ይብል፡ ሀሎ። ዓቢይ፡ ንጋፄ፡ ውስተ፡ ምጽናዕ።
እስመ፡ እለ፡ ይነብሩ፡ ህየ፡ መፍርሃን፡ ወመደንግፃን፡ ወሶበ፡ ትወጽ[እ]ፅእ፡ ነፍሰ፡
| ነግሰ፡ ብእሲ፡ ኃጥእ፡ እምሥጋሃ፡ ይዘረው፡ ላቲ። ከመ፡ ያደነግፅዋ። ወያፍርህዋ። ወይእዜሰ፡ ናሁ፡
ርኢኩ፡ በአዕይንትየ። ወናሁ፡ አኃዘኒ። ፍርሃት፡ ወርዓድ፡ አዝዞሙ፡ እግዚእየ። ከመ፡ ይርኃቁ፡ እምኔየ፡ ወይቤሎ፡ ዝኩ፡
መልአክ፡ በል፡ ለሊከ፡ ይትነሣእ፡ እግዚአብሔር፡ ወይዘረው፡ ፀሩ። ወይቤ፡ ላሊበላኒ። በከመ፡ መሐሮ። መልአክ፡ ወሶቤሃ፡
በርቀ፡ ወአንበስበሰ፡ መንፈስ፡ ቅዱስ። ዘበላዕለ። ላሊላ፡ ወተዘርው፡ እልክቱ። መዓትማን፡ ወመፍርሃን። ወመደንግፃን።
ወሶበ፡ ሰሰሉ። ወነፍፁ፡ እለ፡ አስተርአይዎ፡ በግማ፡ ዓቢይ፡ ወውእተ፡ ጊዜ፡ ወይቤሎ፡ ላሊበላ፡ ለውእቱ፡ መልአክ፡
ለምንትኑ። እግዚእየ፡ ዘኢመሐርከኒ። ዘንተ፡ እምቅድመ፡ ያስተርእዩኒ፡ እልክቱ፡ መደንግፃን። ወይቤሎ፡ ውእቱ፡ መልአክ፡
ብርሃናዊ፡ ኢይመስልከ፡ ኦብእሲ፡ ክቡር፡ በከመ፡ ዘኃደጉ፡ ከመ፡ /ያ/ስተርእዩከ፡
| እልክቱ፡ መናፍስት፡ መፍርሃን። አላ፡ በእንተ፡ በቊዔተ፡ ነፍስ ኃደጉ። ከመ፡ ያስተርእዩከ። እስመ፡
ሀለወከ፡ ትግባዕ፡ ውስተ፡ ሥጋከ፡ ወአመ፡ ሀሎከ። ውስተ፡ ዓለም፡ ይከውነከ። ይከውነ ከ፡ ተዝካረ። ዝንቱ፡ ዘርኢከ፡
ወበተዘክሮተ፡ ዝንቱ፡ ድንጋፄ፡ ታፈደፍድ። ጽድቀ፡ ወበገቢረ፡ ሠናይ። በኵሉ፡ መዋዕለ፡ ሕይወትከ። ዘሀለውከ፡ ትሕየው፡
በውስተ፡ ዓለም። እስመ፡ ብዙኃነ፡ አስሐተ፡ ዝንቱ፡ ዓለምክሙ፡ እንዘ። ያስተዔውሮሙ። ከመ፡ ኢይግበሩ። ዘሰምዑ፡ በውስተ፡
መጻሕፍት፡ ወከመ፡ ኢይፍርኁ፡ ዘንተ፡ ድንጋፄ፡ ዘአንተ፡ ርኢከ፡ ዘትረክብ። ነፍስ፡ አምጽአታ፡ እምሥጋሃ። ወዘየዓቢ፡
እምዝ፡ ሲኦል። ወገሃነም፡ አመትንሣኤ፡ ሙታን። አመ፡ ተሐውር፡ ነፍሰ። ወሥጋ፡ ዘንተኬ፡ አመ፡ ኢይፍርሁ፡ ወይወዲ፡ ግላ፡
ውስተ፡ ልቦሙ። ወመጻሕፍትሰ፡ አልቦ፡
| ዘይዜንዎሙ፡ ውስተ፡ ዓለም፡ ኢሠናየ፡ ወኢእኩየ፡ በመጠነ፡ ይትከሀል፡ ለሰሚዕ። ወአንተሂ፡ ዑቁ፡
ወለቡ፡ ዘንተ፡ ድንጋፄ። ወኢይትአተት፡ ዝክሩ፡ እምውስተ። ልብከ። እስከ፡ ትፈጽም፡ ዕድሜ፡ መዋሊከ፡ ዘተሐዩ፡ ውስተ፡
ምድር። ወእልክቱሰ፡ መናፍስተ፡ ድንጋፄ። እለ፡ አስተርአዩከ፡ ኢያደልው፡ ኢለባዕል፡ ወኢለነዳይ፡ ኢለንጉሥ፡ ወኢለመኰንን።
ወመንፈስ፡ ቅዱስሂ፡ ዘላዕሌከ፡ ክዕበተ፡ ርእሶ። እምነ፡ እልክቱ፡ እለ፡ አስተርአዩከ፡ ምስለ። ድንጋፄ። እስከ፡ ትሬኢ፡
ወትሌቡ፡ ፍርሃተ፡ ዓቢየ፡ ወሶበ፡ አእመርከ፡ ወተጠ/የ/ቅከ። ፍርሃተ፡ ወድንጋፄ፡ ዘይከውን፡ እምኔሆሙ፡ በረቀ፡
ወአንፈጾሙ፡ ዑቁኬ፡ ኢያስሕታተክሙ።ኢተተክዝዎ። ለመንፈስ፡ ቅዱስ፡ ወኢይትረ/ከ/ብኬ። ውስተ፡ ቤቱ፡ ምንተኒ፡ እምዕድዋት፡
ዘእንበለ፡ ዕንቈ፡ ባሕርይ፡ ወወርቅ፡ ወብሩር፡
| ጽሩይ፡ እለ፡ እመንቱ፡ ምግባራተ፡ ሠናይ። ወዘንተ፡ ብሂሎ፡ ዝኩ፡ መልአክ፡ አዕረጎ፡ ውስተ።
ሰማይ። ከመ፡ ያርእዮ፡ ኅቡዓተ፡ ምስጢር፡ ዘበሰማይ፡። ወሶበ። ቀርበ፡ ውስተ፡ ሰማይ፡ ቀዳሚት፡ ተኃዘበ። ላሊበላ፡
እንዘ። ይመስሎ። ከመ፡ ትመጽአ፡ ፍርሃት፡ ወራዕየ፡ ድንጋፄ። በከመ፡ ርዕየ፡ ቀዳሚ። በውስተ፡ ምጽና፡ ወአእምሮ፡ ዝኩ፡
መልአክ፡ እንዘ፡ ይመርሆ። ለላሊበላ። ወይቤሎ። ምንትኑ፡ ትትሐዘብ፡ ወምንተኑ። ይሂሊ፡ ላዕከ፡ ኦብእሲ፡ ዘጸውዓቶ፡ ጸጋ።
እግዚአብሔር፡ ከመ፡ ይርአይ። ኅቡዓተ፡ ሰማይ። ወይቤሎ፡ ለላሊበላ፡ ለውእቱ፡ መልአክ፡ ኦእግዚእየ፡ እትሐዘብ። ዘከመ፡
ቀዳሚ፡ ፍርሃት። እስመ፡ ራዕያተ፡ ድንጋፄ፡ ዘውስተ፡ ምጽንዓ፡ ግማኒ፡ ፈድፋደ። ወይመስለኒ፡ ይእዜ፡ ዘይመጽአኒ፡ ቀዳሚ፡
ወአውሥኦ፡ ዝኩ፡ መልአክ፡ ጽድቅ፡ ብርሃናዊ፡
| በዓቢይ፡ ፍሥሐ፡ ወይቤሎ፡ ለላሊበላ፡ ኢትፍራህ፡ ኦቅዱስ፡ ወብፁዕ፡ ዘረከብከ፡ ብፁዓ፡ በኀበ፡
ኵሎሙ፡ ሰማያውያን፡ ወትትበፃዕ። ወትትዊደስ። በኀበ፡ ምድራውያንሂ። አመያስተርኢከ፡ ስነ፡ ሂሩትከ፡ ወአመ፡ ይትዓወቅ፡
ምግባረ፡ ጻድቅከ፡ ወአመይትከሠት፡ መድፍን። ኅቡዕ፡ ዘሀለወ፡ ይትከሠት። በዕደዊከ፡ ዘኢያስተርኢ፡ ወኢርዕዮ፡ መኑሂ።
እስከ። ይእዜ። ወበእንተ፡ ፍርሃትሰ፡ ኢይትሂየል። ወኢይምሰልከ፡ ዘትሬኢ፡ በውስተ፡ ሰማይ፡ መፍርሃን። ወመደንግፃን፡
ወደንፃውያን። ወሕሱማን፡ ራእይ፡ ወምሉአነ። እከይ፡ እስመ፡ እልክቱሰ፡ ወኢየዓርጉ፡ ውስተ፡ ሰማይ። እስመ፡ ህየ፡
ንብረቶሙ። ውስተ፡ ምጽናዕ፡ አላ፡ እምይእዜሰ፡ ትሬኢ፡ መላእክተ፡ መንፈሳውያነ፡ ብርሃናውያን፡ ትጉሃን፡ እለ፡ ኢይነውሙ፡
እንዘ፡ ይስዕሉ፡ ለዘመደ፡ ዘኢከ፡ እሉ፡ እሙንቱ፡ ሰብእሰ፡
| ወይሴብሑ፡ ወይትፌሥሑ፡ በእንተ። አሐዱ፡ ኃጥእ፡ ዘይኔስሁ፡ እምነ፡ ተስዓቱ፡ ተሥአ፡ ወተስአ፡
ነገደ፡ ጻድቃን፡ እለ፡ ይፈቅድዎ፡ ለንስሐ። ወፈድፋደሰ፡ ይትፌሥሑ፡ በእንተ፡ ከማከ፡ ወይእዜሰ፡ ትሬኢ፡ ፍሥሐሆሙ።
ወሶበ፡ ይቤሎ፡ ዘንተ፡ ተፈሥሐ። ላሊበላ፡ ወተመልአ። እምኃይለ፡ መንፈስ፡ ቅዱስ። ወእምጽንዓ፡ ሃይማኖት፡ እስመ፡
አስተፍሥሐ፡ ቃለ፡ መልአክ፡ ለላሊበላ፡ ለይኩን፡ እግዚኦ። በከመ፡ ትቤ። ወእምዝ፡ በጽሑ፡ ውስተ፡ ሰማይ፡ ቀዳሚት፡
ሰምዓ፡ ላሊበላ፡ ድምፀ፡ ዓቢየ፡ ከመ፡ ነጐድጓድ፡ ወደምፁሰ፡ አኮ፡ ዘይፈርህ፡ አላ፡ ዘያሥተፌሥሕ፡ ወሰክረ፡ ላሊበላ፡
እምሰሚዓ፡ ውእቱ፡ ፍሥሐ። ወይቤሎ፡ ለውእቱ፡ መልአክ፡ ምንትኑ፡ ዝንቱ፡ ድምፅ፡ ከመ፡ ነጐድጓድ፡ ወድምፁሰ፡ ያሥተፌሥሕ፡
ወሰክረኒ፡ ልብየ፡ እምሰሚዓ፡ ፍሥሐሁ፡ ወይቤሎ፡ ውእቱ፡ መልአክ፡ ለላሊበላ፡ ድምፀ፡
| ስብሐቶሙ፡ ለእሉ፡ መላእክት፡ ዘነገርኩከ፡ ቀዳሚ። እስመ፡ ፍሡሐን፡ እሙንቱ፡ ወበእንተ፡ ዝንቱ፡
ያሥተፌሥሕ፡ ስብሐቶሙ። ሰሚዓከ፡ ድምፆሙ፡ ተፈሣሕኩ፡ እፎኬ፡ ትትፌሣሕ፡ ሶበ፡ ትሬእዮሙ፡ እንዘ፡ ወእንዘ፡ ዘንተ።
ይቤሎ፡ አስተርአይዎ፡ ግብተ። ዑፁፋንነ፡ ብርሃን፡ ወምሉኣነ፡ ቅዳሴ። ወገልበበ፡ ብርሃን፡ ብርሃኖሙ። ወአዶ፡ ከመ።
እንተ፡ ደመና፡ ወይቤልዎ፡ በፍሥሐ፡ ባሐከ፡ ኢሳይያስኒ፡ ካልዕ፡ ዘነጸረ፡ ምሥጢረ፡ ሰማይ። ወክብረ፡ ስብሐቶሙ፡
ለሕያዋንን፡ ለእለ፡ ኢያነውሙ፡ ወዘንተ፡ ሰሚዖ። ላሊበላ፡ ተፈሥሐ፡ ወአንፈርአጸት፡ ነፍሱ፡ ወበርሃት። ገጹ፡ ፀሐይ፡
እስመ፡ ከደነቶ፡ ፀዳለ፡ ስኖሙ፡ ለብርሃናውያን። ወይቤሎሙ። እንዘ፡ ይትፌሥሑ፡ ሰላምክሙ፡ ያርፍ፡ ላዕሌየ፡ ኦአጋዕዝትየ፡
እስመ፡ ፈድፋደ፡ ሐወዘኒ፡ ቃልክሙ፡ ወይደልወኒኬ፡
| አሀሉ፡ ምስሌክሙ፡ ወይኩን፡ ክፍልየ፡ ወማኅደርየ፡ ኀቤክሙ፡ በተንብሎ፡ ዚአክሙ፡ ወበስዕለት ክሙ።
ወአኮ፡ ዘበምግባርየ፡ ዘዕብል፡ ከመ፡ ይኩን፡ ማኅደርየ። ምስሌክሙ፡ አላ፡ በኃይለ፡ ጸሎትክሙ፡ ወበትጋህ፡ ቅዳሴክሙ፡
እንዘ፡ እትአመን። ወእጸወን። ወበምግባሩሰ፡ ለሰብእ፡ ኢይትከሀሎ፡ ከመ፡ ይኅድር፡ ምስሌክሙ፡ ምንተኒ፡ አፈድደድዩ፡
ሂሩተ። ለእመ፡ አጥረየ፡ ይመስለኒ፡ ዘኢይደልዎ፡ ከመ፡ ይረክብ፡ ሰብሐተ፡ ወክብረ። ዘላዕሌክሙ፡ ወተሰጠውዎ፡ እልክቱ፡
ብርሃናውያን፡ ላሊበላ፡ ወይቤልዎ፡ በእንተ፡ ማኅደርሰ፡ ዘትቤ፡ ወበእንተ፡ ክብር፡ ወስብሐትሰ፡ ዘለከ፡ የዓቢ፡ ወንሕነሰ፡
ኢንክል፡ ረኪበ፡ ስብሐተ፡ ዘሀለወከ፡ ትረክብ፡ ወብርሃንከኒ። ኅድግሰ፡ እምኔነ፡ እምእለ፡ ይትሌዓሉነሂ፡ ሀለወከ።
ትዕበይ፡ በክብር፡ ወበስብሐት፡ በቅድመ፡ እግዚአብሔር፡ ወበቅድመ፡
| በግዑ፡ ወበቅድመ፡ መንፈስ፡ ቅዱስ፡ ወክብሮሙሰ፡ ወስብሐቶሙ፡ ለእለ፡ ይትሌአሉ፡። እምኔነ፡ ትሬኢ፡
ሶበ፡ ተዓርግ፡ እምኔነ፡ ውስተ፡ ሰማይ፡ ካልዕ፡ ወበህየ፡ ትሰምዕ፡ ዘየዓቢ። እምዝ፡ ዘሰማዕከ። በዝየ፡ ወትትፌሣሕ፡
ዘየዓቢ፡ እምዝ፡ ፍሥሐ፡ ዘተፈሥሕከ። በዝየ። ወይቤልዎ፡ ብፅዓን፡ ለከ። ኦብእሲ፡ ክቡር፡ ዘኮንከ፡ ቢጸ፡ ምስለ፡
እሳታውያን። ወዘንተ፡ ሰሚ?፡ ሰሚዖ። ላሊበላ፡ ሶበ፡ ይብልዎ፡ የዓቢ፡ ማኅደርከ፡ እማኅደርነ፡ ወክብርከ፡ ወክብርነ።
ወስብሐቲከ። እምስብሐቲነ፡ ወከሠተ፡ አፉሁ፡ ላሊበላ፡ ወይቤ። ብፁዕ፡ ዘኃረይኮ፡ ወዘተወከፍኮ። ውስተ፡ አዕዳዲከ።
ዘአኅደርከ፡ ኀብለ፡ ሣህልከ፡ ዘኢይትበትክ። ሰብእሰ፡ እመ፡ ኢክህለ። ከመ፡ ይርከብ፡ ዘከመዝ፡ ስብሐተ፡ በምግባረ፡
ጽድቁ፡ ለእመ፡ ኢኮንከ፡ ኢኮነ፡ በምሕረትከ፡ ወዘንተ፡ ሶበ፡ ይብል፡
| ላሊበላ። ይቤሉ፡ ኵሎሙ፡ ብርሃናውያን፡ ኃይላት፡ እለ፡ ውስተ፡ ቀዳሚ። ሰማይ፡ እንዘ፡ ያወሥእዎ።
ለላሊበላ፡ በቃለ፡ ፍሥሐ። በከመ፡ ከማሁ፡ ውእቱ፡ ክብርከ፡ ወልዕልና፡ ምግባር፡ ምዕራግከ፡ የዓቢ፡ እምኔነ። ወእም፡
እለ፡ ይትሌአሉነ፡ ወእምዝ፡ ቀነጸ፡ ዝኩ፡ መልአከ፡ ጽድቅ፡ ብርሃናዊ፡ ወሰረረ፡ ውስተ፡ አየር፡ ሰማይ፡ እንዘ፡ ይፀውሮ።
ለላሊበላ። ወይቤሎ፡ ተፈሣሕ፡ ኦብእሲ፡ እግዚአብሔር፡ በአጸደ፡ ትጉሃን፡ ወርኢ። ዘንተ፡ አየረ። ብርሃነ። እስመ፡
ደለወከ፡ ጸጋ፡ ዓቢይ። ከመ፡ ትርአይ፡ ዘንተ፡ ራዕየ። እንዘ፡ ዘንተ፡ ይቤሎ፡ ሰምዓ፡ ድምፀ፡ ዓቢየ። ከመ፡ ቃለ፡ ማይ፡
ብዙኅ፡ ወሐዋዝ። ጣዕሙ፡ ወግርማ፡ ራእዮሙሂ፡ የዓቢ፡ እምዘ፡ ሰምዓ፡ ዘውስተ፡ ቀዳሚ፡ ሰማይ፡ ወይቤሎ፡ ላሊበላ፡
ለመልአክ፡ ዘምስሌሁ፡ እፎ፡ ይፈድፍድ፡ ዝንቱ፡ ድምፅ፡ ግሩም፡ ወይጌርም፡ እመዘ፡ ሰማዕኩ፡ ቀዳሚ፡
| ወተሰጥዎ፡ መልአክ፡ ወይቤሎ፡ ኢይቤሉ፡ እልክቱ፡ ቀዋምያን፡ ሀለወከ። ትስማዕ፡ ዕሙቀ፡ ቃላቲቲሁ፡
ለቢዎ፡ ጻሕቀ። ከመ፡ ይፈጽም፡ ገቢሮቶ፡ ጺሑሰ፡ ፍኖቶ፡ ለእግዚአብሔር። ሶበ፡ ይብል፡ ነፍስ፡ ወሥጋ፡ ውእቱ፡ ዘያንሶሴ፡
ውስቴቶን፡ ጰራቅሊጦስ። ማኅተመ፡ ፍጽመነ፡ ወሰምዓ፡ ግዕዛንነ፡ ዘተኃተምነ፡ ቦቱ፡ በዕለተ፡ እንተ፡ ባቲ፡ ተወለድነ።
እማይ። ወበእንተዝ፡ አዕተተ፡ ርስሐተ፡ ዝንቱ፡ ዓለም፡ እምነፍሱ፡ ወሥጋሁ፡ ከመ፡ ይኩን፡ ማኅደረ፡ ለሥሉስ፡ ቅዱስ።
በከመ፡ ይቤ፡ እመቦ፡ እግዚእነ። እመቦ፡ ዘያፈቅረኒ፡ ወአነሂ፡ አፈቅሮ፡ ወአርዕዮ፡ ርእስየ። ወንመጽእ፡ አነ፡ ወአቡየ፡
ወነኃድር፡ ኀቤሁ፡ ወንነብር፡ ምስሌሁ። ወጳውሎስኒ፡ ይቤ፡ ቤቱሰ፡ ለእግዚአብሔር። አንትሙ፡ ውእቱ፡ ወካበ፡ ይቤ፡
ኢታተክዝዎ፡ ለመንፈሰ፡ ቅዱሰ፡ ዘይኅድር፡
| ?ውስተትክሙ፡ ዘቦቱ፡ ተአተብክሙ፡ በዕለተ፡ ተባልሆትክሙ፡ ወዘንተ፡ ሰማዖ። አንጽሐ፡ ምኵራበ፡
ሥሁ፡ ወማኅፈደ፡ ነፍሱ፡ ወአልቦ፡ ዘገብረ፡ ወኢምንትኒ፡ እምግባራት፡ በዘ፡ ይቴክዝ። መንፈስ፡ ቅዱስ፡ ዘየኃድር፡
ውስቴቱ፡ አላ። ባሕርየ። ውእቱ፡ ሥጋሁኒ። ወባሕርየ፡ ውእቱ፡ ወነፍሱኒ፡ ዘያፈትዎ፡ ለመንፈሰ፡ ቅዱሰ፡ ግዕዘነ። ከመ፡
ይኅድር፡ ውስቴቱ። ወኢይትፈለጥ። እምኔሁ፡ እስመ፡ ኢይትገሐሰ። መንፈሰ፡ ቅዱሰ፡ ወእምብእሲ፡ ንጹሕ፡ እምአመ፡ ተወልደ፡
እምኔሁ። ወኀበ፡ ዘቦ። መንፈሰ፡ ቅድስ፡ ምስለ፡ መንፈሰ፡ ሰይጣን። በከመ፡ ኢይደመ፡ ር። ጸልመት፡ ምስለ፡ ብርሃን፡
በከመ፡ ይቤ፡ ጳውሎስ፡ መምሕረ፡ አሕዛብ። መኑ፡ ዘደመሮ፡ ለጽልመት፡ ምስለ፡ ብርሃን፡ ወለጽድቅኒ፡ ምስለ፡ ኃጢአት፡
ወመኑ፡
| ዘየሐብሮ፡ ለክርስቶስ፡ ምስለ፡ ቤልሆር። ወመኑ፡ ዘያነብር፡ ጣዖተ፡ ውስተ፡ ቤተ፡ እግዚአብሔር።
ምስለ፡ መንፈስ፡ ነኪር፡ በመዋዕል፡ አንጽሐ፡ ርእሶ፡ ይሔውጽ፡ ወመንፈስ፡ ቅዱስ፡ ይኅድር፡ ውስቴቱ። ወይነብር። ምስሌሁ።
እንዘ፡ ይመርሐ፡ ወእንዘ፡ ይሜህሮ፡ ቀት፡ ጸብአ፡ ምስለ፡ እደወ፡ ሰይጣን፡ ወውእቱ። ዘቦቱ፡ ትይቀነይ፡ ርእሰ፡ ከይሴ፡
መስዖዝዝ። ወካዕበ፡ በመዋዕለ። አግመነ፡ ርእሶ። ብእሲ፡ የኃድጎ፡ መንፈስ፡ ቅዱስ፡ ወይወፅዕ። እምኔሁ፡ ወየኃንቆ፡
መንፈሰ፡ ጋኔን፡ በከመ፡ ሐነቆ፡ ለሳኦል።ሶበ፡ ኃደጎ። መንፈስ፡ እግዚአብሔር፡ ወይከውን፡ ስጡጠ፡ ውእቱ፡ ብእሲ፡
ዘወፅአ፡ እምኔሁ። መንፈስ፡ እግዚአብሔር። በከመ፡ ተሰ?(መ)ጠ፡ መንጦላዕተ። ምኵራብ፡ እንዘ፡
| ይ(ወ)፡ ይወፅእ፡ መንፈሰ፡ ትንቢት፡ ወመንፈሰ፡ ከህናት፡ ኀበ፡ ከ[ው]ዓውያነ፡ ደም፡ ኢይፈቅድ፡
ሀልዎ። ወይከውን፡ ዓዲ፡ መዝበረ፡ ሶበ፡ ወጽአ፡ እምኔሁ፡ መንፈሰ፡ እግዚአብሔር፡ አስሚኦ፡ እንዘ፡ ይብል፡ ሚመጠነ፡
ፈቀድኩ፡ አስተጋባዕኩ፡ ከመ፡ እንተ፡ ደርሆ። ታሰጋብእ፡ እጐሊሃ፡ ታሕተ፡ ክነፈሃ፡ ወአባይከ። ናሁ፡ አኃድግ፡ ለከ፡
ቤተከ። በድወ። ወሶቤሃ፡ ይከውን፡ ውእቱ፡ ብእሲ፡ ርሑቅ። እመንፈስ፡ ቅዱስ፡ እምንፈስ፡ ጥበብ፡ ወአእምሮ። እምመንፈስ፡
ኃይል፡ ወጽንዕ፡ እመንፈሰ፡ ልቡና፡ ወርትዕ፡ ወይመጽእ፡ ኀቤሁ። መንፈሰ፡ ጋኔን፡ ወየኃድር፡ ውስቴቱ፡ እንዘ፡
ያንፈርዕፅ፡ ከመ፡ እንተ፡ ዝዕብ። ዘረከበ፡ በድነ፡ ወይፄውዕ። አብያጺሁ፡ በክላሁ፡ ዓቢይ፡ አዝዕብት፡ ከመ፡ ይትፌሥሑ፡
ምስሌሁ፡ በእምኔሆሙ፡ ዘይወዲ፡ ውስቴቱ፡ ሕምዘ፡
| ውስተ፡ ልበ፡ ብእሲ፡ ሕምዘ። ክሂድ። ወቦ፡ እምኔሆሙ፡ ዘይወጺ፡ ውስቴቱ፡ ሕምዘ፡ ዝሙት።
ወያስተናጕዕ። በውስተ፡ ሥጋሁ፡ ኵሎ፡ ሰብእ፡ እክል፡ ያረውጽ፡ ድኅረኒ። እስት፡ ዘማውያን፡ በዘይወዲ፡ እምኔሆሙ፡ ነገረ፡
ሐሰት፡ ውስተ፡ ልሳኑ፡ ወነጉረ፡ ሐሜት። ነገረ፡ ጽር[ፍ]ፈት፡ ነገረ፡ ላኳ፡ ወጋዕዝ፡ ወነገረ፡ ውዴት። ወነገረ፡
ጽልሑት፡ ወበአምኔሆሙ፡ ዘይወዲ፡ ውስተ፡ ሐቋሁ፡ ኃብለ፡ ቅንዓተ። ውስተ፡ እዲሁ፡ ሰይፈ፡ በቀል። ከመ፡ ይቅትሎ፡
ለእኅዋሁ። በከመ፡ ቀተሎ፡ ቃየል፡ ለአቤል፡ እኁሁ። ቦእምኔሆሙ። እልታሐ፡ በዕሰ፡ ወውስተ፡ ዘባኑ፡ መጥባሕተ፡ ሞት፡
ውስተ፡ እደዊሁ፡ አውቃፈ፡ ሐጕል፡ ወውስተ፡ መላትሒሁ፡ ቅብዓ። ኃጢአት። ወውስተ፡ ጊራ፡ ጽማሁ፡ ጌራ፡ ሕሱም፡ ከመ፡
ሰርግወ፡ በዘዘዚአሆሙ፡ ሰርጐ፡ ወይን።
| ወብሩር፡ ምስሌሁ፡ እንዘ፡ የዓቅ፡ ብዎ። ከመ፡ ኢየርቅ፡ ርእሶ፡ እምነ፡ ጊራሆሙ፡ ወኢክሳዱ፡
እምነ፡ ቃማሆሙ፡ ወኢእደዊሁ፡ እምነ፡ አውቃፊሆሙ፡ ወኢእንግድዓሁ። እምነ፡ እልታሐሆሙ፡ ወኢዘባኑ፡ እምነ፡ ሞጣሕቶሙ፡
ወኢሐውቋሁ፡ እምነ፡ ግብርናቶሙ፡ ወኢእገሪሁ። እምነ፡ አሣዕኒሆሙ። ወለእመ፡ ኮነ፡ ፍጻሜ፡ ፀአቱ፡ እምዝ፡ ዓለም፡
ቦዘከመዝ፡ ልብሰቱ፡ ያትፌሣሑ፡ ኵሎሙ፡ ተጋቢኦሙ፡ ማኅበረ፡ አጋንንት፡ ወያደምፁ፡ መዝሙረ፡ ሐጕል፡ ብእሲሁ፡ እንዘ፡
ደብረ። መኑ፡ ዘያድኅና፡ ለነፍሱ፡ እም፡ እደ፡ ሲኦል። እስመ፡ ለእግዚኦ፡ እግዚእከሂ፡ ግዕዛንከሂ፡ መነንከ። ወተዓወርከ።
እንዘ፡ ይብሉ፡ ይብለከ፡ በቃሉ። ኩን፡ ቅዱሰ። ወኮንከ፡ ርኩሰ። እንዘ፡ ይብለከ፡ ኩን፡ ንጹሐ። ወኮንከ፡ ርሰሐ። እንዘ፡
ይብለከ፡ ኩን፡ ጻድቀ፡ ወኮንከ። ኃጥአ። እንዘ፡ ይብለከ፡ ኩን፡
| የዋሀ፡ ወከመ፡ ርግብ፡ ወጠቢብ፡ ከመ፡ አርዌ፡ ምድር፡ ኮንከ፡ አብደ፡ ከመ፡ እንስሳ። ወኮንከ፡
ጽሩከ፡ ከማነ። እንዘ፡ እብለከ፡ ትሴሰይ፡ ዘልፈ። እማዕድየ፡ ወኢትፃዕ፡ እምዚትየ። ወአንተሰ፡ ፈተወከ፡ ትሴሰይ፡ ሐመረ፡
ጽርዕ፡ ይሴሰዩ፡ አርኅው፡ እስመ፡ ንሕነ፡ መዝሙ/ዝ/?፡ ቅብዓ፡ ክርስትናከ፡ እምይእዜኒሰ፡ ምስሌነ፡ ርስትከ። ውስተ፡
ግበቦሙ፡ ወሶቤሃ፡ ይወሰድዎ፡ ውስተ፡ ግበቦሙ፡ ውስተ፡ ማኅደር፡ ዘጽው፡ ሎሙ። እስመ፡ ዓቃቤ፡ ትእዛዞሙ፡ ውእቱ፡
ወመፍቀሬ፡ ሥርዓቶሙ፡ ወሶቤሃ፡ የአምር፡ ውእቱ፡ ብእሲ፡ ዘኢየአምር፡ በሕወቱ። ወደጌጽ፡ ለነፍሱ፡ በኀበ፡ ኢይበቊዕ።
ትግሣጽ፡ ወይለሁ። በኀበ፡ ኢይበቁዕ። ለሕ፡ ሶበ። አሐመሞ፡ ላህበ፡ ገሃነም፡ ወቁረ፡ ሲኦል። እስመ፡ ቦቱ፡ መያጤ፡
ኵነኒሆሙ፡ ለኃጥኦን፡ ዝውእቱ፡ ሲኦል፡ ሶበ፡ ይከውን፡
| ቈሪር፡ ዘአልቦ፡ አቅመ፡ ሶበ፡ አሕመሞሙ፡ በቊረቱ፡ ይትመየጥ። ወይከውን፡ ውዑየ፡ መድልዎ፡
ዘአልቦ፡ መጽልዎ። ለውእቱ፡ ከመዝ፡ የሐምምሙ፡ በተባርዩ፡ ወይኔሥሑ። በኀበ፡ ዘኢበቁዕ፡ ንስሐ። በከመ፡ ይቤ፡ ዳዊት።
ወእለሰ፡ ይጸልዕዎ። ለጽድቅ፡ ይኒስሑ፡ ወንስሐሆሙኒ። አልቦ፡ ማኅለቅት፡ ከመ፡ ለንስሐ። ዲያብሎስ። ወለኵነኒሁ። አልቦ፡
ማኅለቅት፡ ወኢተፍጻሜተ። ከማሁ፡ ለኵነኒ፡ እሊአሁኒ። አልቦ፡ ማኅለቅተ። የድኅነነኬ። እመሥገርቱ። ለዝንቱ፡ ጽጉመ፡ ደም።
አርዌ። ዘየኃሥሥ፡ እስከ፡ ይእዜ፡ ነፍሰተ። ከመ። የሐጥዑ፡ እንዘ፡ ይጥኅር፡ ከመ፡ አንባሳኢያረምም፡ እም፡ አዳም፡
እስከ፡ ዮም፡ ፍሕለ፡ ትሕረቱ። እንዘ፡ ይፈቅድ፡ ከመ፡ ይደቢ፡ እለ። ተሰምይነ፡ ናዝራዊ፡ ናዝራውያን። እስመ፡ ሰማዕነ፡
እንዘ፡ ናወግዞ፡ መ/የ/ጥነ፡
| ገጻነ፡ መንገለ፡ ምሥራቅ፡ በዕለተ። ?ስናሁ፡ ለመውዓዊ፡ ሰማያዊ፡ ብእሲ፡ ሐዲሰ። ዝውእቱ፡
ክርስቶስ፡ ወኃግናሁ፡ ለብእሲ፡ ብሉይ፡ ዝውእቱ፡ ዲያብሎስ። እንዘ፡ ንብሎ፡ ርጉም፡ ወርጉም፡ ሕሊናሁ፡ ሕሊናከ፡ ርጉም፡
ግብርከ፡ ወበእንተዝኬ፡ ይትመዓዕ፡ ለዕሌነ። ወለእለኒ፡ የሀበነ፡ እግዚእነ፡ ኢየሱስ፡ ክርስቶስ። ሰይፈ፡ ረድኤት፡
ላሊባላ። ከመ፡ ይ[ው]ውቂ። ክሳዶ፡ ለዝንቱ፡ አርዌ። ውቂ። ክሳዶ፡ ለዝንቱ፡ አርዌ። ገዳም፡ ርጉም፡ ወይሴሰየነ፡ ለነኒ፡
ከመ፡ ናውቂ፡ ክሣዶ። በከመ፡ አውቀየ፡ ውእቱ፡ አሚን፡ ወዝንቱሰ፡ ብእሲ፡ ክቡር፡ ኮከበ፡ ክብር። ጽዱል፡ ዘያንሶስ፡
መልዕልተ፡ አየር። አብጢሎ። እምሕሊናሁ፡ ዘበምድር። አልቦ፡ ዘገብረ፡ ምግባራተ፡ ዘያምዕዖ። ለመንፈሰ። እግዚአብሔር፡
ወአልቦ። አመ፡ አሰሰለ። መንፈስ፡ ቅዱስ። እምኔሁ፡ እም፡ አመ፡ ተወልደ፡ እምከርሠ፡
| ጥምቀት፡ እስመ፡ ኢተበአሰ፡ እምቃለ፡ መጻሕፍት። ዝውእቱ፡ ነፋሰ፡ እሳት፡ መለኮት። ወበእንተዝ፡
ኮነ፡ መበይናተ፡ ለምግባራተ። ሠናይ። እስመ፡ ይጽሐቅ። ከመ፡ ይፈጽም፡ ቃላተ፡ ወንጌል። ወፈድፋደሰ፡ ይዲጕጽ፡ በቃለ፡
ጳውሎስ፡ ዘይቤ። እስመ፡ አኮ፡ በአጽምዖ፡ መጻሕፍት፡ ዘይጸድቁ። አላ፡ ?ገቢሮቱ፡ በዝንቱ፡ ቃል፡ ተጐዲኦ። በጽሐ፡ ኀበ፡
ፍጻሜሁ። ለፍሬ፡ ወንጌል። እስመ፡ ፈርዮ፡ ህየንተ። ፩ ወ ፷ ወ ፻ በዓቂበ፡ ቃላቲሁ። ንጹሕ። ወጽሩይ። ተፀሚዖ፡ ተሕተ፡
አርዑቱ፡ ሠናይ። ወፆሩኒ። ቀሊል፡ በከመ፡ ይቤ፡ እግዚእነ። ንሥኡ፡ ጹፋ፡ አርዑተየ፡ ሠናይ፡ ወፆርየ፡ ቀሊል። ወሐረገ፡
ወይንከዊኖ፡ ተወጥሐ፡ በዲበ፡ ሰርዌ፡ ኂሩታቲሁ፡ ለወልደ፡ እግዚአብሔር። እስመ፡ ዘእንበሌሁ። አልቦ፡ ዘኢይክል፡ ገቢረ፡
ወኢምንተኒ፡ ወዓጽቀ፡
| ወይን፡ ከዊኖ፡ ነበረ፡ ጉንደ፡ ምግባራቲሁ፡ ለኢየሱስ፡ እስመ፡ ዘይክል፡ ፈረየ፡ አዕፁቂሁ። እመ፡
ኢሀሎ፡ ውስተ፡ ጉንደ፡ ወይን፡ ወይኑ። በከመ፡ ይቤ፡ ለሊሁ፡ እግዚእነ። አ ነ፡ ውእቱ፡ ዓፀደ፡ ዘጽድቅ፡ አንትሙ፡
አዕፀቂሁ፡ ወአቡየ፡ ገባሪሁ፡ ወከዊኖ፡ ካዕበ፡ ዕፀ፡ ገነት፡ ርጡብ። ዘኢይነትግ፡ ፈረየ፡ ባሕረ፡ ኢባሕረ፡ ሞት።
ወኢበሐጋይ፡ ወኀበ፡ ፍሬሁ፡ በበጊዜሁ። እስመ፡ ይሰቀይ፡ ዘልፈ፡ በዘትረ፡ መጻሕፍት። በከመ፡ ይቤ፡ ዳዊት። ብፁዕ፡
ብእሲ፡ ዘኢሖረ፡ በምክረ፡ ረሲዓን። ወዘኢቆመ፡ ውስተ፡ ፍኖተ፡ ኃጥኣን። ወዘኢነበረ፡ ውስተ፡ መንበረ፡ መስተሣልቃን።
ዘዳሰሙ፡ ሕገ፡ እግዚአብሔር፡ ሥምረቱ። ወዘሕጎ፡ ያነብብ፡ መዓልተ፡ ወሌሊተ። ወይከውን፡ ከመ፡ ዕፅ፡ እንተ፡ ትክልት፡
ኀበ፡ ሙሐዘ፡ ማይ። እንተ፡ ትሁብ። ፍሬሃ፡ በበጊዜሃ። ወቆጽላኒ።
| ትኢይትነገፍ። ብሂል፡ ይማስን፡ ሥጋ፡ ነፍሰ። ጻድዋን። በእማንኬ። ኢይማስን፡ ሥጋሁ። ላሊበላ።
እስመ፡ ኢገብረ፡ ኃጢአት። ወኢተረክብ፡ ሐሰት፡ ውስተ፡ አፉሁ። ወእንዘ፡ ይጼዕልዎ፡ ኢጸአለ፡ ወእንዘ፡ የሐምምዎ፡
ኢተቀየመ፡ አላ፡ አግብአ። ለዘይኳንን፡ ጽድቅ፡ በከመ፡ ተብህለ፡ በእንተ። ሊቁ፡ ተፈጸመ፡ በላዕሌሁ። እስመ፡ ኢንቱል።
እምኵሉ፡ ምግባሩ። ሠናይ። ተቀደሰ፡ ኢረኩሰ። እምዘረትዓ፡ ኢተጠተውየ። እምዘሠናይ፡ ኢተሀከየ። እምዘ፡ ጠብዓ፡ ድኅሪተ፡
ኢገብኣ፡ እስመ፡ ሐረሳዊ፡ ውእት፡ በመዋፍርተ፡ ወንጌል። ወበአርፈ፡ መስቀል። ወበእንተዝ፡ ኢጽጽነነ። ትልመ፡ ገሬውሂሁ፡
በከመ፡ ዘይእኅዝ፡ ዕርፈ፡ ወይርሐስ፡ ድኅሪተ፡ ወይከውዎ፡ ድልወ፡
| ለምንግሥተ፡ ሰማያት፡ ወርትዕት፡ ይእቲ፡ መንግሥተ፡ ሰማያት፡ ወዘንተ፡ ሰማያተ፡ ሰሚዖ፡ ኮነ፡
ሐረሳዊ፡ ዘመንፈስ። እስመ፡ ሰሚዖ። ሰብእ፡ ቃለ፡ ሐይወት። ወለሊበላኒ፡ አኮ፡ ሰሚዖ፡ ቃለ፡ መንፈስ፡ ዘየሐድግ፡
ዘእንበለ፡ ይግበር፡ እስመ፡ ይፈርህ። ቃለ፡ ሐዋርያ፡ ዘይቤ፡ እመቦ፡ ዘያጸምዖ። ለቃል፡ ዘኢይገብሮ፡ ይመስል፡ ከመዝ፡
ብእሲ፡ ዘይሬኢ፡ ፍጥረተ፡ ገጸ፡ በመጽሔት። ወጠየቆ፡ ርእሶ፡ ራስአ፡ ዘከመ፡ እፎ። ውእቱ። ወለገቢሮቱኒ፡ ለቃል።
ወርዘወ፡ በምዕዳነ፡ ሐዋርያ። ዘይቤ፡ አትልውዋ፡ ለሣናይት፡ በሃይማኖት፡ ለአእምሮ፡ ወእምውስተ፡ አእምሮ፡ ለኢዘምዎ፡
ወእምውስተ፡ ኢዘምዎ፡ ለትእግሥት። ወለአምልከቱ። ወእምውስተ። ተአኅዎ፡ ለተፋቅሮ፡ ወዝንቱ፡ እምከመ፡ ሀለወክሙ፡ ወበዝኃ፡
ውስቴትክሙ፡ ኢኮንክሙ፡
| ጽሩዓን፡ ወኢኮንክሙ፡ እለ፡ እንበለ፡ ፍሬ፡ አላ፡ ያበጽሐክሙ፡ ኀበ፡ አእምሮቱ። ለእግዚእነ፡
ኢየሱሱ፡ ክርስቶስ፡ ወናሁ፡ ዝንቱ፡ ብእሲ፡ መክህ፡ ዘስሙ፡ ለሊበላ፡ ኢኮነ፡ ጽኑዕ። ወኢኮነ፡ እንበለ፡ ፍሬ፡ አላ፡
ባዕል፡ ውእቱ፡ ዘቦ፡ ዘርአለ በጽዮን። ወአብያተ፡ በኢየሩሳሌም። ወዘርኢነ፡ ኢኮነ፡ ኅንፃ፡ ሠናየ፡ ሥጋዊት፡ አብያቲሁኒ፡
ኢኮነ፡ ኅንፃ፡ ዘዕብ፡ ወዕፅ፡ ወፅቡር፡ አብያተ፡ ብርሃን። ውእቱ፡ ወኬንያሃ፡ ወሐናፂሃ። ወልደ፡ እግዚአብሔር። በከመ፡
ይቤ፡ ጳውሎስ፡ ለእመኒ፡ ተነሥተ፡ ቤተ፡ ማኅደርነ። ዘበምድር፡ ብነ፡ ሕንፃ፡ ዘበሰማያት። ዘኢያገምሮ። እደ፡ ሰብእ፡
ዘኪያሁ፡ ንሲሮ፡ ከመ፡ ንልዐስ። ቤተነ። ዘንተኪ፡ ተዕፈወ፡ ብእሲ፡ አምላክ፡ ላሊበላ፡ እንዘ፡ ንጉሥ፡ ውእቱ፡ ተመሰለ፡
ከመ፡ አሐዱ፡ እምሕዝባውያን፡ እንዘ፡ ቀናዩ፡ ውእቱ፡ ተመሰለ፡
| ቅኑየ፡ በአትሕቶ፡ ርእሱ። በከመ፡ ይቤ፡ ሐዋርያ፡ አትሕቱ፡ ርእሰክሙ፡ ታሕተ፡ እዲሁ፡
ለእግዚአብሔር፡ ጽንዕት፡ ከመ፡ ያልዕልክሙ፡ አመ፡ ይሄውጸክሙ። ወኵሎ፡ ሕሊናክሙ፡ ግድፋ፡ ለዕሊሁ። እስመ፡ ውእቱ፡
ይሄሊ፡ በእንቲአክሙ። ወኮነ፡ መዝገበ፡ ጥበብ። ከመ፡ ይማዖ፡ ለመንገነ፡ ሰይጣን፡ እስመ፡ ይቤ፡ ጥበቡ፡ እንከ፡ ወአጥ፡
ወአጥብቡ፡ ልበክሙ። እስመ፡ ጸለኢክሙ፡ ጋኔን፡ ይጥኅር፡ ከመ፡ አንበሳ፡ ወየኃሥሥ፡ ዘይውኅጥ፡ ወቆመ፡ ዲበ፡ ኰኵሐ፡
ሃይማኖት፡ ዘኢያንቀለቅል፡ መሠረቱ። በኃይለ፡ ነፋሰ፡ እሉ፡ እሙንቱ፡ ዓላውያን። እለ፡ አውከኩ፡ እምጽድቅ፡ ወአዕተቱ።
እምርትዕት፡ ሃይማኖት፡ መንክር። በከመ፡ ይቤ፡ አጽዑ፡ በሃይማኖትክሙ፡ ወኮነ፡ ልቡ፡ ጽሌ፡ ዘሕግ። ዘይሜህር፡ ርትዓ።
ወምጽዋተ፡ ምሂረ፡ ነዳይ፡ ወሥራያት፡ ለአባስያን። በከመ፡ ይቤ፡ እግዚእነ፡
| በወንጌል፡ ለእመ፡ አመ፡ አበሰ፡ ለከ፡ እሁከ፡ ኅድግ፡ ሎቱ፡ ሰብአ፡ አላ፡ ሰብሐ፡ በበሰብእ።
ወኆላቋሁሰ፡ ለዝንቱ። ዓርባዕቱ፡ ምዕት፡ ወተሰአ፡ ወበእንተዝ፡ ጽሕቀ። ከመ፡ ደዕርር። ፍሬ፡ ሕይወት፡ እምገራህተ፡
ምሕረት። ከመ፡ ይትሜካህ፡ በዕለተ፡ ደይን። በከመ፡ ይቤ፡ ሐዋርያ፡ ወይትሜካህ። ባሕቱ፡ በዕለተ፡ ደይን፡ ዘገብረ፡
ምሕረተ፡ አማንኬ፡ ላሊበላ፡ ኢተግኅሰ፡ ወኢወጽአ፡ እም፡ ቃለ። መጻሕፍት፡ በከመ፡ ይቤ። ጳውሎስ፡ ኢትፃእ። እምቃለ፡
መጻሕፍት። ከመ። ኢተአበሰ፡ በእንተዝ፡ ኮነ፡ አፉሁ፡ አፍአሁ። ወውስጡ፡ ስርግወ፡ በቃለ፡ እግዚአብሔር። አዕይንቲሁ፡
ወእዘኒሁ፡ ልሳኑ፡ ወአፋሁ፡ በአዕይንቲሁ፡ ኢርእየ፡ እኩየ፡ ወአስተሐየጸ፡ በራእየ፡ ከንቱ። በከመ፡ ይቤ፡ እግዚእነ፡
በውስቴቱ፡ ኪዳኑ። አዑሩ፡ አዕይንቲክሙ፡ እለ፡ በገሃድ፡ ከመ፡ ታእምሩ፡ ፈቃደ፡
| ለእግዚአብሔር፡ ወኵሎ፡ ምሥጢረ፡ መድኃኒክሙ፡ ወካዕበ፡ ይቤ፡ በውስተ፡ ወንጌሉ፡ ቅዱስ፡ ለእመ፡
ዓይንከ፡ ዘይማሰን፡ ምልሐ። ይኄይሰከ፡ ነቋራከ፡ ትባዕ፡ ውስተ፡ መንግሥተ፡ ሰማያት። እምትባዕ፡ ምስሌየ፡ ክልኤ።
አዕይቲከ። ውስተ፡ እሳቶ፡ ገ፡ ኀበ፡ እሳቱ፡ ዘኢይጠፍእ። ወዕፂሁ፡ ዘኢይነውም፡ በዕዘኒሁ፡ ኢይሰምዕ፡ ነገረ፡ ሐሰት፡
ወቃለ፡ ኀብል፡ ወካዕበ፡ ይቤ፡ እግዚእነ፡ አጽምዑ፡ ዕዘኒክሙ፡ እለ፡ ይሰምዑ፡ ወሙሲኒ። ይቤ፡ ወውዴተ፡ ዘሐሰት።
ኢተሰጠዎ። ወበልሳኑነ፡ ኢይንብብ፡ ንባበ፡ ጽሩዓ። በከመ፡ ረከቡ፡ ያንብኡ። ሎቱ፡ በእንቲአሁ፡ ቃለ፡ በዕለተ፡ ደይን።
ወይኳነን፡ ባቲ። ወሐዋርያኒ፡ ይቤ፡ እመቦ። ዘይትሔረም። ወኢያለጕም፡ ለልሳኑ፡ ወአስሐቶ፡ ለልቡ፡ ለዘከመዝ፡ ከንቶ፡
ሕርመቱ፡ ወዓዲ። ይቤ፡ ኢይስሐት፡ በቃሉ፡ ፍጸም፡ ውእቱ፡ ወይክል፡ ወደየ፡ ልጓመ፡ ለኵሉ፡ ሥጋሁ፡ ወካዕበ፡ ይቤ፡
ልሳንነ፡
| ንስቲት፡ አባል፡ ይእቲ፡ ወድምፃ። ዓቢይ፡ ወናሁ። ልሳን፡ ተፈጥረት፡ ውስተ። ነፍስትነ፡ ወታረምፆ፡
ለሥጋነ፡ ወታውዒ፡ ውስተ፡ ገሃነም። ወትሎሉ፡ ክቡት። ፍጥረትነ። ወዓዲ፡ ይቤ፡ ወመሥገርቱ። ለብእሲ፡ ነበበ፡ አፉሁ፡
ወሰሎሞንኒ፡ አትለወ፡ ቃለ፡ በእንተ፡ ልሳን። ወይቤ፡ መሥገርት፡ ጽኑዕ፡ ውእቱ፡ ከናፍረ፡ ብእሲ። ወዳግመ፡ ዓዲ። ይቤ፡
ሞት፡ ሕይወት፡ ውስተ፡ እደ፡ ልሳን። ወላሊበላኒ፡ አልቦ፡ አመ፡ ስሕት። በዝንቱ፡ ኵሉ፡ አልቦ፡ አመ፡ አበሰ።
ወበእደዊሁኒ፡ ኢገሠሠ፡ ርኩሰ። እስመ፡ ይቤ፡ ኢትግሥሥ፡ ወኢትልክፍ፡ ወኢትዓም፡ ዘንተ፡ ለሙስና። ወበአእጋሪሁኒ። ኢኬደ፡
ውስተ፡ እኩ፡ እስመ፡ ይቤ። ኢሳይያስ። ኢታንሥእ፡ እደዊከ፡ ወእገሪከ። ለገቢረ፡ እኩይ፡ አዕይንቲሁኒ፡ አንቃዕደወት፡
ዘል[ል]ፈ፡ ኀበ፡ እግዚአብ፡ ሔር። ወንበረ፡ መለኮት፡ እስመ፡ በከመ፡ ይቤ፡ ዳዊት፡ አዕይንትየሰ፡
| ዘልፈ፡ ኀበ፡ እግዚአብሔር፡ እስመ፡ ውእቱ፡ ይብልሆን። እመሥገት፡ ለእገርየ። ነጽር፡ ለዕሌየ፡
ወተሣሀለኒ። ወካዕበ፡ ይቤ፡ ኃቤከ፡ አንቃዕዳውነ። አዕይንቲነ። ዘትነብር። ውስተ፡ ሰማይ። ናሁ፡ ከመ፡ አዕይንቱ፡
አግብርት፡ ውስተ። እደ፡ አጋዕዝቲሆሙ። ወከመ፡ ዓይነ፡ አመት። ውስተ፡ እደ፡ አጋዕዝቷ። ይማዑ፡ ከማሁ፡ አዕይንቲነ፡
ኀበ፡ እግዙአብሔር። አምላክነ። እስከ፡ አመ፡ ይሣሃለነ፡ ወበዝ፡ ካዕበ። ላሊበላ። ብፁዕ፡ ንጉሥ፡ ንጉሠ፡ ኢትዮጵያ፡
ወምክሀ፡ ኵሉ፡ አድያሜሃ፡ ተመሰሎሙ፡ ለትሁሃነ፡ ሰማይ፡ እስመ፡ ኢሀበ፡ ለአዕይንቲሁ። ንዋመ፡ ወኢድቃ፡ ለቃራንብቲሁ።
እስከ፡ እረክብ፡ መካኖ፡ ለእግዚአብሔር፡ ወማኅደሮ፡ ለአምላከ፡ ያዕቆብ። በከመ፡ ይቤ፡ መዝሙር። ኢይሁቦን፡ ንዋመ፡
ለአዕደ?የ፡ ወኢድቃሰ፡ ለቀራንብትየ። እስከ፡ እረክብ፡ መካኖ፡ ለእግዚአብሔር፡
| ወማኅደሮ፡ ለአምላከ፡ ያዕቆብ፡ ወኮኖ፡ አዕይቲሁ፡ አዘቅቲ፡ አንብዕ፡ ዘኢይነጽፍ፡ ነቅዑ።
በአንብዕየ፡ ቅድሚከ፡ በከመ፡ አዘዝከ። ወበከመ፡ ይቤ፡ ካዕበ፡ ጳውሎሰ፡ ኢንተጉ፡ አንብዕየ፡ መዓልተ፡ ወሌሊተ።
ወአወጽኅ፡ በእንተ፡ መሥዋዕተ፡ አምልኮ፡ ዘሃይማኖት፡ ወትረ፡ ለሰሚዓ፡ ቃለ፡ እግዚአብሔር፡ እመጻሕፍት። ወዕፀዋት።
ከዕበ፡ እዘኒሁ፡ እምሰሚዓ፡ ቃላት፡ ጽሩዓ፡ ወርኅዋት፡ ለሰሚዓ፡ ስእለተ፡ ነዳይ። ወምስኪን። ወገዓረ፡ ሕዙናን፡ እስመ፡
ለኵሉ፡ ይቴክዝ። ወያሐዝን። እስመ፡ መሐሪ፡ ውእቱ፡ ከመ፡ አምላክ፡ ወልሳኑ። ከመ፡ ሕንፃ፡ ሰብሐት፡ ይእቲ። በከመ፡
ተብህለ፡ ትሰነቁ፡ ዘልፈ፡ ልሳንየ፡ ያነብብ፡ ጽድቃከ፡ ወኵሎ፡ አሚረ፡ ሰብሐቲከ፡ አፉሁ፡ ለጻድቅ፡ ይትሜሀር፡ ጥበበ፡
ወልሳኑ፡
| ንብብ፡ ጽድቀ፡ ወሕገ፡ አምላከ፡ ው ተ፡ ልቡ፡ ወኢይድኅፅ፡ ሰኰናሁ፡ ወኢይትአፀዋ፡ አፉሁ፡
ወከናፍሪሁ፡ ክሡታተ፡ እማንቱ፡ በሰብሐ፡ ወለዘምሮ፡ እስመ፡ እንበለዝ፡ አልቦን፡ ካልአ፡ ተናግሮ፡ ዘኢይከውን፡ ለበቁዒት፡
ወለበረከት፡ ወትረ፡ ክሡታት። በከመ፡ ይቤ፡ ዳዊት። እባርከ፡ ለእግዚአብሔር፡ በኵሉ፡ ጊዜ፡ ወዘልፈ፡ ስብሐቲሁ፡ ውስተ፡
አፉየ። ዓዲ፡ ይቤ። ትከሥት፡ ከናፍርየ፡ ወአፉየ። ወአፉየ፡ ያየጽኦ፡ ስብሐቲከ። ወጽሩይ፡ ውእቱ፡ ልሳን፡ ልሳነ።
ላሊበላ፡ ከመ፡ ብሩር፡ ዘተነጥፈ፡ ሰብሳ። በከመ፡ ይቤ፡ ሰሎሞን፡ ብሩር፡ ርሱን፡ ልሳነ፡ ጻድቅ። ወእደዊሁኒ፡ ሰፉሐተ፡
ለጸሎት፡ ወለውሂበ፡ ምጽዋት። በከመ፡ ይቤ፡ ነቢይ። አንሥአ፡ ዕደውየ፡ መሥዋዕተ፡ ሰርክ፡ ሢም፡ እግዚኦ፡ ዓቤ፡ ለአፉየ።
ወማዕፆ፡ ዘአቅም፡ ለከናፍርየ። ወጳውሎስኒ። ይቤ፡ በእንተ፡ አንሥአ። ዘዕዳው፡ ለጸሎት፡ ይኤዝዝ፡
| ወያነሥኡ፡ እደዊሆሙ፡ ወይደልዩ፡ በኵሉ፡ ገጸ፡ መካን፡ ወይጸልዩ፡ እንበለ፡ ንፋቄ። ወነጐርጓር፡
ወማኅበረ፡ ሐዋርያት። ወሐዋርያትኒ፡ ይቤሉ፡ በሲኖዶሶሙ። ወሶበ፡ ትሰፍሕ፡ እደዊከ፡ ለጸልዮ። ኢተሀሊ። ከመ፡ ትፈጽ፡
ታሰተጋብእ፡ ኀቤከ። አስከሬነ፡ ምጽዋትኒ፡ ኮና፡ እደዊሁ፡ በከመ፡ መድኅን፡ ምጽዋተ፡ ኣበጽር፡ እመሥዋዕት። በከመ፡ ይቤ፡
ካዕበ፡ ጴጥሮስ፡ ወመጽዋትሰ። ኢይርኅቅ። እምኔከ፡ ወይከው[ን]ነከ። ትእምርተ። ቤትከ። ወኮነ፡ ሰረገላ፡ መንፈስ፡ ቅዱስ።
እንዘ፡ እስመ፡ ይረውጽ፡ ውስተ፡ ፍኖተ፡ ሰላም፡ ወለገዩሰ፡ ቤተ፡ ክርስቲያን። ወለናዝዞ፡ መቁሐን፡ ወለሐውፆ፡ ድውያን።
በከመ፡ ይቤ፡ ጳውሎሰ፡ ሩጹ፡ ወተባደሩ። እስመ፡ ዘሮጸ፡ ወዘባደረ፡ ይነሥእ፡ አክሊለ፡ ምዝጋናሁ። ዘንተ፡ ኵሎ፡ ዓቂበ፡
ወፈጺሞ፡ ገብረ፡ ብእሲ፡ እሳተ፡ ተሰምተ፡ እስመ፡ ተውኅጠ፡ ከኵለንታሁ፡ በእሳት፡ መንፈስ፡ ወተወለጠ፡ ጠባይዑ፡ አኮ፡
በጢሎ፡
| እምክዋኔሁ፡ አላ፡ እስመ፡ ተመይጠ፡ ኀበ፡ ግዕዘ፡ መላእክት። እስመ፡ ምግባራተ፡ ሥጋሁ፡ አውዓየ።
እሳተ፡ መንፈስ፡ ቅዱስ። ከመ፡ ኢደርከብ፡ ሰይጣን። ንዋየ፡ ሐቅል፡ በውስተ፡ ሥጋሁ፡ በዘይጸብዑ፡ እስመ፡ በውስተ።
ሥጋሁ፡ ይነብር፡ ንዋየ፡ ሐቅሉ፡ ለሰይጣን፡ ዝውእቱ፡ ዝሙት፡ መርዓት፡ ስስዕት። አፍቅሮ፡ መብልዕ፡ ወመስቴ፡ ወአፍቅሮ፡
ወአፍግኣ። ዘበምድር፡ ዝንቱ፡ ኵሉ። ፍግኣ። ዘበምድር፡ ዝንቱ፡ ኵሉ። ወዘይመስሎ፡ ንዋየ፡ ሐቅል፡ ውእቱ፡ ለሰይጣን።
ወምጕንጳሁኒ። ሥጋ፡ ውእቱ፡ እስመ፡ በከመ፡ ኣኅፃ፡ ይነብር፡ ተኀቢኦ፡ ውስተ፡ ምጕንጳ፡ እስከ፡ እዳ፡ ያወጽእ፡ ብእሲ፡
ሐፅ፡ ለጊዜ፡ ፀብእ። ከማሁኬ፡ ሰይጣንኒ፡ ይፀብእ፡ ለብእሲ፡ በእላንቱ፡ አኅፃ፡ እለ፡ ዘከርነ፡ ቀዳሚ፡ እለ። ይነብራ፡
ውስተ፡ ሥጋ። ዘንተኬ፡ ከመ፡ ያብጥል፡ እምሥጋሁ፡ ወያውዕያ፡ አኅፃት፡ ዘነከር፡ ለብሰ። ላሊበላ። እሳተ፡ መንፈሰ፡
በዘያውዕያ፡ አኅፃት፡ ንዋየ፡ ሐቅሉ፡
| ለሰይጣን፡ በከመ፡ ይቤ፡ መጽሐፍ፡ ወያውዲ፡ በእሳት፡ ??? ዘኢሰማዕከ፡ በዝየ፡ ድምፀ፡ ስብሐት፡
ዘየዓቢ። ወእምዝ፡ ዚአነ። ወይቤሎ፡ ወነዋ፡ ሰማዕኩ። በከመ፡ ይቤሉኒ፡ ያስተርእዩኒኑ። በከመ፡ አስተርአዩኒ። ቀዳማውያን፡
ወድምፀ፡ ሰብብሐቶሙኒ፡ ሰማዕኩ፡ መጠነ፡ እክል፡ ወመጠነ፡ አግመረ፡ ምስማዕየ። ወይቤሎ፡ ውእቱ፡ ብርሃናዊ፡ ኢትኅደግ።
ዘእንበለ፡ ትርአዮሙ። እስመ፡ በእንተዝ፡ ተፈነውኩ። ከመ፡ አዕርገከ። ወከመ፡ ትትፈሣሕ። አንተሂ፡ በነጽሮቶሙ፡
ለብርሃናውያን፡ ወበራዕያቲሆሙ፡ ለሰማያት። ወይቤሎ፡ ላሊበላ፡ እፎኬ፡ የዓቢ፡ ብርሃነ፡ ሰማይ፡ ውምብርሃነ፡ ሰማይ።
ወክብረ፡ መላእክት፡ ወስብሐቶሙኒ። ካዕበ፡ ወይቤሎሙ፡ ካዕበ፡ መ[ለ]ልአክ፡ ላሊበላ። እስመ፡ ከማሁ፡ ስርዓተ፡ ማዕርጎሙ፡
በከመ፡ ሠርጾሙ፡ ፈጣሪሆሙ፡ ወባሕቱ። ለቡ፡ ከመ፡ ትርአዮሙ፡ ለእሉ፡
| መንፈሳውያን፡ ወናሁ፡ ኮነ፡ ከመ፡ ያስተርእዩከ። ወእንዘ፡ ይብል፡ አንበሰበሰ። ብርሃኖሙ፡
ለእሳታውያን። ወተሐውሰ፡ ብርሃን፡ ዘእምብርሃን። እስመ፡ ሰማይኒ፡ ዘእምብርሃን። ወለመላእክትኒ። እለ፡ ህየ፡ ቦሙ፡
ዕፁፋነ፡ ብርሃን፡ ዘኢይትነገር። ወዘኢይትሄየል። በረቁ፡ በቅድሜሁ። እልክቱ፡ ብርሃናውያን፡ ወጽርሑ። እንዘ፡ ይብሉ፡
በለ፡ ትፍሥሕት፡ ሐዊሳ፡ ሐሳዊ፡ ለዘ፡ በጽሑ፡ ኀበነ፡ እንግዳ፡ ዘነገደ። እምነ፡ ቈላት፡ ዘተልዕለ፡ እምነ፡ ሥጋውያን፡
ዘኮነ፡ ቢጸ፡ ለእለ። አልቦሙ፡ ሥጋነ። ወላሊበላሰ፡ አንከረ፡ ወበተደምሞ፡ ዓቢየ፡ ርእዮ፡ ክብረ፡ ስብሐቲሆሙ፡
ወግርማሆሙ፡ ወስነ፡ ዑፃፌሆሙ፡ ዘያንበለብል፡ ዘአማዕበለ፡ ነበስባሰ፡ ብርሃኑ፡ ለአልባሲሆሙ። ወይቤልዎ፡ እልክቱ፡
ብርሃናውያን። ወላሊበላ። ሰርበ፡ ርእይዎ። እንዘ፡ ያነክር፡ በተደምሞ፡ ዓቢይ፡ ምንትኑ፡ ታነክር፡ ወምንተ፡
| ታስተኤሪ፡ ኢሳይያሰ፡ ሐዲሰ፡ ዘነጸረ። ቀዳሚ፡ አርአያ፡ ስብሐቲሁ፡ ለእግዚአብሔር። ወእንዘ፡
ይነብር፡ ዲበ፡ መንበሩ፡ ዓቢይ፡ ወልዑል፡ ነዋኅ፡ ወምጡቅ፡ ወምሉዕ፡ ቤተ፡ ስብሐቲሁ። ወሱራፌል፡ ይቀውሙ፡ ዓውዶ፡
ወላዕለ፡ አርባዕቱ፡ እምኔሆሙ፡ ዘበስድስቱ። ክነፊሆሙ፡ ይጸርኁ፡ ወይብሉ። ቅዱስ፡ ቅዱስ፡ ቅዱስ። እግዚአብሔር፡ ጸባዖት፡
ፍጹም፡ ምሉዕ፡ ሰማያተ፡ ወምድረ፡ ቅድሳተ፡ ሰብሐቲከ፡ ወተለዓለ፡ ምርቃተ፡ ኆኅት። እምቃለ፡ ዘይኬልሑ፡ ዘንተ፡ ርእዮ፡
ኢሳይያስ፡ አንከረ፡ ወአንተኒ፡ ኪያነኒ፡ ታነክረነ፡ ርኢከ፡ ክብረነ። ወስብሐተነ፡ ወብርሃነ፡ ዘውስቴትነ። ወኢታንክርኬ፡
በእንቲአነ፡ አላ፡ መፍትው፡ ንሕነ፡ ንዊስክ፡ ክብረከ፡ ወንሕነኒ፡ ናነክር፡ ርእሰከ። ወንሴብሐ፡ [ዘ፡] ለዘከፈለከ፡
ክብረ፡ ዓቢየ፡ እስመ፡ ፈድፋደ፡ አፍቀረከ፡ ወክብረ፡ ተውህበ፡ ለከ፡ ዘያዓቢ። እምካልአኒከ። ወላሊበ፡ እስከ፡ ይእዜ፡
ኢነበቦሙ፡ ወኢያውሥኦሙ፡
| ወኢምተኒ፡ ቃለ፡ እስመ፡ ሀለዎ፡ በዓቢይ፡ አርምሞ፡ ወበዓቢይ፡ ተደምሞ። በእንተ፡ ዘርእየ፡
አርአያ። ስብሐቲሆሙ፡ ለእሙንቱ። እሳታውያን። ወካዕበ፡ አውሥእዎ። እልክቱ፡ ትጉሃን፡ ዘከልዕ፡ ሰማይ፡ ወይቤልዎ፡
ተሰጥመ፡ ልብከ፡ ውስተ፡ ሰማይ፡ ወለምንት፡ ዘኢታውሥአነ። እንዘ፡ መጠነዝ፡ ዘተናገረከ፡ ወንሕነሰ፡ ንትፌሣሕ፡ ከመ፡
ዘረከበ፡ ምሕርከ፡ ብዙኃ። በእንቲአከ፡ ወምንትኑ፡ ዘኢትትነብብ፡ ምስሌነ። እንዘ፡ መጠነዝ፡ ፍሥሐ፡ ንትናገረከ።
ወላሊበላሰ፡ እንዘ፡ ሀለወ፡ ለዓቢይ፡ ፍሥሐ፡ ውስተ፡ ፍሥሐ፡ ዓቢይ፡ አስተጋብአ። ሕሊናሁ፡ እንዘ፡ ያነክር፡ ዕበዮሙ፡
ለእሙንቱ፡ መላእክት፡ እለ፡ ተሰጠውዎ። እስመ፡ ራዕዮሙ፡ ያደምም፡ ወያስተዓፅብ። ግርማሆሙ፡ ወሶበ። ይቤልዎ። ለምንት፡
ዘኢታወሥአነ። ተጥምኑ፡ ፍሥሐ። ውስተ፡ ልብከ፡ ወሶቤሃ፡ አኃዘ። ይቤሎሙ፡ ላሊበላ፡ ሊተሰ፡ አኮ፡ ድልወት፡ ሊተ፡ ከመ፡
| እትናገር፡ ምስሌክሙ፡ እስመ፡ አነ፡ መሬታዊ፡ ወበእንተ፡ ዝንቱ፡ አንከርኩክሙ። ወእምአመ፡
ተወለድኩ፡ እስከ፡ ይእዜ፡ ኢርኢ/ኩ/ክሙ፡ ወባሕቱ፡ አነክር፡ ዮም፡ አመ፡ ነፀርኩክሙ፡ አነክር፡ ዕበክሙ። በከመ፡
ዜነውኒ፡ እለ፡ እምታሕቴክሙ፡ ሀለው፡ መላእክት፡ እለ። ውስተ፡ ቀዳሚ፡ ሰማይ። ወይቤልዎ፡ ወንሕነሰ፡ ንዜንወከ፡
ወንሴብሐከ፡ ለከ፡ በእንተ፡ ክብረ፡ እልክቱኒ፡ ካልአኒነ፡ እስመ፡ ውእቶሙ፡ የዓብዩ፡ እምኒነ፡ እለ፡ ሀለው፡ መልዕልቲነ።
እስመ፡ ውእቶሙ፡ የዓብዩ፡ እምኔነ፡ ወሰብሐቲሆሙኒ። እምስብሐቲከ፡ ወክብሮሙኒ፡ እምክብርከ፡ ወብርሃኖሙኒ። እምብርሃንነ።
ወለከሰ፡ ክብርከኒ፡ ወስብሐቲከኒ፡ እምየዓቢ፡ እምሰብሐቲሂ፡ እምክብሮሙ፡ ወስብሐቶሙ። ለእለ፡ ይትሌዓሉነ። ወላሊበላሰ፡
የስተዓፅብ፡ ፈድፋደ፡ ወይብል፡ መኑኬ፡ ይክል፡ ረኪበ፡ ዘከማከ፡ ዘከመዝ፡
| ወባሕቱ፡ ብፁዓን፡ ለእለ፡ ተኃድገ፡ ሎሙ፡ ኃጢአቶሙ። ወለእለ፡ ኢሐሰበ፡ ሎሙ፡ ኵሎ፡ ጌጋዮሙ።
ብፁዕ፡ ብእሲ፡ ዘኢኈለቈ፡ ሎቱ፡ እግዚአብሔር፡ ኃጢአቶ። ወዘአልቦ፡ ጽልሑት፡ ውስተ፡ ልቡ፡ ይእዜኬ። አእመርኩ፡ ዘይቤ፡
ገባሬ፡ መላእክት፡ አበ፡ ኵሉ፡ ሰርጐ፡ ዓለም፡ እግዚእነ፡ ኢየሱስ፡ ክርስቶስ። እስመ፡ አኮ፡ በመሥፈርት። ዘይሁብ፡
እግዚአብሔር፡ መንፈሰ። እስመ፡ እንበለ፡ መሥፈርት፡ ይነሥኡ፡ ክብረ። አማን። ውእቱ፡ ዘይቤ፡ ጳውሎስ። እንዘ፡ ይነግር፡
ኂሩቶ፡ ለአብ፡ ወወልዶ፡ ጥቀ፡ ኢመሀከ፡ እምኔነ፡ ምንትኑ። እንከ፡ ዘኢይጸግወነ። ለእመ፡ ወለዶ፡ መጠወ፡ ለሞት፡
በእንተ፡ ቤዛ። ሰብእ፡ ምንተኑ፡ ብእሲ፡ ክብረ፡ ፍርቃን፡ ወውዳሴ፡ ይደልዎ። እምኀቤክሙ። እስመ፡ ተብህለ፡ በእንቲአክሙ።
ዘይሬስዮሙ፡ ለመላእክቲሁ፡ መንፈሰ፡ ወለእለ፡ ይለአክዎ፡ ነደ፡ እሳት። ወይደልዎ፡ ካዕበ። እምኔነ፡ ስብሐት፡
| ወአኰ space ቴት፡ እስመ፡ ተብህለ፡ በእን?ቲአነኒ። ወገብሮ፡ ለእጓለ፡ እመሕያው፡ በአርአያሁ፡
ወበአምሳሊሁ፡ ወነፍሐ፡ ላዕሊሁ፡ መንፈሰ፡ ሕይወት። ወኮነ፡ ሰብአ። በመንፈሰ፡ ሕይወት። ወዘንተ፡ እንዘ፡ ይብል፡
ላሊበላ፡ መሰጦ፡ ውስተ፡ አየር፡ ሰማይሰ፡ ሣልሰ፡ ሰማይሰ፡ ሣልሳይ፡ የዓቢ፡ እምሰማይ፡ ሰማይ፡ ዳግማይ፡ በብርሃንኑ፡
ወክብር፡ መላእክቲሁኒ፡ ለሰማይ፡ ሣልስ፡ እምነ፡ መላእክት፡ ዘሰማይ፡ ዳግማይ፡ ወዘንተ፡ ርእዮ፡ ላሊበላ፡ ተፈሥሓ፡
ፍሥሐ። ወሰከ፡ ፍሥሐሁ። እምፍሥሐ፡ ዘተፈሥሐ፡ በቅድመ፡ መላእክት፡ ዘዳግማይ፡ ሰማይ፡ ወበነጽሮ፡ ብርሃኖሙ፡ ወዝሰ።
መልአክ፡ ዘይመርሆ፡ ላሊበላ፡ ሶበ፡ አብጽሖ፡ ውስተ፡ አየረ፡ ሰማይ፡ ሣልስ፡ ሰማይ። ይቤሎ፡ ነጽርኬ፡ ዘንተ፡ አየረ፡
ሰማይ፡ ሣልስ፡ ሰማይ፡ በለብዎ፡ ምንተ፡ ይሤኒ፡ ዝንቱ፡ አየረ፡ ሰማይ፡ ብርሃንነ፡ ወፈድፋደ፡ ይሤኒ፡ ወይኄይስ፡
እምዘነጸርከ፡
| ቀዳሚ፡ ወአንተኒ፡ አፈደ space ፍድ፡ ፍሥሐከ፡ እምዘቀዳሚ፡ በነጽሮቱ። ለዝንቱ። ብርሃን፡
ዓቢይ፡ ዘዘኢደልዎ፡ ለዓይነ፡ ሰብእ፡ ከመ፡ ይጠንቅቅ፡ ጠይቆታ። እስመ፡ ጥበብ፡ አ/ን/ተ፡ ጥበብ፡ አንተ፡ ውስተ፡
ሕፅኑ፡ ለአብ፡ ተኃድር፡ ቀዳማይኒ። ዘኢፋጸ፡ ወደኃራይኒ፡ ወኢረከበ፡ አሰራ፡ ወአልቦ፡ ዘተሰየጠ፡ በወርቅ፡ ቀይ፡ አፈዝ፡
ይእቲኬ፡ ዘገብረት። ዘተገብረ፡ ዘንተ፡ ትሬኢ፡ ወካልእኒ፡ ዘሀለወከ፡ ትርአይ፡ ዘየአቢ፡ እምዝ፡ ትሪኢ፡ ወዘኢይበጽሐኒ፡
ሕሊናከ፡ ሰብእ፡ ወኢዘለሊነ፡ ዘመላእክት፡ አምሮ፡ ባታ፡ ጥበብ፡ ዘገብረት፡ ግበረ፡ ወዘንተ። እምድኅረ፡ ወይቤሎ፡ ሰምዓ፡
ላሊበላ፡ ጕሕና፡ ሰብሐቲሆሙ፡ ለመላእክተ፡ ሰማይ፡ ሣልሰ፡ እንዘዘ፡ ይደምጽ፡ ከመ፡ ነጐድጓድ፡ ወእንዘ፡ ይኄሉ፡ መምዑ፡
ጥቀ፡ ወይቤሎ፡ ዝኩ፡ መልአከ፡ ብርሃን፡ ላሊበላ፡ ኦጽምዕኬ። ኦብእሲ። ዘሰሐበተከ፡ ጥበብ፡ በሀብለ፡
| ሣሀላ፡ ወአጽሐተከ፡ እስከ፡ ዝየ፡ ከመ፡ ትርአይ፡ ዘንተ፡ ምሥጢረ፡ ወከመ፡ ትሰማዕ፡ ነጐድጓ፡ ደ፡
ሰብሐቶሙ። ለትጉሃን፡ ዘያሞግድ፡ ለለሰማይ፡ ወአንተሂ፡ ተፈሣሕ፡ ፈድፋደ፡ ወሰብሐ፡ ለዘ፡ ኵሎ፡ ይመልክ፡ ወይቤሎ፡
ካዕበ፡ ውእቱ፡ መልአክ፡ ላሊበላ፡ መፍትው፡ ለከ፡ ተአኵቶ፡ ፈድፋደ፡ እስመ፡ ፈድፋደ፡ አፍቀረከ። ወረሰየከ፡ ትኅበር፡
ሰብሖ። ምስለ፡ መላእክት፡ ወተፈሣሕኬ፡ ወይእበይ፡ ፍሥሐከ፡ ወተሰጥዎ። ላሊበላ፡ ወይቤሎ፡ ለፍሥሐየሰ። አልባቲ፡ አቅመ፡
ወኢመሠፈረተ፡ እስመ፡ ለሰሚዓ፡ ድፀ፡ ዝንቱ፡ ሰብሐተ፡ አልቦ፡ አልቦ፡ ዘይትኢረያ፡ በጣዕም፡ ወይንኒ፡ ኢይከውን፡ መጠነ፡
ቃለመጺፅ፡ በፍሥሐ፡ ዝንቱ፡ ሰብሐት፡ ወዘንተ። እምድኅረ፡ ይቤ፡ በጽሑ። ውስተ፡ ሣህል፡ ሣልሰ፡ ሰማይ፡ ወርእየ፡
ላሊበላ፡ መላእክተ፡ እለ፡ ህየ፡ ወፈድፋድ፡ ስብሐቶሙ፡ ለእሉ፡ እምነ፡ ቀዳማውያን፡ ወላሊበላኒ፡ ይትዌሰክ፡ ፍሥሐ፡
| ለለሰማዩ፡ ሶበ፡ ይሬኢ፡ ክብሮሙ፡ ለትጉሃን፡ ወብርሃኖሙኒ፡ ዘየኃይድ፡ ዓይነ፡ ዘኢይከውኖ፡
ይነብብ። ለሰብእ፡ ይነብብ፡ በእንቲአሁ። እልክቱሰ፡ መላእክት፡ እለ፡ ውስተ፡ ሰማይ፡ ሣልስ፡ ሶበ፡ ርእይዎ፡ አንበስበሱ፡
በቅድሜሁ፡ በፍሥሐ። ወይቤልዎ፡ አንተአ፡ ለከ፡ እምኀቤነ፡ ኦብእሲ፡ ዘተለዓልከ፡ እምነ፡ መሬቷውያን፡ ወክብርከ፡ ፈድፋደ፡
እምኔሆሙ፡ ወእምኔነሂ። የዓቢ፡ እምክብርነ፡ ወላሊበላሰ፡ ሰሚዖ፡ ያነብር፡ በእንተ፡ ክብርኒ፡ ዘይነቡ፡ በእንቲአሁ፡
መላእክት፡ በኀበ፡ በጽሐ፡ ሰማይ፡ ያስተዓፅብ። እፎ፡ ሀለዎ፡ ይረክብ፡ ዘከመዝ፡ ክብረ፡ በዓይኑ፡ ገድል፡ ወበዓይኑ፡
ጻማ፡ ይረክበ፡ ብእሲ፡ ለዝንቱ፡ ሰብሐት። ወይቤልዎ፡ እልክቱ፡ መላእክት። እለ፡ ውስተ፡ ሰማይ፡ ሣልስ፡ ወይዜነውዎ፡
በእንተ፡ ክብረ፡ ካልአኒሆሙ፡ ወመላእክት፡ እለ፡ ሀለው። ውስተ፡ ራብዕ፡ ሰማይ። ወዘከመ፡ ሀለዎ፡ ላሊበላ፡ ይት?ሊዓል፡
እምኔሆሙ፡ ምዕመነ፡ እመላእክቱኒ፡
| እለ፡ ይትሌዓሉ፡ እምኔሆሙ፡ መላእክት፡ እለ፡ ሀለውስተ፡ ራብዕ፡ ሰማይ፡ ወላሊበላሰ፡ ሰሚዖ፡
ዘንተ፡ እምእልክቱ፡ መናብርተ፡ ቅዳሴ፡ ወአብሕርተ፡ ስብሐት፡ ተመልአ፡ ፍሥሐ፡ በኃይለ፡ መንፈስ፡ ቅዱስ፡ ወርእዮ፡ ስነ፡
ብርሃኖሙ፡ ዘይፈደፍድ፡ እምነ፡ ብሃርውያን። ቀዳሚ፡ አንከረከ፡ ወአኃዘ፡ ይበል፡ ባርክዎ፡ ለእግዚአብሔር፡ ኵልክሙ፡
መላእክቲሁ፡ ጽኑዓን፡ ወኃያላን፡ እለ፡ ትገብሩ፡ ቃሎ፡ ወእለ፡ ትሰምዑ፡ ቃለ፡ ነገሮ፡ መፍትው፡ ለክሙ፡ ኦእሳታውያን፡
መንፈሳውያን፡ ትበልዎ፡ ለከ፡ ይደሉ፡ ክብር፡ ወስብሐት፡ ወኃይል፡ ወአኰቴት። ወፍርቃን፡ ወውእቱ፡ ወውዳሴ፡
ለዘአሰርገወክሙ፡ በዝንቱ፡ ሠርጕ፡ ዓቢይ፡ ዘኢኮነ፡ በቅድመ፡ ብርሃንክሙ። ከመ፡ ቀለምፂጺ፡ እምነ፡ ፀሐይ፡ ወስነ፡
አልባሲክሙ፡ ዘአልቦ፡ ሤጠ፡ ወበእንቲአየሂ፡ ፈድፋደ፡ አእኰትዎ። እንዘ፡ መሬታውያን። ንሕነ፡ ወሐመድ፡ ዘኢኮነ፡
ድልወትየ፡
| ዘከመ፡ እነጽሮሙ፡ ለጻድቃን፡ ሰብእ፡ ዘእምነ፡ አንጋድየ። እሉ፡ እሙንቱ፡ ዘርአ፡ አዳም፡ ረሰየኒ።
ከመ፡ እርአይ፡ ክብርክሙ፡ ወስብሐቲክሙ። ወዘንተ። ሶበ፡ ይብል፡ ላሊበላ፡ ተሠጠውዎ፡ እልክቱ፡ መላእክቲክሙ።
መንፈሳውያን። ወይቤልዎ፡ በእንቲአነሰ። ብርሃነ፡ ክ/ብ/ርነ፡ ኢታሰተአጽብ። ወበእንተ፡ ክብርነሂ፡ ኢታንክር። እስመ፡
ክብር፡ ዘዚአከ፡ የዓቢ፡ እምክብርነ። ወዘንተ፡ እንዘ፡ ይብልዎ። መላእክት፡ እለ፡ ውስተ። ራብዕ፡ ነሥኣ፡ ዝኩ፡ መልአክ፡
ወአዕረጎ። ውስተ፡ አየረ፡ ሰማይ። ኃምስ፡ ወተውህጠ፡ ላሊበላ፡ በብርሃነ፡ አየረ፡ ሰማይ፡ ኃምስ። እስመ፡ ብርሃና፡
የዓቢ። እምብርሃነ፡ ኵሎን፡ ሰማያት፡ ወበእንተዝ፡ አንፈርዓፀ። ላሊበላ፡ ዓቢየ፡ ዓንፈርዓፀሰ፡ የዓቢ፡ እምኵሎን፡
ፍሥሐሁ። ወአንፈርዓፁ፡ ዘረከበ፡ በዓርባዕቱ፡ ሰማያት፡ እለ፡ አደውነ። እንዘ፡ ያፈደፍድ፡ ስብሐቶሙ፡ ለእግዚአብሔር፡
በእንበእንተ፡ ዘርእየ፡ ክብረ፡ ወስብሐተ፡
| ለለሰማዩ፡ ወመላእክትኒ፡ እለ፡ የድሩ። ውስቴቶን፡ ዘየዓቢ፡ ክብረ፡ ካልኡ። እምካልኡ፡ ወእመሰ፡
በጽሐ፡ ውስተ፡ አየረ፡ ሰማይ፡ ኃምስ፡ ተመልአ፡ ፍሥሐ፡ ዓቢይ። እስመ፡ ኵሎን፡ ሰማያት፡ ፃአ፡ እለ፡ ኃለፈ፡ ዲቤሆን፡
የዓቢ፡ ብርሃን፡ በህየ። ወአኃዘ፡ ይብል፡ ወየሐሊ፡ ጥቀ፡ ፍቁር፡ አብያቲከ፡ እግዚአ፡ ኃያላን። ተፈሥሐት፡ ነፍስየ፡
በአፍቅሮ፡ አዕፃዲከ፡ እግዚኦ፡ ነፍስየኒ፡ ወሥጋየኒ፡ በእግዚአብሔር፡ ሕያው። ብፀዓን፡ ለእለ፡ ይትረአዩ። ውስተ፡ ጸዓተ፡
ስብሐቲከ። ለለጌሠሙ። እንዘ፡ የኃልዩ፡ ወያደምፁ፡ ስብሐተ፡ ዘኢያፀገብ፡ ጣዕሙ። አማን፡ ውእቱ፡ ዘይቤ፡ ዳዊት፡ ነቢይ፡
በመዝሙር፡ እስመ፡ ኦትኄይስ። አሐቲ፡ ዕለት። ውስተ፡ አዕፃዲከ፡ እምአእላፍ። ወበእንተዝ። አብደርኩ፡ ዕትገፍ፡ ውስተ፡
ቤተከ። በከመ፡ ይቤ፡ ላሊሁ፡ አብደርኩ፡ እትገደፍ። ውስተ፡ ቤተ፡ እግዚአብሔር፡ እምእንበር።
| ውስተ፡ ቤተ፡ ኃጥአን፡ እስመ፡ ትኄይስ፡ አሐቲ፡ ዕለት፡ ውስተ፡ አዕጻዲከ። እምአእላፍ። ወአነሂ፡
ዕብል፡ ከማሁ። አኃተ፡ ሰአልክዎ፡ ለእግዚአብሔር፡ ወኪያሃ፡ አኃሥሥ። ከመ፡ እኅድር፡ ቤቶ፡ ለእግዚአብሔር፡ ለኵሉ፡
መዋዕለ፡ ሕይወትየ፡ ወከመ፡ ያርእየኒ፡ ዘያሠምሮ፡ ለእግዚአብሔር። ወከመ፡ እፀመድ። ውስተ፡ ቤተ፡ መቅደሱ። ወተሰጥዎ፡
ዝኩ፡ መልአክ። ወይቤሎ፡ ለላሊበላ፡ እፎ፡ አንከርከ፡ ልበከ፡ እስመ፡ ኃይለከ። ወትቤ፡ በመዝሙረ፡ ዳዊት፡ ጥቀ፡ ፍቁር፡
አብያቲከ። እግዚአብሔር፡ እግዚአ፡ ኃያላን። ተፈሥሐት። ነፍስየ፡ በኣፍቅሮ፡ አዕፃዲከ። ፈድፋደ፡ አሥ[ፍ]ተፈሣሐከ።
ብርሃነ፡ ዘንተ፡ አየረ፡ ሰማይ። ኃምስ፡ ወአውሥኦ፡ ላሊበላ፡ ለውእቱ፡ መልአክ። ወይቤሎ፡ አማን። ተፈሣሕኩ፡ በዝንቱ፡
ብርሃን፡ ዓቢይ፡ ፍሥሐ፡ ዘእንበለ፡ ዘአልቦ። መስፈርተ። ወይቤሎሙ፡ ውእቱኒ፡ መልአክ፡ ላሊበላ፡
| መፍትው፡ ት?ትፈሣሕ፡ እስመ፡ ኮንከ፡ ከመ፡ ይፍልጥ፡ ይፍልስ። እምክብር። ውስተ፡ ክብር፡
ወእምፍሥሐ። ውስተ፡ ፍሥሐ። ወእምብዕል፡ ውሰተ፡ ብዕል። እስመ፡ እምዓርገ፡ እምድር። ወአደውከ፡ አየረ፡ ሰማየ፡ ቀዳሚት።
ኢረከብከ። ሐዘነ፡ እንበለ፡ ፍሥሐ፡ አኮ። ዘአሐዱ፡ ኅብሩ፡ አላ፡ እንበለ፡ ይትዌሰክ፡ ፍሥሐ። ወይእዜኒ፡ በዲበ፡ ፍሥሐ።
ወይእዜኒ፡ ሶበ፡ በጻሕከ። ውስተ፡ አየረ፡ ሰማይ፡ ኃምስ። ተፈሣሕከ። ሶበ፡ ርኢከ፡ በብርሃኖሙ፡ እፎኬ፡ ትትፌሣሕ። ሶበ፡
ሰማዕኩከ፡ ድምፀ፡ ሰብሐቶሙ። ለመላእክት፡ ውስተ፡ አየረ፡ ሰማይ፡ ኃምስ። ወዘንተ፡ እንዘ፡ ይቤሎ፡ አብጽሖ። ውእቱ፡
መልአከ፡ ውስተ፡ ሰማይ፡ ኃምስ። ወእምዝ። ኣንጐድጐደ፡ ድምፀ፡ ሰብሐቶሙ። ለመላእክት፡ እለ፡ ይነብሩ፡ ህየ። እንዘ፡
ይብል፡ ወይሄልያ። በአጽምዖ፡ ድምፁ። ላሊበላሰ። ሰክረ። እምድምፀ፡ ስብሐቶሙ፡ ዘሰምዓ፡ ወውሰከ፡ እምድምፀ፡ ስብሐት፡
| ዘውስተ፡ ኃምስ፡ ሰማይ። ወእንዘ፡ ያነክር፡ ላሊበላ፡ አስተርአይዎ፡ ብርሃናውያን። እለ፡ ህየ፡
ወአንበስበሰ። ብርሃኖሙ፡ በቅድሜሁ። ከመ፡ እንተ፡ ያንበሰብስ፡ ደመና፡ በውስተ፡ ነፋስ፡ ወጽርኁ፡ ኵሎሙሙ። እንዘ፡
ይብሉ፡ ሰላም፡ ለከ፡ ኦብእሲ፡ መካህ፡ ዘሐፀነቶ፡ ጥበብ፡ እንዘ፡ ትሴሰዮ፡ እመኔኀ፡ ሰማይ፡ ወዘተፈድፈደ፡ ክብረ፡
ወእምክብረ፡ መላእክት። ወይእዜኒ፡ ተፈሣሕ፡ ኦብእሲ፡ በዓፀደ፡ ትጉሃን፡ ዘአልቦውስቴታ፡ ሕማመ፡ ጠባይዕ፡ ወኢሕሊና፡
ሥጋ፡ ወኢአፍቅሮ፡ ድቃስ፡ ወኢፈተወ፡ ንዋም። ተፈሣሕኬ። በዝየ፡ በኀበ፡ አልቦ፡ ረኃብ፡ ወጽምዕ። እስመ፡ ነበበ፡
ስብሐተ፡ ዘመላእክት፡ ሲሳየ፡ ነ፡ ወስቴነ፡ ኀበ፡ አልቦ፡ ጽልመት፡ እንበለ፡ ብርሃን፡ አንሶሱ፡ በፍሥሐ። ውስተዝ፡
መካን። እስመ፡ ክፍልከ፡ ዘከመዝ፡ ስልጣነ፡ ዘኵሎ፡ ይእኅዝ፡ ተፈሣ፡ ምስሌከ፡ እስከ፡ ተዓርግ፡ ዘየዓቢ፡ እምዝ፡
| ወላሊበላሰ፡ ያነክር፡ በፍሥሐ፡ ግርማሆሙ፡ ወስነ፡ አልባሲሆሙ፡ ወፀዳለ፡ ብርሃኖሙ፡ ወስነ፡
አክሊላቲሆሙ፡ ዘዕፀዓዱ። እምበረድ፡ ዘይበርህ፡ እመባርቅት፡ ወተመሰጠ፡ ዓዲ፡ በክነፈ፡ ዝኩ፡ መልአክ፡ እምድኅረ፡
ተፈሥሐ፡ ምስለ፡ መላእክት፡ እለ፡ ውስተ፡ ኃምስ፡ ሰማይ፡ ወበጽሐ። ውስተ፡ አየረ፡ ሰማይ፡ ሳድስ። ወርእየ፡ በህየ።
ብርሃነ። አየር፡ ሰማይ። ዘ/የ/ዓቢ፡ እምብሃነ፡ አየረ፡ ሰማይ፡ ኃምስ፡ ወተፈሥሐ፡ ፍሥሐ፡ ዘኢይከውኖ፡ ለእጓለ፡
እምሕያው። ይረክብ፡ ፍሥሐ። ዘከመዝ፡ ወእምዝ፡ ተለዓለ። ውስተ፡ ሳድስ፡ ሰማይ፡ ወሰምዓ፡ ጕሕና፡ ሰብሐት። ወርእየ፡
ክብሮሙ፡ ለመላእክት፡ እለ፡ ይነብሩ፡ ህየ። ወክብሮሙኒ፡ ወስብሐቶሙ፡ የዓቢ። እምክብረ፡ መላእክት፡ ዘውስተ፡ ሰማይ፡
ኃምስ። ወይቤልዎ፡ እልክቱኒ፡ በከመ፡ ይቤልዎ፡ ቀዳማውያን፡ ወአሕምሕዎ፡ በፍሥሐ፡ በከመ፡ አምኅዎ፡ እለ፡ ኃለፈ።
| ወዓዲ፡ ወዓደወ፡ እምኔሆሙ፡ ወእምዝ፡ መሰጦ፡ ዝ፡ መልአክ፡ ላሊበላ፡ ወአብጽሖ፡ ውስተ፡ አየረ፡
ሰማይ፡ ሰብዕ፡ ወርእየ፡ ላሊበላ፡ ብርሃነ፡ ውእቱ፡ አየር፡ ዘኢርእየ። በኀበ፡ ኃምስቱ፡ ሰማያት፡ ወበዝኃ፡ አንክሮቱ፡
ለላሊበላ፡ ወይቤ፡ ባርክዎ፡ ሰማያት። ለእግዚአብሔር፡ ለዘ፡ ሰቀሎሙ። ከመ፡ ቀመር፡ ወከ?ሎሙ፡ ወከለሎሙ፡ በብርሃን፡
ዘኢይትሄለይ። ውስተ፡ ልበ፡ ሰብእ፡ ወዘዕደው፡ እምሕሊና፡ ሰ?ብእ። ወአኃዘ። ውእቱኒ፡ ይክልሕ፡ ወይበል፡ በአስተብፅዖ፡
በእንተ፡ እለ፡ ይነብሩ፡ ውስተ፡ ሰማይ፡ ሳብዕ፡ ወይቤ፡ ብፁዓን፡ ኵሎሙ፡ እለ፡ ይነብሩ። ውስተ፡ ቤትከ፡ ወለዓለመ፡
ዓለም፡ ይሴብሑ፡ ከ። ብፁዕ፡ ብእሲ፡ ዘእምኀቤከ፡ ረድኤቱ፡ እግዚኦ። ወይሄሊ፡ ወዘይሄሊ፡ በልቡ፡ ዘበላዕሉ። ወላሊበላሰ፡
ቅውም፡ በማዕከለ፡ ሞገደ፡ ሰብእ፡ በአየረ፡
| ሰማይ፡ ሰብዕ፡ እምስመ፡ ድምፁ፡ ዘታሕቱሂ፡ ዘይትፌኖ፡ እምኀበ፡ መላእክት፡ እለ፡ ይነብሩ፡ ሰማይ፡
በህየ፡ ይሰምዕ፡ ድምፀ፡ ነጐድጓ፡ ድ፡ ሰብሐቶሙ፡ እንዘ፡ ያዓርግ፡ ምስለ፡ ጣዕመ፡ መዓዛ፡ ሠናይ። ውስተ፡ ማኅደረ፡
ቅድስቱ፡ ለትሥልስቱ፡ አዶናይ፡ ላዕሉሂ፡ ድምፀ፡ ሰብሐቶሙ፡ ዝውእቱ፡ ምሕዋህሄሆሙ፡ ለመላእክት፡ ለእለ። ይነብሩ፡
ውስቴቱ፡ ሰማይ፡ ሰማይ፡ ሳብዕ፡ ይደምፅ፡ በህየ፡ ዘየዓቢ፡ እምእለ፡ አእፍ፡ ድምፀ፡ ነጐድጓድ። ወላሊበላሰ። ይደምም፡
ሰሚዓ፡ ድምፀ፡ ስብሐቶሙ፡ ዘበታሕቱሂ፡ እንዘ፡ የዓርግ፡ ዘበላዕሉሂ፡ እንዘ፡ ያንጐደጉድ፡ ወድምፁሂ፡ ይሴኒ፡ እምስብሐተ፡
ኵሎሙ፡ ሰማያት፡ ሰድአቱ፡ እለ፡ አእደውዎሙ። ላሊበላ፡ ወበእንተ፡ ውእቱ፡ ድምፀ፡ ሰብሐት፡ ዘየዓውዶ፡ ከመ፡ እንተ፡
ደመና፡ ምስለ፡ ግዕዘ፡ ጣዕዋ፡ ዓቢይ፡ ወምስለ፡ መዓዛ።
| ሠናይ፡ ወአልቦ፡ ዘይትኢረዮ፡ ለመዓዛሁ። ወላሊበላሰ፡ ተውኅጠ፡ አፍአሁ፡ ወውስጡ፡ በብርሃነ፡
ፍሥሐ፡ ወበስብሐት፡ ዘድምፁ፡ ስብሐት፡ ዘላዕሉ፡ ወዘታሕቱ፡ እስመ፡ በህየ፡ ተፀዓቀው፡ ድምፀ፡ ፍሥሐ፡ የዓቢ። እምኵሉ፡
ፍሥሐ፡ ዘረከበቶን፡ እንዘ፡ የዓዱዎን፡ የ/ዓ/ውድዎን፡ ለሰብአቱ፡ ሰማያት፡ ኵሎን፡ ወዝኩሰ፡ መልአክ፡ ብርሃናዊ፡
ዘይመርሖ፡ ለላሊበላ፡ ሶበ፡ ርእዮ። እንዘ፡ ይደመም፡ በአንከሮ፡ ዓቢይ። ወይቤሎ፡ ምንተኑ፡ ታነ[ብ]ክር፡ ወታሰተአጽብ።
እስመ፡ ርኢ?ኩከ፡ ከመዝ፡ አመ፡ ተአድዎን፡ ለሰብአቱ፡ ሰማይ፡ ወይእዜሰ፡ እሬእየከ፡ በዓቢይ፡ አንክሮ። እንዘ፡
ታስተአድ?ም፡ ብርሃኖሙ፡ ለሰብአቱ፡ ሰማይ፡ ሳብዕ። ወድምፀ፡ ስብሐትኒ፡ ዘይሰማዕ፡ በዝየ፡ ወተሰጥዎ፡ ላሊበላ። ለውእቱ፡
መልአክ፡ ወይቤሎ፡ [እ]ኦእግዚእየ፡ ሀለውኩ፡ አማን፡ በአ/ን/ክሮ፡ ዓቢይ፡ በእንተ፡ ዝንቱ፡
| ብርሃነ፡ አየረ፡ ወበእንተ፡ ድምፀ፡ ስብሐቲሁ፡ ዘኢይሰማዕ፡ በውስቲቱ፡ እስመ፡ ኢርኢኩ፡ ዘከመዝ፡
ብርሃን። እምአመ፡ አዕረጉ። እምድር፡ ውስተ፡ ሰማይ፡ ኢርኢኩ። ዘከመዝ። በውስተ፡ ኵሎን፡ አየራት። ወኢተሰማዕኩ። ዓዲ፡
ዘከመዝ፡ ስብሐታት፡ ዘይሄይል። ድምፁ፡ ወእምድፀ። አእላፍ፡ ነጐድጓድ። ወበእንተ፡ ዝንቱ፡ አንከርኩ። ፈድፋደ፡ እመከራ፡
ዘልፈ፡ ዘረከበኒ። በውስተ፡ ኵሎን። አየራት። ወበኵሎን፡ ሰማያት፡ ወቀዲሙሰ፡ ሶበ፡ ዓዕረጉ። ውስተ፡ አየረ፡ ሰማይ፡
ቀዳሚት፡ አጺዎን፡ ምጽንአ፡ [ብ] ኀበ፡ ይነብሩ፡ መፍርሃን፡ ገጽ፡ ወርኢኩ፡ ብርሃን። በህየ፡ ምስሌ፡ ዘኢይረከብኩ፡
ዘከማሁ፡ ብርሃነ። ወዘከማሁ፡ ፍሥሐ። ወሶበ፡ አዕረግነ፡ ውስተ፡ ሰማይ፡ በቀዳሚት፡ ረከብኩ፡ ብርሃነ፡ ዘየዓቢ።
እምብርሃነ። መላእክትኒ፡ ዘውስቴታ፡ ዘይጸድል፡ ምስብዒተ፡ እምፀሐይ፡ ዘንተ፡
| ርኢኩ፡ ተፈሣሕኩ፡ ዘኢተፈሣሕኩ፡ ዘከማሁ፡ ፍሥሐ። እምአሜሁ። ተወለድኩ፡ እስከ፡ አሜሃ፡ ወምስሌነ፡
ዘአልቦ። ዘይመክሮሙ። ወዘአልቦ፡ ዘከማሁ፡ ብርሃን፡ ዘእሬኢ። ወይቤሉኒ፡ እልክቱ። መላእክት፡ ኢታንክር፡ በእንተ።
ክብርነ። እስመ፡ ይትሌዓሉነ። ሀለው፡ ሀለው። ወዘንተ፡ ሰሚዕየ። አንከርኩ፡ ወእቤ፡ እፎኬ። ይመስል፡ ብርሃን፡
ዘይፈደፍድ። እምዝ። ወሶበ፡ አዕረግነ። ካዕበ፡ ውስተ፡ አየረ፡ ሰማይ። ዳግሚት፡ ርኢኩ፡ በህየ፡ ብርሃነ። ዘየዓቢ፡
እምብርሃነ፡ አየረ፡ ሰማይ፡ ቀዳሚት፡ ወክብረ። መላእክት፡ ዘህየ። ወተፈሣሕኩ፡ በብርሃኖሙ፡ ወበእምጽምፀ፡ ሰብሐቶሙ።
ወበህየኒ። ምስሌነ፡ ዘኢ[ረ]ይረክብ፡ ዘከማዘከማሁ፡ ወእምዝ፡ ይቤሉኒ፡ እልክቱኒ። መላእክት። ዘዳግም። ሰማይ። በከመ፡
ይቤሉ። ይቤሉኒ፡ ቀዳማውያን፡ ወዜነውኒ፡ በእንተ፡
| ክብረ፡ መላእክት፡ ዘውስተ፡ ሣልሰ። ሰማይ። ወበህየኒ፡ ርኢኩ። በከመ፡ ይቤሉኒ፡ ክብሮሙኒ።
ወስብሐቶሙኒ። ወእልክቱኒ፡ ሰበኩ፡ ሊተ። በእንተ፡ ክብሮሙ፡ ለመላእክት። እለ፡ ውስተ። ራብአይ። ወእልክቱኒ። ካዕበ፡
ነገሩኒ፡ ክብረ፡ ካልአኒ፡ ሆሙ፡ መላእክት፡ ለእለ፡ የኃድሩ። ውስተ፡ ኃምስ፡ ሰማይ። ወረከብኩ፡ በህየ። በከመ፡ ዜነውኒ፡
እሙንቱኒ። ወእምዝ፡ ዓረግነ፡ ውስተ፡ ሰማይ፡ ሳድስ። ወርኢኩ። ብርሃነ፡ ዘየዓቢ። እምብርሃነ፡ ኵሎን፡ ሰማያት፡ ኃምስቱ፡
ወክብረ፡ መላእክትኒ። ርኢኩ፡ ዘውስተ፡ ሰማይ። ዘየዓቢ፡ እምክብረ፡ አካልኣኒሆሙ፡ ወእምህየኒ። ዓዕረግነ። ሰሚዓነ።
ክብረ፡ ዝንቱ። ሰማይ፡ ሳብዕ። ወነዋ፡ ንቀውም። ውስተ፡ አየራሁ። ወተፈሣሕነ። በሰሚዓ፡ ድምፀ፡ ሰብሐት፡ ዘይደምፅ፡
በዝየ፡ ወበእንተ፡ ዝንቱ፡
| ፈድፋደ፡ አነክር፡ ወአስተአፅብ፡ በተደምሞ። ዓቢይ፡ ወዘንተ፡ ብሂሎ፡ አርመመ፡ ላሊበላ፡ ወተሰጥዎ።
ዝኩኒ። መልአክ፡ ጽድቅ፡ ብርሃናዊ፡ ወይቤሎ፡ እሙንቱ፡ ትቤ፡ አልቦ፡ ዘረከብከ፡ እምአዕሩረጉከ። እምድር፡ ወአብጻሕኩከ።
እስከ፡ ዝየ። ወከመዝ፡ ብርሃን። ዘአየር፡ እስመ፡ ዘይትዌሰክ። ብርሃ፡ እስከ፡ ዘበጻሕከ፡ ዝየ። ወብርሃነ፡ አየርኒ፡
የዓቢ። እምብርሃነ፡ ሰማይ፡ ካልዕ። ወብርሃነ፡ መላእክት፡ የዓቢ፡ እምብርሃነ፡ ካልአኒሆሙ፡ መላእክት። ወዝንቱሰ፡ አየረ፡
ብርሃን። ዘትሬኢ፡ ተፍጻሜቶሙ፡ ን፡ ለኵሎን፡ አየራት። ወበእንተ። ዝንቱ፡ የዓቢ፡ ትወስክ፡ ብርሃና። እምኵሎን፡ አየራት፡
ወለከሂ፡ መፍትው፡ ለከ፡ ትትፌሣሕ፡ ፈድፋደ፡ በዝየ። ነጺረከ፡ ዘንተ። አየረ፡ ብርሃን። እስከ፡ ትትፌሣ፡ ዘየየቢ፡
ፍሥሐ፡ ሶበ፡ ትኔጽር፡ ክብረ፡ መላእክት፡
| ዘውስተ፡ ሳብዕ፡ ሰማይ፡ ሶበ። ተዓርግ፡ ኀቤሆሙ፡ ወትሬእዮሙ። እስመ። እምክብረ፡ ኵሎሙ፡
መላእክት። እለ፡ ርኢኩከ። የዓቢ፡ ክብሮሙ፡ ወድምፀ፡ ስብሐቶሙ፡ የዓቢ፡ እምድምፀ። ስብሐተ፡ ዘማዕከለ። እስመ፡ ስብሐተ፡
ኵሎሙ። መላእክት፡ ይትለድ፡ በህየ። እንዘ፡ የዓርግ፡ ውስተ፡ ጽርሐ፡ ቅድሳቱ። ለልዑል፡ ወዘንተ፡ ብሂሎ፡ ዓዕረጎ፡ ዝኩ፡
መልአክ፡ መንፈሳዊት፡ ውስተ፡ ሰብዕ፡ ሰማይ። እንዘ፡ ይትፌሣሕ፡ በዓቢይ፡ በፍሣሐ፡ ዓቢይ፡ ወአዝዝ፡ ወእንዘ፡ ይብሎ፡
ለላሊበላ፡ ተፈሣሕ፡ ኦብእሲ፡ ክቡር፡ ምሉኣ፡ ጸጋ፡ ዘኢተሞቀሰ፡ እምኵሉ፡ ኀብተ፡ ሰማያዊት። መንፈሳዊት። እስመ፡ ናሁ፡
በጻሕከ። ውስተ፡ ሰማይ። ሳብዕ፡ ዘ/የ/ዓቢ። ክ[ረ]ብሩ፡ እምክብረ። ኵሎሙ፡ መላእክተ፡ ሰማያት። እስመ፡ ዝየ፡ ውእቱ፡
ምዕላደ፡ ኵሎሙ፡ መላእክት፡ ሰብሐታት፡ ወዘንተ፡ እንዘ፡ ይቤሎ፡
| ውእቱ፡ መልአክ፡ ለላሊበላ፡ እንዘ፡ ይነግሮ። ነገረ፡ ፍሥሐ፡ ርእየ። ላሊበላ፡ ብሔረ፡ ብርሃን።
እንዘ፡ ያመአብል፡ ወይጽአቅ፡ በዓለ፡ ሰማይ። ሳብዕ። ወእንዘ፡ ይትጓዳዕ፡ ብርሃን፡ ምስለ፡ ብርሃን፡ አንከረ፡ ለላሊበላ፡
ርእዮ፡ ዘንተ፡ ብርሃንነ። ዘርእየ፡ በኀበ፡ ኵሎሙ፡ ሰማያት። ወእንዘ፡ ዘንተ፡ ያሰተአጽብ፡ አስተርአይዎ፡ ግብተ፡
ጠባይዓ፡ እሳት። እለ፡ ይኅድሩ። ውስተ፡ ሰማይ፡ ሳብዕ፡ ወብርሃኖሙኒ፡ ወስብሐቲሆሙኒ፡ እምብርሃኖሙ፡ ለመላእክት፡
ወአክሊላቲሆሙ፡ ይበርህ፡ እ፡ አክሊላተ፡ እልክቱ። ወይቤልዎ፡ በሐከ፡ ኦብእሴ፡ አምላክ፡ ዘአብጠልከ፡ እምነ፡ ግዕዘነ፡
ሰብእ፡ ወሜጥከ፡ ሕሊና፡ ሰማይ፡ ሰማያውያን፡ ወኮንከ፡ ልዑለ፡ እምግብረ፡ አብያጺከ፡ ደቂቀ፡ አዳም፡ ወበእንተ፡ ዝንቱ፡
ውስተ። ዘየዓቢ፡ ማኅደርከ፡ ኅድግ፡ ኅድግሰ፡ እምኔሆሙ፡ ወእምኔነ፡
| እምኔነሂ፡ ይትሌዓል፡ ክብርከ፡ ወበኵሉ፡ ፍናዌከ፡ ወበኵሉ፡ ገጽከ፡ እስመ፡ በሉዓሌ። ተኃድር።
ውስተ፡ ውሳጤ፡ መንጦላዕት። ኀበ፡ ቦአ። ኢየሱስ። በኵረ፡ አብ፡ ዘእምቅድመ፡ ዓለም። ወበኵረ፡ ድንግል፡ በደኃሪ፡
መዋዕል። ዘተወልደ፡ በመንክር፡ ልደት፡ ተመሲሎ፡ ኪያክሙ፡ በእንተ፡ ዝንቱ፡ የዓቢ። ማኅደርማኅደረክሙ። ለጻድቃን፡ እምነ፡
መላእክት። እለ፡ እምታሕቴነ። ወእምኔነ፡ ወእምነ፡ ይትሌዓሉነ። ወእምነ፡ ኪሩቤልኒ፡ ወሱራፌል። ወእልክቱሂ፡ ጻድቃን።
ተወልቲዎሙ። በይእቱ፡ ሥጋ፡ የዓርጉ፡ መልዕልተ፡ ኪሩቤል። ወሱራፌል። ኀበ፡ ሀለወ፡ እግዚኦሙ። ዘሰማይ፡ ዘሰማየ።
አቡሆሙ። በከመ፡ ለሊሁ፡ ይቤ፡ ዘተሰፈወ፡ ምስሌሆሙ፡ ሥጋ፡ ወደም፡ ወአጽመ፡ ወጸጉረ። ወአስራወ። በእንተ፡ ዝንቱ።
ዕብለክሙ፡ ኦኃዊነ፡ አኃውየ፡ እስመ፡
| ነሣእኩ፡ ዘዚአክሙ፡ ከመ፡ አኀብክሙ፡ ዘዚአየ። ወኀበ፡ ሀለውኩ፡ አነ፡ ህየ፡ ይሄሉ፡ ዘይትለአከኒ።
ኢሰማዕክሙኑ። እንዘ፡ ይነግሮ፡ ዕበየ፡ ልዕልናክሙ። ጳውሎስ፡ ዘከመ፡ ትትሌዓል፡ ትትዓሉ፡ እምኔነ፡ ወይብል። እስመ፡
አኮ። መላእክተ። ዘተወክፈ፡ አላ፡ ዘርአ፡ አብርሃም፡ አልአለ። ምንትኑ፡ ልዕልና፡ ዘርአ፡ አብርሃም፡ ኣኮኑ፡ ዘርኡኒ፡
ለአብርሃም፡ ክርስቶስ። ወክርስቶስኒ፡ አኮ፡ ነበረ፡ በየማነ፡ አብ፡ መልዕልተ፡ ኵሎሙ፡ መላእክት፡ ወሊቃነ፡ መላእክት።
አኮኑ፡ አንትሙሂ፡ ትሴፈው፡ ከመ፡ ተሀልው፡ ኀበ፡ ሀለወ፡ ውእቱ፡ በከመ፡ ይቤለክሙ፡ ላሊሁ፡ አነ፡ እሁበክሙ። ከመ፡
ትብልዑ፡ ወትሰትዩ፡ ምስሌየ። በውስተ፡ ማኅደርየ፡ በመንግሥቱ፡ ለአቡየ። ወእመሰኬ፡ አሰፈወክሙ፡ ውእቱ፡ ከመ፡ ተሀልው፡
ኀበ፡ ሀለወ፡ ኣእምሩ፡ በዝንቱ፡ ከመ፡ ትትሌዓሉ፡ እምኔነ። ወንሕነሰ፡ ኢንክል፡
| ዓሪገ፡ መልዕልተ፡ ኪሩቤል፡ ኀበ፡ ሀለወ፡ ሥጋ፡ ዚአክሙ፡ ዘለብሰ፡ ፈጣሬ፡ ዚአክሙ፡ ወኵልክሙ።
መላእክት፡ አንትሙሰ፡ ትክሉ፡ ዓሪገ። መላእክት፡ ኪሩቤል፡ ኀበ፡ ሀለው፡ ሥጋክሙ፡ ለበሴ፡ ከመ፡ ትረፍቁ፡ ምስሌሁ።
እስመ፡ ኢይሄሱ፡ ቃሎ፡ ዘተብህለ፡ እምውሉዱ፡ ለኀበ፡ አብ፡ ኵሎሙ፡ እለ፡ የአምኑ፡ ብየ። ይኩኑ፡ ብየ፡ ምስሌየ። ከመ፡
አሐዱ፡ ንሕነ፡ በከመ፡ አንትሙ፡ ብየ፡ ምስሌየ፡ ወአነሂ፡ ብክሙ፡ ምስሌክሙ፡ አንተ፡ እሙንቱሂ፡ ይኩኑ። አሐዱ፡ ከማነ፡
ከመ፡ አሐዱ፡ ንሕነ፡ ከመ፡ የአምር፡ ዓለም፡ ከመ፡ አንተ፡ ፈነውከኒ። ወእፈቅድ፡ ወከመ፡ ይርአ[ይ]ዩ፡ ሰብሐትየ፡
ዘወሀከኒ፡ ዘሀሎ፡ ምስሌከ፡ እምቅድመ፡ ይትፈጠር፡ ዓለም። እስመ፡ አነሂ። አፍቀርክዎሙ። በከመ፡ አንተ፡ አፍቀርከኒ።
ዝንቱ፡ ቃል፡ ዘየዓርክሙ፡ መልዕልተ፡ ኪሩቤል፡ ወሱራፌል፡ ኀበ፡ ሀለወ፡ ለባሴ፡ ሥጋክሙ፡ ወዓቃቤ፡
| ኪዳነ፡ ምስሌክሙ፡ ዘተካየድክሙ፡ ለእለ፡ ትፈቅዱ፡ ፈቃዶ፡ ከመ፡ ተሀልው፡ ኀበ፡ ሀለወ፡ ወከመ፡
ትነብሩ፡ ኀበ፡ ነበረ፡ ወሶበሂ፡ ትነሥእ። እምአፈ፡ ጳውሎስ፡ እንዘ፡ ይብል፡ እስመ። አኮ፡ መላእክት፡ ተወክፈ፡
ኢይምስለከ። ዘመነነ፡ ርኢነ፡ ርኢ፡ ዘከመ፡ ገብረ፡ ፈጣሪነ፡ በዘከመዝ። ሱራሄ፡ ስን። ወበዘ፡ ከመዝ። አርያ። ወበዘ፡
ከመዝ፡ ጸዳለ፡ ብርሃን፡ ዘኢይትሄለይ፡ ክብሩ። ዘንተሰ። ዘይቤ፡ ጳውሎስ፡ አኮ፡ በእንተ፡ መካኖሙ፡ መንኖትነ፡ አላ።
በእንተ፡ እመ፡ መለኮት። እስመ፡ ሀለው፡ እለ፡ ይቤልዋ፡ ለማርያም፡ ወረደት። እምኃይላት፡ ወኢኮነት። እምዘርአ፡ አዳም፡
ዘንተኬ፡ ሕሊናሆሙ፡ ያብጥል። እስመ። አኮ፡ መላእክተ፡ ተወክፈ፡ አላ። ዘርአ፡ አብርሃም። አልዓለ፡ እስመ። እምዘርአ፡
አብርሃም፡ ወይእቲ፡ ማርያም። ወዘንተ፡ እንዘ፡ ይብልዎ። በረቀ፡ ቅድሜሆሙ፡ አርአያ። ስብሐቲሁ፡ ለእግዚአብሔር፡
| ዘዲበ፡ ኪሩቤል፡ ወሱራፌል፡ ወነበልባለ፡ ብርሃን፡ ዘልንጳሰ፡ ወአርአያሆሙኒ። ለእልክቱ፡
ኪሩባውያን፡ ግሩም፡ ፈድፋደ፡ ወያደነግፅ። ቦሙ፡ ሰረገላ፡ መትሕቲሆሙ፡ ዘይሰመይ፡ ጌርጌላ፡ ዘይጸውሮሙ፡ ምስለ። ኃይል፡
ዓቢይ፡ በኀበ። ሖሩ፡ የሐውር፡ ርቱዓ፡ ከመ፡ መንኰራኵር። ቦሙ፡ ክንፈ። ዘእሳት። በበሰብአቱ፡ ወበክልኤቱ፡ ይከድኑ፡
ገጸሙ፡ ወበበክልኤቱ፡ ይከድኑ፡ እገሪሮሙ፡ ወበክልኤቱ፡ ክነፊሆሙ፡ ይሰርሩ፡ ኀበ፡ ዘፈቀደ፡ ዘይጼዓን፡ ዲቤሆሙ። እግዚአ፡
ኃያላን፡ ሰሙ፡ እንዘ፡ ይጸውሩ፡ ሰረገላ፡ ዘነድ፡ ዘበበዓርባዕቱ፡ ማዕዘነ፡ ወሎሙኒ፡ ቦሙ፡ ዓርባዕቱ፡ ገጽ፡ ለለአሐዱ፡
እምኔሆሙ። ወመልዕልቲሆሙኒ፡ ለእሙንቱ፡ ኪሩባውያን። ሰማይ፡ ሰፉሕ፡ ዘኅብረ፡ በረድ፡ ወዘይነብር፡ ይመስል፡ ኅብሩ፡ ከመ፡
ዕንቈ፡ ኢያሰጲድ፡ ወስርዲዎን፡ ወይወጽእ፡
| እምውእቱ፡ ሰረገላ፡ ቃል፡ ቃለ፡ ማይ፡ ብዙኅ። ወከመ፡ ቃለ፡ ዓቢይ። ከመ፡ ቃለ፡ ነጐድጓድ፡
ጽኑዕ፡ ወይወጽእ፡ ከመ፡ ንጥረ፡ መብረቅ። መፍርህ፡ ወመደንግፅ፡ ወጸአዕ፡ ወግሩም፡ ወዘንተ፡ ርእዮ፡ ላሊበላ። ወደቀ፡
በገጹ። እስመ፡ ኢይክል፡ ተዓግሦ፡ እምአርአያ፡ ሰብሐቲሆሙ፡ ለእግዚአብሔር፡ ወመጽአ፡ ቃል፡ እመ[ዕ]ልዕልተ፡ ኪሩቤል፡
ዘይብል፡ ይትነሣእ። ላሊበላ፡ ወመጻአ፡ አሐዱ፡ እም፡ ሱራፌል። ወአንሥአ፡ ወይቤሎ፡ ቁም፡ አጽንዕ፡ ልበከ፡ ኦብእሲ።
አዘሰሐበተከ፡ ኃብለ፡ ጥበብ፡ በፍቅር፡ ወበፍቅራ፡ ወበጽሐተከ፡ አከ፡ እስከ፡ ነጸሮ፡ ዝንቱ፡ ምስጢር። ከመ፡ ትነጽር፡
ኅቡ?ቶን፡ ለኵሎን፡ ሰማያት፡ ወክብረ፡ እልክቱኒ። መላእክት፡ እለ፡ ሀለው፡ በበሰማዩ። እንዘ፡ ይትዌሰክ፡ ክብረ፡ አሐዱ፡
እምአሐዱ። እስመ፡ በጽሕከ። ዝየ፡ ወርኢከ፡ አርአያ፡ ስብሐቲሁ፡ ለእግዚአብሔር፡ ወክብረ፡
| እልክቱኒ፡ ኪሩባውያን። ወእምድኅረ። አንበቦ፡ ዝኩ፡ ሱራፌል። መጽአ፡ ቃል፡ እመልዕልተ፡ ሰማይ፡
ዘኅብረ፡ በረድ። ወይቤሎ፡ ለላሊበላ፡ ናሁ፡ ፍርሀተ፡ እምኔከ፡ ወአዕአተትከ። ፍርሃተ፡ እምኔከ፡ ወአንብር፡ ልበከ።
ውስተ፡ ኵሉ፡ ዘእነግርከ፡ ወናሁ፡ ርኢከ፡ ምሥጢራተ። ሰማይ፡ ወክብሮሙ፡ ለመላእክት፡ ወድምፀ፡ ስብሐቶሙኒ። ወሥመር፡
በቅድሜየ፡ ወኵን፡ ንጹሐ፡ ወትጉሃን፡ ከመ፡ ትንሣእ፡ ሜላተ፡ ብርሃን፡ ንጹሐ፡ ዘይዓቢ፡ ብርሃኑ። እምኵሎሙ፡ ብርሃናት፡
ዘርኢከ። አነ፡ ውእቱ፡ እግዚአብሔር፡ ርሑቀ፡ መዓት። ወብዙኃ፡ ምሕረት፡ ወጻድቅ፡ ዘእትናገረከ፡ እመልዕልተ፡ ኪሩቤል።
ሕያዋን፡ እስመ፡ አኮ፡ በከመ፡ ተናገርክዎ፡ ለሙሴ፡ እምአምሳለ፡ ኪሩቤል፡ እለ፡ ኢይትሐሰዎ። ዘተናገረ፡ ዘተገብረ።
አምሳሊሆሙ። እመልዕልተ፡ ምስሐል፡ በውስተ፡ ደብተራ፡ መርጡል፡
| ቀዳሚ፡ ናሁ፡ እትናገረከ፡ በከመ። ትሬኢ፡ እምዲበ፡ ኪሩቤል፡ ሕያዋን። እለ፡ ያንሰሰው፡ በውስተ፡
አርያም፡ ወበውስተ፡ ኵሉ፡ ኀበ፡ ዘይፈቅድ። ወክሥት፡ ዕዝነ፡ ልብከ፡ ወለቡ፡ ዘርኢኩ፡ ከመ፡ ትግበር፡ ሊተ፡ ቤተ፡
መቅደሰ፡ ዲበ፡ ምድር፡ ምስለ፡ በዘቦቱ፡ የኃድር፡ ምስለ፡ ሰብእ፡ ወበዘቦቱ፡ ይትቄደስ፡ እምአፈ፡ ሕዝብየ፡ አላ፡
ኃረይክዎሙ፡ እለ፡ ይቄድሱ፡ ስምየ፡ እለ፡ ለብሱኒ፡ በሃይማኖት፡ እለ፡ ይጼውዑኒ። ወይብሉኒ፡ አቡነ፡ ዘበሰማያት። እስመ፡
አነ። ወልድ፡ ወለድክዎሙ፡ ወአንተሂ፡ ለቡ። ከመ፡ ትግበር፡ በከመ። አርአይኩከ። በከመ፡ ገብረ፡ ሊተ። ደብተራ፡ ሙሴ፡
ምዕመንየ፡ በከመ። አርአያ፡ ዘአርአይክ፡ በደብተራ፡ ሲና፡ አርአያሃ፡ ቀዳሚት፡ ከማሁ፡ ገብረ፡ በከመ፡ ኵሉ፡ አርአይክዎ፡
ወአንተሂ፡ ለቡ፡ ወጠይቅ፡ ዑቅ፡ ከመ፡ ትግበር፡
| በከመ፡ አርአይኩከ፡ ወዘአርአከሰ። አኮ፡ በከመ፡ አርአይክዎ፡ ለሙሴ። ወአኮ፡ በከመ፡ ገብረ፡
ዘትገብር፡ ሊተ። መቅደስየ፡ ሙሴሰ፡ ገብረ፡ ሊተ፡ ደብተራ፡ ዘዕፅ፡ ወበአቅርንት፡ ወአዕማዲሁኒ፡ ዘዕፅ፡ ወስረዊሁኒ፡
ዘዕፅ፡ ወመክደናቲሁኒ፡ ዘሠቅ፡ እንተ፡ ላዕሉ። ወአንተሰ፡ አኮ፡ ዘተኃሥሥ፡ (eraised ዕፀ) ዕፀ፡ ለአ?ምዱ፡
ወለምዕማዱ፡ ወለሥራዊሁ፡ ወዘንተ፡ ብሂሎ፡ አር/አ/ዮ። አብያተ፡ ዘእም፡ አሐቲ፡ ወኆልቆሙሰ፡ ለእሙንቱ። አብያተ፡
ዘአርአዮ፡ ዓሠርቱ፡ ወግብረቶንሰ፡ ዘዘዚአሁ፡ ኀበሪሁ። ወዘዘዚአሁ፡ አርአያሁ፡ በእንተ፡ መባዓን፡ ወእንተ፡ ውስጦን፡
ርሂብ። ወቦ፡ እንተ፡ ሙባዑኒ፡ ርሂብ፡ ወአራተ፡ ቅጽሮንሂ፡ ነዋህ፡ ጥቀ፡ ወኑሃቶንሂ፡ ለዕሎን፡ አብያተ፡ ክርስቲያናት።
ቦእምኔሆሙ፡ ዘየዓቢ፡ ከልዕ፡ እምካልዑ፡ ወኀበሪሆንሂ። ዘዘዚአሁ። ቦእምኔሆን፡ ትቅያይህ፡ ወቦእምኔሆን፡
| ዘኀብሪሃ፡ ከመ፡ ዕብነ፡ በልቴት፡ ወበእምኔሆን፡ ዘጌሰ፡ ኀቤሆን፡ ወቦእምኔሆን፡ ዘአምድ፡ ግበ።
ኅበሪሆን፡ ዘያዓቢ፡ ኖኃ። ግደሚሆን። ለበአሐቲ፡ እምአሐዱ፡ የዓቢ፡ ዓዲ፡ ሱራሬሆን፡ ወዘንተ፡ ኵሎ፡ እምኵሉ፡ እምድኅረ፡
አርአዮ፡ ለላሊበላ። እግዚአ፡ ኃያላን፡ ዘይነብር። ውስተ፡ ሰማይ፡ ስፉሕ፡ ዘኅብረ፡ በረድ፡ ዘሀሎ፡ መልዕልተ፡ ርእሶሙ፡
ለዓርባዕቱ፡ እንስሳ፡ እሉ፡ እሙንቱ፡ ኪሩቤል፡ ኪሩባውያን፡ ዑቂኬ። አእምር፡ ወለቡ፡ ከመ፡ ትግበር፡ ሊተ። እሎንተ።
አብያተ፡ በዘቦቱ፡ በዘቦቶን፡ እትቄደስ፡ ወእሴብሕ፡ በዲበ፡ ምድር፡ እስመ፡ ሀለው፡ ሕዝብ፡ እለ፡ የዓርጉ። ሊተ፡ እለ፡
ኃረይኩ፡ እለ፡ የዓርጉ። ሊተ፡ በውስቴቶን። መሥዋዕተ፡ ወቁርባነ፡ ወዕጣነ። ዘመዓዘ። ሠናይ፡ ወአንተሂ፡ አምአእምር።
ከመ፡ ትግበር፡ ኵሎ፡ በከመ፡ አርአይኩከ፡ ወአኮ፡ ዘገጽ፡ ወዘአሐዱ፡ ኅብሩ፡ ዘአርአይኩከ።
| አላ፡ ዘዘዚአሁ፡ ኅበሪሁ፡ ለአብያተ፡ ክርስቲያናት፡ ዘአርአይኩከ። ወአንተሂ፡ ደዮን። ውስተ፡
ልብከ። ዘከመ፡ ርኢከ፡ እስመቦ። እምኔሆን። ዘይዓብያ፡ አም፡ እምጣኒሆን፡ በኑኃኒ፡ ወበግማኒ፡ ወሱራሬኒ፡ ያዓቢ፡ አሐቲ፡
እም፡ አሐቲ፡ ወዑቅ፡ ወአንተኒ። ከመ፡ ትግበር፡ በከመ፡ አርአይአኩከ፡ በበአምጣኒሆን። እንዘ፡ እንዘ፡ ይትዌሰክ።
ኢዲቤሆን፡ ወኢዲበ፡ ግድማሆን፡ ወኢዲበ፡ ሱራሬሆን። አላ፡ በከመ፡ ርኢከ፡ ግበር፡ እስመ፡ ብዑድ። ውእቱ፡ ዘአርአይኩከ።
እስመ፡ ወስመ፡ አሐቲ። ዕብን። ርኢኩከ፡ ይ፡ እንዘ፡ ይጽእ። እሎንተ። ዓሠርተ፡ አብያተ፡ ክርስቲያናተ። ወአልቦ፡
አኅባለ። ዘትፈቅድ። ለጠፈሮን። ወኢዕፀ። ለመዋፍቶን፡ ወኢሰርዌ፡ ለአእማዲሆን፡ ወለምዕማዶን፡ ወኢዕፀ፡ ፅቡረ፡
ለማሕዘንቲሆን፡ እስመ፡ አሐቲ፡ ዕብን፡ ይፌጽም። ይፌጽሞ፡ ኵሎ፡ መፍቅደ፡ ቤተ፡
| መቅደሶን፡ ወህላዌሆንሰ፡ ላዕሉ፡ አብያተ፡ ቤተ፡ መቅደስ፡ ዘአርአይኩከ። ውስተ፡ ልበ፡ ምድር፡
ሀለወ፡ እስ፡ ይእዜ፡ ወይሄልዋ፡ ካዕበ፡ ውስተ፡ ልበ፡ ምድር፡ እምይእዜ። እስከ፡ ይትሠታ። በእደዊከ። ወሶበ፡ ርእየ፡
ለላሊበላ። ወኵሉ፡ ዘርእዮ፡ ወሶበ፡ ሰምዓ። ኵሎ፡ ዘነገሮ፡ ይቤሎ፡ እግዚአብሔር። አብሐኒኬ፡ እግዚአ። ከመ፡ እንብብ፡
ቅድሜከ። ለእመ። ይደልወኒ፡ በከመ፡ ረሰይከኒ፡ ድልወ። ከመ፡ እርአይ፡ ምሥጢራተ። ሰማያቲከ። ወክብረ፡ መላእክቲከ።
ወክብሮሙኒ። ዘኢይትፌኖ። ለከ። እምኀቤሆሙ፡ እምቀዳሚት። ሰማይ። እስከ። ይእዜ። ሳብዕት። እንዘ፡ ይትዊሰክ፡ ብርሃን።
በዲበ፡ ብርሃን፡ ለለ ሰማዩ። ወእምኵሉሰ፡ ዘዓቢይ፡ ዘየዓቢ፡ ረስይከኒ። አርአይ። ስብሐቲከ። በዲበ፡ ኪሩቤል። እንዘ፡
ያንበለብል። ጸዳለ፡ ስብሐቲከ። ወይእዜኒ፡ አብሐኒ። እግዚኦ፡ ከመ፡ እንብብ፡ በቅድሜከ። ወከመ፡ ወይቤሎ፡ እግዚአ፡
ኃያላን፡
| ፭ ዘይነብር፡ በዲበ፡ ሰረገላ፡ ኪሩቤል፡ እንብብ። እስመ፡ ረከብከ፡ ሞገሰ። በቅድሜየ። በከመ፡
ረከብከ፡ ሙሴ። ገብርየ፡ ዘተናገርክዎ፡ ገጸ፡ በገጽ። ከመ፡ ዘይትናገር፡ ብእሲ፡ ምስለ፡ ቢጹ። እስመ፡ ኅብረ፡ ገጹ።
እምነጽሮ። ምእዛርየ። ወዘንተ፡ ሰሚዖ። ላሊበላ። ሰገደ፡ እምቅድመ። ገጹ፡ ለአኃዜ፡ ኵሉ፡ ወአኀዘ፡ ዘይነብብ። ወይቤ፡
እግዚኦ። አነኒ፡ እክል። ከመ፡ እግበር፡ ዘንተ። ኦጽራሐ፡ መንግሥትከ፡ ዘአርአይከኒ።አብያተ፡ ክርስቲያናተ፡ እም፡ አሐቲ።
ኰኵሕ፡ ወግብረቶንሂ። ዘዘዚአሁ፡ ወሠናይ፡ ወሠናያት፡ ጥቀ፡ እማንቱ። ወይኤድማ፡ ለአዕንት፡ ወይኄውዛ፡ ለልብ። እስመ፡
አዕማዳንሂ፡ ኢኮነ። ዘዕፅ፡ ወአህባለ። ወፈራሂ፡ ወፎርሂ፡ አልቦ፡ ላዕሌሆን፡ ወመሬትሂ። አልቦ፡ እፎኬ። እክል፡ አነ፡
ጸአ፡ ፃዓ። ዘከመዝ። አብያተ፡ እግር። ወዘከመ፡ እፎ፡ ውእቱ፡ መብህለ፡
| ምግባራሆን፡ በመፍጽሕኑ፡ አው፡ በጕድብ፡ ይትገበራ። ዘከመ፡ እሎን። አብያተ፡ ክርስቲያናት፡
ዘአርአይከኒ። እንበለ፡ ዕፅ፡ ወመሬት። ወበዓይ፡ ኃይል። ወስልጣን፡ ካዕበ። ዘእክል፡ ገቢረ። ዘከመዝ። ወተሰጥዎ፡
እግዚኦ፡ እግዚእ። ወነበቦ፡ እመላእክት። ኪሩቤል። ወይቤሎ። ገቢረሰ፡ አኮ፡ አንተ፡ ዘትንብር፡ ሊተ፡ በኃይለ። ሰብእ፡
አለ፡ አነ፡ ውእቱ። ገባሬሆን፡ ኬንያሆን፡ ሐናጺሆን። ወነዳቂሆን። ወመጠኒሆን። ወፈጻሜሆን። ወባሕቱ፡ በምክንያት፡
ዘተለአክ። በምክረ፡ በእንቲአሆን፡ ትሰመይ። ገባሪሆን። ወአርአዮ። ካዕበ፡ ሐጻውንተ። በዘቦቶን፡ ይገብር፡ አርአያሆን።
ለእማንቱ፡ አብያተ፡ ክርስቲያናት። ዘርእየ። በውስተ፡ ሰማይ። ሳብዕ፡ ወላሊበላሰ፡ ሰሚዖ፡ ኵሎ፡ ዘነበቦ፡ እግዚእ፡
ወርእዮ። ኵሎ፡ ዘአርአዮ፡ ይቤ፡ ፈቃደከ፡ ለይኩን፡
| እግዚኦ፡ ወአኮ፡ ፈቃደ፡ ዚአየ፡ ወባሕቱ። ለይርድአኒ፡ ኃይልከ፡ እስመ፡ ፅቡስ፡ አነ። ወይቤሎ፡
መስተፅዕነ፡ ኪሩቤል፡ ኢትበል፡ ፅቡስ፡ አነ፡ ወኢትተክዝ፡ በእንተዝ። ወአነሂ፡ አምላክከ፡ ኢይፈቅድ። ኃይለ፡ ፈረስ፡
ወኢይሠምር፡ በዓቁያጸ፡ ብእሲ፡ ይሠምር። እግዚአብሔር፡ በላዕለ፡ ይፈርህዎ። ወኵሎሙ፡ እለ፡ ይትዌከሉ። በምሕረቱ።
ወዘንተ፡ ብሂሎ፡ ሰፍሐ። የማኖ፡ ወረሰየ። መልዕልተ፡ ርእሱ፡ ከመ። እንተ፡ ተድባብ። ወይቤሉ። ለላሊበላ። ናሁ፡
አንበርኩ፡ እዲየ፡ ዲበ፡ ርእስከ፡ ወአልበስኩከ። ኃይለከ፡ ወኩን፡ ጽኑዓ፡ ከመ፡ ዕብነ፡ አድማሰ፡ ለነዲቀ፡ ቤትየ፡
ወለገድልከኒ። ካዕበ፡ ከመ፡ ኢይመአከ። ጸላኢ። ኢተዓውቀት፡ ኃይል፡ ዘለበስከ፡ ኦብእሲ፡ ወይቤሎ፡ ለላሊበላ። ናሁ፡
አቅነትከኒ፡
| ካዕበ፡ ወልታ፡ ጽኑዕ፡ ኦእግዚእየ። ወእለ፡ መኑ፡ ካዕበ፡ እለ፡ ይትለአኩኒ። ውስተ፡ ሕንፃ፡
እሎንቱ፡ አብያተ፡ ክርስቲያናት። ወይቤሎ። እግዚአብሔር፡ ብዙኃ፡ ሀለው፡ እምነ፡ ሰብእ፡ እለ። ይትለአኩከ፡ ወመልአ፡
ላዕሌሆሙ። ኃይለ። መንፈስየ። ወአሐሪ፡ እምኔሆሙ፡ ሊቃነ፡ ጠበብት። ከመ፡ በስሌኢል፡ ወኤልያብ፡ ሊቃነ። ጠበብት፡ እለ፡
አርዕድ፡ አርድዕዎ፡ ለሙሴ። በውስተ። ደብተራ፡ ኦሪት፡ እንተ፡ ተሃብረት። ሊተ፡ በዘአኃድር፡ ምስለ። ሰብእ፡ ጠበብት፡
ባሕቲቶሙ፡ ዘይረድኡከ፡ [ለሕፃን]፡ ለሕንፃ፡ ውእቱ፡ ማኅፈድ። አላ፡ መላእክትኒ፡ ኢርኅቁ፡ ወኢርኅቁ፡ እምኔከ። እንዘ፡
ይረድኡከ፡ ወአስተርአዩ፡ ባሕቱ፡ ለሰብእ፡ ወለከሰ፡ ኢይትኃብኡከ። ወይቤሎ፡ ላሊበላ። ለይኩን፡ እግዚኦ። በከመ፡ ትቤለኒ፡
ወይቤሎ፡ ካዕበ፡ ዘይነብር፡ ዲበ፡ ሰረገላ፡
| እሳት፡ ዘይነድድ፡ ወይጼአን፡ ዘባነ፡ ሰማይ፡ ስፉሕ፡ ዘኅብረ፡ በረድ፡ ስማዕ። ኦምኔየ፡
ወኢመሰልኩ፡ በእላንቱ። አብያተ፡ ክርስቲያናት። ዘተጻሙ፡ ቦሙ። በከመ፡ እለ፡ አላ፡ መድኃኒተ፡ ብዙኃ፡ ይከውን፡
በውስቴቶን። ወብዙኃን። ቦን፡ ይድኅኑ። ተፀዊኖሙ፡ ወተአሚኖሙ። በኃይለ፡ ጸሎትከ። ለገባሪሆን። እስመ፡ ያስተፌሥሕ፡
ለዘነጸሮሙ። ለአብያተ፡ ክርስቲያናት፡ ዘሀለዎን። ይትከሠታ። በእደዊከ፡ ወብዙን፡ ይስሩ። በመቃጥነ፡ ፍቅርየ፡
በእንቲአሆን። የአኩቱኒ፡ ወይፈድዮ፡ ወያፈደፍዱ። ስብሐተ። እንዘ፡ ይብሉ፡ ስብሐት፡ ለእግዚአብሔር፡ ለዘ፡ ከሠተ፡
እሎንተ፡ አብያተ፡ እምአሐቲያናቲኒ። እምአሐቲ። እብን፡ በእደ፡ መሬታዊ። መንክር። እግዚአብሔር፡ በላዕለ፡ ቅዱሳን፡
ቅዱሳኒሁ፡ አምላከ፡ ኃያላን፡ አምላከ፡ እስራኤል፡ ውእቱ፡ ይሁብ፡ ኃይለ፡ ወጽንዓነ፡
| ለሕዝቡ፡ ወይትባረክ፡ እግዚአብሔር። ወእምዝ፡ እትአኰት። ወእሲብሕ። እምእለ፡ ይኔጽሩ፡ ማኅፈዳተ፡
መቅደስየ፡ ዘሀለዋ። ወያስተርእያ፡ ዲበ፡ ምድር። እምአሐቲ። ኰኵሕ፡ ወአነሂ። አቀውም፡ ምስሌከ፡ ከዳነ። ዮም፡ በዛቲ።
ዕለት፡ ኵሎ፡ ዘይበጽሕ። ውስተ፡ ማኅፈዳት። ዘሀለወከ፡ ተሐንጾን፡ ወይትጋነይ። በውስቴቶን። እንዘ፡ ይትአመን። በኃይለ፡
ጸሎትከ። ወይዜከር። ወይብል፡ መሐረኒ። እግዚኦ። ወተሣሃለኒ። ወኢትሚጥ፡ ገጸከ። እምኔየ። በእንተ። እላንቱ፡ ማፈዳተ፡
ምሥራተ። ወምሥጢራቲከ፡ ዘአርአይከ፡ ዲበ፡ ምድር። እንበለ፡ ዕፅ፡ ወመሬት፡ እንበለ፡ አሕባል፡ [ወምጽዋተ፡] ወመዋጽፍተ፡
ወበእንተዝ፡ ላሊበላ፡ ገብርከ፡ በእደዊከ፡ ወበእደዊሁ፡ ዘ ከሠትከ፡ ዘንተ፡ ምንተ፡ መንክረ፡ ወዘተልአከ፡ በሕንፃሆን፡
| ወበእንተ፡ ጻማሁ፡ ወበእንተ፡ ሐፉ፡ ወድክሙ። ወበእንተ። ሩጸታቲሆን፡ ፍሉኅ። ወበእንተ፡ ምግባሩ፡
ንጹሕ። እንዘ፡ ወዘንተ። ወእንዘ፡ ይብል፡ ሶበ፡ ጸለየ፡ በርቱዕ፡ ሃይማኖት። ወበኑኅ፡ ሕሊና፡ ወበጽርየተ። ልብ፡
ዘአልቦ፡ ጽልሐተ። ወዘአልቦ፡ ጽል፡ ቁመ። ወበቃለ፡ ወዘአልቦ። ወበተአምኖ። ኃጣውዕ፡ ላዕለ። ዕደ። ካህን። ወአነ፡
እሰምዖ፡ ጸሎቶ፡ ወእፎ። ስእለቶ፡ ከመ፡ መዓዘ፡ ሠናይ፡ ዘውስተ። እዲሆሙ፡ ለሊቃነ፡ ከህናት፡ ሰማያውያን። እለ፡
ይከውኑ፡ ጸሎተ። ኵሎሙ፡ መሐይምናን፡ እምዲበ፡ ምድር። ውስተ፡ ማዕጠንቶሙ፡ ወስራይ፡ ሎቱ፡ ኵሎ፡ ኃጢአቶ፡ ለእመ፡ ኮነ።
ከመ። ኳኳ፡ አጻዕድዎ። ከመ፡ በረድ፡ ለእመ፡ ኮነ፡ ከመ፡ ለይ፡ አንጽሐ፡ ከመ፡ ፀምር፡ ወእሬስዮ። ንጹሐ፡ ከመ፡ ዕለት፡
እንተ፡ ባቲ፡ ተወልደ፡ እምከርሠ፡ ጥምቀት፡
| ወእሁብ፡ እሁበከ፡ ለከ፡ መጽሐፈ፡ ዕዴሁ፡ ከመ፡ ትሥጥጥ፡ በዕደዊከ። ወኢነዋህ፡ መዋዕሊሁ፡ በዲበ፡
ምድር፡ ወእርባክ፡ ሎቱ፡ ቤቶ፡ ወብእሲቶ፡ ወውሉደ፡ ወገራውህሂሁ። ወኵሎ፡ ጥሪቶ፡ ዘአጥረየ፡ ወዘአፍአኒ፡ ወውስጥኒ።
ወአስተበዝኅ፡ ሎቱ፡ መራዕየ። እንስሳሁ፡ ወአክአብት። ሎቱ። ክምረ፡ እክሉ። ወአነ፡ እብልሖ። እመሥገርት፡ ነዓዊት፡
ወእምነገረ፡ መደንግፅ፡ ወእጼልሎ፡ በገባዋትየ። ወእኤዝዞሙ። ለመላእክትየ። ከመ፡ ኢይትአቀፍ። ይዕቀብዎ፡ በኵሉ። ፍናዊሁ።
ወበዕደዊሆሙ፡ ከመ፡ ያንሥእዎ፡ ከመ፡ ኢይትአቀፍ፡ በዕብን፡ እግሮ፡ ወእሁቦ። ሥልጣነ። ከመ፡ ይኪድ፡ ከይሲ፡ ወአቃራብተ፡
ወኵሎ፡ ኃይላተ፡ ጸላኢ፡ ወኢይመውዖ፡ እመቦ፡ ዘተወቀሶ፡ በጒሁሉት። ወኵሉ፡ ዘጌሰ፡ ውስተ፡ መርጡልከ። እንዘ፡ ያንሶሱ፡
ውስተ፡
| አዕፃዳተ፡ መንግሥትየ፡ ጽጉ፡ ሀገራ፡ ዘይመስል፡ ማኅወ፡ ወጸዳለ፡ ብርሃና። ይመውዕ፡ እምአእላፍ፡
ብርሃነ፡ ፀሐይ፡ ወእሁቦ፡ መጽሐፈ፡ ብርሃን፡ ኅቱመ። ዘኢየአምራ፡ ካልዕ፡ ዘእንበለ፡ ዘነሥ፡ ወኵሉ፡ ዘበውዕ፡ መባዓ፡
እመኒ፡ ኅዳጠ፡ ወእመኒ፡ ብዙኃ፡ እትወከፍ፡ ወእምነ። እዲሁ፡ ወእትመጠው፡ ሰፊሕየ፡ የማንየ። ኵሎ፡ መባዓ፡ ዘያመጽኡ።
ውስተ፡ ማኅፈደ፡ መቅደስየ፡ ዘእገብር፡ በእዲየ፡ ወበእዲከ። ወአመኒ፡ ቅብዓ፡ አብአ፡ አጠልል፡ ርእስ፡ በቅብዓ፡ ሥጋሁ፡
ማኅቶተ፡ ብርሃን፡ እምቅድመ፡ ገጹ፡ ወይትቂበለኒ። በፍሥሐ፡ አመ፡ መጽአትየ፡ ምስለ፡ ደናግል፡ ጠበብት። ደናግል፡
ጠበባት፡ እለ፡ ኢይጠፍእ፡ ማኅተዊሆን። ወኢረክቡ፡ ወዘኢረክቦ፡ ጽልመት። ወኢይቀውም፡ ኣፍአ፡ እምኆኅተ፡ መራዕየ፡ እንዘ፡
ይጐደጒድ። አንቀጸ፡ መንግሥትየ፡ ምስለ፡
| ምስለ፡ ደናግል፡ አብዳት፡ እለ፡ ጠፍአ፡ ማኅተዊሆን፡ አላ፡ ይበውዕ፡ ውስተ፡ ውሳጤ፡ መንጦላዕት።
ጸርኅ። ዘቤተ፡ መርዓ፡ ምስለ፡ ደናግል። ንጹሐት፡ እለ፡ ኢይጠፍአ፡ ማኅተዊሆናን። በነፋስ፡ ኃጢአት። ወለእመኒ፡ አብአ፡
አጰርጌ። ሠናየ፡ እምእክል፡ ወእምእክለ፡ ገራውሂሁ። ውስተ፡ ቤተ፡ መቅደሰየ፡ ዘአኅንጽነ፡ በዕደዊከ፡ እትዌከፎ። ከመ፡
መሥዋዕቱ። ለመልከ፡ ጼዴቅ። ወእመኒ፡ አብአ፡ ዚኢኮነ፡ ዘኮነ፡ እምነ። አልባሰ፡ እትዌከፎ፡ ከመ። ሰንዶነ። ዮሴፍ፡
በዘቦቱ። ኪዳነ፡ ዕርቃነ፡ ሥጋየ። [አውልድ]፡ አውሪዳ፡ እምዲበ፡ መስቀል። ወበዘቦቱ፡ ገነዘኒ፡ አመ፡ ጥዕምኩ፡ ጥዕምኩ፡
ሞተ፡ በፈቃድየ፡ በእንተ፡ ፍቅረ፡ ዚአክሙ፡ ሰብእ፡ ለሰብእ። ወለእመኒ፡ አብአ፡ ዘኮነ። እምአፈዋተ። ዕጣን፡ እትወከፎ፡
ከመ፡ አፈወ፡ ኒቆዲሞስ፡
| በዘቦቱ፡ ቀብአኒ፡ በከመ፡ ሕገ፡ ሰብእ፡ ዘከመ፡ ይገብሩ፡ ወአጼኑ፡ ሎቱ፡ መዓዛሁ። ከመ፡ ጼና፡
ዕፍረታ። ለብእሲት። ዘቀብዓተኒ፡ በቤተ፡ በቢታንያ። ወእኤዝዝ፡ ከመ። ይዝክርዋ፡ በተአይንተ፡ ትሁሃን፡ ሰማያውን። በከመ፡
አዘዝኩ። በእንተ፡ ይእቲ፡ ብእሲት። በከመ፡ ይዝክርዋ፡ ውስተ፡ ኵሉ። አጽናፈ፡ ዓለም። ኀበ፡ ተሰብከ፡ ወንጌለ።
መንግሥትየ። ወከማሁ፡ እሬሲ። በከመ፡ ይትሌዓል። ልዕልና፡ ዝክሩ። በኀበ፡ ኵሎሙ፡ ሰማያውያን፡ ወምድራውያን፡ ወአጠልል።
ሉቱ፡ ቁርባኖ፡ ወዕዜከር፡ መሥዋቶ። ወዘንተ፡ ብሂሎ፡ እግዚአ፡ ኃያላን፡ ንዝኃ፡ ዲቤሁ፡ ቅብዓ፡ መንግሥት። ወይቤሎ፡
ናሁ። ቀባዕኩከ፡ ቅብዓ፡ መንግሥተ። በከመ፡ ትንግሥ፡ ለሕዝብየ። እስከ፡ ትፈጽም፡ ማኅፈዳተ፡ ምሥዋዕየ፡ ወአገርር፡ ኵሎ፡
ፀረ፡ ዓውደከ። ወለእመኒቦ፡
| ዘተንሥአ፡ ላዕሌከ፡ ኢይክል፡ ይቁም፡ በቅድመ፡ [ን]፡ ገጽከ፡ ወናዓ፡ ወዓነ። እወዲ፡ ፍርሃተ።
ውስተ፡ ወውስተ፡ ልበ፡ ኵሎሙ፡ እለ፡ ይየዓልወከ፡ ወዑቅ፡ አንተሂ። ከመ፡ ታእትት፡ እምሕዝብ፡ ወእምሕዝበ፡ መንግሥተ፡
ኵሎ፡ ዓመፃ። ወግፍአ፡ ወሰገደ። ላሊበላ። ወዲቆ፡ በገጹ፡ በቅድመ። እግዚአ፡ ኃያላን። ወይቤሎ፡ እግዚእየ። ምንትኑ፡
አነ፡ ከመ፡ እኩን፡ ንጉሠ፡ ዲበ፡ ሕዝብከ። ዘአልብየ፡ አእምሮ። እስመ፡ ሕፁጸ። ሕፃን፡ ልብ፡ አነ፡ ወኢይክል፡ አነ፡
ኰንኖሙ፡ በከመ። ይደሉ፡ ወነበቦ፡ እግዚአብሔር፡ ወይቤሎ፡ ትክልኑ፡ አጽርዖ፡ ቃልየ፡ ዘወጽአ። እምአፉየ። ወትእዛዝየ፡
ወወድቀ፡ ካዕበ። ላሊበላ፡ አኮ፡ ዘየዓቢ፡ ትእዛዝየ፡ ወትእዛዘከ፡ አላ፡ ዘአእምር፡ ሕፀተ፡ ልብ፡ ወውህታ፡ አእምሮትየ፡
ነገርኩከ፡ ፅቡሰየ፡ ወተሠጥዎ፡ ዘይነብር፡ ዲበ፡ ሰረገላ፡
| መፍርህ፡ ወይቤሎ፡ ፍናዊከ፡ ወይቤሎ፡ አኮኑ፡ አነ፡ ቀደምኩ፡ አእምሮ፡ [ሎቱ]፡ ኵሎ፡ ፍናዊከ።
እምቅድመ። እፍጥር፡ ከ፡ ወእምቅድመ፡ እልሐኰ፡ በከርሠ። እምከ፡ ጠየቁ፡ አሰረ። ምሕዋ[ል]ሪከ። ወአነ፡ ቀጻዕኩ፡ ኵሎ፡
መድልወ፡ ግዕዘከ፡ ወረሰይኩከ፡ ምዕመንየ። ወረከብኩ፡ ልበከ፡ ጽሩየ፡ ወሱር፡ በኀበለ፡ ፈቃድየ፡ ወውዑይ፡ በእሳተ፡
ፍቅርከ። ወበእንተዝ። ቀባዕኩከ፡ ቅዱስ። እስመ፡ እዴየ፡ ትረድአከ፡ ወመዝራዕትየ። ታጸንዓከ፡ ወኢባቁዕ፡ ጸላኢ፡
በላዕሌከ። ወውሉዶ፡ ዓመፃ። ኢድግም፡ አሕምሞተከ፡ ወእመትሮሙ፡ ለለፀርከ፡ በቅድመ፡ ገጽከ፡ ወ?አኃሥሮሙ። ለጸላዕትከ፡
ወሣህየሰ፡ ኢይከልዕ። ምስሌከ፡ ወእትጋየፆ፡ ለዘይትጋየጸከ፡ ወዕፀል፡ ፀላእትከ፡ በአሐዱ፡ ፍናዌ። ለእመ፡ ጸብኡከ፡
ወበሰብእ፡ ፍናዊከ፡
| ይትነሥኡ፡ እምኔከ፡ ወአሐዱ፡ እምነ፡ ሐራከ፡ ይስድዶሙ፡ ለእልፍ፡ ወይሜምዑ፡ እምድምፀ፡ ቈጽል፡
ወይትነገፉ፡ እምግርማከ። ወአኮ፡ ባዕድርዕ፡ ወአፍራሰ፡ ወኢበአ፡ ብዝኆ፡ ሠራዊተ፡ ወኢበአክብዶ፡ ኵናት፡ ወኢበአጽፍዖ።
ወልታ። እለ፡ በስመ፡ ዚኢየ፡ ይረድአከ፡ አነሂ፡ እስመ፡ አእመርኩ፡ ወጠየቁ፡ ስነ፡ ምግባሪከ። እስመ፡ አነ፡ እፈትን፡
ልበ፡ ወኵልያተ። እምቅመ፡ ኵሎ። ወእምቅደመ፡ ሕለና፡ እፈትን። ወዘንተ፡ ብሂሎ። አዘዘ፡ ለዝኩ፡ መልአክ፡ ለዘአዕረጎ፡
እምድር። እንዘ፡ ይብል፡ ናሁ፡ ረሰይኩኩከ፡ ወሲምኩከ። ከመ፡ ትኩን፡ ዓቃቢሁ፡ በኵሉ፡ መዋዕሊሁ፡ ወይቤሎ፡ ካዕበ።
ለላሊበላ። ወአንተሂ። ኢተከዝ፡ እንበይነ፡ መንግሥት። እስመ፡ አኮ፡ በእንተ፡ ክብር፡ ኃላፊ፡ ዘእሠይመከ፡ አላ፡ በእን
f. 88 87 r ዘአሠይመከ፡ አላ፡ በእንተ፡ አብያተ፡ ክርስቲያናት፡ ዘርኢከ፡ ከመ፡ ትሕንፃን፡ ትሕንጻን፡ ወበእንተ፡
ዝ። ቀባዕኩከ፡ ቅብዓ፡ መንግሥት። ወረሰይኩከ። መሲሐ፡ ለሕዝብየ። እስከ፡ ትፌጽሞ፡ ን፡ ለእላንቱ። ደብረ፡ መቅደስየ፡
እስመ፡ ለከሰ፡ ደለወከ፡ ከመ፡ ታውጽኦን፡ እምልበ፡ ምድር። በሥልጣነ፡ ዚአየ። ወአኮ፡ በጥበበ፡ ሰብእ፡ ወዘንተ፡
ብሂሎሰ። አዘዘ፡ ለመልአክ፡ ብርሃን፡ ወብርሃናዊ። ከመ፡ ያግብኦ። ውስተ፡ ምድር። ወይሱጥ፡ ነፍስ፡ ውስተ። ሥጋሁ፡
ወዝንቱሰ። ኵሉ፡ ኮነ። በሰለሥቱ፡ ዕለት፡ ዘርእየሂ፡ ምሥራጢራተ፡ ሰማይ፡ ሰብ። ወክብረ፡ መላእክት። እለ[ለ]፡ ሀለው፡
በበሰማዩ። እንዘ፡ ይትዌሰክ፡ ብርሃነ፡ ሰማይ። ወብርሃነ። መላእክት። ወአርአያ፡ ሰብሐቲሁ። ለእግዚአብሔር፡ ወዲበ፡
ኪሩቤል። ዘነበቦ፡ እመልዕልቲሆሙ፡ እግዚአ፡ ኃይላን፡
| ወአመሠለስቱ፡ ዕለት፡ ተመይጠ። ውስተ፡ ሥጋሁ፡ በእደመልአክ። ብርሃናዊ። ዘተአዘዘ፡ እምኀበ፡
እግዚአብሔር። ከመ፡ ያግብዖ። ውስተ፡ ሥጋሁ፡ እእምአመ። መሰጦ። በከመ፡ ትንሣኤ። እግዚኡ፡ እሙታን፡ በሣልስት፡ ዕለት፡
ወአኮ፡ ዘነበረ፡ ውስተ፡ ከርሠ፡ አንበሪ። ከመ። ዮናስ፡ ሠለስተ፡ መዋዕለ፡ ወሠለስተ፡ ለያልየ። በላህ። መሪር፡ ወብካይ፡
ዕፁብ፡ አላ፡ ነበረ። ውስተ፡ ዓቢይ፡ ፍሥሐ፡ ዓጸደ፡ ትጉሃን። ከመ፡ ኤርምያስ፡ ዘርእየ፡ ምስጢራተ። ትንቢት። በእንተ፡
ርደቱ። ለእግዚእነ፡ እምሰማይ፡ ወበእንተ፡ ተመስሎቱ፡ ሰብአ። ወላሊበላሂ። በሠለስቱ፡ ዕለት፡ ተመይጠ፡ ዲበ፡ ምድር፡
ርእዮ፡ ወነጺሮ፡ ምሥጢራተ፡ ሰማይ፡ ወተቀብዓ፡ ቅብዓ፡ መንግሥት፡ ወአቂሞ፡ ኪዳነ፡ ምስለ፡ እግዚኡ፡ ወለቢዎ፡ ግብረ፡
ሕንጻሆን፡ ለአብያተ፡
| ክርስቲያናት። ዘአርአዮ፡ ከመ፡ ይግበር። በከመ፡ ገብረ። ወእልክቱሰ፡ እለ፡ ንቡራን። ውስተ፡
ሥጋሁ፡ አስተዳለው። መጋንዘ፡ ወመዋጥሐ፡ በዘይገንዝዎ። ወይቅብርዎ። ወባሕቱ፡ ኢተሐበሉ። ይግንዝዎ። እስመ፡ ወእስመ።
ኢቁረ፡ ሥጋሁ። ከመ፡ ሕገ። ባድን፡ በሠለስቱ፡ መዋዕል። እስመ፡ ምውቅ፡ ሥጋሁ። በላህበ፡ መንፈስ፡ ቅዱስ፡ ዘኅዱር፡
ውስቴቱ። ወላሊበላሰ፡ ነቅዓ፡ እምስካቡ። ከመ፡ ዘጽሕወ። እም፡ ወይን፡ ወአብርሀ። ገጹ። ከመ፡ ፀሐይ። እምነ፡ ራእያት፡
ዘርእየ፡ እምነ፡ ስብሐቲሁ። ለእግዚአብሔር። እንዘ፡ ይብል፡ ወይብል። አአኩተከ። እስመ፡ ተወከፍከኒ። ወስዕለተ፡ ጸለየ።
ጸላዕየ፡ ኢረሰይከኒ። እግዚኦ፡ አምላኪየ፡ ጸራኅኩ፡ ኀቤከ፡ ወተሣህልከኒ። ወሰወርከኒ። በዕለተ፡ ቀትል። መልዕልተ፡
ርእስየ፡ ምንትኑ፡ አአስየከ፡ እግዚአ፡
| በእንተ፡ ኵሉ፡ ዘገብርከ፡ ሊተ። ወእልክቱሰ። እለ፡ ፈቀዱ፡ ይግንዝዎ። አስተዳሊዎሙ፡ ኵሎ።
መፍቀደ፡ መግነዝ። አንከሩ። ወተደሙ፡ ወአኀዙ፡ ይበሉ፡ ዮም፡ ርኢነ፡ መንክረ። ምውት፡ ዘበሠለስቱ፡ መዋዕል፡ ዘተንሥአ።
በከመ፡ ሰማዕነ። መንክቲሁ፡ ለመድኃኒነ። እስመ፡ ይቤ፡ በወንጌል። አንሥኦ፡ ለአልዓዛር። በረቡዕ፡ ዕለት። እምድኅረ፡
ጸዓ፡ በድኑ። ወይእዜኒ፡ አንሥአ። ለላሊበላ፡ በቅድሜነ። በበሠላስቱ፡ ዕለት። እም፡ አመ፡ ሞተ፡ ወአኃዙ፡ ወአሐዙኒ፡
ይሲአልዎ። ለላሊበላ። ወይቤልዎ፡ አይቴኑ፡ ነበርከ፡ በዝንቱ፡ ኵሉ፡ በበሠለስቱ። መዋዕል። ወዘከመዝ፡ ምንትኑ፡ ነበርከ።
ወምንትኑ። ምክንያተ፡ ተንሥኦትከ። ወአርአይዎ፡ ወመዋጥሐ፡ ወመግነዘ፡ ወመጋንዘ። ዘአስተደለውነ፡ በዘንቅርብከ፡
| ንቅብርከ፡ ወባሕቱ፡ ነበርነ፡ እንዘ። ንጸንሐከ። እስከ፡ ይቈርር፡ ሥጋከ። ወሶበሰ። ቈረ፡
ወእምወዳይናከ። ወእምገነዝናከ። ወውእቱሰ፡ ይብል፡ ይትባረክ። እግዚአብሔር። ዘአድኃነኒ። እምዘቀለይክሙ። ኢኮነ። ሕሊናሁ።
ከመ፡ ሕሊናክሙ፡ ወኢምክሩ፡ ለእግዚአብሔር፡ ከመ፡ ምክርክሙ። ወበከመ፡ ይቤ። በአፈ፡ ነቢይ፡ ነቢዩ፡ ወኢኮነ፡ ምክርየ።
ከመ፡ ምክርክሙ። ወሕሊናሁ፡ ወሕሊናየ። ከመ፡ ሕሊናክሙ። በከመ። ይርሕቁ፡ ወይርሕቅ። ሰማይ፡ ወእምድር። ከማሁ። ይርሕቅ፡
ሕሊናየ፡ ወእምሕሊናክሙ። እንዘ፡ ይቤሎ፡ ሙ፡ ዘንተ፡ ወራዕየተ፡ ዘርዕየ፡ ኢነገሮሙ። ወኢምንትኒ። ዝንቱ፡ ፍሬ፡ ፍቅር፡
ዘተመከዓበ፡ በላዕለ፡ ላሊበላ፡ በእንተ። ጽዋዓ፡ ዘሰትየ፡ በእንተ፡ ፍቅረ፡ ቢጹ፡ ሶበ፡ ርዕየ፡ እንዘ፡
| ይመውት፡ ካልኡ፡ በሕምዘ። ከይሲ፡ ሥራይ፡ ዘተገብረ፡ በእንቲአሁ። ይእቲኬ፡ ፍቅር። አብጽሐቶ፡
ውስተ፡ ዝንቱ። ኵሉ፡ ጸጋ፡ መንፈሳዊ፡ እስከ፡ ርእየ፡ ምሥጢራተ፡ ሰማይ። ወርዕየ፡ ሰብሐቲሁ፡ ለእግዚአብሔር፡ በላዕለ፡
ኪሩቤል። እንዘ፡ ያንበልብል፡ ጸዳለ፡ ሱራሂሁ፡ እስመ፡ እሴታ። ለፍቅር፡ ዓቢይ። ውእቱ፡ እስመ፡ ባቲ፡ ይትፌጸም፡ ኵሉ።
ምግባራተ፡ ሠናይ፡ በከመ። ይቤ፡ ጳውሎስ፡ ዘአፍቀረ። ቢጸ፡ ኵሎ፡ ሕገ፡ ፈጸመ፡ ገቢረ። ወካልዑኒ። ይቤ፡ አፍቅሩ፡
ቢጸክሙ፡ እስመ፡ ተፋቅሮን፡ ይደመስሶን። ለኵሎን፡ ኃጣውእ፡ አማንኬ። ተፈጸመ፡ ቃለ፡ ሐዋርያ። በላዕለ፡ ላሊበላ።
ፈረየሂ። ወተመክዓበ፡ ወለነኒ። ይረስየነ፡ ጽሑቃነ፡ ለአፍቅሮ፡ ቢጽነ፡ እግዚእነ፡
| ወመድኃኒነ፡ ኢየሱስ፡ ክርስቶስ፡ በጸሎቱ፡ ወበስእለቱ፡ ወንብልናሁ፡ ወበኀብተ፡ ረድኤቱ፡ ወበፃማ፡
ገድሉ። ወድካሙ። ዘተወክፈ፡ በሥጋሁ፡ ዝንቱ፡ ብእሲ። ላሊበላ፡ ዘተሰምየ። ገብረ፡ መስቀል። አሜን፡ ወአሜን። ። ።
ወእምድኅረዝ፡ ነበረ። ላሊበላ። እንዘ፡ ይትዊከፍ፡ ኵሎ። ጽዕለተ። ወኵሎ፡ ምናኔ። እምኀበ፡ አዝማዲሁ። እምኀበ፡ ኵሎሙ፡
ሰብእ፡ እለ፡ አሰረሮ፡ ሙ። ሰይጣን፡ ላዕሌሆሙ። እንዘ፡ ይሣለቅዎ፡ ወይቤልዎ፡ ዘይነግሥአ፡ ዝንቱ፡ ወቦ፡ ዘይቤ።
ዝንቱሰ፡ ለእመ፡ ነግሠ። ይሠይጠኒ፡ ለማየ፡ ልብኔ፡ ዘውእቱ፡ ዕጣነ፡ ቤተ፡ ክርስቲያን፡ ወዘንተ። ኵሎ። እምድኅረ፡
ተወክ፡ ኃለየ። በልቡ፡ እንዘ፡ ይብል። ናሁ፡ ኮንክዎሙ፡ ዕቅፍተ፡ ለአብያጽየ፡ ወለአኃውየ። ወይእዜኒ፡ ወይእዜሰ፡
ኢይነብር።
| ምስሌሆሙ፡ ይኄይሰኒ፡ ከመ፡ ዕፃዕ፡ ገዳመ፡ ወእንበር፡ ምስለ፡ አራዊት። እስመ። ይኄይሰኒ፡ ነቢር።
ምስለ፡ አራዊት። እምዕንበር፡ ምስለ። ሰብእ፡ መሪር፡ ልሳነ። እስመ፡ ልሳነ፡ ሰብእ፡ አልቦ፡ ዘይክል፡ አግርሮታ። እስመ፡
ኵሉ፡ ፍጥረት፡ ይገርር፡ ለፍጥረተ፡ ሰብእ፡ አራዊትኒ፡ ዘይትሐወሰ፡ ወአእዋፍኒ። ዘይሰርር። ወልሳነ፡ ሰብእሰ፡ ኢይክል።
አግርሮታ። እኪተ፡ ይእቲ፡ ወምልዕተ፡ ሕምዝ። ይእቲ፡ ዘይቀትል። በከመ፡ ይቤ፡ ጳውሎስ። ወመንሱትሰ። ኢይርከብከ፡
ወኢይርከብክሙ፡ ዘእንበለ፡ እምኀበ። ሰብእ፡ ይኂይስ፡ ነቢይነ፡ ገዳመሞ። ተግሂሶ። እምሰብእ፡ ወሐረዮ፡ ነቢረ። ምስለ፡
አራዊትነ፡ ኢይሰሐጥዎ። ወእምህየ፡ ተመስጠ። ከመ፡ ይርአይ፡ ኅቡዕ፡ ወኅቡዓተ፡ ሰማይ፡ ኢልያስ፡ ነበረ፡ ገዳመ። እንዘ፡
ይሴሰይ፡ በዕደ፡ ቆዕ፡ ፍና፡ ሰርቅ፡ ሥጋ፡ ወእንተ፡
| ጽባሕ፡ ኅብስተ፡ ወሎቱኒ፡ ኢይስኃጥዎ። አራዊት፡ ዘከመ። ሰኃጥዎ፡ ሰብእ። እስመ፡ እምገጸ።
ኤልዛቤል፡ ጐየ፡ ወኢጐየ። እምገጸ፡ አራዊት። እስመ፡ አራዊት። ይገንዩ፡ ሎቱ። ዮሐንስኒ፡ ነበረ፡ ገዳመ፡ እምንዕሱ፡
ገዳመ፡ እስከ፡ ይሴሰይ። ለምለመ፡ ቈጽሉ፡ ወእንዘ፡ ይሰቲ። እምጠለ፡ ገዳም፡ ወኢይሰሐጥዎ፡ አራዊት፡ ወአኃው፡ ኮንዎ፡
አናብስት፡ ወቶሬት። ወዘንተ፡ ብሂሎ፡ ወጽኣ፡ ገዳመ። ወነበረ፡ እንዘ፡ ይሴሰይ። ንኢዎ፡ አራዊት፡ ወአስጊሮ።
ጰርድክስያተ። ወአልቦቱ። ካልአ፡ ሕሊናተ፡ ወላሊበላሰ፡ እንበለ፡ ሰብሖ፡ ለእግዚአብሔር። ወዘምሮ፡ መዓልተ፡ ወሌሊተ።
እንዘ፡ ይጐድዕ። እንግድዓሁ። ወይበኪ፡ ወትረ፡ በላሕ። ወመሪር። ብካይ፡ ዕፁብ፡ በምን?ዳቤ። ብዙኅ፡ እንዘ፡ ይትኳነን።
በረኀብ፡ ወበጽምዕ፡ በቁር፡ ወበዕርቃን፡ በሐፍ፡
| ወበድካም፡ እንዘ፡ ይትዊከፍ፡ ጻማሆሙ፡ ለገደማውያን፡ ወሰብእሰ፡ ይሰምይዎ፡ አራዊት።
ወእግዚአብሔርሰ። ይሰምዮ። ከመ፡ አሐዱ፡ እምነ። ኃይላት። እስመ፡ ይሬኢ፡ ልበ፡ ወይፈትን። ኵልያት፡ እስመ፡ አኮ፡
በከመ፡ ይሬኢ፡ ሰብእ፡ ወይፈትን። ኵልያት። እስመ፡ አኮ፡ በከመ፡ ይሬኢ፡ ሰብእ፡ ኢይሬኢ፡ እግዚአብሔር።
ወእግዚአብሔርሰ። ልበ፡ ይሬኢ፡ ወሰብእሰ፡ ገጸ፡ ይሬኢ። ወላሊበላኒ፡ ምኑን፡ ውእቱ፡ በኀበ፡ ሰብእ፡ ወትሑት፡ በውስተ፡
ሕዝብ፡ ወባሕቱ። ልዑል፡ ወክቡር። በኀበ፡ እግዚአብሔር፡ ወበኀበ፡ እግዚአብሔር፡ ወከመዝ፡ ነበረ፡ ላሊበላ። በውስተ፡
ገዳም፡ እንዘ፡ የዓቅብ፡ ወየዓቅበ፡ መልአክ፡ ወመልአከ፡ እግዚአብሔር። በከመ፡ ዓቀቦሙ፡ ለእስራኤል፡ በገዳም፡ እስከ፡
ይበውዑ፡ ውስተ፡ ምድረ፡ ርስቶሙ፡ ዘመሀለ፡ ሎሙ፡ አምላከ፡ አባዊነ፡ ወላሊበላኒ፡ ነበረ፡ እንዘ፡
| ይሚግቦ፡ ኃይለ። መንፈስ፡ ቅዱስ፡ ወኢሳዮስ። ይሴሰይ፡ ንዒዎ፡ በከመ፡ ነገርኩከሙ፡ ቅድመ፡
ወከመዝ። እንዘ፡ ሀለወ፡ ላሊበላ። በውስተ፡ ገዳም፡ ዘኢታስተርአዮ፡ መልአከ፡ እግዚአብሔር። ዘዓዕረጎ። ውስተ፡ ሰማይ፡
ወትእዛዘ፡ ወዘትእዛዘ። ከመ፡ ይዕቀቦ፡ በኵሉ። በዋሊሁ። ወይቤሎ፡ ሰላም። ለከ፡ ኦብእሲ፡ አምላክ። ላሊበላ፡ ወይቤሎ፡
ላሊበላ፡ መኑ፡ አንተ፡ ዘትትናገረኒ። በቃለ፡ ሰላም። በከመ። ወይቤሎ፡ አነ፡ መልአከ፡ እግዚአብሔር። ዘአዕረግኵከ፡
ውስተ፡ ሰማይ፡ ወአርአይኩከ፡ ምሥጢራተ፡ ሰማይ። ወዘተአዘዘ፡ ወተአዘዝኩ፡ ከመ፡ ዕቅብከ፡ ወይቤሎ፡ ላሊበላ፡ ሰላምከ፡
ያዕርፍ። ላዕሌየ፡ ኦእግዚእየ። ወይቤሎ፡ መልአክ። ውእቱ። ለላሊበላ፡ ባል። እግዚእየ፡ እስመ፡ ይሰምዓከ፡ ገብርከ፡
ወይቤሎ፡ መልአከ። ላሊበላ፡ ጌሠመ፡ ትመጽእ። ኀቤከ፡ ወለት፡ በዘከመዝ፡ ጊጊዜ፡
| ወአእምሮ፡ ኵሎ፡ ትእምርታቲሁ፡ ወአልባሲሃኒ፡ ዘትለብሰ። ወይቤሎ፡ ይእቲኬ፡ ዘትከውነከ፡ ብእሲተ።
ወኅሪት፡ ይእቲ፡ ከማከ፡ ወትከውነከ። ብእሲተ፡ ዘከመ፡ ልብከ፡ ወስነ፡ ምግሪከ፡ ወምግባሪሃኒ። ኢየሐጽጽ፡ እምግባሪሃ።
ዚአከ፡ ወዓመተ፡ እግዚአብሔር። ይእቲ። ወብዙኃ፡ ምግባረ፡ ሠናይ። ት/ት/ሜሀር፡ እምኔሃ፡ ወአንተኒ፡ ተናገራ፡ በእንተዝ፡
ግበር፡ ወንግራ፡ ዘከመዝ፡ ነባርኩከ፡ አነ። እስመ፡ እምኀበ፡ እግዚአብሔር። ውእቱ፡ ዝነገር፡ ወውእቱ፡ አዘዘኒ፡ ከመ፡
እንግርከ፡ ወይቤሎ። ላሊበላ፡ ለውእቱ፡ መልአክ። እግዚእየ። ሊተኑ፡ ሀለወኒ። ከመ፡ እንሣእ፡ ብእሲተ፡ ዘመዝ። ስነ፡
ብርሃናት። እምድኅረ፡ አርአይከኒ። በውስተ፡ እሉ። ኵሎን፡ ሰማያት፡ ወድንጋፂ። ዘሀሎ፡ ውስተ። ምጽናዕ፡ ዘትብለኒ፡
ለሊከ፡ ተዘከራ፡ ለዛቲ፡ ድንጋፄ። ወይቤሎ፡ ውእቱ፡ መልአክ፡
| ላሊበላ፡ ኃጢአተኑ፡ ይከውነከ፡ ነሢአ፡ ብእሲት፡ ኦብሴ፡ አምላክ፡ ዘበእንቲአሃሰ። አልቦ፡
ዘየኃጽጸከ፡ አስብ። እስመ፡ አኮ፡ በእንተ። ፍቅረ፡ ዓለም፡ አላ፡ በእንተ፡ ውሉድ፡ ወተቃወም፡ ላሊበላ። ለመልአከ፡
እግዚአብሔር፡ በእንተ፡ ዝንቱ። ነገር። እስመ፡ ይብል፡ ኢይደልወኒ። ከመ፡ እንንሣእ። ብእሲተ። ወይቤሎ፡ ይትከሀለከኑ።
ከመ፡ ታብጥል፡ ትእዛዘ፡ እግዚአብሔር፡ ወሚመ። ታውጽእሙ። ለውሉድ፡ በባሕቲትከ፡ ለእለ፡ ሀለው፡ ውስተ። ሐውቂከ፡
ወእምድኅረ፡ ብዙኃ፡ ነገሮ። ወይቤ። ላሊባለ፡ ፈቃደ፡ እግዚአብሔር። ወ፡ ለይኩን፡ ወአኮ። ፈቃደ፡ ዚአየ፡ ወተሰወሮ፡
ዝኩ። መልአክ። ወእምዝ። በሳኒታ፡ መጽአት፡ እንታክቲ። ብእሲት፡ እንዘ፡ ታስተጋብእ። አሕማላተ፡ ገዳም፡ ወረከበ፡
ትእምርታቲሃ። በከመ፡ መሀሮ፡ ወመሐሮ፡ መልአክ። ወተናገራ፡
| በከመ፡ ይቤሎ፡ መልአከ፡ እግዚአብሔር፡ ወይእቲኒ፡ ቅድስት፡ ይእቲ፡ ወአደማ፡ ላቲ፡ ውእቱ፡ ነገር።
ዘነገራ። እስመ፡ እምኀበ፡ እግዚአብሔር፡ ኮነ፡ ዝነገር። ወእምድኅረ። ዝኒ፡ ነበረ፡ ውስተ፡ ገዳም። ኀበ፡ ረከበቶ።
ይእቲ፡ ወለት፡ ታወጽእ፡ ሎቱ፡ ኅብስተ። ወኀመልማለ፡ ገዳምኒ፡ ብሱለ፡ እምነ፡ ቤተ፡ አቡሃ። ወእምድኅረዝ። ይቤሎ፡
ለላሊበላ። ለይእቲ፡ ወለት፡ አመ፡ በጽሐት። ከመ፡ ተሐውጾ። እስመ፡ ዘልፈ፡ ትዋህዮ። እምአመ፡ ረከበቶ። ኢኀደገት።
ሐውጾቶ፡ እንዘ። ታመጽእ፡ ሎቱ፡ እምኵሉ። መባልዕ፡ ዘረከበት፡ ወአሐቲ፡ ወበአሐተ፡ ዕለተ። ይቤላ፡ ንግሪዎ። ለአቡኪ፡
ዘከመ፡ ዕብለኪ፡ ወነገራ፡ ዘከመ፡ ነገሮ፡ መልአከ። ወይእቲኒ፡ አቴዋ፡ ነገረቶ፡ ወለአቡሃ፡ ወአቡሃኒ። ፈራሂ፡
እግዚአብሔር፡ ውእቱ። ወየአምር፡ እምቅድመ፡ ይኩን፡ ዘሀለዎ።
| ወአእምረ፡ እምቅድመ፡ ትንግሮ። ወይቤላ፡ ሑሪ፡ አምጽኢዮ፡ ወሖረት። ወረከበቶ፡ ውስተ፡ ሐቅል።
ኀበ፡ ኀደገቶ። ወአብጽሐቶ፡ ኀበ፡ አቡሃ። ወሶበ፡ በጽሐ፡ ኀቤሁ፡ ተአምኁ፡ በበይናቲሆሙ። በአምኃ፡ መንፈሳዊት።
ወእምድኅረ፡ ተአምኁ። ወይቤሎ፡ አቡሀ፡ ለይእቲ። ወለት፡ ለላሊበላ፡ ለምንትኑ፡ ተኃይጣ። ለወለትየ፡ ኦወልድየ። ወይቤሎ።
አቡሃ፡ ለይእቲ፡ ወለት፡ ለላሊበላ፡ ለምንትኑ፡ ተኃይጣ፡ ለወለትየ። ኦወልድየ፡ ወይቤሎ፡ ላሊበላ፡ አንሰ፡ ኢሔጥክዋ፡
በፈቃደ፡ ርእስየ። ወለእመሰ፡ እምኀበ፡ እግዚአብሔር?፡ ውእቱ፡ ኢይትኃደግ፡ ዘእንበለ፡ ይኵን፡ ወአመሰ፡ እምኀበ፡
ሰብእኑ፡ ውእቱ፡ የኃልፍ፡ ወይሠዓር። ወሶበ፡ ይቤሎ፡ ላሊበላ። ከመዝ፡ አእመረ፡ ከመ፡ መልአከ፡ እግዚአብሔር።
አስተርአዮ፡ ሎቱ፡ ወጸውዓ፡ ለብእሲቱ፡ አቡሃ፡ ለይእቲ፡ ወለት፡ ወተመከራ፡ ለብእሲ። ወለብእሲቱ። ከመ፡ የሀበ፡ ወለቶ።
| ላሊበላ። ከመ፡ ትኩኖ፡ ብእሲተ፡ ወሠምረት። በእሲቱኒ፡ በዝንቱ፡ ነገር። እስመ፡ መአድም፡ ውእቱ፡
ላሊበላ፡ በአርአያሁኒ፡ ወበግማሁኒ፡ እስመ፡ ጸጋ፡ እግዚአብሔር፡ የዓውዶ፡ ከመ። እንተ፡ የዓውዳ፡ ፀሐይ። ውስተ፡ ጠፈረ።
ሰማይ፡ ወያበርህ፡ እንዘ። ይሄይል፡ ስኑ። ወጸዳለ። ብርሃኑ። በውስተ፡ አየር፡ ከማሁ። የዓውዶ፡ ጸጋ፡ እግዚአብሔር።
ለብፁዕ፡ ወቅዱስ። ላሊበላ። ወአቡሃሰ፡ ወእማሰ፡ ለይእቲ፡ ወለት፡ ወሀብዎ፡ ወለቶሙ። ከመ፡ ትኩኖ፡ ብእሲተ። ወነሥአ፡
ላሊበላ። ለይእቲ፡ ወለት፡ ወወለት፡ ወረሰያ፡ ብእሲቶ። በከመ፡ ሕገ፡ እግዚአብሔር፡ ወተባረኩ፡ ክልኤቱ፡ በማዕተበ፡
ጸጋሁ፡ ለኢየሱስ። በከመ፡ ተባረኩ፡ ይሰሐቅ። ወርብቃ፡ ዘወለድዎ። ለአበ፡ ዓሠቱ፡ ወክልኤቱ፡ አዕፁቀ፡ ዘይት፡
ዘይትጋደሎ፡ በሎ፡ ለብእሲ፡ እሳት፡ በህየ፡ ሰመዮ፡ እስራኤል፡ ለላሊበላ፡ ነበረ፡ ዓዲ፡ እንዘ፡ ያፈደፍድ፡ f. 95 96
r ፍርሃተ፡ እግዚአብሔር። ወገቢረ፡ ፈቃድ፡ ወእንዘ፡ ይጸመድ፡ ታሕተ፡ አርዑተ፡ ወንጌል። ለክርስቶስ፡ እምአመ፡ ረከበ።
ለይእቲ፡ ወለት። እስመ፡ ታፈቅሮ። ለእግዚአብሔር፡ ይእቲ፡ ወለት። ወበእንተዝ። ትትኤዘዝ፡ ለምታ። ከመ፡ ሣራ፡ ትትኤዘዞ፡
ለአብርሃም፡ ወእግዚእየ፡ ትብሎ፡ ወትትሐውር፡ በትእዛዙ፡ ወበምዕዳነ፡ ዚአሁ፡ ወውእቱኒ፡ የሐውር፡ በምዕዳነ። ዚአሁ፡
ዚአሃ። እንዘ፡ ኢይትገሃሥ፡ እለ፡ የአምን። ወጸጋም፡ እምምዳነ፡ ዚአሃ። ወይጥዕም፡ ቃለ፡ ዚአሃ። እም፡ እመዓር።
ወሦከር። ወከማሁ፡ እምአስከለ፡ ወይን። ወከመዝ፡ ነበሩ፡ በፍቅረ፡ እግዚአብሔር፡ ፍጹም። እስመ፡ እም፡ ኀቤሁ፡ ውእቱ፡
ለእግዚአብሔር፡ ኮነ፡ ጽምረቶሙ፡ ወበእንተዝ፡ ኮኑ፡ አሐደ፡ ሥጋ። በከመ፡ ይቤ፡ በንጌል፡ በእንተዝ፡ ይኅድግ፡ ብእሲ፡
አቡሁ፡
| ወእሞ፡ ወይተልዋ፡ ለብእሲቱ። ወይኩንኑ፡ ክልኤሆሙ፡ አሐዱ፡ ሥጋ፡ ወእግዚእነሂ፡ ይቤሉ፡ ወይቤ፡
በውስተ፡ ወንጌሉ፡ ናሁኬ፡ አሐዱ፡ ሥጋ። እሙንቱ፡ ወኢኮኑ፡ ክልኤቱ፡ እግዚአብሔር፡ አሥተፃመረ። ሰብእ፡ ኢይፍልጥ። ከመ፡
ወከመዝ፡ ኮነ፡ ጽምረቶሙ፡ ለላሊበላ። ወለመስቀል፡ ክብራ። በጽምረተ፡ መንፈሳዊ፡ ወአኮ፡ በማዕሌተ፡ አጋንንት። በከመ።
ይገብሩ፡ ሰብአ፡ ዓለም። አላ፡ በከመ። ተሠዓ፡ በሕገ፡ እግዚአብሔር። ወበከመ፡ መርዓሁ። ለይሰሐቅ፡ ምስለ፡ ርብቃ።
በከመ፡ ይቤ፡ ጳውሎስ፡ ክቡር፡ አውስቦ፡ ወሰብሳቦሙኒ። አልቦሙ፡ ስዕበተ፡ ወምስካቦሙኒ። ኢኮነ፡ ግማኔ። ወከመዝ፡ ነበሩ፡
ክልኤቱ። እንዘ፡ ይጸመድዎ። ለእግዚአብሔር፡ በፍቅር፡ ወትሕትና፡ በውስተ፡ ቤተ፡ አቡሃ፡ ለይእቲ፡ ወለት፡ ወዝሰ፡ ጸላኢ።
ሠናያት። ዲያብሎስ። ሶበ፡ ርእዮሙ፡ በዘከመዝ፡ ግብር፡ ስዕነ፡
| ተአግሦ፡ ወተሀውከ፡ ሀለየ። በልቡ፡ ሕሊናሁ፡ ተመይኖ፡ ወቦአ። ውስተ፡ ልቦሙ፡ ለሰብእ፡ ለእለ፡
ረከቦሙ፡ እለ፡ ይደልዎሙ፡ ሎቱ፡ ለማኅደሩ። ምሩጋንነ፡ ወኵስቱራነ። ወዕደዊነ፡ ወነጸፈ፡ ውስቴቶሙ፡ ዘርቤታተ፡ እኵየ፡
በዘቦቱ፡ ያንገረግር፡ ውስተ፡ ውሳጤ። ልቦሙ፡ ወነቢሮ፡ ቀጸቦሙ። ከመ፡ ይትነሥኡ፡ ላዕለ፡ ላሊበላ፡ ወነሥኦሙ፡ ከመ፡
ይሑሩ፡ ኀበ፡ ንጉሥ። ከመ፡ ያስተዋድይዎ፡ በነገረ፡ ከንቶ። በከመ፡ አንሥአ፡ ለይሁዳ፡ ላዕለ፡ መድኃኒነ። ከመ፡ ያግብኦ፡
ለሊቃነ፡ ካህናት። እሉ፡ እሙንቱ፡ ከለባት፡ ብዙኃን፡ ወአስዋር፡ ስቡሐን፡ ወለእለ፡ እሙንቱ፡ ሰብእ፡ እአንሥኦሙ።
ሰይጣን፡ ላዕለ፡ ላሊበላ። ወለተ፡ ዘተሐጽየት፡ ለካልስ፡ ብእሲ፡ ወረሰያ፡ ብእሲቶ። ኢታርምም፡ በእንተዝ፡ ነገር፡
ኦንጉሥ። ወናሁ፡ ሲመተ፡ መንግሥትኒ፡ ይደምፅ፡ በእንቲአሁ።
| በኵለሂ፡ ወለእመሰ፡ አርመምከ፡ ይሜብል። ላዕለ፡ ኵሉ፡ ሰብእ፡ ወዝኵሰ። ነጋሢ፡ እሁኁ፡ ለላሊበላ፡
ሶበ፡ ሰምዓ። ምክንያተ፡ ነገር። አዘዘ፡ ያምጽእዎ፡ እስመ፡ እምቀዲሙ፡ ይቀንዕ፡ እንበይነ፡ መንግሥቱ። ላዕለ፡ ላሊበላ፡
እለ፡ ተፈነው፡ እምኀበ። ንጉሥ ወረከብዎ። ለላበላ፡ ወይቤልዎ፡ ነዓ፡ ይቤለከ፡ ንጉሥ፡ ወተሥዕሎሙ፡ ለላሊበላ፡ ወይቤሎሙ፡
በእንተ፡ ምንት፡ ይጺውዳኒ፡ ንገሥ፡ ሊተ፡ ለግፉዓነ። ዘነበረ፡ ወዘነበርኩ። እንዘ፡ እሰደድ፡ እምኔሁ። እንዘ፡ ይብል፡
አልቦ፡ ዘገበርኩ። ወይእዜኒ፡ አኮ፡ ለሠናይ፡ ዘይጼውዓኒ። ወይመስለኒሰ፡ ዘረከቦ። አሐዱ፡ ምክንያተ፡ ወበእንተዝን፡
ተንሥኣ፡ ልቡ፡ ላዕሌየ። ከመ፡ ያሕምመኒ። በከመ፡ ተንሥአ፡ ልበ፡ ሳዖል፡ ላዕለ፡ ዳዊት፡ ወኃሠሦ። ከመ፡ ይቅትሎ፡
እንበይነ፡ ቅንዓት፡ ወመንግሥቱ፡ ወመኑ፡ ካዕበ፡ ዘነገሮ፡ ከመ፡
| ሀለውኩ፡ ዝየ። አኮኑ፡ ነበርኩ፡ እንዘ፡ አአይል፡ እምገዳም፡ ወእምበዓታት። በዓታተ። እንዘ፡
እጐይይ። እምቅድመ፡ ገጽከ፡ ወእምቅድመ፡ ገጹ፡ ለእኁየ። በከመ፡ ጐየ፡ ዳዊት። እምገጸ፡ ሳኦል፡ ወዳዊት፡ ኢይኩኑ፡
አኃወ፡ ቅሩባነ፡ በሥጋ፡ አላ፡ አንጋደ። እማንቱ፡ ሳዖል። ወልደ፡ ቂስ፡ ዘእምነገደ። ብንያም፡ ወዳዊት። ወዘእምነገ፡
ይሁዳ፡ አንሰ፡ እምእኁየ፡ ተሰደድኩ፡ ህየንተ፡ እምተፈሣሕኩ፡ በመንግሥቱ፡ ለእኁየ፡ ረከባኒ፡ ሐዘን፡ ብዙኅ። ወህየንተ፡
ዘአፍቀረኒ። ፀልዓኒ፡ እኁየ። ወይእዜኒ፡ አኃውየ፡ ንግሩኒ፡ ለእመ። አእመርክሙ፡ በእንተ፡ ምንት፡ ምክንያት፡
[ዘጺውዖን]፡ ዘይጼውዖን። ወይቤልዎ፡ ለአከከኒ፡ ንጉሥ፡ ነዓ። እምከመ፡ በ?ጻሕከ፡ ታእምር፡ ምክንያተ፡ ጽዋኤከ፡
ወዘንተ፡ ብሂሎሙ፡ ወሰድዎ፡ ወበጽሐ፡ ላሊበላ። ኀበ፡ ንጉሥ። ወይቤሎ፡ ነጋሢ፡ ለምንት፡
| ገበርከ፡ ከመ፡ ዘኢይከውን፡ ገቢር፡ በመዋዕለ፡ መንግሥትየ፡ ወለምንት፡ ዘነሣእከ። ወለተ፡
ዘተሐጸየት፡ ለካልዕ፡ ብእሲ፡ ወይቤሎ፡ ላሊበላ፡ አብሐኒ። ከመ፡ እትናገር፡ ወይቤሎ፡ ነጋሢ፡ አባሕኩከ፡ ተናገር።
ወይቤሎ፡ ላሊበላ፡ አልቦ። እግዚኦ፡ ኢነሣእኩ፡ ዘኢያበጽሐኒ፡ እግዚአብሔር፡ ወአልቦ፡ ዘተአገልክዎ፡ ወኢለመኑሂ። ወመጽኡ፡
ካልአን፡ ሰብእ፡ አላ፡ አስተዋድይዎ። ኀበ፡ ንጉሥ። አኮኑ፡ ስምዕነ፡ ላዕሌሁ። ወይቤሉ፡ ነሥአ፡ ወለተ፡ ዘተሐጸየት።
ለካልዕ፡ ብእሲ። ወዘንተ። ሶበ፡ ሰምዓ፡ ነጋሢ። አዘዘ፡ ከመ፡ ይዝብጥዎ፡ በጥብጣቤ፡ ሐብል። ወከመ፡ አሐዙ፡ ሐራሑ፡ ከመ፡
ይዝብጥዎ። ወላሊበላሰ፡ አሐዘ። ከመ፡ ይበል፡ እንዘ፡ ድልው፡ ለተቀሥፎ። ይቤ። ኪያከ፡ ተወከልኩ፡ እግዚኦ፡
ኢ/ይ/ትዕፈር። ለዓለም። ወበጽድቅከ፡ አንግፈኒ፡ ወባልሐኒ፡ አጽምዕ፡ እዝነከ፡ ኀቢየ፡ ወፍጡነ፡
| አድኅነኒ፡ ኵነኒ፡ አምላኪየ፡ ወመድኃንየ። ወቤተ፡ ጽዮንየ፡ ከመ፡ ታድኅነኒ። እስመ፡ ኃይልየ፡
ወጸወንየ፡ አንተ። ወአውጽአኒ፡ እምዛቲ፡ መሥገርት፡ እንተ፡ ኀብኡ፡ ሊተ፡ አስመ፡ አንተ፡ ረዳእ፡ እግዚኦ። ውስተ፡
እዴከ፡ አመኃፅን፡ ነፍስየ። ቤዝወነ፡ እግዚአብሔር፡ አምላከ፡ ጽድቅ። ወክድነኒ፡ በጽለሎተ፡ ክነፊከ። ወዘንተ፡ እንዘ፡
ይብል፡ አሐዙ፡ ይዝብጥዎ፡ ሐራሁ፡ ለንጉሥ፡ ወንጉሥሰ፡ አዘዘ። ከመ፡ ይዝብጥዎ፡ ሖረ። ውስተ፡ ቤተ። ክርስቲያን። ከመ፡
ይትመጠው፡ ቁርባነ። ሶበ፡ ወጠኑ። ቀሢፎቶ፡ ለላሊበላ። ኢያንትጉ፡ ቀሢፎቶ። እስከ፡ ይወጽአ፡ ንጉሥ፡ እምቤተ፡
ክርስቲያን። ተመጢዎ። ቁርባነ። ሶበ፡ ወጠኑ። እንዘ፡ ይትበረዩ። በበአሐዱ። ወእግዚአብሔርሰ። ኢየኃድጎሙ፡ ለእለ፡
ይትዊከሉ፡ ቦቱ። ፈነወ፡ መልአኮ፡ ከመ፡ ይሰውር፡ በክነፊሁ፡
| ብርሃናዊ፡ ከመ፡ ኢይረከቦ፡ መቅሠፍቶሙ፡ ለሐራ፡ ንጉሥ፡ ወወረደ፡ ዝኩ፡ መልአከ፡ ጽድቅ፡ ተሰወሮ።
ለላሊበላ። በክነፊሁ፡ ብሩሃት። ወመልአክሰ፡ አቃቢሁ፡ ውእቱ፡ ዘተውህቦ። እምኀበ። እግዚአብሔር። ከመ፡ ይዕቀቦ፡ በኵሉ።
መዋዕሊሁ፡ ወንጉሥሰ። ሶበ፡ ሰምዓ፡ እምቤተ፡ ክርስቲያን፡ ድምፀ፡ ጥብጣቤ። ወይቤሎሙ፡ ለእለ፡ ሀለው፡ ምስሌሁ። ምንትኑ፡
ዝንቱ፡ ድምፅ። ዘእሰምዕ፡ አኮኑ፡ አንተ፡ ዘአዘዝከ። እንዘ፡ ትበውዕ፡ ውስተ። ቤተ፡ ክርስቲያን። ከመ፡ ይቅሥፍዎ።
ለላሊበላ፡ ወይቤ፡ ኪያሁ። ይቅሥፍ፡ ወይቅሥፉ፡ [እከሰ]፡ እስከ። ይእዜ፡ ወደንገፀ፡ ንጉሥ፡ ወመሰሎ። ዘይመውት፡
ወአዘዘ፡ ከመ፡ ይኅድግዎ። ወኃደግዎ፡ ሐራ፡ ንጉሥ። ወለላሊበላሰ። ኢረከቦ፡ ወኢምንተኒ። ወአንከሩ፡ ኵሎሙ፡
| ተዓይን፡ ወንጉሥኒ፡ ተደመ፡ ሶበ፡ ርእዮ። ላሊበላ፡ ከመ፡ ኢለከፎ፡ ወኢምንተኒ። እምቅሥፈታት።
ወተመይጠ። ላሊበላ፡ ኀበ፡ ሀለወት። ብእስቱ፡ ወነገራ፡ ኵሎ። ዘከመ፡ ረሰይዎ። ወዘከመ፡ አድኃኖ፡ እግዚአብሔር።
እምቅሥፈታቲሆሙ፡ ሠወሮ፡ በክነፈ፡ መልአክ። ብርሃናዊ፡ ወአእኰትዎ። ኅቡረ፡ ለእግዚአብሔር። እንዘ፡ ይብሉ፡ ይትባረክ፡
እግዚአብሔር። አምላከ፡ እስራኤል። ዘተሣሃለነ፡ ወገብረ፡ መድኃኒተ። ለሕዝበ፡ ዚአሁ፡ ወይትባረክ፡ ስመ፡ ስብሐቲሁ።
እስመ፡ ኢይገድፎሙ፡ ለእለ፡ ይትዌከሉ፡ ቦቱ፡ ወረዳኢሆሙ። ውእቱ፡ ለኵሎሙ። እለ፡ ገደፉ፡ ሕሊናሆሙ፡ ላዕሌሁ። በከመ፡
ይቤ፡ በአፈ። ነቢ፡ እስመ፡ ብየ፡ ተወከለ፡ አድኅኖ፡ ወእከድኖ። እስመ፡ አእመረ፡ ስምየ፡ ይጼውዓኒ፡ ወእሰጠዎ፡ ሀለወ፡
ሀሎኩ፡ ምስሊሁ፡
| አመ፡ ምንዳቤሁ፡ አድኅኖትየ፡ ወእሴብሖ። ለነዋህ፡ መዋዕል፡ አጸግቦ፡ ወአርእዮ፡ አድኅኖትየ፡
ወይምላዕ፡ ስብሐቲሁ፡ ኵሎ፡ ምድረ፡ ለይኩን፡ ለይኩን። ወዘንተ፡ ብሂሎሙ፡ እንዘ፡ ይትናዘዙ፡ በከመ፡ ይትናዘዝ፡ ፍቁር፡
ምስለ፡ ፍቁሩ፡ ወአርክ፡ ምስለ፡ አርኩ። ወተናዘዘ፡ ውስተ፡ ውእቱኒ፡ በምዕዳነ፡ ዚአሁ፡ ወይእቲኒ፡ ተናዘዝ፡ ወተናዘዘት፡
በምዕዳነ። ዚአሁ። እስመ፡ ድኅነ፡ ምታ፡ እምቅሥፈታት። እስመ፡ አብጽሐ፡ ውስተ፡ መቅሠፍት፡ በእንቲአሃ። በከመ፡ ተቀሥፈ፡
ክርስቶስ፡ ወበእንተ፡ ቤተ፡ ክርስቲያን። በከመ፡ ይቤ፡ ጳውሎስ፡ ዘአፍቀረ፡ ብእሲቶ፡ ርእሰ፡ ርእሶ፡ አፍቀረ። ወዘንተ፡
ሰሚዖ፡ ላሊበላ፡ ይልብ፡ በፍቅረ። ዚአሃ፡ ወይእቲኒ፡ በፍቀረ፡ ዚአሁ፡ ንድፍት፡ ይእቲ፡ ለክርስቶስ። በከመ፡ ታፈቅሮ።
ቤተ፡ ክርስቲያን። ጸሎቶሙ፡ ወስእለቶሙ፡ ወኀብተ፡ ረድኤቶሙ፡
| ወተወክፎ፡ መሥዋዕቶሙ፡ ወመዓዛ፡ ዕጣኖሙ፡ ለዕሉ፡ ውስተ። እስያሆሙ፡ ለእስራ፡ ወዓርባዕቱ፡
ካህናተ፡ ሰማይ፡ ወነጠብጣበ፡ ሐፎሙ፡ በ፡ ዘበሰጊድ፡ ወጻማ፡ ድካሞሙ፡ ዘበቀዊም፡ ወጻሕቀ፡ ዚአሆሙ፡ ዘበትጋህ፡
ወነጸፍጻፈ፡ አንብዖሙ፡ ዘበፍቅረ፡ እግዚአብሔር፡ ወመፍቅደ፡ ሩጸቶሙ፡ ለገይሰ፡ ቤተ፡ ክርስቲያን፡ ወለናዝዞ፡ ሙቁሐን፡
ወስነ፡ ይዋሂሆሙ፡ ዘይትሜሰል፡ ከመ፡ ይዋሂ፡ በግዕ፡ ወኀብተ፡ ምጽዋቶሙ፡ ዘኅቡዕ፡ ወዘክሡት፡ ወኵሉ፡ ጻሕቀ፡
ተጻምደቶሙ፡ ዘፀሩ፡ በሥጋሆሙ፡ ለላሊበላ፡ ወመስቀል፡ ክብራ፡ የሀሉ፡ ምስሌሆነ፡ ወምስለ፡ ኵልነ፡ እለ፡ ይትአመኑ፡
በኃይለ፡ ጸሎቱ፡ ወጸሎቶሙ። ለእሉ፡ ክልኤቱ፡ አዕናቈ፡ ክቡራን፡ ወጽዱላን። ያዋክዩ፡ በውስተ፡ ጽልመት፡ ይኩኑነ፡ መርሐ፡
በኀበ፡ ኵሉ፡ ዘወፈነወ፡ ዘወፈርነ፡ ወኀበ፡ ኵሉ፡ ዘአትውነ፡ በፍጻሚነኒ፡ ወበኵላነኒ፡ በየማንነኒ፡ ወበጸጋምነኒ፡
| እስከ፡ ነፍሰ፡ አግብርቲከ፡ ይዕቀበነ። ለኵልነ፡ ሕዝበ፡ ክርስቲያን። ለዓለመ፡ ዓለም። አሜን። ።
ወእምዝ፡ ሀለየ፡ ላሊበላ፡ ኵሎ። ምንዳብያቲሁ፡ ዘረከቦ። እምኀበ፡ ኵሎሙ፡ አዝማዲሁ፡ ሰብእ፡ ወእምኀበ፡ ኵሎሙ፡ ሰብእ፡
ዘተአየነ፡ ኵርኳኔ፡ ንጉሥ፡ ወይቤለከ፡ ለብእሲቱኒ። ንዓ፡ ፃ፡ ንፃዕ፡ ሐቅለ፡ ከመ፡ ከመ፡ ናዕርፍ፡ እምኵሉ፡ ሰብእ፡
እለ፡ ይጻረሩነ፡ እስመ፡ ይኄይስ፡ ነቢር፡ ምስለ፡ አራዊት፡ ወእምነቢር፡ ምስለ። ሰብእ። ዘግዕዙ፡ ግዕዘ፡ እኵይ፡
ወዘንተ፡ ብሂሎ፡ ነሥኣ፡ ለብእሲቱ። እስመ፡ ሠምረት፡ ብእሲቱኒ። በዝንቱ፡ ወወፅአ፡ ምስሌሃ። ውስተ፡ ገዳም፡ ወነበሩ፡
ህየኒ፡ በፍቅር፡ ጽፉቅ። እንዘ፡ እግዚአብሔር፡ የዓቅቦሙ፡ ወይሜግቦሙ። በኵሉ፡ ወበውስተ፡ ኵሉ፡ ወእምዝ፡ ኮነ፡ አኃተ፡
ዕለተ፡ በዕለት፡ ወፅኡ፡ ውስተ፡ ገዳም፡ ወኃደሩ፡ ውስተ፡ አሐቲ፡ በዓት፡ ወኃጥዑ፡
| ዘይደረሩ፡ ወይቤላ፡ ላሊበላ፡ ለብእሲቱ፡ ተንሥኢ፡ ወንጸሊ፡ ኀበ፡ እግዚአብሔር፡ ከመ፡ የሀበነ፡
ዘንትዴረር። ወትቤሎ፡ ብእሲቱ፡ ኦሆ፡ ኦእግዚእየ፡ ወጸለዩ፡ እንዘ፡ ይብሉ። ሰፊሆሙ። እደዊሆሙ፡ ወአንቃዕዲዎሙ፡
[አዕቲ]፡ አዕይንቲሆሙ፡ ላዕለ። ውስተ፡ ሰማይ። ግነዩ፡ ለእግዚዕብሔር። እስመ፡ ኂር። እስመ፡ ለዓለም፡ ምሕረቱ።
ዘይሁብ፡ ሲሳየ፡ ለኵሉ፡ ዘሥጋ። እስመ፡ ለዓለም፡ ምሕረቱ። ወዓዲ፡ ሰአልዎ። እንዘ፡ ይብሉ፡ አቡነ፡ ዘበሰማያት።
ይትቀደ፡ ስምከ፡ ትምጻእ፡ መንግሥትከ፡ ወይኩን፡ ፈቃድከ፡ በሰማይ፡ ከማሁ፡ በምድር፡ ሲሳየነ፡ ዘለለዕለትነ፡ ኀበነ፡
ዮም፡ ኅድግ፡ ለነ፡ አበሳነ፡ ወጌጋየነ። ከመ፡ ንሕነኒ፡ ንሕድግ፡ ለዘአበሰ፡ ለነ፡ ወወኢታብዓነ፡ እግዚኦ፡ ውስተ፡
መንሱት። ወነጽር፡ ውስተ። ብሐትውናነ። እስመ፡ አንተ፡ ትቤ፡ በአፈ፡ ነቢይከ፡ ግድፍ፡ ሕሊናከ፡ ላዕለ፡ እግዚአብሔር፡
አምላክከ፡ ወውእቱ፡
| ይሴስየከ። ወበእንተዝ፡ በገደፍነ፡ ሕሊናነ፡ ኀቤከ፡ እግዚአብሔር። እስመ፡ አንተ፡ መ[ል]ብልዕ፡
ወመብዕሊሁ፡ ለነዳያን፡ ወመሴስይ፡ ለኵሉ፡ ዘሥጋ። እስመ፡ አንተ፡ ሴሰይኮሙ፡ ለሕዝብከ፡ እስራኤል፡ መና፡ ዘኢተዘርአ።
ውስተ፡ ምድር፡ ዘኢብቈሎ፡ ዝናም፡ ዘኢያሕጽሮ፡ አየር፡ ወይእዜኒ፡ ትክል፡ አጽንዖተነ፡ በዘፈቀደከ፡ እመኒ፡ በሲሳይ፡
ወእመኒ፡ ዘእንበለ፡ ሲሳይ፡ ለእመኒ። እስመ፡ አጽናዕከኒ፡ ወአጽናዕኮሙ። ለብዙኃን፡ እንበለ፡ ሲሳይ። ወበሲሳይኒ፡
ለብዙኃን፡ መገብኮሙ፡ ወኢየኃጣዕክዎሙ። እምዝ፡ እምዘ፡ ፈቀዱ። ዘእንበለ፡ ሲሰይ፡ ዘጽኑዕ፡ በኃይለ፡ ዘአኮ። እሉ፡
እሙንቱ፡ ሙሴ። አሐዱ፡ ነበረ፡ ክልኤቱ፡ ወዓርብአ፡ ኢይበልዕ፡ እክል፡ ወእክለ። ወኢየሰቲ፡ ማየ። ወኤልያስኒ፡ አሐዱ፡
ወዓርብዓ፡ ማየ። እንዘ፡ ኢይስቲ፡ ወእክል። እንዘ፡ ኢበልዕ፡ ወፈድፋደሰ፡ ዘየዓቢ፡ እምእሉ፡ ኖኃተ፡ ጾሙ፡ አጽናዕከ፡
ለአቤሜሌክ፡
| ሰመንተ፡ ሰብአተ፡ እንበለ። መ[ል]ብልዕ፡ ወመብላዕ፡ ወመሳቴ። አመዓሪ፡ በትእዛዘ፡ ዚአከ፡
ወበትእዛዘ፡ መምሕሩ። ከመ፡ ኢይርአይ፡ ሙስናሃ፡ ለኢየሩሳሌም፡ በምክንያተ። ድውያን፡ እስመ፡ አዘዘ። ኤርሚያስ፡ ከመ፡
ያምጽእ፡ በለስ። ለፈውስ፡ ድውያን። ወበህየ። ከ[ን]ደንኮ፡ በመንጦላዕተ፡ ሣህለሣክልከ። እንዘ፡ ትሴስዮ፡ ነዋ፡ ሠናየ፡
ሥሣ፡ ወተስአ። አመተ። ወለነኒ። በዘ፡ ፈቀድከ፡ ትክል፡ አጽንዖትነ። ወለከ፡ ስብሐት። ለዓለመ፡ ዓለም። አሜን።
ወአሜን። ። ። ወሶበ፡ ፈጸሙ፡ ጸሎቶሙ፡ አንሶሰወት። መሰቀል፡ ክብራ፡ ውስተ፡ ውሳጤ። በዓት፡ ወረከበት፡ ወረከበት፡
በህየ፡ ጴርድክይሴ። ዓቢየ። ወነጸሮ፡ ላሊበላ፡ ወባረከ። ለእግዚአብሔር። እንዘ። ይብል፡ ቡሩክ፡ እግዚኦ፡ ዘበልዑላን፡
ተዓርፍ፡ ወትሑታነ፡ ትኔጼር። ወትሬኢ፡ ወትካትኒ፡ ለሕዝብከ። እስራኤል፡ አውረድከ።
| ሎሙ፡ ዖፈ፡ ድርንቅ፡ በከመ፡ ይቤ፡ ነቢይከ፡ ወከመ፡ ኆፃ፡ ባሕር፡ አዕዋፍ፡ ዘይሰርር። ወወድቀ።
ማዕከለ፡ ተዓይኒሆሙ፡ ወአውደ፡ ደባትሪሆሙ፡ በልዑ፡ ወፀግቡ፡ ጥቀ፡ ወወሀቦሙ፡ ለፍትወቶሙ። ወኢየኃጥኡ፡ ወኢኃጥኦሙ፡
እምዘ፡ ፈቀዱ። ወለነኒ፡ ኢየኅጣዕከ፡ ለአያኅጣዕከነ፡ ለአግብርቲከ። እለ፡ ስዱን፡ እም፡ ሰብእ፡ በእንተ፡ ኃጢአትነ።
ወውእተ፡ ዖፍ፡ ትሴስዮሙ፡ ኃደሩ። እንዘ፡ የአኩትዎ፡ ለእግዚአብሔር። ጽ፡ ጸሎቶሙ። ወበረከቶሙ፡ ወኀብተ፡ ረድኤቶሙ።
የሀሉ፡ ምስሌነ። ወይባርከነ። ለኵልነ፡ ሕዝበ፡ ክርስቲያን፡ ወሊተኒ። ለኃጥእ፡ ለዘጸሐፎ፡ ወለዘአጽሐፎ፡ ህቡረ፡
ይምሐር።እግዚአብሔር፡ በመንግሥተ፡ ሰማያት። ለዓለመ፡ ዓለም፡ አሜን። ወአሜን። ለይኩን። ለይኩን። ። ።ወእምዝ፡ ነበሩ፡
ክልኤሆሙ፡ ምስለ፡ ይእቲ፡ ወለት፡ ውስተ፡ ይእቲ፡ በዓት፡ ኀበ፡ በጽሑ፡ በይእቲ፡ ዕለት፡
| እንዘ፡ ይሴሰዩ፡ ዘአቅረበ፡ ሎሙ፡ መንፈስ፡ ቅዱስ፡ እምዓቃቅሪተ፡ ገዳም። እንዘ፡ ይትሜሰልዎ።
ለመክብበ፡ ነቢያት፡ ኢሳይያስ። ወካልአኒሁኒ፡ ነቢያት። ዘነበሩ፡ እንዘ፡ ይሴሰዩ። እምአኅማላተ፡ ገዳም። ጐይዮሙ፡
እምዓመፃ፡ ወግፍዕ። ዘይትገበር፡ በኢሩሳሌም፡ ወአልቦሙ፡ ካልአ፡ ሲሳየ። ዘእንበለ፡ መስተሣልቀ፡ አኅመል። ወእሉኒ፡
አፍሕርተ፡ ነቢያት። ላሊበላ፡ ወመስቀል፡ ክብራ፡ ነበሩ፡ እንዘ፡ ኢይዔሉ፡ ውስተ፡ አድባር። ከመ፡ ዖፍ፡ ወእምዝ፡
ተፈነው፡ እምሐራ፡ ንጉሥ፡ እለ፡ የኃሥሥዎሙ። ላሊበላ፡ ወለመስቀል፡ ክብራ። ውስተ፡ ኵሉ፡ አኅጉር። ወውስተ፡ ኵሉ፡
ገማት፡ ወውስተ፡ መካናተ፡ ከመ፡ ይቅትልዎሙ። ወከመ፡ ይሞቅሕዎሙ። ወከመ፡ በእንተ፡ ቅንዓቶሙ። እስመ፡ አንሥኦሙ።
ሰይጣን፡ ላዕለ፡ አግብርተ፡ እግዚአብሔር፡ ከመ፡ ያመክርዎሙ፡ ወእሙንቱኒ፡ አግብርቲሁ፡ ለሥሉስ፡ ቅዱስ።
| ከመ፡ ተመኪሮሙ፡ ይነሥኡ፡ አክሊለ፡ ስብሐት። አመ፡ ዘኢይጸመሂ። ዘአስፈዎሙ፡ እግዚአብሔር።
ለእለ። ያፈቅርዎ። እስመ፡ ሎሙ፡ ይእቲ፡ ፈተና። ወመከራ። በዘይትዓወቅ፡ ፍቅረ፡ እግዚአብሔር። ላዕሌሆሙ። ለእመ፡
ተወክፉ፡ በአኰቴት። ይእቲ፡ በብ፡ በኀበ፡ እግዚአብሔር። ወእሙንቱኒ፡ ዘንተ፡ ተወኪፎሙ፡ ንዲቶሙ፡ በአከትት፡ በኀበ፡
ተወክፈ፡ ኢዮብ፡ መከራሁ፡ ለሰይጣን። እንዘ፡ የአኩቶ። ለእግዚአብሔር፡ በኵሉ። ምንዳቤሁ። ዘበጽሐ። ይብል፡ እግዚአብሔር፡
ወሀበ፡ ወእግዚአብሔር፡ ነሥአ፡ ወይኩን፡ ቡሩከ፡ ወቡሩክ፡ ስሙ። ለእግዚአብሔር፡ ዕራቅየ። ወፃዕኩ፡ እምከርሠ፡ እምየ፡
ወዕራቅየ። እገብእ፡ ወእሉኒ፡ ከዋክብት፡ ብሩህን፡ ላሊበላ፡ ወመስቀል፡ ክብራ፡ ተሊዎሙ፡ አሥሮ፡ ለኢዮብ፡ ይትወከፉ፡
ተፅናሶሙ፡ በአኰቴት። በከመ፡ ይቤ። ሐዋርያ። አርአያሁ፡ ወአርአያሃሰ፡
| ለትእግሥት፡ ተፅናስክሙ፡ ብክሙ፡ ነቢያት፡ እለ፡ ተናገሩ። በቃሉ፡ ለእግዚአብሔር፡ ሰማዕክሙ፡
ትእግሥቶ፡ ለኢዮብ፡ ዘመ፡ ገብረ፡ ወፈጸመ፡ ጸሎቱ፡ ለእግዚአብሔር፡ ወርኢክሙ። ወርኢክሙሂ። ከመ፡ ብዙኅ። ምሕረቱ።
ለእግዚአብሔር፡ ወመሥተሣህል። ውእቱ፡ ወእሉሰ፡ ዕፀ፡ ሕይወት፡ ወዕፀ፡ ዘይት፡ ገነት። ላሊበላ። ወመስቀል፡ ክብራ። ፀሩ፡
ፍሬያተ፡ ትእግሥት፡ ምስለ፡ ኵሉ፡ አቅማኅ፡ ምግባራተ፡ ሠናይ፡ ወተወልቲዎሙ፡ በፍቅረ፡ እግዚአብሔር፡ ወዕሉሰ። ሐራ፡
ንጉሥ፡ እለ፡ ተፈነው። ከመ፡ ይኅሥሥዎሙ፡ እንዘ፡ ኢረክብዎሙ፡ አስተርአዮሙ፡ መልአከ፡ እግዚአብሔር። በውስተ፡ ገዳም፡
ለላሊበላ። ወለመስቀል፡ ክብራ። ወይቤሎሙ፡ ናሁ፡ ውስተ፡ ወፅኡ፡ መዓልተ፡ ንጉሥ፡ ከመ፡ ይኅሥሥ፡ ወይኅሥሡክሙ፡ ተንሥኡ።
| እምዝየ፡ ወንዑ፡ ትልውኒ፡ ኀበ፡ እመርሖክሙ። ወውእቱሰ፡ መልአክ፡ ገብርኤል። ስሙ፡ ወዘአዕረገሂ።
ላሊበላ። ውስተ፡ ሰማይ። ወዘሰወሮሂ፡ አመ፡ ፈቀደ፡ ይቅሥፍዎ። ወዘትእዘዘሂ። እምኀበ። እግዚአብሔር። ከመ፡ ይዕቀቦ፡
ወበኵሉ፡ መዋዕሊሁ፡ ለሊሁ፡ ውእቱ፡ ገብርኤል፡ ወውእቱሰ፡ መልአክ፡ ክቡር፡ ብርሃናዊ። ዘስዩም። ዲበ፡ አእላፍ፡ መርሖሙ፡
እንዘ፡ የሐውር፡ ፍጽመ፡ ቅድሜሆሙ። በከመ፡ መርሖ፡ ሚካኤል፡ ለጴጥሮስ፡ ሊቀ፡ ሐዋርያት፡ ወውእቶሙሰ፡ ተለውዎ፡
ለገብርኤል፡ በከመ፡ ተለዎ፡ ጴጥሮስ። ለሚካኤል፡ ሊቀ፡ መላእክት፡ ትፈቱ፡ ተፈቲሆ፡ እሞቅሑ። ለሄሮድስ፡ ወአምሰጠ።
እማዕከለ፡ ክልኤቱ፡ ሰገራት። እስከ፡ ወጽአ፡ አሐተ፡ ሰኰተ፡ ወካልአ፡ ወጺኦ። ኆኃተ፡ ሐፂን፡ ወተርኅወት፡ ለሊሃ፡
ወእምክበደ፡ ግርማሁ፡ ለሚካኤል፡ ሊቀ፡ ኃይላት።
| ወከማሁ፡ ተለውዎ። ላሊበላ፡ ወወመስቀል፡ ክብራ፡ ለገብርኤል፡ ዘመርሆሙ። ከመ፡ ያድኅኖሙ፡
ወይኅብኦሙ። እምሐራ፡ ንጉሥ፡ እለ፡ ወፅኡ። ይኅሥሥዎሙ፡ ወአኮ፡ መጠነ። አሐቲ፡ ሰኰት፡ ወካልዕታ። መሪሆ፡ ወኃድጎሙ፡
እለ፡ አላ፡ ወሰዶሙ፡ ወአብጽሖሙ፡ ብሔረ፡ ምሥራቅ። ወይእቲሰ፡ ብሔር፡ ጥንተ፡ ክርስትና። ይእቲ፡ ዘምድረ፡ ኢትዮጵያ፡
ወአብጽሖሙ፡ ህየ፡ ገብርኤል። ወይቤሎሙ፡ ንበሩ፡ ዝየ። እስከ፡ ትፈልጡ፡ ወተፈለጡ፡ አመ፡ በጽሐ፡ ፈቃደ፡ እግዚአብሔር።
አመ፡ ሀለዎ፡ ለላሊበላ። ከመ፡ ይሑር፡ ሀገረ፡ [ኢየ] ኢየሩሳሌም፡ አንተ፡ ወአንቲሰ፡ መስቀል፡ ክብራ፡ ንበራ፡ ዝየ።
እስከ፡ ይትመየጥ፡ እኁኪ፡ ነጽሮ፡ ኵሎ፡ መካናተ፡ ምሥጢር፡ ዘእግዚእ። ኀበ፡ ተጠምቀ፡ ወኀበ፡ ተወለጠሂ፡ ራዕየ፡
ወደብረ፡ ዕረገቱኒ፡ እንተ፡ እምኔሃ፡ ዓርገ፡
| ኀበ፡ አቡሁ፡ ወነበረ፡ በየማነ፡ ወላዲሁ፡ ወኵሎ፡ መካናተ፡ ዘአንሶሰወ፡ በትስብእቱ፡ ወልድ፡
ዋህድ። ነጸሮሙ። ላሊበላ፡ እስከ፡ ይገብእ፡ ኀቢኪ፡ ዝየ፡ ትነብሪ። ወዘንተ፡ ሰሚዓ፡ መስቀል፡ ክብራ፡ አሐዘት፡ ትተክዝ፡
በእንተ፡ ተፈልጦቱ፡ ለምታ። ወሶበ፡ ርእያ፡ ገብርኤል፡ ለመስቀል፡ ክብራ፡ እንዘ፡ ተሐዝን። በእንተ፡ ዝንቱ፡ [ነገ]፡
ነገር፡ ይቤላ፡ ለምንት፡ ታበውዒ፡ ሐዘነ፡ ውስተ፡ ልብኪ። እስመ፡ አኮ፡ ባሕቲትኪ፡ ዘነኃደገኪ፡ እለ፡ እግዚአብሔር፡
ይሄሉ፡ ምስሉ፡ ምስሌኪ። አላ፡ ተአዘዘ፡ ለኪ፡ እምኀቤኪ፡ ወእምኃቤሁ፡ መልአክ፡ ዓቢይ፡ ዘይቀም፡ በየማኑ፡ ለአሐዜ።
መልአከ፡ ኪዳኑ። ውእቱ፡ ዘይስመይ፡ ወዘይሰየም፡ ዲበ፡ ኃይላቲሁ። ከመ፡ ይዕቀብኪ፡ ወአንተ፡ ወአነ፡ ተአዘዝኩ፡ ከመ፡
ዕቀብ። ወዕቀቦ፡ ለምትኪ። ወዘንተ፡ ብሂሎ፡ ተሰወሮሙ፡ ላሊበላ፡
| ወመስቅል፡ ክብራ። ነበሩ፡ ህየ፡ በተፀምዶ፡ ዓቢይ። በጾም፡ ወበጸሎት፡ በቀዋም። ወበሰጊድ።
መጠነ፡ ነበሩ። ውስተ፡ ይእቲ፡ ብሔር፡ ኅቡረ። ወእምድኅረ፡ ኅዳጥ፡ መዋዕል። አስተርአዮሙ፡ ገብርኤል፡ ሊቀ፡ መላእክት።
ወይቤሎሙ፡ ሰላም፡ ለክሙ፡ ኦአግብርተ፡ እግዚአብሔር። ሰላምከ፡ ያዕርፍ፡ ላዕሌነ። አምሉአ፡ ብርሃ፡ ወፍሡሐ፡ ገጽ፡
አብሣሬ፡ ፍሥሐ። ወይቤሎሙ፡ በጽሐ፡ ጊዜሁ፡ ለነጊድ። ውስተ፡ ኢሩሳሌም። ዘነገርኩክሙ፡ ቅድመ። ወይእዜኒ፡ ተሰነአሉ፡
በበይናቲክሙ፡ ወናሁ፡ አነኒ፡ ተአዘዝኩ። ከመ፡ እወሰዶ። ለላሊበላ፡ ሀገረ፡ ኢየሩሳሌም፡ ኀበ፡ ተወልዶ፡ እግዚእነ፡
ወኀበ፡ ፈጸመ፡ ኵሎ፡ ግብረ፡ በእንተ፡ አፍቅሮተ፡ ሰብእ። ወይቤሎ፡ ላሊበላ፡ ለገብርኤል፡ አይቴኑ፡ ሀሎ፡ ሚካኤል፡
ዘተአዘ። ከመ፡ ይዕቀብ፡ ወይዕቀባ፡ ለዛቲ፡ አመትከ፡ ኦእግዚእየ፡ እስመ፡ አልባቲ። አሐደኒ፡ እምሰብእ፡
| ዘይናዝዝ፡ ወእምድኅረ፡ ተሌለየት። እምኔየ፡ ወይቤሎሙ፡ ነዋ፡ ይቀውም፡ ማዕከሌክሙ። ወሶቤሃ፡
ርእይዎ፡ ለሚካኤል፡ ላሊበላ፡ ወመስቀል፡ ክብራ፡ ወአምኅዎ። በዓቢይ፡ ፍርሃት፡ ወዲቆሙ። ውስተ፡ ምድር። እስመ፡ በግርማ።
ዓቢይ፡ ርእይዎ፡ ወአንስኦሙ፡ [ኢት]ሚካኤል። ወይቤሎሙ፡ ኢትፍርሁ። አፍቁራነ፡ እግዚእ። አንሰ፡ ቢጽክሙ፡ ዘተአዘዝኩ።
ከመ፡ ዕቀብክሙ፡ ለምንት፡ ትሰግዱ፡ ሊተ። ወርቱዕሰ፡ ንሰግድ። ኵልነ፡ ኀበ፡ እግዚአብሔር፡ ፈጣሪነ። ወአዘዞሙ። ብዙኃ፡
በፍሥሐ፡ ዓቢይ፡ ወበቃል።አም። ወእምዝ፡ ተሌለዩ፡ ላሊበላ። ወመስቀል፡ ክብረ፡ ተአሚሆሙ፡ በአምኀ፡ መንፈሳዊት።
ወላሊበላሰ፡ ሖረ፡ ምስለ፡ ገብርኤል። ውስተ፡ ፍኖተ፡ ኢየሩሳሌም። ወመስቀል፡ ክብራ፡ ተኃድገት፡ ህየ። ምስለ፡ ሚካኤል።
ወእምልቦሙሰ፡ ኢተበትከ፡ አኅባለ፡ ፍቅሮሙ፡ መልክዓ፡ ገጹኒ፡ ለላሊበላ፡
| ስዑል፡ ውስተ፡ ልበ፡ መስቀል፡ ክብራ፡ ወመልክዓ፡ ገጻኒ፡ ስዑል። ውስተ፡ ልበ። ላሊበላ።
ወባሕቱ፡ ተረሐቁ፡ እምዓይነ፡ ሥጋ። እንዘ፡ ኢይትረኃቁ፡ በዓይነ፡ ሕሊና፡ ዘበሃይማኖት። ወፈነወቶ፡ ለብእሲሃ። እንዘ፡
ትብሎ፡ ወኀበ፡ በጽሐከ፡ መካናተ፡ ወሀብ፡ አማኅከ፡ አብያተክርስቲያናት። ዝክራ። ለመትከ። ወኢትርስአኒ፡ በጊዜ፡ ታዜክራ፡
ለነፍስከ፡ እስመ፡ ኀብለ፡ ፍቅርነ፡ ኢተበትከ። በመጥባሕት። ወኰኵሐ፡ ኪዳንነ። ኢይትወቀር፡ በመጽሐፍ፡ ወበመፍጽሕ።
ወበእንተዝ። ረስየኒ፡ ከመ፡ እንተ፡ ነፍስከ። ወሥጋከኒ። እስመ፡ አሐዱ፡ አባል፡ ንሕነ። ወኢኮነ። ክልኤተ፡ በከመ፡
ክርስቶስ፡ አሐዱ፡ ምስለ፡ ቤተ፡ ክርስቲያኑ። አንብረኒ፡ ከመ፡ ሕልቀት፡ ውስተ፡ ልብከ። ወከመ፡ ማዕተብ፡ በመዝራዕትከ።
ወሊተሰ። ሐዘን፡ ወውእቱ፡ ስቲየ፡ ሲሳይየ፡ ወአንብዕ፡ ውእቱ፡
| ስቲየ፡ እስከ፡ አመ፡ እሬስየከ፡ ወእሬእየከ፡ ዳግመ፡ ወዘንተ፡ ብሂላ፡ አርመመት። እንዘ፡
ይውኅዝ፡ አንብአ፡ ዲበ፡ መልዕልቲሃ፡ ወያንጠበጥብ። ውስተ፡ ዕንግድዓቲሀ፡ ወይሰወጥ፡ ወይሰወጥ፡ ዲበ፡ ኅባኔ። መልበሱ፡
ወይወርድ፡ ውስተ፡ ምድር፡ ወያርኅስ፡ መሬተ፡ ወይሬሲ፡ ፅቡረ፡ ውኂዘ፡ አንብዓሃ። እምብዝኃ፡ ፍቅሩ፡ ለምታ፡ ወውእቱሂ።
አውሥአ፡ ወይቤላ፡ እመሰ፡ ረሰይኩኪ፡ ለትርአኒ፡ የማንከ፡ ወየማንየ። ወይጥጋዕ። ልሳንየ፡ በጒርዒየ። ለእመ፡
ኢተዘከርኩኪ፡ እኅትየ። ፍቅርትየ። ወኀበ፡ በጻሕኩሂ። መካናት። ወአማኅኩ፡ መቅደመ፡ ኵሉ፡ አምኆትየ፡ ይኵኪ፡ ለኪ፡
ወዘሰዓምሂ። ከናፍየ፡ ይኩንኪ፡ ከመ፡ ዘሰላመ፡ ከናፍርኪ። እመሂ፡ አንብዓ፡ አዕይንትኪ፡ አዕይንትየ፡ ይኩን፡ ከመ፡
ዘአንብአ፡ አዕይንትኪ፡ ወኵሎ፡ ምግባራተ፡ ሠናይ፡ ዘገበርኩ፡
| ይኩን፡ ክፍለ፡ ምስሌየ፡ በኵሉ፡ ገጽከ። እስመ፡ አሐዱ፡ አባል፡ ንሕነ፡ በከመ፡ ትቤለነ፡ ለሊከ፡
እሙን። ውእቱ፡ ወኢኮነ፡ ሐሰተ፡ ወዘንተ፡ ብሂሎሙ፡ ተፈነው፡ ክልኤሆሙ፡ ወላሊበላሰ፡ ሖረ። ምስለ፡ ገብርኤል፡ ውስተ፡
ፍኖተ፡ ኢየሩሳሌም፡ በዘተአዘዘ። ለነጊድ፡ ወለመስቀል፡ ክብራኒ። ወሰደ፡ ሚካኤል፡ ተመሲሎ። ከመ፡ አሐዱ፡ እምነ፡
ወራዙት። ወአብጽሐ፡ ኀበ፡ አንስት። ኄራት። ወአማኅፀና፡ ኀቤሆን። እንዘ፡ ይብል፡ ዕቀባ፡ ሊተ፡ ኦእኁየ፡ ወእኁየ፡
ወእኅትየ። ፍቁራተ፡ እግዚእ፡ ዘንተ፡ ወለተ፡ በእንተ፡ ፍቅረ፡ እግዚአብሔር። እስከ፡ እትመየጥ፡ በጽሕየ፡ ኀበ፡
ዘፈነወኒ። አምላክክን፡ ወእማንቱሂ። አውሥአሁ፡ እንዘ፡ ይብላ፡ አይቴኑ፡ [ተው]፡ ተሐውር። ኦእግዚእነ፡ ሠናይ፡ ራዕይ፡
ወጥዑመ፡ ልሳን፡ እስመ፡ ጊዜ፡ እምጊዜ፡ ርኢናከ፡ ተሰውጠ፡ ፍቅርከ። ውስተ፡ ልብከ፡ እስከ። እመአመ፡ ኮነ፡ ኢርኢነ፡
ዘከማከ፡
| ዘይጥዕም፡ ራዕዩ፡ ወኢድም፡ ቃሉ። እስመ፡ ራዕይ፡ ዘአከሰ፡ ንሬኢ። ያዜክር፡ ራዕዮ፡ ወላሕዮ፡
[መ]፡ ለመርዓዊ፡ ሰማያዊ። ዘአልቦ፡ ጥልቀት። ውስተ፡ መርዓዊሁ፡ ወውስተ። መርዓሁ። ወውእቱሰ፡ መልአክ፡ ዘስሙ፡ ቅዱስ፡
ሚካኤል፡ ዘአስተርአዮን። በአምሳለ፡ ወሬዛ። ይቤሎን፡ ለእማንቱ፡ ለአንስት፡ ሰአልናሁኪ፡ ለእግዚአብሔር። ከመ፡ ትኩኖ፡
ድልዋተ፡ ለውእቱ፡ መርዓዊ፡ ሰማያዊ፡ ዘአልቦ፡ ጥልቀተ፡ ውስተ፡ ከብካቡ፡ ዘይሴኒ። ላህዩ፡ እምውሉደ፡ ሰብእ፡ ወሊተሰ፡
ፈነወኒ፡ ወንሥአሃ፡ ወለዝቲኒ፡ እኅትክን፡ ተሀሉ፡ ምስሊክን። እስከ፡ እትመየጥ፡ ኀቢበ፡ ወኀቤክን፡ በጺሕየ፡
ኀበዘፈነወኒ። አምላክክን፡ ወይቢላሆን። ተወክፍ፡ ንሕነ፡ ለዛቲሰ፡ እኅትነ። ዘንሬእያ፡ ከመ፡ እኅትነ፡ አላ። ከመ፡
እግዚእትነ። እስመ፡ በከመ፡ ሞገስከ፡ ሞገሳ፡ ለዛቲኒ፡ በኀቤነ፡ ወዘንተ፡ ብሂሎ፡ አማኅፀና፡ ሚካኤል፡
| ለመስቀል፡ ክብራ፡ ኀበ፡ እማንቱ፡ አንስት። ወእምዝ፡ ተሰወሮን፡ ወሶበ፡ ይመጽእ፡ ወዘንተ፡
ወተከዘት፡ ወትካዝ፡ ለመስቀል፡ ክብራ፡ በእንተ፡ ተፈልጦ፡ ለምታ፡ ይመጽእ፡ ሚካኤል፡ ወያስተርኢ፡ ወያስተርእያ።
ወይናዝዛ፡ እስከ፡ ይረግዕ። ልባ፡ ወይትፌሣሕ፡ እምነ፡ ጣዕመ። ቃሉ፡ ዘያስተፌሥሕ። እምስታየ፡ ወይን፡ ወዘይጥዕም፡
እመዓር፡ ወሦከር። ወዘልፈኒ፡ ኢይትፈለጥ፡ እምኔሃ፡ በክበትሰ። ወባሕቱ፡ ሶበ፡ ትተክዝ፡ ይትከሠታ። ከመ፡ ይትናዘዘ፡
ልባ፡ በነጽሮቱ፡ ወበጣዕመ፡ ቃሉ፡ ህየንተ፡ ምንታ። ወገብርኤልሰ፡ ሊቀ፡ መላእክት፡ ዘመርሐ፡ ለላሊበላ፡ ወስደ፡ ውስተ፡
ኢየሩሳሌም፡ ከዊኖ። ከመ፡ አሐዱ፡ እምነ፡ ወራዙት፡ ሠናያነ፡ ራዕይ፡ ወምሉአ። ሞገስ፡ ወጽሑድ፡ በቅብአ፡ መለኮት፡
ወኢተፈልጠ፡ እምኔሁ፡ ኢመዓልተ፡ ወሌሊተ፡ ወኢተሰውሮሂ፡ ፍጹመ፡ አሐተ፡ ዕለተ፡ በውስተ፡
| ፍኖት፡ አላ፡ ገሀደ፡ ወያንሶሰው፡ ኅቡረ። ምስሌሁ፡ እንዘ፡ ይትናገሩ፡ ነገራተ፡ ምሥጢራተ።
ዘላዕሉየሂ፡ ወዘታሕቱሂ። ወያሥተፌሥሖ። በቃል፡ ጥዑም፡ ላሊበላ፡ እስከ፡ ይረስእ፡ ድካመ፡ ጠባይዕ፡ ዘውስተ፡ ፍኖት፡
ወሶበ፡ ይነብር፡ ምስሌሁ። ወሶበሂ፡ ይበልዕ፡ ይትመሰል። ከመ፡ ዘይበልዕ፡ ወሶበሂ፡ ይስቲ፡ ይትሜሰል፡ ከመ፡ ዘይስቲ፡
ወመብልዕሰ፡ ወመስቴ፡ ምድራዊት። ኢጥዕመ፡ ላሊበላሰ፡ ፍጹመ፡ ወእምአመ፡ ወጠነ፡ ሐዊረ፡ ኢየሩሳሌም፡ አላ፡ ሶበ፡
ይበጽሕ፡ ጊዜ። ድራር፡ ይጼልዩ፡ ክልኤሆሙ። ኅቡረ፡ ሰፊሆሙ። እደዊሆሙ፡ ወአንቃዕዲዎሙ። ላዕለ፡ ወሶበ፡ ይፌጽሙ፡ ጸልዮ፡
ወያስተጋብኡ፡ እደዊሆሙ፡ ወያትሕቱ፡ አዕይንቲሆሙ፡ ውስተ፡ ምድር፡ ይረክቡ፡ ማዕደ፡ ሥሩዓ፡ ወኅብተ፡ ፃዕደ። ከመ፡
በረድ፡ ወምውቅ፡ ከመ፡ ዘወፅአ፡ እምእቶን፡ በጊዜሃ፡ ወልምላሜሁኒ፡ ሠናይ፡ ጥዑም፡
| ወጽዋዐኒ፡ ፃዕድ፡ ከመ፡ ሐሊብ፡ ወጥላሊሁ፡ ሠናይ፡ ፈድፋደ፡ ወያሥተፌሥሕ፡ ልበ፡ ወይኢድም፡
ለአይንት። ወኅብስትኒ፡ ያጸግብ፡ በነጽሮ፡ ወጽዋዑኒ፡ ያረዊ፡ ወበርእዮ። ወላሊበላሰ፡ ይሴሰይ። በከመ፡ ልማዱ፡ ወከመ፡
ልማደ፡ ጠባይዑ። ወገብርኤልሰ፡ ይትሜሰል። ከመ፡ ዘይበልዕ፡ ወይሰቲ። ምስሌሁ፡ በእንተ፡ አፍቅሮቱ፡ ወላሊበላሰ፡
ወበለዖሙ፡ ወስቲዮሙ። ወዘተረፈ፡ ይትመየጥ፡ ወከመዝ፡ ይትወሀብ፡ ወይትወሀቦሙ፡ ዘልፈ፡ ወስተ፡ ጠፈረ፡ ቤትየሂ፡ ኢይባዕ፡
እስከ፡ በጽሐ፡ ኀበ፡ ሊቀ፡ ጳጳሳት፡ ወእምዝ፡ እንዘ፡ ያንሶሰው። አሐተ፡ ዕለተ፡ ወይቤሎ፡ ለላሊበላ። ለገብርኤል፡
ለምንትኑ። እግዚእየ፡ ኢትገብር፡ ሊተ። በከመ፡ ነገበርከ፡ ሊተ፡ አመ፡ አዕረግከኒ። ውስተ፡ ሰማይ። አሜሃሰ፡ ጾርከኒ፡
በአክንፍከ፡ ብሩሃት። እስከ፡ አብጽሕከኒ፡ ውስተ፡ ኵሎን፡ ሰማያት፡ ወአርአይከኒ፡ ኵሎ፡ ምሥጢራተ፡
| ብርሃናተ፡ መጠነ፡ እክል፡ ወይቤሎ፡ ገብርኤል፡ አኮ፡ ኵሎ፡ ዕለተ፡ ይትዌለጥሑ። ቅዱሳን፡ ሰብእ፡
ዲበ፡ አክፈ። መላእክት፡ ወአኮ፡ ኵሎ፡ ዕለተ፡ ወይጼዓን፡ ወይጼኑ፡ ደመተ። ወሐዋርያ[ሂ]ትኒ፡ አኮ፡ ኵሎ፡ ዕለተ፡
ዘይትመስጡ፡ በደመናት፡ አላ፡ ሶበ፡ ያንሶስው። በአእጋሪሆሙ። እስከ፡ ይረክብ፡ ፃማ፡ ዓቢየ፡ እምድካመ፡ ፍኖት፡ ከመ፡
ይፈደፍድ፡ ዓቢየ፡ አስቦ፡ ሩጻቶሙ። ወከመ፡ ይርከቡ፡ ምዝጋና። በኀበ፡ እግዚእ። እስመ፡ ተሣተፍዎ፡ ለፃማሁ፡ በዲበ፡
ምድር። እስመ፡ ተብሕለ፡ በእንቲአሁ፡ ድካመሂ። ወረኅብሂ፡ ወጽምአሂ፡ ከመ፡ ይፈጽም። ኵሎ፡ ግብረ፡ ትስብእተ፡ በእንተ፡
ፍቅረ፡ ሰብእ፡ ድካመ። እንዘ። እግዚአ፡ ኃይል፡ ረኃበ፡ እንዘ፡ መሴስይ፡ ለኵሉ፡ ጽምዓ፡ ዘይሁ ነቅዓ፡ ማየ፡ ሕይወት፡
ዘኢይጸምእ፡ ዘሰትዮ። ለዓ/ለ/ም። ወእሙንቱሂ። ከመ፡ ይትመስልዎ፡ ለእግዚኦሙ። ደክመሂ፡ ወርኅቡሂ፡ ጸምዑ ወእምድኅረስ፡
ተወክፉ፡ ኵሎሙ፡
| ምንዳብያተ፡ ወዘፍኖትሂ፡ ዕፁበ፡ ተውህቦሙ፡ ስልጣነ። ከመ፡ ይፂዓኑ፡ ዘባነ፡ ደመናት፡
ወተውህቦሙ፡ አክሶስያ፡ ከመ፡ ይትዋክሑ፡ ላዕለ፡ አክናፈ፡ መላእክት። ወአንተሂ። ተዓገሥ፡ ኦብእሴ። አምላክ፡ ወአጥብዕ።
በከመ፡ እሙንቱ፡ አጥብዑ፡ ከመ፡ ትፈጽም፡ ኂሩተከ፡ ዘተፈነውከ። በእንቲአሃ። ወፈድፋደሰ፡ ኢሰማዕከኑ፡ ዘረከበት።
እግዚእትነ፡ ትምክህተ፡ ሰማያት፡ ወምድር፡ እም፡ መላእክት፡ ፃማ፡ ዓቢይ፡ ወድካም፡ ብዙኅ፡ ወሐዘን፡ ዕፁብ፡ ወአንብዕ፡
መሪር፡ አመ፡ ጐየት። እምገጸ፡ ሄሮድስ። ሶበ፡ አዘዘ፡ ከመ፡ ይቅትሉ፡ ሕፃናተ፡ ዘክልኤተ፡ ዓመተ፡ ዘይንዕስሂ። እምኔሁ፡
እንዘ፡ ተሐውር፡ በጐዩይ፡ እምኢየሩሳሌም። ውስተ፡ ምድረ፡ ግብጽ፡ ምስለ። ዮሴፍ። አረጋዊ፡ ምስለ፡ ሰሎሜ፡ ረከቦሙ፡
ዓቢይ፡ ምንዳቤ፡ ወሐዘን፡ ገዓር፡ ወዓንብዕ፡ ብዙኅ፡ በውስተ፡ ፍኖት፡ አኮ፡ ከመከ፡ ዘአንሶስወት፡ በፍሥሐ፡ አላ፡
በላሕ፡ ዕፁብ፡
| ወሶበ፡ ትበኪ። በእንተ፡ ዮሴፍ፡ አረጋዊ፡ ሶበ፡ ይት፡ ይደክም፡ ወሑረ፡ ቦቶሙኒ፡ በጕጕዓ፡
ወሶበ፡ ወርኅቡ፡ ወጸምዑ፡ ወዮሴፍ፡ ወሰሎሜ። ወቦ፡ ወሶበ፡ ትደክም፡ ለሊሂኒ። ወሶበ፡ ወቦ፡ ሶበ፡ ትበኪ። በእንተ፡
ሕፃና፡ እስመ፡ ዘይመስል፡ ይፌኑ፡ ሄሮድስ፡ እምሐራሁ። ከመ፡ ይዴግንዎሙ፡ ወየአሐዝዎሙ፡ ወቦ፡ አመ፡ አብከይዋ። ፈያትኒ፡
አመ፡ ነሥኡ፡ አልባሲሃ፡ ወልብሰ፡ ወልድ፡ ወሶበሰ፡ ርኢከ፡ አንተሂ፡ እምበይከ፡ ብዙኃ። ርኢከ፡ ሐዘና፡ ለድንግል።
ወሶበ። ይቤሎ፡ ከመዝ፡ አውሐዘ። አንብዖ፡ ዲበ፡ መላትሒሁ። እስከ፡ አሐሰ፡ ምድረ፡ ውኂዘ፡ አብዑ፡ ወሶበ፡ ርእዮ።
ገብርኤል፡ ለላሊበላ። እንዘ፡ ይበኪ፡ ይቤሎ፡ ሶበሰ፡ ርኢከ፡ አሜሃ። እንዘ፡ የዓውድ፡ ሐዘን፡ ወድንጋፄ፡ በዲበ፡
ድንጋፄ። በእንተ፡ ሕፃና። ወአንተኒ። ሶበ፡ ርኢከ፡ እምአፈድፈድከ፡ ብካይ፡ ኅድግሰ። ሰብእ፡ ዘ/ደ/ም፡ ነፍስ፡
አዕባንኒ፡ ይቡስን፡ እምበክዩ፡ ሶበ።
| ቦሙ፡ ልበ፡ ወአንሰ፡ ርኢክዋ፡ ለላሊበላሰ፡ አንሰ፡ እንዘ፡ ዲበኪ፡ ይቤሎ፡ ሶበስል ርኢኪ፡
አሜሃ፡ እንዘ፡ የዓውድ፡ ሐዘን፡ ወድንጋፄ፡ በዲበ፡ ድንጋፂ፡ በእንተ፡ ሕፃና። ወአንተኒ፡ ሶበ፡ ርኢከ፡ እምአፈድፈድከ።
ሶበ፡ ቦሙ፡ ወአንሰ፡ ርኢክዋ፡ ለላሊበላ፡ ወአሜሃኒ። እስመ፡ ምስሌሃ፡ ሀሎኩ፡ አንሶሱ። አነ፡ ውእቱ፡ ገብርኤል፡
ዘአስተርአይክዋ። ለዮሴፍ፡ በሕልም። ከመ፡ ይንሣእ፡ ሕፃነ፡ ወእም፡ ይሑር፡ ምድረ፡ ግብጽ፡ ወዘንተ፡ እንዘ፡ ይብል፡
አንበስበስ፡ ብርሃኑ፡ በቅድመ፡ ላሊበላ፡ ወአንበልበለ፡ አክናፊሁ። እስመ፡ ቅድሙስ፡ በአምስለ፡ ወሬዛ። ሠናየ፡ ሠናየ፡
ራዕይ። ነበረ፡ እንዘ፡ ይመርሖ፡ ወይናዝዞ፡ ወያሥተፌሥሖ፡ በቃለ፡ ኑዛዜሁ፡ ወአሜሃኒ፡ በጊዜ፡ ተወለጦ፡ በከዊነ፡
መልአክ። በአምጣነ፡ ይክል፡ ነጽሮቶ፡ ላሊበላሰ። ወሶበሃ፡ ጾሮ፡ በአክነፉ፡ ብሩሀት፡ ወአብጽሖ፡ ውስተ፡ ዲዲሁ፡ ለሊቀ፡
ጳጳሳት። ወአንብሮ፡ ህየ፡ ንስቲተ፡ ቦአ፡
| ውእቱ፡ መልአክ፡ ኀበ፡ ሊቀ፡ ጳጳሳት፡ ወዜነ፡ ዎ፡ ህላዊሁ፡ ወኵሎ፡ ምግባራቲሁ፡ ወፍናዊ፡
ለላሊበላ፡ ወውእቱሂ፡ ዘከመ፡ ተአዘዘ፡ ከመ፡ ይዕቀቦ። በኵሉ፡ መዋዕሊሁ፡ ወይቤሎ፡ ሊቀ፡ ጳጳሳት፡ ወአንበሮ፡ ለውእቱ፡
መልአክ፡ እምአይቴኑ፡ ኦእግዚእየ፡ ዘከመዝ፡ ብእሲ፡ ዘኮነ፡ ዘውገ፡ መላአክ፡ መላእክት። እስከ፡ ትዌድስ፡ አንተ፡
እግዚእየ፡ ወተሰጥዎ፡ መልአክ፡ ለውእቱ። ብእሲ፡ ሊቀ፡ ጳጳሳት፡ ወይቤሎ፡ ኢትዮጵያዊ፡ ወውእቱ። ወትትርፍ፡ ወትሩፍ፡
ብእሲ፡ ፈድፋደ፡ ወቦቱ፡ ሞስ፡ በኀበ፡ እግዚአብሔር፡ ወበቅድመ፡ መላእክቲሁ፡ ወነገሮ። ዘከመ፡ ርእየሂ፡ ምሥጢራተ፡
ሰማይ፡ ዘከመ፡ ተቀብዓሂ፡ ቅብዓ፡ መንግሥት፡ እምኀበ፡ እግዚአብሔር። ወዘከመሃ፡ ሀለዎ፡ ከመ፡ ይኅንጽ፡ ወይሕንጽ፡
ኣብያተ፡ ክርስቲያናት፡ እንበለ፡ ዕፅ፡ ከመ፡ ወመ፡ ወመሬት፡ ዘበእንቲአሆን፡ ተቀብዓ፡ ለንግሥ፡ ወዘንተ፡ ሰሚዖ፡ ሊቀ፡
ጳጳሳት፡ ወእምነ፡ መልአክ፡
| ይሴብሐ፡ ለእግዚአብሔር፡ እንዘ፡ ይብል፡ ቡሩክ። አንተ፡ እግዚኦ፡ እምቅመ፡ ዓለም። ወእስከ፡
ለዓለም። ወይትባረክ። ስመ፡ ሰብሐቲከ፡ ዘኢኀደገ፡ ዓለመከ፡ እንበለ። ኅሩያኒከ። በውስተ፡ ኵሉ፡ ሀገር፡ ወበውስተ፡ ኵሉ፡
አኅጉር፡ በከመ፡ ትቤ፡ ለሊከ፡ አማን፡ እብለከ፡ ኢይትፌጽማ፡ አህጕረ፡ እስራኤል። እንበለ፡ ኅሩያኒሁ፡ ዘበእንቲአሆሙ፡
ወይወርድ፡ ጠል፡ ዘበእንቲአሆሙ፡ ይትባረዩ፡ መያጤ፡ አዝማን፡ ወአዝማነ። ክረምት። ምስለ፡ ሐጋይ፡ ወመጸው፡ ምስለ፡
ፀዳይ፡ ዘበኃይለ፡ ጸሎቶሙ፡ ይጸንዕ፡ ሀገር፡ ወበኃይለ፡ ጸሎቶሙ፡ ትሁብ፡ ዕፀወ፡ ገዳምኒ፡ ይፈርዩ። በዝናመ፡
ትንብናሆሙ። ወይሁቡ፡ ፍሬ፡ በበጊዜሁ። ወበበአምሳሊሁ፡ ወበበአስካሊሁ። ወይእዜኒ፡ ኢትኅድግ፡ ለዓለምከ፡ እንበለ፡
ኅሩያኒከ፡ ወቤተ፡ ክርስቲያንከ፡ ወለምዕመናኒከ፡ ወላእካኒከ፡ ወኖሎተ፡
| መርዔትከ፡ ኢታሲሰል፡ እምልበ። እለ፡ የአምኑ፡ ብከ፡ ለከ፡ ይደሉ፡ ስብሐት፡ በጽዮን፡ ወለከ፡
ይትፌኖ። ጸሎ በኢየሩሳሌም። ለዓለመ፡ ዓለም፡ አሜን። ወዘንተ፡ ብሂሎ፡ ሊቀ፡ ጳጳሳት፡ ወፅአ፡ ኣፍኣ፡ ውስተ፡ ዲዱ፡
ኀበ፡ ሀለወ፡ ላሊበላ። ወሶበ፡ ርእዮ፡ ላሊበላ፡ ወድቀ፡ ውስተ፡ ምድር። እንዘ፡ ይሰግድ፡ ሎቱ፡ ለሊቀ፡ ጳጳሳት።
ወሰፍሐ፡ እደዊሁ፡ ሊቀ። ጳጳሳት፡ ወአውሥኦ፡ ወሐቀፎ፡ ክሣዶ፡ ወአምኆ፡ በፍሥሐ። እንዘ፡ ይብል። በብሩህ፡ ገጽ፡
ወበፍቅር። ዓቢይ፡ ወበቃል፡ ጥዑም። እንዘ፡ ይብል፡ ለምንት፡ ትሰግድ፡ ሊተ፡ ወርቱዕሰ፡ ንሰግድ፡ ለከ፡ ንሕነ። እስመ፡
ተሰምዓ። ጸሎትከ፡ ወበኀበ፡ ሰማያዊ፡ ሰማያውም፡ ወምድራውያን፡ ወዘንተ፡ ብሂሎ፡ ሊቀ፡ ጳጳሳት፡ አዘዞሙ። ለእለ፡ ሀለው፡
ምስሌሁ፡ ከመ፡ ይስግዱ። ወይቤሎሙ፡ ስግዱ፡ ታሕተ፡ እገሪሁ፡ ለዝንቱ፡ ብእሲ፡ ቅዱስ፡ ወኅሩይ። ከመ፡ ትንሥኡ፡ በረከቶ፡
መሲ?ሁ፡ ለእግዚአብሔር፡
| ውእቱ። ዘበላዕሌሁ፡ ቅብዓ፡ መንግሥት፡ መንፈሳዊ፡ ወአኮ፡ ሥጋዊ። ወሶበ። ይቤ፡ ከመዝ፡ ሊቀ፡
ጳጳሳት፡ አትሐቱ፡ አርእስቲሆሙ፡ ታሕተ፡ መከየዱ። እንዘ፡ የኃሥሡ፡ ጸበለ፡ እገሪሁ። ወእንዘ፡ ይብሎ፡ ለትኩነ፡ ዛቲ፡
ጸበልከ፡ ከመ፡ መሬት፡ ዘረሰያ፡ እግዚእነ፡ ጽቡረ፡ በምራቁ፡ ቅዱስ፡ ወጸገዎ፡ ብርሃነ፡ ለዘዕውሩ፡ ተወልደ፡ ቀቢዖ፡
ኪያሁ፡ በይእቲ፡ ዕለት፡ ፅቡር። ወለነኒ፡ ለይኵነነ፡ ከማሁ፡ ዝንቱ፡ ጸበለ፡ እገሪሁ፡ ወይክሥት፡ አዕይንተ፡ ልበነ፡
ዘ?ጸልመ፡ በኃጢአትነ። ለላሊበላ፡ ከመ፡ ይከልዖሙ፡ ከመ፡ ኢይግሥሡ፡ እገሪሁ። እንዘ፡ ይብል፡ ለምንት፡ ትጻምው፡
በገሢሠ፡ እግርየ፡ ዘኢሮጸ፡ እስከ፡ ይእዜ። ውስተ፡ ፍኖተ፡ ሰላም፡ ዘእንበለ፡ ውስተ፡ ፍኖተ፡ ሰላም፡ ዘእንበለ፡ ፍኖተ፡
ኃጢአት። ወከመዝ። ይብል፡ እንዘ፡ ያቴሕት፡ ርእሶ። ወእምዝ፡ አዘዞሙ፡ ሊቀ፡ ጳጳሳት፡ አላ፡ ከመ፡ የመጽኡ፡ ማየ፡
ወአብኦሙ፡ ውስተ፡ ቤቱ፡ ወሐፀቦ፡ እገሪሁ፡
| ለላሊበላ፡ ወተቀብዓ፡ ለሊሁ፡ ሊቀ፡ ጳጳሳት፡ በኀበ፡ እገሪሁ፡ ለላሊበላ፡ ወንዝሆሙ፡ ካበ፡
ለኵሎሙ፡ ሰብአ፡ ቤቱ። ወለእለሂ፡ ደዌ፡ ረቀዮሙ። በውእቱ፡ ማይ፡ ወሐይው። እምደዊሆሙ፡ በኃይለ። ጸሎቱ። ለላሊበላ።
ወእምድኅረዝ፡ ነበሩ፡ ሊቀ፡ ጳጳሳት። ወላሊበላ። ባሕቲቶሙ። እንዘ፡ ይትናገሩ፡ ዕበያተ። እግዚአብሔር፡ ወተስዕሎ፡ ሊቀ፡
ጳጳሳት። ለላሊበላሰ፡ ዘከመዝ። እፎ፡ ምክንያት፡ ምጽአቱ፡ ወዘከመ፡ እፎ፡ ፃመወ፡ በፍኖት፡ ወነገሮ። ኵሎ። ወዘከመሂ፡
ይበጽሕ። ኢየሩሳሌም። ወእምድኅረሂ። አቅረቡ፡ ሎሙ፡ ማዕደ፡ ወበልዑ። ወስትዩ፡ ወቤቱ። እንዘ፡ ይትናገሩ፡ ዕበያተ።
እግዚእ፡ ወተሰናአሉ፡ በሳኒታ፡ ለሊቀ፡ ጳጳሳት። እንዘ፡ ይስግድ፡ ሎቱ። ወይቤሎ፡ ባርክ፡ ሊተ፡ ፍኖትየ፡ ኦአቡየ፡
በትረ፡ ያሬክ፡ አበ፡ ኵሉ፡ ዓለም። ወውእቱሂ፡ ሊቀ፡ ጳጳሳት፡ ወአውሥኦ፡ በቃለ፡ ቡራኬ። እንዘ፡
| ይብል፡ ዘረከበ፡ ወዘባረከ፡ ፍኖቶ፡ ለያዕቆብ። ወዘይቤሎ፡ ኢትፍራህ። ወሪደ፡ ግብጽ። እስመ፡
ሀለውኩ። ምስሌከ፡ ውእቱ፡ የሀሉ፡ ምስሌከ፡ ይባርክ፡ ፍኖተከ። ወዘመሐርከ፡ ወዘመርሆሙ። ለእስራኤል። መዓልተ፡ በደመና፡
ወሌሊተ፡ በብርሃነ። እሳት፡ ውእቱ፡ ለይምራ/ሕ/፡ ወይምራሕ። ወይስራኅ፡ ወያበርህ፡ ፍኖተከ፡ ወይትወከፍ፡ ንግዳተከ።
ወዘንተ፡ ብሂሎ፡ ፈነዎ፡ ለሊቀ፡ ጳጳሳት። እንዘ፡ ይቴክዝ፡ በእንተ። ተፈልጦቱ። እስመ፡ ማዕድም። ውእቱ፡ ላሊበላ፡
በቃሎኒ፡ ወበምግባሩኒ። ወበራዕዩኒ፡ ፍሥሐሑ። ወግሩም። ወሶበ፡ ርሕቀ፡ ንስቲተ። እምሊቀ፡ ጳጳሳት፡ ፀሮ፡ ገብርኤል፡
በክነፈሁ፡ ብሩሀት። ወወሰዶ። ወአብጽሖ፡ ሀገረ፡ ኢየሩሳሌም፡ ወአርአዮ፡ ኵሎ፡ መካናተ፡ ኀበ፡ ተሰብአሂ፡ ወኀበ፡ ገብረ፡
ተአምራተ፡ ወመንክራተ፡ በአጽግቦ፡ ኃምስቱ፡ ምዕት፡ ብእሲ፡
| ወብእሲ፡ ወኀበ፡ ተወለጠ፡ ራዕዩ፡ ወኀበ፡ ተሰቅለ። ወኀበ፡ ተቀብረ፡ ወመከናሂ። አንተ፡ እምኔሃ፡
ዓርገ። ውስተ፡ ሰማይ፡ ወኵሎሙ፡ መካናተ፡ ምሥጢር፡ አርአዮ። እንዘ። ይብሎ። ለቡ፡ እሎንተ፡ መካናተ። ዘከመ፡ እፎ፡
ኑባሬ፡ ሥርዓት፡ እስመ። በእንተዝ፡ ተፈነውኩ፡ ዝየ። ወወሰዶ፡ ከዕበ፡ ኀበ፡ ፈለገ፡ ዮርዳኖስ። ዘተጠምቀ። ቦቱ፡
እግዚእነ። ቦቱ፡ ወርእየ፡ ወውእቱኒ። ማየ። ዮርዳኖስ፡ ወተሐጽበ፡ ቦቱ፡ ወሰትየ፡ እምኔሁ። ወይቤሎ። ገብርኤል። ዘንተሰ፡
ኵሎ፡ መካናተ። ምሥጢራተ፡ ምሥጢር፡ ዘእግዚእ። አርአይኩከ። ወአኮ። በዝ፡ ይፌኢ፡ ዘይፌጽም፡ አላ፡ ለሊሁ። እግዚእ፡
ያርአየከ። ኵሎ፡ ግብረ፡ ትስብእቶ፡ ዘተወክፈ፡ በዛቲ። ሌሊት፡ ይመጽእ፡ ኀቤከ። ወይከሥት፡ ለከ። ዘከመ፡ ተወልደ።
ወዘከመ፡ ተጥመቀ፡ ወዘከመ፡ ኮነሂ፡ በጊዜ፡ ልደቱ፡ ወበጊዜ፡ ጥምቀቱ፡ እምሰባሔ፡
| መላእክት፡ ወትሬኢ፡ ካዕበ፡ ዘከመ፡ ቀተልዎ፡ ወዘከመ፡ ተስአልዎ፡ ሊቃነ፡ ካህናተ፡ ወረበናተ፡
አይሁድ። ወዘከመ፡ ኰርዕዎ፡ ርእሶ፡ በሕለት፡ ወዘከመ፡ ጸፍዕዎ፡ መላትሒሁ። እንዘ፡ ይዘነጕግዎ፡ ወይብልዎ፡ ተነበይ፡
ለነ፡ ክርስቶስ፡ መኑ፡ ዘጸፍኣከ። ወዘከመ፡ አልበስዎ፡ አልባስ፡ ቀይሕ። ወከመ፡ ወረቁ። ውስተ፡ ገጹ። ምራቀ፡ ርከሰ።
ወዘከመ፡ አዕረቅዎ፡ ዲበ፡ መስቀል፡ ዕራቆ፡ ፈጺሞሙ። ላዕሌሁ፡ ኵሎ፡ ዝንጓጓ፡ ወጸረፈተ፡ ወጽርፈተ፡ ዘከመ፡ አኃልዮሙ፡
ሰይጣን፡ ወዘከመ፡ ተካፈሉ፡ አልባሲሁ፡ ዓርባዕቱ፡ ሐራ። ወዘከመ፡ ተዓጸው፡ ዲበ፡ አራዙ። ወዘከመሂ፡ ፀሪ፡ ጸልመ፡
[ወይቀ]፡ ፀሐይ፡ በጊዜ፡ ስቅለቱ። ወዘከመ፡ ኮነ፡ ወርኅ፡ ደመ። ወዘመ፡ ወድቁ፡ ከዋክብት፡ ወዘከመ፡ ኮነ፡ ሠለስተ፡
ሰዓተ፡ እምጊዜ፡ ስድስቱ፡ ሰዓት። እስከ፡ ተሰአቱ፡ ሰዓት። ወዘከመሂ፡ በከዩሂ፡ ሰማያት። ወምድር፡ በእንተ፡
| እግዚኦሙ፡ እስመ፡ ርእይዎ፡ ስቁለ፡ ሰቁለ። ወቅንወ፡ በሐፃንተ፡ መስቀል። ወዘከመ፡ ውኅዘ፡ ደም፡
በዲበዲበ፡ ደም፡ ደመ፡ ርእሱ፡ እስከ፡ ያንጸፈጽፍ፡ እምአክሊለ፡ ሦክ፡ ዘአስተቀጸልዎ። ወደም፡ ወበደመ፡ ቅሥፈታት፡
እምዘባኑ፡ እስመ፡ ብዙኃን፡ ቀሰፍዎ፡ ወደመ፡ ቅንዋትኒ። እምእደዊሁ፡ ወገሪሁ። እስመ፡ በኃይል፡ ቀነውዎ፡ ወደመ፡
ገቦሁኒ፡ ዘይውኅዝ፡ እስመ፡ በኪናት፡ ረገዝዎ። ወዘከመ፡ ወፅአት፡ ነፍሱ። እም፡ ሥጋሁ። ወዘከመ፡ አውረድዎ። እምዲበ፡
መስቀል፡ ወዘከመ፡ ገነዝዎ፡ በሰዱናት። ወዘከመ። ቀበርዎ፡ ውስተ። መቃብር። ወዘከመ፡ አኅዝዎ፡ ወኀተምዎ፡ በዕብነ፡
ማኅተሞሙ፡ ለአይሁድ፡ ወዘከመ፡ ወረደ፡ ለሊሁ፡ ውስተ፡ ሲኦል። በነፍስተ፡ ሥጋሁ። ዘከመ፡ አውጽኦሙ፡ ለአዳም፡ ወለደቂቁ።
እምኔሃ። ወዘከመ፡ ተንሥአ፡ እሙታን፡ አመ፡ ሣልት።
| ዕለት፡ ወዘከመ፡ ዓርገሂ፡ ወዘከመ፡ ነበረ፡ እምድኅረ፡ ትንሣኤሁ፡ ወዘከመ፡ ዓርገሂ፡ በሰረገላ፡
ብርሃን። ዘንተ፡ ኵሎ፡ ያርእየከ፡ በዛቲ፡ ሌሊት። መጺኦ፡ እግዚአ፡ ሰማያት፡ ወምድር። እስመ፡ በእንተ፡ ፍቅሩ፡ ነገድከ።
እስከ፡ ዝየ፡ ወውእቱሰ፡ ይመጽእ፡ በእንተ፡ ፍቅርከ። ከመ፡ ይፈጽም፡ ተምኔተከ፡ ወንግደተከ፡ ይክሥት፡ ለከ። ኵሎ።
ግብረ፡ ትስብእቱ። ከመ፡ ያሥተፌሥሐከ፡ ልበከ፡ በነጽሮ፡ ምሥጢራቲሁ[ከ]፡ ወዘንተ፡ ኵሎ፡ እምድኅረ፡ ነገሮ። ገብርኤል።
ለላሊበላ። ተንሥኡ። ከመ፡ ይጸልዩ፡ በጊዜ፡ ተስአቱ፡ ድራር። ወሶበ፡ ፈጸሙ፡ ጸሎቶሙ፡ ረከቡ። ማዕደ፡ ሥሩዓ፡ ወጽዋዓ፡
ምሉዓ፡ ዘነበሩ። እንዘ፡ ይሴሰዩ፡ በውስተ፡ ፍኖት። እስከ፡ አመ፡ በጽሑ፡ ኀበ፡ ሊቀ፡ ጳጳሳት፡ ኢበልዑ፡ እክለ፡ ምድር።
እም፡ አመ፡ ወጠኑ፡ ሐዊረ፡ ፍኖተ፡ ኢየሩሳሌም። ወሶበ፡ ርእዩ፡
| ውእቱ፡ ኅብስተ። ወጸዋዓ፡ በልዑ፡ ነሥዑ፡ በአዕኰቶ። ወበልዑ፡ ወሰትዩ። ወዘረፈ፡ ተመሥጠ፡
ዘልፈ፡ ይትመሰጥ። ወእምዝ፡ ኖመ፡ ላሊበላ። ንስቲት። ወገብርኤልኒ፡ ይትመሰል፡ በከመ፡ ኵሎ፡ ዘገብረ፡ ላሊበላ፡ ወሶበ፡
ይበልዕሂ፡ ይትሜሰል። ከመ፡ ዘይበልዕ፡ ወሶበሂ፡ ይሰቲ፡ ይትሜሰል። ከመ፡ ዘይስቲ። ወሶበ፡ ይነውምሂ፡ ይትሜሰል።ከመ፡
ዘይነውም፡ ወላሊበላሰ። ሶበ፡ ኖመ፡ ንስቲተ፡ መጽአ፡ ኀቤሁ። እግዚእነ፡ ኢየሱስ፡ ክርስቶስ፡ በራዕየ፡ ሌሊት፡ ወአርአዮ፡
ኵሎ፡ ግብረ፡ ትስብእቱ። በከመ፡ ነገሮ፡ ገብርኤል፡ ወዘተረፈሂ፡ እምዘ፡ ነገሮ፡ ከሠተ፡ ሎቱ፡ ኵሎሙ፡ ምሥጢራቲሁ፡
ወላሊበላሰ፡ ፈጺሞ፡ ኵሎ፡ ራዕያተ፡ ዘርእየ፡ በንዋሙ፡ ነቅሐ፡ ወከልሐ፡ በዓቢይ፡ ቃል። እንዘ፡ ይበኪ። ወይቤሎ፡
ገብርኤል፡ ምንተ። ኮንከ፡ ኦብእሴ፡ አምላክ፡ በእንተ፡ ምንት፡ ዘትበኪ፡
| 118 ወይቤሎ፡ ላሊበላ፡ በከይኩ፡ ኦእግዚእየ። እስመ፡ ርኢኩ፡ በዛቲ፡ ሌሊት፡ ኵሎ፡ ራዕያተ፡
ዘነገርከኒ፡ ትማልም፡ ወፈድፋሰ፡ አኀዘነኒ። ሶበ፡ ርኢኩ፡ ቅሥፈታቲሁ። ወበእንተዝ፡ በከይኩ። ነጽርየ፡ ኵሎ፡ ወኵሎ፡
ሰላቀ፡ ዘገብሩ። ላዕለ፡ እግዚእየ። ወይቤሎ፡ ገብርኤል፡ ኢተናዘዝከኑ። ሶበ፡ ርኢኩ፡ ትንሣኤሁ። ወይቤሎ። ለላሊበላ፡
ተፈሣሕኩ፡ በእንተ፡ ትንሣኤሁሰ። ወባሕቱ፡ ሶበ፡ ተዘከርኩ፡ ሕማማቲሁ፡ በከይኩ። እስመ፡ ዕፁበ። እስመ፡ ዕፁብሰ፡
ወክቡደ፡ ቅሥፈታተ፡ ተወክፈ፡ እግዚእነ። ወበእንተ፡ ፍቅረ፡ ዚአነ፡ ለሰብእ። ወእንዘ፡ ሰብእ፡ ዘንተ፡ ይትናገር፡
መጽአ። እግዚእነ፡ ኢየሱስ፡ ክርስቶስ። ተጺኢኖ፡ ዲበ፡ ደመና፡ ብርሃን፡ እንዘ፡ የአውድዎ። ኃይላቲሁኒ፡ ዑፁፋነ። እሳት፡
ወበርሐ፡ ውእቱ። መካን፡ እስከ፡ ስዕነ፡ ላሊበላ፡ ነጽሮ፡ እምነ፡ ጸዳሉ፡ ወሶበ፡ ርእየ፡ ግርማ፡ መንክረ፡ ወድቀ፡ ዲበ፡
ምድር፡
| በገጹ። ወሰፍሐ፡ እደዊሁ፡ እግዚእነ፡ ወአንሥኦ፡ ወአዕተተ፡ እምኔሁ፡ ፍርሃተ። ወይቤሎ፡ ሰላም፡
ለከ፡ ፍቁርየ፡ ኅሩይየ፡ ወጽሙድ። ታሕተ፡ አርዑተ፡ ወንጌልየ። ናሁ፡ ተወከፍኩ፡ ንግደተከ፡ ወአርአይኩከ። ኵሎ፡
ምሥጢራተ። ትስብእትየ፡ ዘበእንቲሃ፡ ረከብከ፡ ጸጋከ። እስመ፡ አነ፡ መጻእኩ፡ ኀቤከ፡ ውስተዝ፡ መካን፡ ከመ፡ ትትፈሣሕ፡
በነጽሮቱ፡ ወበነጽሮትየ። እስመ፡ በእንቲአየ። ነገድከ፡ ወአነሂ። አርአይኩከ፡ ትማልም። እስከ፡ በከይከ፡ ርእየከ፡ ኵሎ።
ወኵሎ፡ ክበደ፡ ቅሥፈታተ፡ ወኵሎ፡ ሰቅ፡ ሰላቀ፡ ዘገብሩ፡ ላዕሌየ። ነገደ፡ ሕዝበ፡ ዕብራዊያን። ወተፈሣሕከ፡ ካዕበ።
በእንተ፡ ትንሣኤየ። ወይእዜኒ፡ ተፈሣሕ፡ ኦጽየ፡ ልብ። ወንጹሐ፡ ሥጋ፡ እስመ፡ ናሁ፡ ረከብከኒ፡ ዘኀሠሥከኒ፡ ወከመዝ፡
እትራከቦሙ፡ ለኵሎሙ፡ ለእለ፡ የኃሡሡኒ፡ ወይእዜኒ፡
| ሰአለኒ፡ ዘትፈቅድ፡ ከመ፡ እግበር፡ እግበር፡ ለከ፡ ኵሎ፡ ተምኔተከ፡ ወወድቀ፡ ላሊበላ፡ ዲበ፡
ምድር፡ እንዘ፡ ይሰግድ፡ ለእግዚአብሔር፡ ወተንሢኦ፡ ወይቤሎ፡ ምንትኑ፡ እስእለከ፡ አነ፡ እግዚእየ። ቦኑ፡ ሕሊና፡
ስዕለትየ፡ ውስተ፡ ልብየ። ዘኢተአምር፡ አንተ፡ እምቅድመ፡ ሕሊና። ዘተአምር፡ ዘሀለወ፡ ሰብእ። ከመ፡ የሐሊ፡ እምቅድመ፡
ሕሊና፡ ዘትፈትን፡ ዘሀለዎ፡ ከመ፡ ይግበር፡ ሊተ፡ ወዘከመ፡ ትሬኢ። ሕሊና፡ ልብየ፡ ግበር፡ ሊተ። ዘከመ፡ ተአምር፡
ፈቃዶ፡ ስዕለትየ፡ ፈጽም፡ ሊተ፡ በሂሩትከ። እግዚእየ። ወይቤሎ፡ እግዚእ፡ ኵሉ፡ ናሁ። አንሰ፡ ዕብለከ። ኢይ፡ ዘኢይሄሱ፡
ቃልየ። ወኢይመጽእ፡ ወኢይኢምጽ፡ ኪዳንየ፡ ምስለ። ዓሠርቱ፡ ወክልኤቱ፡ አርዳዕየ፡ ይኵን፡ ማኀደርከ። ምስ፡ ወምስሌሆሙ፡
ይኵን፡ ክፍለ። ወክፍለከ፡ በኵሉ፡ ክብር፡ ወዘይትአመንሂ፡ በጸሎትከ፡ ወበክዕወተ፡
| ደሞሙ፡ ለጴጥሮስ፡ ወጳውሎስ፡ ይኩኖ፡ አሚኖቱ። እስመ፡ ፃማ፡ ፃመውከ። በከመ፡ ፃመው፡ እሙንቱ፡
በሐዊረ፡ ፍኖት፡ ወተሰደድከ። ካዕበ። በግፍዕ፡ እምነ፡ አዝማዲከ። እንዘ፡ ትትወከፍ፡ በግፍዕ። በአኰቴት፡ ወአነሂ፡
ተወከፍኩከ፡ ሰደተከ። ከመ፡ ስደተ፡ ጴጥሮስ፡ ወጳውሎስ፡ ወህየንተ። ደሞሙኒ፡ ረሰይኩ፡ ለከ፡ ኀበ፡ ጸማዕከ፡ ዘከ/ዓ/ው፡
ዘከዓው፡ በእንቲአየ፡ ወዘሂ፡ ጌሠ፡ ውስተ፡ መርጡልከ፡ ይኩን። ከመ፡ ይኩን፡ ዘጌሠ፡ ወውስተ፡ መቃብርየ፡ ወዘአምኃ፡
ዝክርከ፡ ኀበ፡ ይትቀበር፡ ሥጋከ፡ ይኩን፡ ከመ፡ ዘአምኃ፡ ዝኅርየሰ፡ ኀበ፡ ተቀብረ፡ ሥጋየ። ወዘይገብር፡ ተዝካረከ፡
በኵሉ፡ አውርኃ፡ አመት፡ ዓሠርተ፡ ወክልኤተ፡ አመታት፡ እምነ፡ ተዝካረ፡ ትስብእትየ፡ ወዘሂ፡ ወሀበ፡ እክለ፡ ለርኁባን፡
በእንተ፡ ተዝካር ወተዝካርየሂ፡ እሁቦ፡ አነሂ፡ መና፡
| ፯ መና፡ ኅቡአ፡ ወእምኅብስተ፡ ሰማይ፡ ወዘሂ፡ አስተየ፡ ለጽሙዕ፡ በዕለተ፡ ተዝካርከ፡ አነ፡
እሁቦ፡ ማየ፡ ሕይወት፡ ጸዕደ፡ ዘይውኅዝ፡ ሎሙ። ለኅሩያንየ። በዕለተ፡ መርዓ፡ ዓቢይ። ወዘሂ፡ ኪዳነ፡ ዕሩቀ፡ እንዘ፡
ይዜከር፡ ስመከ፡ አነ፡ እከድኖ፡ ሜላተ። ብርሃን፡ ንጹሕ፡ ዘዕፁብ፡ ዘኢተገብረ፡ በእደ፡ መሬታዊ። ወዘሂ፡ አብአ፡ ዕጣነ፡
በዕለተ፡ ተዝካርከ፡ አነ፡ አበውአ፡ ውስተ፡ ውሳጤ፡ መንጦላዕት። በኢየሩሳሌም፡ ሰማያዊት። ከመ፡ ይትመዓዝ፡ መዓዛ፡
ሠናየ፡ እም፡ ውስተ፡ ማዕጠንቶሙ፡ ለእስራ፡ ወዓርባዕቱ፡ ካህናተ፡ ሰማይ፡ እለ፡ የዓርጉ። ዕጣነ፡ መንፈሳዊ፡ ነበቤ፡
ዘአልቦ፡ ዘይትማስሎ፡ ለመዓዛሁ። ወዘሂ፡ አብአ፡ ሥርናየ፡ ለቁርባነ፡ ተዝካርከ፡ አነ፡ እሁቦ፡ እምጥብሐ፡ ሥጋየ፡ አመ፡
እሁቦሙ፡ ለኅሩያንየ፡ በዕለተ፡ መርዓየ፡ አመ፡ በእደውየ፡ እፌትት፡ ሎሙ፡ ለእለ፡ ይደልዎሙ።
| ወእጽሕፍ፡ ስሞሙ፡ ለኵሎሙ፡ ለእለ፡ ይትአመኑ። በጸሎትከ፡ ኀበ፡ ተጽሕፈ፡ አስማቲከ፡ ወኀበ፡
ተጻሕፈ፡ ስምከ፡ ወዘይረውጽ፡ ውስተ፡ መርጡልከ። እንዘ፡ ይትአመን፡ በጸሎትከ። እምርሑቅ፡ ወእምቅሩብ፡ አሐተሂ። ነሶሳወ፡
እገሪሁ፡ ኢይትገደፍ፡ በኀቤየ፡ ወእሬሲ፡ ሎቱ፡ ሰረገላ፡ ብርሃን። ከመ፡ ይጼዓን። ዲቤሁ፡ አመ፡ ይወጽእ፡ ነፍሱ፡
እምሥጋሁ። ህየንተ፡ ዘጌሠ፡ ኀበ፡ መርጡልከ። ወእሬሲ፡ ከመ፡ ይዕቀብዎሙ። እመላእክትየ። ለመቃብርከ። ከመ፡ ይባርክዎሙ፡
ለኵሎሙ፡ ለእለ። ይፈቅዱ፡ ይትባረኩ። እምነ። አጽምከ፡ ወኵሉ፡ ዘሰገደ። ውስተ፡ ወዘሰገደ፡ ዝህርከ፡ ኢይበል። ኢሰገድኩ፡
ውስተ፡ መቃብርየ፡ ኀበ፡ ነበረ። ሥጋየ፡ ሰሉሠ፡ መዋዕለ፡ ወሰሉሠ፡ ለያልየ። አነ፡ ውእቱ፡ ኢየሱስ፡ ወኢየሱስ፡ ሰይፈ፡
ቃል፡ ወጽኑዓ፡ ኪዳን፡ ዘነበብከ፡ ዘንተ፡ ኵሎ፡ ዘኢኀድግ፡ ዝንቱ፡ ኵሉ፡ ዘእንበለ።
| ይኩን፡ ሰገደ፡ ላሊበላ፡ ወውስተ፡ ምድር፡ እንዘ፡ ይስብሕ፡ ወእንዘ፡ ይሴብሖ፡ ለዘ፡ ዓቀመ፡
ሎቱ፡ ዘከመዝ። ኪዳነ፡ ወአንሥኦ፡ እግዚእ፡ ኢየሱስ። ወይቤሎ፡ ኢትፍራህ። ቁልዔየ፡ ተኃየል። ወጽናዕ። ዲበ፡ ኃይለ፡
ወኃይለ፡ ጸላኢ። ወምላሕ፡ ሰይፈ፡ ትስልትየ፡ ከመ፡ ትዕጽድ። እስመ። አነ፡ ወ?ወወሀብኩከ፡ ስልጣነ። ከመ፡ ትኪድ፡
ርእሶ። ለካልኣንሰ። ጻድቃን። ከመ፡ በጽሐ፡ ወበጽሐ፡ ፍጻሜ፡ ስዕለቶሙ፡ እምዝንቱ፡ ዓለም። ለእለ፡ ተጸምዱኒ። በኵሉ፡
ወበውስተ፡ ኵሉ፡ ልቦሙ፡ እሁቦሙ፡ ኪዳነ። በከመ፡ ይደልዎ፡ ወለከሰ፡ በሕይወት። ወበሕይወትከ፡ ወሀብኩከ፡ ኪዳነ። እንዘ።
ኢይበጽሕ። ፍጻሜ፡ ጸአትከ። እምዝንቱ፡ ዓለም፡ ወኢኮነ። ጊዜሁ፡ ለፍልሰትከ። እስመ፡ ሀለወከ። ትሕየው፡ ብዙኃ፡ መዋዕለ፡
በዲበ፡ ምድር፡ እምይእዜሰ፡ እስከ፡ አወጽአከ፡ አመ፡ ፍልሰትከ፡
| በጽዋዕ። ሠናይ፡ ዘእንበለ፡ ፃዕር። ወተአቱ፡ ወውስተ፡ ምዕራፍሰ። ዘለዓለም። ወተኃድር፡ ምስለ፡
ጴጥሮስ፡ ወጳውሎስ። ሊቃነ። አርዳዕየ፡ ውስተ፡ መንግሥተ፡ ሰማያት። ኦፍጡነ፡ ረድኤት፡ ለጽኑዕ፡ ወለድኩም፡ ወለነፍሰ፡
ኵሉ፡ ቀውም። ላሊበላ፡ ሐናፂ። እንበለ፡ መስፈርት፡ ወአቅም። ከመ፡ እግዚእትከ። ቡርክት፡ ማርያም፡ አርኅሩሐ፡ ልብ፡
ለኵሉ፡ አንተ፡ እምበቀል፡ ወቂም። ኀበ፡ አልቦ፡ ሐዘነ፡ ወፍሥሐ፡ ዘእንበለ፡ ፍሥሐ፡ ኀበ፡ አልቦ፡ ደዌ፡ ወሕማም።
ዘእንበለ፡ ሕዝብ፡ ጥኢና። ኀበ፡ አልቦ፡ ረኀብ፡ ኀበ፡ ይ?ትፈትት፡ ኅብስተ፡ ሕይወት። ኀበ፡ ሰዓተ። ተድላ። ኀበ፡
አልቦ፡ ኀበ፡ ሐሩር፡ ኀበ፡ ይትቀዳኅ፡ ጽዋዓ፡ መድኃኒት፡ ዘእምአስከለ፡ በረከት። ኀበ፡ ተስዕረ፡ ሐላፊ፡ ወሐላፊ።
ወኀበ፡ ተደለወ፡ ዘኢይኅልፍ፡ ወዘኢየኃልፍ፡ ወዘኢየኃልቅ፡ ወዘኢይትወዳዕ፡ ፍግዓ፡ በፍሥሐ፡ መንፈስ፡
| ቅዱስ። ይከውን፡ ማኅደርከ፡ ምስለ፡ ጴጥሮስ፡ ወጳውሎስ፡ ተሐዩ፡ በሕይወትየ፡ ወበሕይወትከ።
ምስለ፡ እግዚአብሔር። ወሕይወትከ፡ ከመ፡ ሕይወትየ። ወፍሥሐየ፡ ወተድላ። መንበርከ፡ በየማንየ። በከመ፡ እቤሎሙ።
ለሐዋርያት፡ ትነብሩ፡ ዲበ፡ ዓሠርቱ፡ ወክልኤቱ፡ መናብርት፡ ወትኳንኑ፡ ዓሠርቱ፡ ወክልኤቱ። ነገደ፡ እስራኤል፡ ወለከሂ፡
ዕብለከ። ኢየሐጽጽ፡ መንበርከ፡ ወእመንበሮሙ። ወስብሐቲከ። ወእምስብሐቲከ፡ እምስብሐቶሙ፡ ወብርሃንከ፡ እምብርሃኖሙ።
ወሱራሒ፡ አክሊልከ። እምሱራሔ፡ አክሊሎሙ። ወኪዳንከ፡ ኢየሐጽጽ። እምኪዳነ፡ ወእምኪዳንየ፡ ዘወሀብክዎሙ፡ እስመ፡
ምስሌሆሙ፡ ርስትከ፡ ወምስሌሆሙ። መክፈልትከ፡ ወትትፌሣሕ። ምስለ፡ ኵሎሙ። እለ፡ ይገሩ። ተዝካሩከ፡ ዓሠ/ር/ቱ፡
ወክልኤቱ፡ ጊዜያተ። ለለወርኁ፡ አሐተ፡ ጊዜ፡ በኆልቈ፡ ወኊልቈ፡ ዓሠርቱ።
| ወክልኤቱ፡ አርዳዕየ። ወምስለ፡ ኵሎሙ። እለ፡ ይገይሱ፡ ውስተ፡ መርጡልከ፡ ወይትአምኁ፡ ታቦተ፡
ሥጋሁ። ወሥጋከ፡ ትትፌሣሕ፡ በውስተ። አዕፃ፡ ዳተ፡ መንግሥትየ፡ ወኵሎ፡ ዘይጸፍእ፡ ወዘይጽሕፍ፡ መጽሐፈ፡ ገድልከ።
በጺሒቅ፡ ወበአስተሐምሞ። ዓቢይ፡ ወበፍቅረ፡ ዚአከ። ወተአሚኖ፡ ኪዳነከ፡ ዘወሀብኩከ፡ አነ። እጽሕፍ፡ ስሞ። ውስተ፡
መጽሐፈ፡ ሕይወት፡ ዘኢይደመሰሰ፡ ዲብዲያቆኖሙ፡ ለቅዱሳን፡ እለ፡ ጻመው፡ ብዙኃ። እንዘ። ይትሄየሉ፡ ለበዊዓ፡ አንቀጽ።
ፀባብ። ወእለ፡ ፈጸሙ፡ ፍኖተ፡ ወንጌል። በሩጸቶሙ፡ ፍሉሐ፡ ዘኢቈረ። በማየ፡ ሙስና። ወምስሌሆሙ። እጽሕፍ፡ ስሞ፡
ለዘይጽሕፍ። ገድልከ። ወኵሎ፡ ጸማከ፡ ዘተወከፍከ። ወእምቅድመ፡ ዝ፡ ወዘሀለወከሂ። ትትወከፍ፡ ወእምድኅረ፡ ወአኮ። ውስተ።
ክርታስ፡ ዘይስጥጥ። ወይማስን፡ ዘእጽሕፍ። ስሞ፡ ለዘይጽሕፍ፡ መጽሐፈከ።
| አላ፡ ውስተ፡ መጽሐፎሙ፡ ለቅዱሳን። ኀበ፡ ተጽሕፈ። አስማተ፡ ነቢያት። ወሐዋርያት። ወአስማተ፡
ጻድቃን። ወሰማዕት፡ ወአስማተ፡ ኵሎሙ፡ ማኅበረ፡ በኵር። እለ፡ ጽሑፍ። አስማቲሆሙ፡ በሰማያት። ወኵሉ፡ ዘያሰትት።
ገድልከ። ወኪዳነከ፡ ዘወሀብኩከ፡ ዘኢየአምን። ኢይኩን፡ መክፈልቱ። ምስሌከ፡ ወርቱዕኒ። ኢይትከብት፡ ምስለ፡ ርስትከ።
ወይኩን። ውእቱ፡ ብእሲ፡ ኢይእመን፡ ወኢየአምን፡ ኪዳነ። ዘዓቀምኩ። ለከ፡ ከመ፡ ዘይቤለኒ። ሊተ፡ ለክርስቲያን፡
ለክርስቶስ፡ ኢኮነ። እግዚአብሔር፡ አላ፡ ሰብእ፡ ውእቱ። ወኵሉ፡ ዘይትወከፍ፡ ሰሚዖ፡ መጽሐ/ፈ/ከ። ይኩን፡ ከመዝ፡
ዘተወክፈ፡ ወዘተወፍፈ፡ ወንጌለ፡ መንግሥትየ። ወዘአክበረከ። ከመ፡ ዘአክበረ። ኪያየ፡ በከመ። እቤሎሙ፡ ለአርዳእየ፡
ዘኪያክሙ፡ ሰምዓ፡ ኪያየ፡
| ሰምዓ፡ ወዘለክሙ፡ ክህደ፡ ኪያየ፡ ክህደ። ወአነሂ፡ ዕብለከ፡ ለከ፡ ዘሰምዓ፡ ኪያከ፡ ወአምነ፡
ኪዳንከ፡ ዘሰምዓኒ፡ ሊተ፡ ለእግዚእክ፡ አነ፡ ወውእቱ፡ ዘሀሎ፡ ወይሄሉ፡ ዘእትናገረከ። ወኢኮንከ፡ ወዘኢኮንኩ፡ በእደ፡
አነ፡ ውእቱ፡ አልፋ። ወአነ፡ ቀዳማዊ። ወአነ፡ ደኃራዊ፡ ወእምቅድሜየኒ። አልቦ፡ ባዕድ። ወእምድኅሬየኒ። አልቦ፡ ካልአ፡
አምላክ። ወዘክህደ። ዘከመ፡ ወዘከማከ፡ ወኪዳነ። ዘአቀምኩ። ለከ፡ ከመ፡ ዘክህደ፡ ፃማየ፡ ዘተወከፍኩ። በዲበ፡ ምድር፡
ድካመ፡ ወድካመ፡ ወኀፈ፡ ረኀበ፡ ወጽምዓ፡ ወዕርቃነ። በዲበ፡ መስቀል፡ ወቅንዋተ። ሐፃውንተ፡ ዘዲበ፡ እገርየ፡ ወእደውየ፡
ወኵሎሙ፡ ሕማማተ። ወሕማማትየ፡ ወዘክህደሂ፡ ኪዳ/ነ/ከ። ዘከመ፡ ክህደ። ትንሣኤየ፡ ወዕርገትየ። ውስተ፡ ሰማያት።
ወለከሂ፡ ጸማከሂ፡ ዘተወክፈከ፡ ወዘተወከፍከ፡ ወኪዳንከሂ፡ ዘኣቀምኩ።
| 124 ለከ፡ ጸሐፍት፡ ይእቲ፡ ወካልዕ፡ ወልክዕት። ውስተ። ኢየሩሳሌም፡ ሰማያት፡ ሰማያዊት፡
አግአዚት። ወጽሕፈታሰ፡ አኮ፡ በማየ፡ ሕመት፡ አላ፡ በደመ፡ ሕግ፡ ወኪዳን። በዘቦቱ፡ ይጽሕፍ፡ አስማተ። ኵሎሙ፡ ቅዱሳን።
። ። ወዘንተ፡ ሶበ፡ ይቤሎሙ፡ አኃዜ፡ ዓለም። ዘይነብር፡ ዲበ፡ ሰረገላ፡ ኪሩቤል። ሰገደ፡ ላሊበላ። ውስተ፡ ምድር፡
ወአእኰቶ። እንዘ፡ ይብል፡ አአኩተከ፡ እግዚኦ። እስመ፡ ተወከፍከኒ። ትባርከከ፡ ነፍስየ፡ ወኵሉ፡ ሕሊናየ። ወኵሉ፡ ልብየ።
ወኵሉ፡ ኃይልየ፡ ወመሐሪ፡ መሐሪ፡ ርሐቀ፡ መዓት፡ ወብዙኃ፡ ምሕረት። ወጻድቅ፡ ወኢይቀሥፍ፡ ወትረ፡ ወኢይትመዓዕ፡ ዘልፈ።
አኮ፡ በከመ፡ ኃጢአትየ፡ ዘገበርከ። ሊተ፡ ወኢፈደይከኒ፡ በከመ። አበሳየ፡ አንሰ፡ አኮ፡ ዘከመዝ። ኪዳነ፡ ወዘከመዝ፡
ዕበየ፡ ወዘከመዝ፡ ክብረ፡ ሞገሰ፡ ዘተሰ?ፈውኩ። አላ፡ ነጠብጣበ።
| ምሕረትከ፡ ይምርሐኒ፡ እምነ፡ ባሕረ፡ ኂሩትከ። ከመ፡ ይርከበኒ፡ ከመዝኑ። ያመአብል። ሞገደ፡
ምሕረትከ። ላዕለ፡ ኃጥአን። እግዚእየ፡ ወአምላኪየ፡ ዘአወጻእከኒ፡ እምከርሠ፡ ቀላይ። እንዘ፡ ይሄይል፡ ለአስጥሞ።
ወከደንከኒ፡ በመንጦላዕተ፡ ሣህልከ። ወዘኢተሐዘብኩ፡ ረከበኒ፡ ጸጋ፡ ወኢኃለይከኒ፡ በልብየ፡ ጸገውከኒ። ክብረ፡ ወስብሐተ።
በእንተ፡ ዘእንበለ፡ ሤጥ፡ ወካልአንሰ፡ ተሣየጥ፡ ለመንግሥትከ። በጾም። ወበጸዊም። እስከ፡ ነጠብጣበ። እገሪሆሙ፡
ወበጻዊምኒ። እስከ፡ ይለክዕ፡ አነ፡ እደዊሆሙ። ምስለ፡ አጽሞሙ፡ ወበሰጊድ። ካዕበ፡ እስከ፡ ይከውን። ሐፎሙ። ከመ፡
ነጠብጣበ፡ ምድር፡ ደም፡ ውስተ፡ ምድር፡ ወቦ፡ እለ፡ ተሣየጥዋ፡ በክዕወተ። ደሞሙ፡ ወበተወጊሮሙ፡ በአዕባን። ወተወሢሮሙ፡
በሞሰርት። ወቦ። እለ፡ ወቦእለ፡ ተሠጢሞሙ። ውስተ፡ ባሕር። ከመ፡ ዓሣ፡ ወቦእለ፡ ተወቂዮሙ፡
| በአስይፍት። ወቦ፡ እለ፡ ተረጊዞሙ። በኵይናት። ወቦእለ፡ ተውህቦ፡ ሥጋሆሙ፡ ለአራዊት፡ ወቦ፡
በዘከመዝ፡ ጾታ፡ ወሕማም። ወመቅሠፍት፡ ወምንዳቤ። ወመንሡት። ወበዘከመዝ፡ ተሣየጥዋ። በመንኖ፡ ነፍሶሙ፡ በአብድሮ፡
ፍቅርከ፡ ተመሲሎሙ። ኪያከ፡ ተሣቲፎሙ። ሕማማቲከ፡ ወአንሰ፡ ወአሐተ፡ ቅሥፈታተ። ኢጾርኩ፡ ቀጥቀጠ፡ ዘከመ፡ ሩጾሩ።
አግብርቲከ። ወባሕቱ፡ አርአይከ። ምሕረተከ፡ ላዕሌየ፡ ወይቤሎ፡ ኢየሱስ፡ አማን፡ እብለከ። እሉ፡ ኵሎሙ፡ ዘረከቦሙ፡
ኢየሐጽጽ፡ ዕሤትከ። በኀቤየ፡ ወይእዜኒ፡ አጽምእ፡ ልበ፡ በልባዌ። ዘእነግረከ፡ ቀዲሙሂ፡ ነገርኩከ። ወአርአይኩከ፡ ግብረ፡
ሕንፃሆን፡ ለእላንቱ። አብያተ፡ ክርስቲያ?ናት፡ እለ፡ ሀለወከ፡ ትሕንፆን፡ ዑቅ። ወይእዜኒ፡ ከመ። ትፈጽም፡ መልእክተከ፡
እስመ፡ ብዑድ፡ ውእቱ፡ ግብረ፡ ሕንፃሆን፡
| ለማኅፈዳተ፡ ምሥጢራትየ፡ ዘሀለወኒ። እክሥቶ፡ ወእከሥቶን። በእደዊከ። እስመ። አኮ፡ በጽቡር።
ዘትገብሮን፡ ወአኮ፡ በዕፅ፡ ዘትሰውቆን። ወትቀምሮን። ወአኮ፡ በአሕባል፡ ዘትጠፍሮን። ወአኮ፡ በመዋጽፍት፡። ወበሣዕር፡
ዘትከድኖን፡ ወዘትከድኖን። አላ፡ አሐዱ። ዕብን፡ ይፌም። ኵሎ፡ መፍቅዶን፡ ሱራሬሆንሂ። አሐዱ፡ አሐዱ፡ ዕብን፡
ወአቅዳንሂ፡ ዕብን። ወምዕማ?ዳንሂ፡ ዕብን። ወምክያጸ፡ መሣውቆንሂ፡ እብን፡ ወፈሮንሂ። እወ፡ ቀመሮንሂ፡ ውሣካቲሆንሂ፡
እብን፡ ወዝንቱሰ፡ ኵሉ፡ አኮ፡ ብዙኃት፡ አዕባን፡ አላ፡ አሐዱ፡ ዕብን፡ ኆልቆንሰ። ለማኅፈዳት፡ ዘሀለዎን። ይትከሠታ፡
በእደዊሆን፡ ወበእደዊከ፡ ዓሠርቱ፡ እሙንቱ። ወግብረቶንሰ፡ ዘዘዚአሁ፡ ቦእምኔሁን፡ ዘይሰናሰል። ወበእምኒሆን፡ ቅጽሮን፡
ወቦእምኔሆን። እንተ፡ ባሕቲቶን፡ ወእለ፡ ይሰናስል፡ ቅጽሮን፡ ኃምስቱ፡ እማንቱ፡ አብያተ፡
| ክርስቲያናት። እለ፡ በአሐቲ፡ ዓፀድ፡ ይትገበራ። ወቦእምኔሆን፡ እንተ፡ ክልኤቱ፡ አብያተ፡
ክርስቲያናት። ዘአሐዱ፡ ቅጽር፡ ስንሳሌሆን። ወቦእምኔሆን፡ ዘዘዚአሁ፡ ኅብረ፡ ራዕዮን። ወመዓድማት። እማንቱ፡ አብያተ፡
ክርስቲያናት። ወኢይከሥት፡ ወኢከሠትኩ። እስከ፡ ይእዜ፡ በዕደ፡ ካልአን፡ ዘከማሆን። እስከ፡ አመ፡ ሣረርኩ፡ ምድረ።
አእመርኩ፡ እምቅድመ፡ እፍጥርከ፡ እምከርሠ፡ እምከ። አእመርኩ፡ ኪያከ። ከመ፡ በእደዊከ፡ ይትከሠታ። ኵሎን። እላንቱ፡
አብያተ፡ ክርስቲያናት። ዓሠርቱ። እስመ፡ ብዑድ፡ ወብዑድ፡ ውእቱ፡ ግብረቶን። እምኵሎን። ደበትርየ፡ ዘገበርኩ፡ በእደ፡
ኵሎሙ፡ ኅሩያን፡ ወኅሩያንየ፡ አሐቲሰ፡ ደብተራ። ዘአርአይኩከ፡ በዲበ፡ ምድር። በዕደ፡ ሙሴ፡ ምዕመንየ፡ ዘበአጌያት።
ይእቲ፡ ወዕፅ፡ ወሰዋቂሃ፡ ወመካይዲሃ። ወጠፈራኒ። ኢኮነ። ከመ፡ ጠፈረ፡ አብያተ፡
| ክሰ፡ ርስቲያናት፡ ዘይትገበራ፡ በእደዊከ። ወአኮ፡ ዘይትከድን፡ ንዋየ፡ ቅድሳቲሆን፡ ለአብያተ፡
ክርስቲያናት። በማዕሰ፡ ወጼፂት፡ ከመ፡ ንዋየ፡ ቅድሳቲሃ፡ ለደብራ፡ ሙሴ፡ ወደብተራከሰ፡ ኢኮነ፡ ከመ፡ ደብተራ። ሙሴ፡
ወኢከመ። ደብተራ፡ ሰሎሞን። ወደብተራ፡ ሰሎሞንሂ። ዘዕፅ፡ ይእቲ፡ ወዘዕብን፡ ወፅቡር፡ ወዘአሕባል። ወዘእሉ፡ እሙንቱ።
አብያተ፡ ክርስቲያናት፡ ዘዘዚአከ፡ ዘዕፅኒ። ኢኮነ፡ ወዘኢኮነ። ካዕበ፡ ዘበአሕባለ፡ ጠፈር፡ ይትዓቀድ፡ አላ፡ ብዑድ።
ግ?ብረተ፡ ወግብረተ፡ ሕንፃሆን። እስመ፡ ሰለሠቱ፡ ኅንፃ፡ ማኅፈድ፡ እፈቅድ፡ አርኢ፡ ዲበ፡ ምድር። አሐቲሰ፡ እንተ፡
ሙሴ፡ ዘበአጌያት፡ ወዘዕፅው፡ ወዘዕፀወ፡ አደም፡ ወርቅ፡ ወብሩር፡ ወካልዕታሂ፡ እንተ፡ ሰሎሞን፡ ወሰሎሞንሰ፡ ይእቲ፡
ዘዕብን፡ ወዕፀወ፡ ወፅቡር፡ ወአሕባለ፡ ጠፈር፡ ወርቅ፡ ወብሩር፡ ወሣህልሰ፡ ወሣልሰ፡ ደብተራየ፡
| እንተ፡ ኢኮነ፡ ይእቲ። ዘሀለወኒ፡ እክሥት፡ በእደዊከ፡ እንበለ፡ ዕፅ፡ ወመሬት፡ ወዘእንበለ፡
አኅባለ፡ ጠፈር። ወዕብኖሂ፡ ወዕብኖንሂ፡ ይበደር፡ እምወርቅ፡ ወብሩር፡ ወእምዕንቈ፡ ሰነፔር፡ ወክቡር፡ እስመ፡ እምአሐቲ፡
ኰኵሕ፡ ይትገበራ፡ ወበእንተዝ፡ ኮና፡ ብዑዳተ፡ እምክልኤቱ፡ ደብተራ፡ ቀዳምት፡ አሐቲ። እንተ፡ ሙሴ፡ ወካልዕታ፡ እንተ፡
ሰሎሞን። ወሣልስታሰ፡ በእንቲአሆን፡ ይእቲ፡ ደብተራ። ወደባትር፡ ዘይትገበራ፡ በእደ፡ ግብረቶን። ወውስተ፡ ውእቱ፡
ወውእቶን፡ ደባትሪከ። ዘተጋነየ። ይንሣእ። በከመ፡ ሰአለ፡ ወይረክብ፡ በከመ፡ ጸለየ። ወጌሰ፡ ወጌሠ፡ ኀቤሆሙ። ኢይጻሙ።
ወዘአብአ፡ እብሎን። ሎን፡ አምኃሁ፡ እትወክፎ። ከመ፡ ከመ፡ ቁርባነ፡ ሥጋየ፡ ወከመ፡ ሞጻሕተ፡ ደምየ። ለእመ፡ አብአ፡
በንጹሕ፡ ሕሊና። ወበጽሩይ፡ ልብ፡ ወበአእምሮ፡ ምሕረተ።
| ወጽሩይ፡ ልብ፡ ወበአእምሮ፡ ምሕረተ፡ ዚአየ፡ ወበተዘክሮ። ኪዳነ፡ ዘአቀምኩ፡ ለከ። ወኵሉ።
ዘተፀምደ፡ ውስተ፡ ውእቶን፡ አብያተ፡ ክርስቲያናተ፡ ጸኣተ፡ ነፍሱ፡ እምሥጋሁ፡ እንዘ፡ ይትአመኑ፡ ወይትአመን፡ በኃይለ፡
ጸሎትከ፡ አነ፡ እሬሲ። መክፈልቶሙ፡ ምስሌከ፡ ወርስቶሙ፡ ምስለ፡ ርስትከ፡ ወበአቶ፡ ውስተ፡ በአትከ፡ ወውዳሴሁ፡ ዕሩየ፡
ምስሌከ፡ ወክብሮ፡ ከመ፡ ክብርከ፡ ወአክሊሎ። ከመ፡ አክሊልከ። ወብርኖ፡ ከመ፡ ብርሃንከ፡ ወትርሲትቶ፡ ከመ፡ ሠርጐ፡
ትርሲትከ፡ ለእመ፡ አዕረፈ። እንዘ፡ ይጐደጒድ፡ ዝክረከ፡ ወዝኅረከ፡ ወእንዘ፡ ይትአማኅ፡ ታቦተ፡ ሥጋከ። ወእንዘ፡
ይትቀባዕ፡ እምፀበለ፡ ዕፍረትከ፡ አነ፡ ዕቀብዖ፡ እምዕፍረተ፡ ሰማያዊ፡ ዘኢይትመዘመዝ፡ መዓዛሁ፡ በብዙኅ፡ አዝማን።
ወባሕቱ፡ ጽናዕ፡
| ወኃይል፡ ወጥባዕ፡ ለሕንፃ፡ ማኅፈድየ። እስመ፡ ብዙኃት፡ ነፍሱ፡ ወነፍሳት፡ እለ፡ ይጽና፡
ወበውስቴቶን፡ ተአሚኖን፡ በኃይለ፡ ጸሎትከ፡ ወተጸውኖን። በትንብልና፡ ዚአከ፡ ወአነሂ፡ ኢሴስል፡ ጸጋየ፡ ወምሕረትየ።
እምኔሆሙ፡ ወኀብተ፡ ረድኤትየ፡ ኢይትአተት። እምውስተ፡ አብያተ፡ ክርስቲያተ፡ አብያቲሆን። ወርስቶን፡ ምስሌከ፡ እመኒ፡
ዕድ፡ ወአንስት፡ ይኩን፡ ምስሌከ፡ ማኅደሪከ፡ ወማኅደሪሆሙ፡ ለእለ፡ ይትአመኑ፡ በጸሎትከ፡ በኃይለ፡ ተንብልናከ፡ ወዘንተ፡
ሶበ፡ ይቤሎ፡ ኢየሱስ፡ ለላሊበላ፡ ወተሐየሰየ፡ ወተሐሰየ፡ ላሊበላ፡ ወተመልአ። እምኃይለ፡ መንፈስ፡ ቅዱስ፡ ወአሐዘ፡
ይበል፡ አድምአ፡ ቃለከ፡ እግዚእየ፡ ወፅኑዕ፡ ኪዳንከ፡ ወኢይትሄሰው፡ ወኢይትሔሰው። ቃልከ፡ ሰብሐት፡ ለከ፡ በአፈ፡
ኵሎሙ፡ ሕዝብከ፡ ወበእንተ፡
| ሕንፃ፡ ቤተ፡ ክርስቲያናቲያንከ። ወቀድስ፡ እም፡ ለከ፡ እም፡ አፈ፡ ኵሎሙ። ትጉሃኒከ፡ አላ፡
በኃይለ፡ ዚአከ፡ ወአንሰ፡ ወሐመድ፡ ወሕጹጹ። አርአይከኒ፡ እምኵሉ። ሰብእ፡ ወለእመሰ፡ እንተ፡ ፈቀድከ። ከመ፡ ትስ፡
ትክስቶን፡ በእደዊከ፡ አልቦ፡ ገብር፡ ዘይጸንኣከ። እስመ፡ አንተ፡ ገባሪሁ፡ ለኵሉ። ፍጡር። ወይእዜኒ፡ ፈቃደከ፡ ለይኩን፡
ወይኩን፡ ወይርድአኒ፡ ወይርድአነ፡ ኃይልከ፡ ወይቤሎ። ኢየሱስ፡ ቀዲሙኒ። እቤለከ፡ መላእክትኒ፡ ወመላእክትየኒ፡ ኢይርኅቁ፡
እምኔከ፡ ወእሙንቱ፡ ይርድኡከ፡ ወይኤምሩከ፡ ወይሜኤ፡ ወይኤምሩከ፡ ወይሜጥኑ፡ ለከ፡ በበአካሎን፡ ለእማንቱ፡ አብያተ፡
ክርስቲያን፡ ወይእዜን፡ ኢይሄሱ፡ ቃልየ፡ ዘወፅኣ፡ እምአፉየ፡ እሙንቱ፡ ይረድኡ፡
| ወይርድኡከ፡ ወባዕደ፡ እለ፡ ይገብርዋሂ፡ አነ፡ እገብሮ፡ ወባዕድ፡ እስከ፡ ወእለ፡ ይቄስዋሂ፡
አነ፡ እቄድሰ። እስመ፡ በውእቱ፡ ወበውሲቲቶን፡ ይትገበር፡ ሰብሐተ፡ ሞትየ፡ ወትንሣኤየ፡ ወሰብሐተ፡ ዕርገት፡ ወስብሐተ፡
ዳግም፡ ምጽኣትየ። ወተዝከረ፡ ኵሉ፡ በዓላትየ፡ ወባሕቱ፡ ከመ፡ ጐጒዕ፡ ከመ፡ ትፈጽም፡ ገቢሮቶን። እስመ፡ በጽሐ፡
ዕድሜሆን። ለሕንፀት፡ ቀዲሙኒ፡ ቀባዕኩከ፡ ቅብዓ፡ መንግሥትየ፡ ውስተ፡ ሰማያ፡ ሳብዕ፡ ወይእዜኒ፡ እስሚ፡ ለከ፡ ስመ፡
መንግሥትከ፡ ወይኩን፡ ስመ፡ መንግሥትከ። ገብረ፡ መስቀል፡ እስመ፡ ይጼውዕ፡ ወይጼዋዕ፡ መስቀል፡ ህየ፡ ይትሉ፡ ረድኤተ፡
ወህየ፡ ይበዝኅ፡ መዊዕ፡ ብሂል። እስመ፡ አነ፡ ሞእክዎ፡ ለሰይጣን፡ አመ፡ አንጦልዓ፡ መልክዕየ፡ ይምነ፡ ወይጽግመ፡
ለዕለ፡ ወታሕተ።
| አመ፡ ተሰቀልኩ፡ ዲበ። ዕፀ፡ መስቀል። ወበእንተ፡ ወበእንተዝ። ከመ፡ ይሰመዩ፡ በዝዝንቱ፡ ስም፡
ዝውእቱ፡ ገብረ፡ መስቀል፡ ከመ፡ ይሞዕዎ፡ ለፀሮሙ። በውስተ። ኵሉ፡ አፃብዕ፡ አጽባዕ። እስመ፡ ገብረ፡ መዋዒ፡ በኀበ፡
በኀበ፡ ሖረ፡ ይመውዕ፡ ወበኀበ፡ ጸብዕ፡ ይትሄየል፡ ወይጸንዕ፡ ወለከሂ፡ ሰመይኩከ፡ በዝንቱ፡ ስም፡ ዝንቱ፡ ውእቱ፡
ገብረ፡ መስቀል። ወገብረ፡ መስቀልሰ፡ ሶበ፡ ትሰምዕ። ኢታስተማስል፡ መስቀል፡ ዘእመስቀልኩ። መልክዕየ፡ በአርባተ፡ ዓርብ።
እስመ፡ እመውዖ። ለሰይጣን፡ ወእስከ፡ እቅንዎ፡ በቅንዋትየ፡ ወአሥርክዎ፡ በላህበ፡ ፈትለ፡ ሥጋየ፡ እስከ፡ ለጽለጽ፡
ናላሁ፡ ሰናጴ፡ መለኮትየ። ወብዙኃን፡ እለ፡ እርአዩ፡ ወመዋዒ፡ መዊአ፡ በትእምርተ፡ መስቀል፡ አስጠሞ፡ ከዕበ፡ ለፈርዖን፡
በትእምርተ፡
| መስቀል፡ ወካዕበ፡ ትትመውእ፡ አንተኒ፡ ለሰይጣን፡ ወለኵሉ፡ መናግ?ንቲሁወብዙኃን። እለ፡ ተሰምዩ፡
ወኢዘኃብረ፡ ስሞሙ፡ ምስለ፡ ምግባሮሙ፡ ወለከሂ፡ ስምከኒ፡ ኅቡረ፡ ምስለ፡ ምግባርከ፡ ወሰላምየ፡ ወኃይለ፡ ረድኤትየ፡
ወፍቅርየ፡ ወትውክልትየ፡ መስቀልየ፡ የሀሉ፡ ምስሌከ፡ ወዘንተ፡ ብሂሎ፡ ባረኮ፡ ወዓርገ፡ ውስተ፡ ስማያት፡ ይሬእዮ፡
ላሊበላ፡ በከመ፡ ርእይዎ፡ አርዳኢሁ፡ ምስለ፡ እሙ፡ አመ፡ ዓርገ፡ ጼዊዎ። ጼዋ። ወላሊበላሰ፡ ሰገደ፡ ውስተ፡ ምድር።
ነጺሮ፡ ዕርገቶ፡ ለእግዚእነ፡ ኢየሱስ፡ ክርስቶስ፡ ወገብርኤልሂ፡ ሀሎ፡ ምስለ፡ ላሊበላ፡ ይቀውም፡ ምስሌሁ። ውስተ፡ ዝኩ፡
መካን፡ ኀበ፡ ነገሮ፡ ላሊበላ፡ ወኀበ፡ መመካን፡ ዘወሀቦ፡ ኪዳነ፡ ወእምድኅረዝ፡ ይቤሎ፡ ገብርኤል፡ ለላሊበላ፡ ኦብእሲ፡
ረከብከ፡ ጸጋ፡ ዓቢየ፡ ዘኢረከቡ፡ ዘከመዝ፡ ጸጋ፡ እንበለ፡
| ኅዳጣን፡ ወይእዜኒ፡ ከመ፡ ትፈጽም፡ መልእክተከ፡ ዘተአዘዝከ፡ እስመ፡ ተፈጸመ፡ ወለከ፡ ኵሉ።
ተምኒትከ። ዘበእንቲአሆን፡ ነገድከ፡ ወለእግዚእከኒ፡ ርኢከ። በውስተ፡ ክልኤሆሙ፡ አኅጉረ፡ አኅጉር፡ በላዕሉሂ፡ ኢየሩሳም፡
ወበታሕቱሂ፡ ኢየሩሳሌም። ወይቤሎ፡ ላሊበላ፡ ኀበ፡ ኵሎን፡ መካናት። ይትባረክ፡ እግዚአብሔር፡ ዘኢይከልአኒ። ጸሎትየ፡
ወኢያርሐቀ፡ ሣህሎ፡ እምኔየ። ወኢያስተኃፍረኒ፡ እምተስፋየ፡ ወኢይትሐየያ፡ ለንግደትየ። ወባሕቱ፡ ስደኒ፡ ኀበ፡ ኵሎን፡
መካናት፡ ዘእግዚእ፡ ከመ፡ ከመ፡ እትአማኅ፡ ወእትባረክ፡ እምኔሆን። ወሶቤሃ፡ አብጽሖ። ገብርኤል፡ ለላሊበላ፡ ኀበ፡
ኵሎን፡ መካናት፡ ወመካናተ፡ ምሥጢር። ዘእግዚእ፡ ወተአምኀ፡ እንዘ፡ ያነክር፡ ምድረከ፡ ኆኅቲሆን። ወእንዘ፡ ይልሕስ፡
ጸበለ፡ እምነ፡ ቶስል፡ ሮቅ፡ ናጦናቲሆን፡
| ወእምቅድመ፡ ኵሉ፡ አምኃሁ፡ ይብል። ውስተ፡ ኵሉ፡ መካን፡ ኀበ፡ በጽሐ፡ ትኤምኅኪ፡ ወላትኪ፡
መ/ስ/ቀል፡ ክብራ፡ ኦተቦተ፡ ኪዳኑ፡ ለእግዚአብሔር፡ ወኃደረ፡ ቅድሳቱ፡ ለልዑል፡ ወበዳግም፡ ምጽኣተ፡ ወበዳግም፡
አምኆቱ፡ ይብል፡ እምኀቤከ፡ አነ፡ ገብርከ፡ ወልደ፡ አመትኪ፡ እምየ፡ ቤተ፡ ክርስቲያን፡ ወውስተ፡ ዮርዳኖስሂ፡ ኀበ፡
ተጠምቀ፡ በጺሖ፡ ኀበ፡ ተጠምቀ፡ እግዚእነ። ይቤ፡ ሕጽበኒ። ወአንጽሐነ፡ እምኃጢአትየ፡ ወእም፡ አበሳየነ፡ አንጽሐኒ፡
ወለአመትኪ፡ መስቀል፡ ክብራ፡ ሕጽባ፡ እምርስሐታ፡ በዝንቱ፡ ማየ፡ ዮርዳኖስ፡ ዘተጠምቀ፡ ቦቱ። እንዘ፡ አልቦ፡ ኃጢአት።
ከመ፡ ተኃፀበ፡ ሥርየተ፡ ለኃጥአን፡ ከመ፡ ንንሣእ። ኃይለ፡ ተወሪደትከ፡ ወእምዝ፡ አምኃ። ላሊበላ፡ ኀበ፡ ኵሎን፡
መካናተ፡ ኢየሩሳሌም፡ እንዘ፡ ይነዝኅ፡ አንብዖን፡ ውስተ፡ ራግዛቲሆሙኒ፡
| አውሂዞ፡ ከመ፡ እንተ፡ ማይ፡ እንዘ፡ ይብል፡ ለይኩን፡ እግዚኦ፡ ዝንቱ፡ ብጽሐተ፡ አንብዕየ፡
ሊተ፡ ለኃጥእ፡ ከመ፡ አንብዓ፡ ለይእቲ፡ ብእሲት። ዘአርሐሰት፡ ወእርገሪከ፡ ወአንተሂ፡ ትቤላ፡ ተኃድገ፡ ለኪ፡ ኃጢአትኪ፡
አሕይወትኪ፡ ሑሪ፡ እትዊ፡ በሰላም፡ ወሊተሂ፡ ለገብርከ፡ ረሲ፡ ሰላመ፡ ተመይጦትየ። እስመ፡ በፈቃድከ፡ ትቤለኒ። ለሊከ፡
ጐጕዕ። ከመ፡ ትፈጽም፡ መልእክተከ። እስመ፡ በእደዊከ፡ ሀለዎን። ከመ፡ ይትከሠታ፡ አብያያተ፡ ክርስቲያናት። ብዙኃት፡
ዘእም፡ ኣሐቲ፡ ኰኵሕ። ወይእዜኒ፡ ሠርህ፡ ፍኖትየ፡ በከመ፡ ሠራኅከ፡ ፍኖቶሙ፡ ለብርሃናተ። ዓለም። ሐዋርያቲከ፡ ወዘንተ፡
ብሂሎ፡ አንሶሰወ፡ ላሊበላ። ለተመጦ፡ ተመዪጦ፡ ውስተ፡ ብሔረ፡ ኢየሩሳለም፡ ወኢትዮጵያ፡ ኀበ፡ ሀለዋ፡ ዕላንቱ፡ አብያተ፡
ክርስቲያናት፡ እለ፡ ተብህላ፡ ሀለዎን፡
| እንዘ፡ ይትሐነፀ፡ እንበለ፡ ዕፅ፡ ወመሬት፡ እንበለ፡ ኀብል፡ ወመዋጽሕተ። ወእምዝ፡ ነሥአ፡
ገብርኤል፡ ወጾሮ፡ ዲበ፡ አክናፊሁ። ብሩሃት፡ ወሰረረ፡ መልዕልተ፡ አየር፡ ወአብጽሐ፡ ወስተ፡ ብሔር። ኀበ፡ ሀለወት፡
መቀል፡ ክብራ፡ ወይእቲሰ፡ ብሔር፡ ጥንተ። ክርስትና። ይእቲ፡ እምነ፡ አህጉራተ፡ ኢትዮጵያ። ወመስቀል፡ ክብራሰ፡
ወሀለወት። እንዘ፡ ትትናዘዝ። ምስለ፡ ሚካኤል። እንዘ፡ ይዜንዋ፡ ምጽአቶ። ለምታ፡ ወአብጽሐቶ፡ በይእቲ፡ ዕለት፡ ዘከመ፡
ይበጽሕ፡ ወሶበ፡ በጽሐ፡ ሰዓተ፡ በጽሐቱ፡ ይቤላ፡ ተደለዊ። ለተራክቦ። ምትኪ፡ ወእንዘ፡ ዘንተ፡ ይቤላ፡ በጽሐ፡
ገብርኤል። እንዘ፡ ይጸውሮ፡ ለላሊበላሰ፡ ወአንበሮ፡ ቅድመ፡ ገጻ፡ ለመስቀል፡ ክብራ፡ በፍሥሐ፡ ወሐቀፈቶ፡ ክሣዶ፡
ወአምኃቶ፡ በፍቅር፡ ዓቢይ፡ ወአንገርገረት፡ በቅድሜሁ። ለገብርኤል። እንዘ፡ ትሰግድ፡ ወትብል፡
| ሰላም፡ ለመልአከ፡ ጽድቅ፡ ሰላም። ለመልአከ፡ ብርሃን፡ ቀዲሙኒ፡ ሰማዕኩ፡ በእንቲአከ። ከመ፡
አሳሬ፡ ፍሥሐ፡ አንተ፡ ዜናዊ፡ ትፍሥሕት። ወከመዝ፡ ብሂሎ፡ አምኃቶ፡ እስመ፡ ረከበት፡ ፍሥሐ፡ በነጽሮ፡ ወበነጽሮሙ፡
ለክልኤሆሙ። መላእክት፡ ወሊቃነ፡ መላእክት፡ ወበነጽሮቱ። ለምታ። እስመ፡ በህየ፡ ተራከቡ፡ መልአክ፡ ምስለ፡ መልአክ፡
ወስብእ፡ ምስለ፡ ሰብእ። ወበህየ፡ ኮኑ፡ አሐዱ፡ መርኤተ፡ ወአሐዱ፡ ወነገደ፡ እመሬታውያን፡ ክልኤቱ፡ መስቀል፡ ክብራ፡
ወላሊበላ፡ ወእምእሳ/ታ/ውያን። ክልኤቱ፡ ሚካኤል፡ ወገብርኤል። ወእምዝ፡ ዓርባዕቲሆሙ፡ አኃዙ፡ ይትናገሩ፡ ነገራተ።
እግዚአብሔር። ዘከመ፡ ረሰየ፡ ላሊበላ፡ ነገራ፡ ኵሎ፡ ነገራተ፡ መሥጢር፡ ዘኢየሩሳሌም። እንተ፡ በውስቴቶን። ተገብረ፡
መድኃኒት፡ ዘርእየሂ፡ በራዕየ፡ ሌሊት፡ ኵሎ፡ ቅሥፈታቲሁ፡ ለመድኃኒነ፡ ነገራ፡ ወይእቲኒ፡ ነገረቶ፡ ኵሎ፡
| ንብረታ፡ ዘከመ፡ ነበረት፡ ወራዕየኒ፡ ዘርእየ፡ ምታ፡ ወይእቲኒ፡ ርእየት፡ ወአልቦ፡ ወኢአሐዱኒ።
ዘኢተሠወራ። እምኵሉ፡ ምሥጢራ። እስመ። በአሐቲ፡ ሌሊት፡ ርእዩ፡ ክልኤሆሙ። ወላሊበላኒ፡ እንዘ። ሀለው፡ ወሀለወ፡
በኢየሩሳሌም፡ ወመስቀል፡ ክብራ። እንዘ፡ ሀለወት፡ በኢትዮጵያ፡ ርእየት፡ ኵሎ፡ ምሥጢራተ፡ ዘርእየ፡ ምታ፡ በኢየሩሳሌም።
ወከመዝ። ተዜያንዎሙ። አኃዙ፡ ይሰብሖ፡ ለእግዚአብሔር። ወስብሔ፡ መንክር፡ ምስለ፡ እልቱ፡ ክልኤሆሙ፡ ሊቃኒ፡ ሊቃነ፡
መላእክት። እንዘ፡ ይብሉ፡ ይባርክዎ፡ ኵሉ። ግብረ፡ እግዚእ፡ እግዚአብሔር። ሰቡሕኒ፡ ውእቱ። ወልዑልኒ፡ ውእቱ፡ ለዓለም።
ይባርክዎ፡ ደቂቀ፡ እጓለ፡ እመሕያው። ለእግዚአብሔር። ይባርክዎ፡ መላእክተ፡ እግዚእ፡ ለእግዚአብሔር። ወከመዝ፡ ባረክዎ፡
አርባዕቲሆሙ፡ ቶሲሖሙ፡ ቡራኬ፡ ዘመላእክት፡ ወሰብእ፡ እስመ፡
| ህየ፡ አማኅበሩ፡ ክልኤቱ፡ ነገድ፡ ዘላዕሉ። ወዘታሕቱ። እማንቱሰ፡ አንሰት። ዘአማኅፀና፡ ሚካኤል፡
ለመስቀል፡ ክብራ። ኀቤሆን፡ ከመ፡ ይዕቀባሃ፡ ወይእቲ፡ ዕለት፡ አስተርአዮን፡ እንዘ። ይጸንሐሐ። እስከ፡ ይትመየጥ።
በከመ፡ ይቤሎን። ወሶበ፡ ወሶበ፡ ርእያሁ፡ አሐዘ፡ ይትፌሣሕ፡ ወይኤምኃሁ፡ በፍቅር። እንዘ፡ ይብላ፡ ዳኅንኑ፡ ንግደትከ።
ኦወሬዛ፡ ሠናይ፡ ራዕይ፡ ብእሴ፡ አምላክ። ወይቤላሆን፡ ሚካኤል፡ ዳኅና፡ ለይረሲ፡ ኪያክን፡ ኦፍቁራተ፡ እግዚእ። አይቴኑ፡
ሀለወት፡ ዘአማኅፀንኩክን። ወሶበ፡ ይቤሎን፡ ከመዝ፡ ሖራ፡ ከመ፡ ይጼውዓሃ፡ እምኀበ፡ ሀለወት፡ እስመ፡ ውእቱ፡ ካልዕ፡
መካን፡ ሀለወት፡ ምስለ፡ ምታ። ወእማንቱሰ፡ አንስት፡ ኢያእመራሁ፡ ለምታ፡ እስመ፡ ኢርእያሁ፡ ቀዲሙ፡ አላ፡ ሚካኤል፡
ባሕቲቱ። አማኅፀኖን፡ ወላሊበላሰ፡ እስመ፡ ሖረ፡ ውእቱ፡ ሀገረ፡ ኢየሩሳሌም፡
| ገብርኤል፡ ርእያ፡ ወሶቤሃ፡ ለመስቀል፡ ክብራ። መስለ፡ ላሊበላ፡ ይቤላሃ፡ ምስለ፡ መኑ፡ ሀሎኪ፡
ኦእግዚእትነ፡ በአይቴኑ፡ ተአምርየ። ተአምሪዮ፡ ለዝንቱ፡ ብእሲ። ወትቤሎን፡ አእምሮን፡ ኦአሐቲየ። እስመ፡ እኁየ፡ ውእቱ፡
ወፍቁርየ፡ ወበጽሐ፡ ይእዜ፡ እንዘ፡ የኃሥሠኒ፡ ወይቤላሃ፡ ነዋኬ። ውእቱ፡ ብእሲ፡ ዘአማኅፀነኪ፡ ኀቤነ። ውእቱ፡
የኃሥሥኪ፡ ወዓዲ፡ ወንዒ፡ ከመ፡ ትትራከቢዮ፡ ወሖረት፡ መስቀል፡ ክብራ፡ ምስለ፡ ምታ፡ ኀበ፡ እማንቱ፡ አንሰት፡
ወበጽሐት፡ ኀበ፡ ሀሎ፡ ሚካኤል፡ ምስለ፡ መላሕቅቶን። ወመላሕቅቶን፡ ለእለ፡ አምጽአሃ፡ ወአወፈያሃ። ለሚካኤል፡
ወሚካኤልኒ። ባረኮን፡ ለእማንቱ፡ አንስት። እንዘ፡ ይብል፡ ቡሩካተ። ኰና፡ በበረከተ፡ ሥሉስ። ወበበረከተ። እግዝእተ፡
ኵሎን፡ አንስት፡ ወይቤላ፡ አሜን። ወሰገደ፡ ታሕተ። እገሪሁ፡ እንዘ፡ ይብላ፡ ኢትርስአነ፡ ኦእግዚእነ፡ በጸሎትከ፡ በኀበ፡
| ኵሉ፡ እስመዘሖርከ፡ እስመ፡ ንሬእየከ፡ ጸጋ፡ እግዚአብሔር፡ ዘያወዓውደከ፡ ወኢታንትግ፡
ሐውጸተነኒ፡ [ወኢትሥክሮ፡ ወኢዝክ] ወኢትዝክር፡ ኃጢአተነ። ወዘንተ፡ እንዘ፡ ይቢላሁ፡ ወፅኡ፡ ከመ፡ ይሐሩ፡ ፍኖቶሙ፡
አርባዕቲሆሙ፡ መስቀል፡ ክብራ፡ ወላሊበላ፡ ሚካኤል፡ ወገብርኤል፡ እንዘ፡ ይመርህዎሙ። ወሶበ፡ ርሕቁ፡ ንስቲተ፡ እምነ፡
ሀገር፡ ነሥእዎሙ፡ ሚካኤል፡ ወገብርኤል፡ ዲበ፡ አክናፊሆሙ፡ ብሩሃት፡ ወአብጽሕዎሙ፡ ቅሩብ፡ ኀበ፡ ሀገር፡ ኀበ፡ ሀለወ፡
ነጋሢ፡ እኁሁ፡ ለላሊበላ፡ ዘስሙ፡ ሐርበይ፡ በከመ፡ ነገርኩክሙ፡ ቅድመ፡ ወእንዘ፡ ሀለው፡ ለላሊሊበላ፡ ወመስቀል፡ ክብራ፡
ኀበ፡ አብ፡ ጽሕዎሙ፡ መላእክት፡ ቅሩቦ፡ ሀገር፡ እምዘ፡ ሀለው፡ ነጋሢ፡ መጽአ፡ እግዚእነ፡ ኢየሱስ፡ ክርስቶስ፡ ኀበ፡
ነጋሢ፡ ወአደንገጸ፡ በንዋሙ፡ በእንተ፡ ዘአሳሰወ፡ ቀዲሙ፡ ላዕለ፡ እኁሁ፡ ለላሊበላ፡ ወገሠጸ፡ ብ/ዙ/ኃ፡ በእንቲአሁ፡
በከመ፡ ገሠጸ፡
| ላሊበላ፡ ከመ፡ ኢያኅስመ፡ ላዕለ፡ ያዕቆብ፡ አመ፡ ዲገኖ፡ ወከማሁ፡ ለውእቱ፡ ነጋሢ፡ ገጸ፡
ገሠጸ፡ ዘውእቱ። እኁሁ። ለላሊበላ፡ ወነገሮ። ከመ፡ ተፈጸመ፡ መዋዕለ፡ መንግሥቱ፡ ወተውህበት። ላሊበላ። አኮ፡ በእንተ፡
ክብረ፡ ዓለም። አላ፡ በእንተ፡ ሕንፃ፡ ቤተ፡ ክርስቲያን። ዘሀለዎን፡ ይትሐነጽ፡ ወይትሐነጻ። እንበለ፡ ዕፅ፡ ወመሬት፡
ወአዘዞ፡ ከመ፡ ይቅተሎ፡ ይትበቀሎ፡ ንጉሥ፡ ለእኁሁ፡ ወነገሮ፡ ሀገሮሂ፡ ኀበ፡ ሀለወ፡ ወሀለወ፡ ላሊበላ። ወይቤሎ፡ ሑር።
ተቀበሎ፡ በክብር፡ ዓቢይ፡ ወፍሥሐ፡ ወማኅሌት፡ መንፈሳዊት። እስመ፡ አነ፡ ቀብዕክዎ፡ ቅብዓ፡ ቅዱሰ፡ ቅብዓ፡ መንግሥት፡
መንፈሳዊ፡ በከመ፡ በከመ፡ ይደልዎ፡ ለመንግሥት፡ ለእለ፡ ተሐርዩ፡ እምከርሠ፡ እሞሙ፡ ቅብዓ፡ ቅዱስ፡ በቁዕ፡ ለአእምሮ፡
ፍትሕ፡ ወለመዊአ፡ ዕልዋን፡ ወይእዚኒ፡ ሑር፡ ተቀበሎ፡
| ለእኁከ፡ በከመ፡ እቤለከ፡ በክብር፡ ወበፍሥሐ። ወኢያኅዝን፡ ልብከ፡ እንበይነ፡ መንግሥት። እስመ፡
ተውኅበት፡ ላሊበላ። ወአኮ፡ በእንተ፡ ዘበምድር። ዘወሀብክዎ፡ ኃላፊ፡ ዘበምድር፡ ዘወሀብክዎ፡ መንግሥተ፡ አላ፡ በእንተ፡
ሕንፃ፡ ቤተ፡ ክርስቲያን። ወአንተሂ፡ ኅሥሥ፡ ለከ። መንግሥተ፡ ሰማያት፡ ዘኢየኃልፍ። መንግሥትሰ። ዘበምድር፡ ኃላፊ፡
ውእቱ። ወባሕቱ፡ ተንስእኬ። ተቀበሎ፡ ለእኁከ፡ በዛቲ፡ ዕለት። ሶበ፡ ጸብሐ፡ ወአንብሮ። ዲበ፡ መንበረ፡ መንግሥትከ።
እንዘ፡ ትባርክ፡ በረከተ፡ ሰማያዊት። ወለሊከ፡ በእደዊከ፡ ለጸያ። ለስእርተ፡ ርእሰከ። አመ፡ ዕለተ፡ ተነብሮ። ዲበ፡
መንግሥት። ወዘንተ፡ ብሂሎ፡ እግዚእነ፡ ኢየሱስ፡ ክርስቶስ፡ በራዕየ፡ ሌሊት፡ ተሠወሮ። ወነቅሐ፡ ነጋሢ፡ እንዘ፡ ይወርድ፡
ወያንቀለቅል፡ አዕፅምቲሁ፡ እምራዕየ፡ ግርማግርማሁ፡ ለዘአስተርአዮ፡ ወፈርሃ፡
| እምቃለ፡ ተግሣጽ፡ ዘሶ፡ ገሠጾ። ወተንሢአ። ወተገሃደ፡ ነጋሢ፡ እንዘ። ይብል፡ ኦእግዚኦ፡
በዘሰበዘአስተርአይከኒ። በራዕየ። ሌሊተ። ዘገሠጽከኒ፡ ዘአኅሠምኩ። ቀዲሙ፡ ላዕለ፡ እኁየ፡ ግርማ፡ አርአይከኒ፡ ወመሰወኒ፡
ቃለ፡ ተግሣጽከ። እፎ፡ እክል፡ እቁም፡ ቅድመ፡ ገጽከ። በእንት፡ ኵነኔ። ዓቢይ። እምዕፁብ፡ አመ፡ ይድኅኑ። ጻድቃን፡
ይሴውረኒ፡ አነ፡ ኃጥእ፡ በአይቴ፡ ያስተርኢ። ሀለወኒ፡ ወዓይኑ፡ መኰንን፡ መካን፡ ይሴውረኒ። እስመ፡ ምድርኒ፡ ወኵሉ፡
ግብር፡ ዘላዕሌሃ፡ ትውዒ። ወሰማያትኒ፡ ዘእንበለ። ድምጽ። ይትረሐዋ። ወይሴስላ፡ ወኢያስተርኢ፡ አሰሮን። ለሰማያት፡
ወምድር። ወአልቦ፡ ዘይተርፍ። ወዘ፡ ይተርፍ። እንበለ፡ ባሕቱ፡ ወባሕቲቱ። መብረቀ፡ ስብሐቲከ፡ ከመ፡ ይርአይ፡ ኵሎ፡
ዘነፍስ፡ ምግባራቲሁ፡ ጻድቅኒ፡ ጽድቆ፡ ኃጥእኒ፡ ኃጢአቶ፡ እስመ፡ ቦቱ፡
| ይትከሠት፡ ምግባራቲሁ፡ ወምግባራተ፡ ኵሉ፡ ወኅቡአቲሆሙ፡ ለኵሎሙ፡ ደቂቀ፡ እጓለ፡ እመሕያው፡
ለጻድቁኒ። ይትከሠት፡ ኅቡዓተ፡ ጽድቁ። ወለኃጥእኒ፡ ያስተርኢ፡ ኅቡአተ፡ ኃጢአቱ። አይቴኬ፡ ይትኃባዕ፡ አይቴኪ፡
ወይትሀባዕ፡ ወዘከማየ፡ ኃጥእ። ወአነኒ፡ አይቴኑ። እሴወር፡ በአይቲ፡ ዕለተ፡ ደይን። አመ፡ ይትወሐጡ፡ ሰማያት፡ ወምድር።
በነደ፡ እሳት። ወእንበይነ፡ ፈቃድከ። ለይኩን። ወለዘፈቀድከ፡ ለይኩን። ወለዘ፡ ፈቀድከ፡ ኀብ፡ ወሀብ፡ ምንተ፡ ይበቁዓኒ፡
መንግሥት፡ ዘበምድር። ያድኅነኑ፡ እምግርማ፡ ድንጋፄ፡ ዘሰዓተ፡ ደይን፡ ወዘንተ፡ ብሂሎ። ወውእቱ፡ ነጋሢ፡ ጸውዓ፡
ወጸውዖሙ፡ ለኵሎሙ፡ ሐራሁ፡ ወበጽሑ፡ ኀቤሁ፡ ኵሎሙ። ወአልያኒሁ። ለነጋሢሁ፡ ለነጋሢ፡ ኵሎ፡ ተአይኒሁ፡ ተጋብኡ፡
በትእዛዙ፡ ወነገሮሙ፡ ካዕበ፡ ዘከመ፡ ተውህበት፡
| አርእዮ፡ እግዚአብሔር፡ ወዘከመ፡ ገሠጾ። በእንተ፡ ዘአኅሰመ፡ ቀዲሙ። ላዕለ፡ እኁሁ። ወነገሮሙ፡
ካዕበ፡ ዘከመ፡ ተውህበት፡ መንግሥቱ። ለላሊበላ። እኁሁ፡ ወይቤሎሙ። ተንሥኡኬ፡ ንሑር። ወንትበሎ። እስመ፡ ከመ፡ ከማሁ።
አዘዘኒ። እግዚአብሔር። ከመ። እትቀበሎ። ወከመ፡ አንብሮ። ዲበ፡ መንበረ። መንግሥትየ። ወከመ፡ ለልየ። በእዴየ። እቅርጽ፡
ስዕርቶ። በከመ። ይደሉ። ለመርዓ፡ መንግሥት፡ ወይቤልዎ፡ ሐራሁ። ምንት። ወምንትኑ፡ ዝንቱ፡ ነገር፡ ዘንሰምዕ። እምኔከ፡
እስመ፡ ተሰብረ፡ ልብነ። በሐዘን፡ እንበይነ። መንግሥትከ። እስመ፡ በሕይወትከ። ተኃድጋ። ወይቤሎሙ፡ ነጋሢ። ሊተሰ፡
ፍሥሐ፡ ኮነኒ፡ ኃዲገ፡ መንግሥት፡ ወለእመሰ፡ ወአእመርኩ። ዘከመዝ፡ [ድ] ቀዲሙ፡ ድንጋፄ፡ ቀዲሙኒ፡ ነበርኩ፡ ዲበ፡
መንበረ፡ መንግሥት፡ 137
| እስመ፡ ግርማሁ፡ አደንገፀኒ፡ ለዘኢታስተ/ር/የኒ፡ ለዘኢታስተርእየኒ፡ ትማልም፡ በራዕየ፡ ሌሊት፡
ወነቂሕየ፡ ሰእኩ፡ ቀዋመ፡ ወተናገሮ። እስመ፡ አንቀልቀሉ፡ መልክዕየ፡ ወተቀጥቀጡ፡ አዕፅምትየ፡ ወስዕንኩ፡ ተናግሮ።
እስመ፡ ብሕመ፡ ልሳንየ፡ ወበእንተዝ፡ ተበትከ፡ ፍቅረ፡ መንግሥት። እምሥርወ፡ ልብየ፡ እስመ፡ ተዘከርክዎ፡ ለሰዓተ፡
ደይን፡ ዘአልባቲ፡ አድልዎ። ኢለነገሥት። ወኢለመኳንንት፡ ኢለባዕል፡ ወኢለነዳይ፡ ዘእንበለ፡ ባሕቲቱ፡ ምግባሩ። ዘይደሉ።
ሎቱ። ወዘአስተርአየኒ። ወይቤለኒ፡ መንግሥተ፡ ምድር፡ ኃላፊ። ውእቱ፡ ኅሥሥ፡ መንግሥተ፡ ሰማያት። ወዘንተ፡ ብሂሎ፡
ወፅአ፡ ተንሢአ፡ ነጋሢ። ወእንዘ፡ ያንሶሱ፡ በእገሪሁ፡ ወተለውዎ፡ ኵሎሙ፡ ሐራሁ፡ ወኖሎት፡ አባቅልት፡ እንዘ፡
አባቅልትሂ፡ እንዘ፡ ያረውጽ፡ ድኅሬሁ፡
| ወሐራሁኒ፡ እንዘ፡ ይጌብርዎ፡ ከመ፡ ይጼዓን፡ ወውእቱ፡ የዓብዮሙ። እንዘ፡ ይብል፡ ኢይጼዓን፡
አንሰ፡ እረክቦ፡ ለእኁየ። ከመ፡ ይትኃደግ፡ ሊተ። አኃዘ፡ ቀዲሙ፡ ኃጢአትየ። ዘአኅሰምኩ። ለዕለ፡ እኁየ፡ ወከመዝ፡
አንሶሰወ፡ በእገሪሁ፡ እስከ። እረክቦ፡ ረከቦ፡ ለእኁሁ። ወለላሊበላሰ። ይቤሎ፡ ገብርኤል፡ ተንሥእ። ተራከቦ፡ ለእኁከ።
ወናሁ፡ መጽአ። እንዘ፡ ያንሶሱ፡ በእገሩሁ፡ ወጸንዓ። እንዘ፡ ይብል፡ ኢይጼዓን፡ ዲበ፡ በቅል፡ እስከ፡ እረክቦ፡
ለእግዚእየ፡ ወተንሥአ። ወላሊበላኒ፡ ወአንሶሰወ፡ በፍኖት፡ እንተ፡ ባቲ፡ ይመጽእ፡ እኁሁ፡ ንጉሥ፡ ወተናጸሩ። ክልኤሆሙ።
ወሰገዱ፡ ወሰገደ፡ ንጉሥ፡ ቅድመ፡ ሶበ፡ ነጽሮ። ወላሊበላኒ፡ ተንሥኦ። ተአምኁ፡ በበይናቲሆሙ፡ በፍቅር፡ ዓቢይ፡ ፍጹም።
ወተግህሱ፡ ወነበሩ፡ ክልኤሆሙ፡ ወለእለይቀውም፡ ቅድሜሁ፡ አዘዞሙ፡ ንጉሥ። ከመ፡ ይሰስሉ፡ ሐራሁ፡ እም።
| እምቅድሜሁ። ወአሐዘ፡ ንጉሥ፡ ይትናገር፡ ምስለ፡ ላሊበላ፡ እኁሁ። ከመ፡ ያስተስሬ፡ ሎቱ፡
በእንተ፡ ዘሰደደ፡ ቀዲሚ፡ ወአስተስረየ፡ ሎቱ። እኁሁ፡ ወእምድኅረዝ፡ ተናገሩ፡ ካልአ፡ ዘለ፡ ዘሀሎ፡ ውስተ፡ ልቦሙ፡
ንጉሥኒ፡ ወላሊበላኒ፡ ወነገሮ፡ ንጉሥ፡ ለላሊበላ። ዘከመ፡ አስተርአዮ፡ በራዕየ፡ ሌሊት። ወዘከመዝ፡ አዘዘ። ከመ፡
ያንብሮ፡ ዲበ፡ መንበረ። መንግሥት፡ ላሊበላኒ፡ ነገሮ፡ ዘመ። ቀብዖ፡ ቅብዓ፡ መንግሥት፡ ወዘከመ፡ ሰመዮ። ሎቱ፡ ስመ፡
መንግሥት። ወዘንተ፡ ኵሎ፡ እንዘ፡ ይነግሮ፡ ላሊበላ፡ ለእኁሁ፡ በሁፋሬ፡ ይትናገር። እንዘ፡ ይብል፡ አኮ። ለክብረ፡
ዓለም፡ ዘይቤለለኒ። ከመ፡ እንበር፡ ዲበ፡ መንበርከ፡ አላ፡ በእንተ፡ ቤተ፡ ክርስቲያናት፡ ዘሀለዎን። ይትከሠታ። በእደ፡
ገብሩ፡ ኃጥእ፡ ወይቤሎ፡ አነኒ፡ አእመርኩ፡ ዘንተ፡ ኦእኁየ፡ ለይሱቅ፡ መንበርከ፡
| በጽድቅ፡ እግዚአ፡ ኃያላን፡ ወቅዱስ፡ እስራኤል፡ ዘከመ፡ ሶጠ፡ መንበሮ፡ ለዳዊት፡ ገብሩ፡
ወለሰሎሞን፡ ወልዱ። ወዘንተ፡ ብሂሎ፡ ተንሥአ፡ ነጋሢ፡ ወእኁሁ፡ አንሶሰው፡ ኅቡረ፡ ተጽዒኖሙ። ክልኤሆሙ፡ ዲበ፡ በቅለ፡
ነጋሢ፡ ወበጽሑ፡ ዲበ፡ ታዕካ፡ መንግሥት፡ ወቦኡ። ወውስተ፡ ቤተ፡ መንግሥት፡ ወቦኡ። ወውስተ፡ ቤተ፡ መንግሥት። ወአዘዘ፡
ነጋሢ፡ ከመ፡ ይትጋብኡ። ኵሎሙ፡ ሠራዊቱ፡ ወሠዓ፡ ሕገ፡ ለመርዓ፡ መንግሥት፡ ወነሥአ፡ ንጉሥ፡ መላፄ፡ በእደዊሁ፡
በእዴሁ፡ ወቀረጸ፡ ሰእርቶ፡ ለላሊበላ፡ ወአንበሮ፡ ዲበ፡ መንበረ፡ መንግሥት። ወዖደ፡ ዓዋዲ፡ እንዘ፡ ይብል፡ ነግሠ፡
በፈቃደ፡ እግዚአብሔር፡ ወበፈቃደ፡ እኁሁ፡ ወይእዜኒ። ይኤዝዝ። እኁሁ፡ ከመ፡ ይትኰነኑ፡ ኵሉ፡ ሕዝብ፡ ለላሊበላ፡ ወኵሉ፡
ዘይደሉ፡ ለንጉሥ፡ ሎቱ። ያብኡ፡ ወሰመዮ፡ እኁሁ፡ ወስመ፡ መንግሥቱ። ገብረ፡ መስቀል፡ በከመ፡ ሰመዮ፡ እግዚአብሔር፡
| እምቅድመ፡ ይንበር፡ ዲበ፡ መንበረ፡ መንግሥት። ወላሊበላ፡ አመ፡ ነበረ፡ ዲበ፡ መንበረ፡
መንግሥት፡ አሐዘ፡ ይጸመድ፡ ለጽሙና፡ ዘየዓቢ፡ እምጽሙና፡ መነኮሳት። እስመ፡ ይእቲ፡ ሢመተ፡ ምንኵስና። እስመ፡ ተወድየ፡
ውስተ፡ ልቡ፡ መልሕቀ፡ ትሕትና፡ ወእምአመ፡ ነግሠ፡ ኢበልዓ፡ እማዕደ፡ መንግሥት፡ አላ፡ ባሕቱ፡ ወቦቱ፡ አሐዱ፡ ረድአ፡
ዘስሙ፡ ክርስቶስ፡ ኃረዮ፡ ወውእቱ፡ ረድዕ፡ ይሣየጥ፡ ግብረ፡ እዴሁ፡ ወይሁቦ፡ ሲሳዮ፡ ኅብስተ፡ ይቡሳ፡ በጸብሐ፡
አኅማል፡ ፈቲቶ፡ ሰለሠቱ፡ አፍ፡ እሞተ፡ ኢይዊስክ፡ ወእምዝ፡ ካልእ፡ መባልዕተ፡ ወሴቴሁኒ፡ ምልዓ፡ አሐቲ፡ ጽዋዕ፡
ወጽዋዑኒ፡ ንስቲት። ይእቲ፡ ወኢታረዊ፡ ወከመዝ፡ ነበረ፡ በኵሉ፡ መዋዕለ፡ ሕይወቱ። እምአመ፡ ነግሠ፡ እስከ፡ እስከ፡
አመ፡ ፈለሰ። miracles ወእምዝ፡ ኮነ፡ ወአሐተ፡ ዕለተ። እንዘ፡ ይፈቀድ፡ ላሊበላ፡ ከመ፡ ይደረር፡ መጽኡ፡ ሠለስቱ፡
አኃው፡
| ቅሩበ፡ ጽርኃ፡ መንግሥቱ፡ ኀበ፡ ይረፍቅ፡ ውእቱ፡ ወእልክቱሰ፡ ሠለስቱ፡ እኃው፡ ሰአልዎ። እንዘ፡
ይብሉ፡ ሀበነ፡ እግዚእነ፡ ዘንበልዕ፡ እስመ፡ አልብነ፡ ዘንዴረር፡ ዮም፡ ወዘንተ፡ ሶበ፡ ይቤሎ፡ አሐዱ፡ ወቦ፡ ኀበ፡ ቦ፡
ለላሊበላ፡ ለላሊበላ፡ አሐዱ፡ አፍ፡ እሞቶ። እ/ም/ድኅረ። አሐዙ፡ ከመ፡ ይትፈአም፡ ወካልዑኒ፡ ሰአሎ፡ ወከማሁ፡ ወሎቱኒ፡
ወሀቦ፡ ካልዕ። አፍእሞቶ፡ ወሣልሱኒ፡ ሀሎ፡ ከማሁ፡ ወአዘዘ፡ ለረድኡ፡ ከመ፡ የሀቦ፡ ሣልሣመ፡ አፍእሞቶ፡ ወተፈመ፡
ሲሳዩ። ለገብረ፡ መስቀል፡ ነሥኣ፡ ቅርፋተ፡ ወውእቱ፡ ኅብስት፡ ወፈተተ፡ ወአርሐሰ፡ በጽብሕ፡ ወበጸብሕ፡ ሰልቆ፡ ሐምል።
ወሀቦ፡ ወኢነሥአ፡ ለላሊበላ፡ ወወኢነሥአ፡ ወአብየ፡ ወአበየ፡ እንዘ፡ ይብል፡ እመሰ፡ ሠለስቱ፡ አፍእምተ፡ ዘኢይሴሰይ፡
ተወክፈ፡ ሊተ፡ በእደ፡ አግብርቲከ፡ ወአግብርቲሁ፡ እፎኬ፡ ዕበልዕ፡ ካልዕ፡ ፍተታተ፡ ወእመስ፡ በላዕኩ፡ ዘንተ፡
| ዘትሁበኒ፡ ይከውነኒ። በከመ፡ ዘኢወሀብኩ። እስመ፡ በላዕኩ፡ ከልአ፡ ህየንተ።ነገረ፡ ተናገረ።
ገብረ። መስቀል፡ ምስለ፡ ረድኡ፡ ወቤተ፡ ጽውም። ጽውሙ፡ ወነፍሱሰ፡ ጽግብት፡ እምእክለ፡ መንፈስ፡ ቅዱስ፡ ዘውእቱ። ቃለ፡
እግዚአብሔር። እስመ፡ ፈጸማ፡ ለቃል፡ ዘተብህለ፡ ዘተብህለ፡ ዘተብህት። እም፡ አፈ፡ ወእም፡ አፈ፡ ሐዋርያት፡ አፍቅሩ፡
ቢጽ፡ ቢጸክሙ። እምርእስክሙ፡ ፈድፋደኬ። አማን፡ ተፈፈጸመት፡ ዛቲ፡ ቃል፡ ላዕለ፡ ገብረ፡ መስቀል፡ ለሊሁ። ይርኅብ፡
ከመ፡ ለባዕድ፡ ወለባዕዳን፡ ጸረዊ። በከመ፡ ይቤ፡ እግዚእነ፡ በወንጌል፡ ብፁዓን። እለ፡ ይርኅቡ፡ እስመ፡ እሙንቱ፡
ይትፌሥሑ። ወይጸግቡ፡ ዘንተ፡ ቃለ፡ ከመ፡ ይፈጽም፡ ወወሀበ፡ ገብረ፡ መስቀል፡ ሠለስቱ፡ እም፡ አፍ፡ እሞተ። ዘይሴስይ።
ለሊሁ፡ አኮ፡ ኃጢአ፡ ዘይሁብ። እንዘ፡ ንጉሥ፡ ውእቱ፡ አላ፡ ከመ፡ ይትመዝገን፡ ወይትመዘገን፡
| በኀበ፡ እግዚአብሔር፡ ወወሀበ፡ ሲሳዮ። ወእምዝ፡ አዘዞ፡ ለድ፡ ለረድኡ። ከመ፡ የሀቦሙ፡
ለእልክቱ፡ ሠለስቱ፡ አኃው፡ ካልአ። መብልዓ፡ ወመስቴ፡ ወለእመ፡ ዕሩቃንኒ። ነጺሮ፡ ከመ፡ የሀቦሙ፡ አልባሰ። ወሶበ፡
ወሶበ፡ ወጽአ። ውእቱ፡ ረድዕ፡ አርአይዎ፡ ሠለስቱ፡ ዕደው። እንዘ፡ የዓርጉ፡ ውስተ፡ ሰማይ፡ እስመ፡ መላእክት። እሙንቱ።
መጽኡ፡ ኀበ፡ ገብረ፡ መስቀል። ከመ፡ ያመክሩ፡ ኂሩቶ። ወከመ፡ የሐውጽው፡ ወከመዝኬ። ይኄውጽዎ፡ መላእክት፡ ለኵሉ፡
ሰብእ፡ ለዘያፈቅር፡ ነግደ። ተመሲሎሙ፡ በአምሳለ፡ ነዳያን። ወእግዚእነኒ። ይኄውጾሙ፡ ወይትአንገድ። ውስተ፡ ቤቶሙ፡
ለእለ፡ ያፈቅሩ፡ ነግደ። በከመ፡ ተአንገድ። በከመ፡ ተአንገደ፡ ውስተ፡ ቤቱ፡ ለአብርሃም፡ ወይባርኮሙ፡ ከመ፡ በከመ፡
ባረከቱ።ወለዘርኡ። ወበከማሁ። ባረኮ፡ ለገብረ፡ መስቀል። ዝንቱኬ፡ ውእቱ፡
| መንክራቲሁ፡ ለገብረ፡ መስቀል፡ ዘፆረ፡ ክበደ፡ ጽሙና፡ ወበክበደ፡ ጽምዕ። እስመ፡ ኢበልአ፡
በመዋዕለ፡ መንግሥቱ፡ ዘእንበለ፡ አፍእሞት። ወኢሰትየ፡ እንበለ። ወዘእንበለ፡ አሐቲ፡ ጽዋዕ፡ ጸሎቱ፡ ወስእለቱ።
ወትንብልናሁ፡ ወኀብተ፡ ረድኤቱ። ። ። ። ወአሶተ፡ ጸጋሁ፡ የሀሉ፡ ምስሌነ፡ ወምስለ፡ ኵልነ፡ ወኵልክሙ። ነዳያን። እለ፡
መጻእክሙ። እንዘ፡ ትትአመኑ፡ በኃይለ፡ ጸሎቱ፡ ለዝንቱ፡ ብእሲ፡ ጸዋሬ፡ ግብረ፡ መንኩስና። ዘበነግሠ፡ ውእቱ፡ ለይኩነነ።
ተንባሌ፡ በቅድመ። እግዚአብሔር፡ አዘኪሮ፡ ኪዳኖ፡ ዘወሀቦ፡ እግዚኡ፡ እንዘ፡ ይብል፡ ዘ፡ ኵሉ፡ ዘጌሠ። ውስተ፡
መርጡልከ፡ ወተቀብዓ፡ እምጸበለ። ዝኅርከ፡ ይኩን፡ መክፈልቱ፡ ምስሌሁ። በከመ፡ ኪዳኑ፡ አማን፡ ወኮኑ፡ ወአማን፡ ወኮነ፡
በአሐዱ፡ እመዋዕል። እንዘ፡ ያመጽኡ፡ ለገብረ፡ መስቀል፡ ጸባሕቶ፡ ለነጋሢ። ዘከመ፡ ይደልዎ፡ ለነጋሢ፡ ከመ፡
| የሀቡ፡ ወያወፍዮ፡ ግብሮሙ፡ ዘይረስዮሙ፡ ነሥኡ፡ ብዙኃ፡ መቃጽወ፡ እለ፡ ምሉአነ፡ መዓር።
ወጸዊሮሙ፡ በጽሑ፡ ሐይቀ፡ ፈለግ። ዘይርድ፡ በኃይልከ፡ ወካልዕ፡ ሕዝበ። ከመ፡ ይዕደው፡ እስመ፡ መዋዕሉኒ፡ መዋዕለ፡
ክረምት፡ ውእቱ፡ ወነበሩ፡ ማዕዳተ፡ ይጸንሐ። እስከ፡ የኃልፍ፡ ውኂዘ፡ ክበድ።ወሶበ፡ ጐንደዮ፡ ንስቲተ። ቦኡ፡ ውስተ፡
ፈለግ። እስመ፡ ፈርሁ፡ ትእዛዘ፡ መልሕቃቲሆሙ፡ እስመ፡ አዘዝዎሙ፡ ከመ፡ ፍጡነ፡ ያመጽኡ። ግብሮሙ፡ ወሶበ፡ ቦኡ፡
ወአንሶሰው፡ ማዕከለ፡ ማይ፡ ኃየሎሙ። ውኂዝ፡ ወገደፈ፡ እልክተ፡ መቃጹተ፡ እለ፡ እለ፡ ምሉአነ፡ መዓር፡ ወአንኰርኰሮሙ፡
ማይ፡ ማዕከለ፡ አዕባን፡ ለእማንቱ፡ መቃጹት። ውዱየ፡ መዓር፡ ወወሰዶሙ። እንዘ፡ ያንኰረኵሮሙ፡ ወገደፎሙ፡ አሐዱ፡ ገጽ፡
ወእሙንቱሰ፡ ሰብእ፡ ወፅኡ፡ እምነ፡ ማይ፡ ወኃይል፡ ዓቢይ፡ ወአተው፡ ውስተ፡ [በአር] ሀገር፡
| ውስተ፡ ሀገር፡ ወዜነው። ለማሕለቅቲሆሙ፡ ኵሎ፡ ዘረከቦሙ፡ ውስተ፡ ማይ፡ ወዘከመ፡ ገደፈ፡
ገደፈ፡ ገነፈ፡ መቃጽዋተ፡ መዓር፡ ውስተ፡ ማይ። ሶበ፡ ኃየሎሙ፡ ውኂዝ፡ ወእልክቱኒ፡ መላህቅተ፡ ሕዝብ፡ ሖሩ፡ ወነገርዎ፡
ለገብረ፡ መስቀል፡ ወውእቱስ፡ ኢምዕዓ፡ ወኢያኅዘኖ፡ ጥቀ፡ እስመ፡ የዋህ፡ ውእቱ፡ ከመ፡ ርግብ፡ ወጠቢብ፡ ካዕበ፡ ከመ፡
አርዌ፡ ምድር። በከመ፡ ይቤ፡ እግዚእነ። በወንጌል፡ ኩኑ፡ ጠቢባነ፡ ከመ፡ አርዌ፡ ምድር፡ ወየውሀነ፡ ከመ፡ ርግብ፡
ጠቢብሰ። ለምግባረ፡ ሠናይ፡ በከመ፡ ይቤ፡ ጳውሎስ፡ ኩኑ፡ ጠቢብ፡ ወጠቢባነ፡ ነፍስክሙሂ። ወለቢጽክሙሂ፡ ወየዋህኒ፡
ውእቱ፡ ገብረ፡ መስቀል፡ ንጉሥ፡ በከመ፡ ትቤ፡ ለሊከ፡ አሕዛብ፡ እመ፡ እመቦ፡ ዘይሂሊ፡ ከመ፡ ጠቢብ፡ አብድ። ለይረሲ፡
ርእሶ፡ ከመ፡ ከመይኩን፡ ጠቢበ። እስመ፡ ኦእብደ፡ እግዚአብሔር፡ ለጥበብ፡ ዝዓለም፡ ወሶበ፡ ነገርዎ፡ በእንተ፡
| ጥፍዓተ፡ ውእቱ፡ ግምዕያተ፡ መዓር። ኢተምዓ፡ ወኢተከዘ፡ አላ፡ ይቤ። ከመ፡ ዘይትለሐይ፡ እንዘ፡
ያክሞስስ፡ አዕድዎስ፡ እም፡ ኢያዕውዎ፡ እምነ፡ ማይ፡ ለውእቱ፡ መዓር፡ ወባሕቱ፡ ማይ፡ ይጓጉዕ፡ ወጠባዎ። ወጠበጥብዎ፡
ዘእንበለ፡ ፈቃድነ። ወዘንተ፡ ሶበሃ፡ ሶበ፡ ይቤ፡ ንጉሥ፡ እንዘ፡ ያክመስምስ፡ ሰሐቁ፡ ኵሎሙ፡ ሐራሁ፡ እለ፡ ይቀውሙ።
ዓውደ፡ እስመ፡ በፍሥሐ፡ ተናገሮሙ፡ ንጉሥ፡ ከመ፡ ዘይትለሐይ፡ ወነበራ፡ እማንቱ፡ ግማዕያተ፡ መዓር፡ ብዙኃ፡ መዋዕለ፡
ተደፊኖን፡ በወሀዘ፡ ማይ። ወሶበ፡ ኃለፈ፡ ጊዜሁ። ለመዓልተ፡ ፈለግ፡ ወነተገ፡ ውሂዘ፡ ማይ፡ ወሰሰለ። ወምልዓቱ፡
ወአስተርአየ፡ ምድረ፡ ሖጸ፡ ፈለግ። ተረክቡ፡ እሙንቱ፡ ሙዳየት፡ መዓር፡ ድኂኖን፡ ወሕያዋን፡ ወኢፈቅዖሙ፡ ዕብን፡
ለአሐዱኒ። እምኔሆሙ፡ ወማኅተሞሙኒ፡ ኢተፈትሐ፡ ወኢተቀልአ፡ ወጾሩ፡
| እለ፡ ረከቡ፡ ጸዊዖሙ፡ ካልእነ። ሰብእ፡ ሰብአ፡ ይረድእዎሙ፡ ጸዊረ፡ ወነሥኡ፡ ወጾሩ፡ ወአብጽሑ።
ኀበ፡ ንጉሥ፡ ወይቤልዎ፡ ነዋ፡ ኦእግዚእነ፡ ንጉሥ፡ ዝኩ፡ መዓር፡ ዘተገድፈ። ውስተ፡ ስማይ፡ ወበኢተክዕወ፡ መዓሩ፡
ወኢተሰብሩ፡ ግምዕያቲሆሙ። እስመ፡ መንጦላዕተ፡ ጸሎትከ፡ ከደኖሙ። እንዘ፡ ሀለው፡ ውስተ፡ ማይ፡ መጠነ፡ ዝመዋዕል፡
ወኢተቀልአሂ፡ ማኅተመ፡ መክደኖሙ፡ ወይቤ፡ ንንጉሥኒ፡ ርዕዮ፡ ወነጺሮ፡ ዕዕፁበ፡ ግብረ፡ ወመንክረ፡ ለዘ፡ ይሰምዖ፡ ይቤ፡
ስብሐት፡ ለከ። ኦእግዚኦ፡ እስመ፡ አልቦ፡ ነገር፡ ዘይሰአነከ፡ ዕፁብ፡ ቀለል፡ በኃይለ፡ በኀቤከ፡ ወአልቦ፡ ግብር፡
ዘይጼዓነከ። ወይቤሎሙ፡ ካዕበ፡ ንጉሥ፡ ለሐራሁ፡ ርእዮ፡ ርእዩከ፡ አሕዝበ፡ እግዚአብሔር፡ ንሕነሰ፡ ፈቀድነ፡ ንሴስይ፡
ዘንተ፡ መዓረ፡ እንበለ፡ ይበጽሕ፡ ጊዜሁ፡ ወከልአነ፡ እግዚአብሔር፡ ወዓቀበ፡ ማይ፡ ወአመ፡ በጽሐ፡ ጊዜሁ፡
| ፰ ወሀበነ፡ አውጺዖ፡ እማይ። አንትሙኒ፡ አእኩትዎ፡ ሰብእ፡ እስመ፡ በእንቲአክሙ፡ ተገብረ፡
ዝመንክር። ከመ፡ ኢይትኃጐል። ሲሳይክሙ፡ ወይቤሉ። ስብሐት። ለእግዚአብሔር፡ ለአምላከ፡ አማልክት፡ ለንጉሠ፡ ነገሥት፡
ለዘወሀበነ፡ ኪያኪ። ዘትጸውር። ከቢደ፡ ኃጢአት፡ ወንሕነሰ፡ በወልታ፡ ጸሎትከ፡ ተተሌለይነ። ንሴፎ፡ ንድኅን፡ ወሰማይኒ።
ወበምድርኒ። እስመ፡ አንተ። ጸዋሬ፡ ንዴት፡ ወጽሙና፡ ከመ፡ መነኮሳት፡ ወዘንተ፡ ሰሚዖ፡ እም፡ አፈ፡ ሕዝብ። ወይቤሎሙ፡
አርምሙ። እስመ፡ ፈድፋደ፡ ይጼውዖ። ውዳሴ። ከንቶ፡ ዘለዓለም። እስመ፡ ውዳሴ፡ ከንቶ፡ ያጠፍዕ፡ ነፍሰ፡ ሰብእ፡ ተወክፈ፡
በልቡ፡ ወሶበ፡ ይዌድስ፡ ሰብእ፡ ለገብረ፡ መስቀል፡ ንጉሥ፡ ኢተወክፈ። በልቡኒ፡ ወበእዘኒሁኒ። ከመ፡ ይሰምዕ፡ ኢይፈቱ፡
እስመ፡ ይስምዖ፡ ለክርስቶስ፡ በቤተ፡ ክርስቲያን፡ እንዘ፡ ይኬልህ፡ በቃለ፡ ወንጌል፡ ቅዱስ፡ እንዘ፡
| ይብል፡ አሌለክሙ፡ ሶበ፡ ሠናየ፡ ይብል፡ ሰብእ፡ ላዕሌክሙ፡ ወይዌድሱክሙ። እስመ፡ ረሰይክሙ፡
ረሰይዎሙ። ከማሁ፡ ለቀደምትክሙ፡ ርእዩኬ፡ ኦፍቁራንየ፡ መድምማቲሁ። ለገብረ፡ መስቀል፡ ንጉሥ፡ ዘከመ፡ ገብረ፡ ሎቱ፡
እግዚአብሔር። እስመ፡ ለማይኒ፡ አዘዘ፡ ከመ፡ ትኩኖ፡ ዓመተ። ከመ፡ እንተ፡ ትትኤዘዝ፡ አመት፡ ለእግዝእታ፡ ከማሁ።
ተአዘዘቶ፡ ማይ፡ ለገብረ፡ መስቀል። እስመ፡ ኢፈትሐት፡ ማኅተመ፡ ዘግምዔ፡ መዓር። ወኢስቈረት፡ አሐተሂ። እምኔሆን፡ አላ፡
ዓቀበት፡ በትእዛዙ። ለእግዚአብሔር፡ እስመ፡ ቀጸባ፡ እግዚአብሔር፡ ኢትኃጐል፡ ንዋየ፡ መሲሑ፡ ወኅሩዩ። ለገብረ፡ መስቀል፡
ውሂዘ፡ ክረምት፡ አዕባንኒ። ይበጽሕ፡ ሶበ፡ ያንኰርኩር፡ ዲበ፡ ዕብን፡ ወአዕዋምኒ፡ ኢተበትኩ፡ እምሠረዊሆሙ፡ እስመ፡
ኃይለ፡ ማይ፡ ፈለግ፡ ዘክረምት። ወውስተ፡ ማየ፡ ኃይል፡ ዘይሁብ፡ ዘይሁብ፡ ምሕዋረ፡ ውእቱ፡
| ዓቀቦሙ። ከመ፡ ኢያስቈርሩ፡ ወከመ፡ ኢይትፈታሕ፡ ማኅተ[መ]መ፡ መክደኖሙ፡ በከመ፡ ዓቀቦ፡
ለዮናስ፡ በውስተ፡ ከርሠ፡ አንበሪ፡ ወከማሁ። ዓቀቦሙ። ለእሙንቱ፡ ወለእማንቱ። ግማዕያተ፡ መዓር፡ በኃይለ። ጸሎቱ።
ለላሊበላ። ጸሎቱ፡ ወስዕለቱ፡ ወበረከቱ። ወኀብተ፡ ረድኤቱ። ወትንብልማሁ፡ የሀሉ፡ ምስለ፡ ኵልን። ለይኩን፡ ወይሱቀነ።
ከመ፡ ኢንተንትን፡ ወይባልሐነ። እመሠገርተ፡ ሰይጣን፡ ወይምርሀነ። ውስተ፡ ፍኖተ፡ ብርሃን። ወይክድነነ፡ በመንጦላዕተ፡
ስዕለቱ፡ ኢ፡ ከመ፡ ኢንትኰነን፡ ኢንትኰነን። በግርምት፡ ወዕፅብት። ሰዓተ፡ ደይን። እስመ፡ ኢታድኅን፡ እምውሉደ፡ ከመ፡
ንቁም፡ ምስሌሁ፡ በየማነ፡ መድኅን። አሜን፡ ወአሜን። ወኮነ፡ ካዕበ፡ በአሐዱ፡ ዕለት። እመዋዕል፡ በላዕለ፡ ገብረ፡
መስቀል፡ ተርእዩ፡ ወተርእየ፡ መንክራት፡ ወነበራ፡ ትሕትና፡ ትሕትና። እንዘ፡ ንጉሥ፡ ውእቱ፡ ተመሰለ፡
| ለነዳየ፡ ወኮነ፡ ሎቱ፡ ዘውገ። በመንኖ፡ ወኢነበረ፡ በስዒን። ብዕል፡ አላ፡ በእንተ። መንግሥተ።
ሰማያት፡ ተነድየ። እንዘ፡ ንጉሥ፡ ውእቱ፡ ዘንቡር። ዲበ፡ መንበረ፡ መንግሥት። ወአሐተ፡ ዕለተ፡ አስተዳለው፡ ወማዕደ።
ዘከመ፡ ይደሉ። ለመንግሥት፡ ዘይበቁዕ፡ ወዘይበቁዕ፡ ወያአክል፡ ለሠራዊቱ፡ ወወሀቦሙ፡ ሴቴ፡ ሜስኒ፡ ለሠራዊቱ፡ መብልዓ፡
ቅሱማይ። ጥዑም፡ ዘዘዚአሁ፡ ወወሀቦሙ፡ ከመ፡ ይትፌሥሑ፡ ሠራዊቱ፡ ወውእቱሰ፡ ወፅአ፡ እምውሳጤ፡ መንጦላዕት፡ ለቢሰ፡
አጸርቅተ፡ ወዘከመ፡ ይለብሱ፡ ነዳያን፡ ወሖረ፡ ኀበ፡ ይረፍቁ። ነዳያነ፡ ወፅአ፡ ወወፂአ፡ እንተ። መልብስት። እንዘ፡
ዘይሬእዮ፡ ወቦአ፡ ማዕከለ፡ ነዳያን፡ ወነበረ፡ ምስሌሆሙ፡ ከመ፡ ይትመጠው፡ ነፍስ፡ ኅብስተ፡ ንዴት፡ እማዕደ፡ ሐራሑ፡
እለ፡ ይሁቡ፡ ለነዳያን፡ በትእዛዘ፡ ዚአሁ። እስመ፡ ያሜክራ፡ ለነፍሱ፡ በኵሉ፡ ፍንዋተ፡ ጽድቅ፡
| ወያጌብራ፡ ለሥጋሁ፡ ወእንዘ፡ ሀሎ፡ ገብረ፡ መስቀል፡ ማዕከሎሙ፡ ለነዳያን፡ በጽሐ፡ ዘይከፍሎሙ፡
ኅብስተ፡ ለነዳያን፡ ወበጽሐ፡ ኀበ፡ ገብረ፡ መስቀል፡ ወወሀቦ፡ ሎቱኒ። ወኃለፈ፡ ወውእቱ። ወዓሌ፡ ንጉሥ። ወእምድኅረዝ፡
ርእያ። ወእምድኅረዝ፡ ወርእዮ። ለገብረ፡ መስቀል። በማዕከለ፡ ነዳያን፡ አሐዱ፡ እምነ፡ መዓንዝራን፡ ወአእመረ። ከመ፡
ንጉሥ፡ ውእቱ፡ ወነሥአ። እንዚራሀ፡ ወዘበጠ፡ አውታሮሙ፡ አውታሮ፡ በድኅንፃሁ። ወይቤ፡ እንዘ፡ የአነዝር፡ ካልአንሰ።
ውስተ፡ ተፈግዖ፡ በጥብሐ፡ ላህም፡ ወበሴቴ፡ ሜስ። ንጉሥ፡ ወንጉሥ፡ ምስለ፡ ነዳያን። ከመ፡ ጽኑስ። ወሶበ፡ ሰምዓ።
ገብረ፡ መስቀል፡ ዘንተ፡ ቃለ፡ እምአፈ፡ መዓንዝር፡ ተንሥአ፡ ፍጡነ፡ ወቦአ። ውስተ፡ ውሳጤ፡ መንጦላዕት። እንዘ፡
የሐዝን። በእንተ፡ ዘርእዮ፡ ውእቱ፡ ወውእቱ፡ መዓንዝር። እስመ፡ ይፈቅድ፡ ከመ፡ ወይፈጽም፡ ኵሎ፡ ጽድቀ፡ በስውር፡
ወበኅቡዕ፡ በከመ፡
| ይቤ፡ እግዚእነ፡ በወንጌል፡ በኅቡዕ፡ ይኵን፡ ጽድቅክሙ፡ ወኢያዕመርክሙ፡ ሰብእ፡ ከመ፡ ጸምውክሙ።
እስመ፡ አቡክሙ፡ ዘይሬኢ፡ ዘይሬእየክሙ። በኅቡዕ፡ የአስየክሙ፡ ክሡተ፡ ወገብረ፡ መስቀል። ወውእተ፡ ኅብስተ፡ ዘተመጠወ፡
እምእደ፡ አግብርቲሁ። ውእተ፡ ተሴስዮ፡ ኃደረ፡ ምስለ፡ ረድኡ። ከመዝ፡ ገብረ፡ መንክረ፡ ወዕፁበ፡ ግብረ፡ እስመ፡ ኢኮነ፡
ሱ/ታ/ፌ፡ ወሱታፌሆሙ፡ ለነዳያን፡ በእንተ፡ መንግሥተ፡ ሰማያት፡ ከመ፡ ይፈጽም፡ ዘተብህለ፡ ዘተብህለ፡ እምአፈ፡ ኢጲስ፡
ቆጶሰ፡ ኵሉ፡ ዓለመ፡ ዝውእቱ። ኢየሱስ፡ ክርስቶስ፡ ብፁዓን፡ ነዳያን፡ በመንግሥተ፡ ሰማያት። እስመ፡ ሎሙ፡ መንግሥተ፡
ሰማያት። ጸሎቱ፡ ወስዕለቱ፡ ያዕርግ፡ ውስተ፡ ጽርሐ፡ ቅድስቱ፡ ለልዑል። እንዘ፡ ትምዕዝ፡ ጽንሐሃ፡ ዕጣን። እስመ፡
እምአፈ፡ ንጹሐ፡ ንጹሕ፡ ተፈነወት፡ ወትበውዕ፡ ውስተ፡ ውሰጤ፡ መቅደሱ፡ ለሊቀ፡ ካህናት፡ ዓቢይ፡ እንዘ፡ አልቦ፡
ዘይከልአ፡ በአክናፈ፡
| ትሕትና፡ ትጼዓን፡ በእተ፡ ተኃፍሮቱ፡ ምስለ፡ ነዳያን። ወንሕነሰ፡ ለእመ፡ ኢበላዕነ። ቅሱማተ፡
ወልምሉማተ፡ እስከ፡ ይስሕብ፡ ይስብሕ። ሥጋነ፡ ኢንክል። ከመ፡ ትንቢት። አሐተ፡ ዕለተ። ለእመ፡ ረከብነ፡ ነኃሥሥ። ከመ፡
ንርከብ። እስመ፡ አልብነ። ሙቁሐተ፡ መንፈስ፡ ዘያጌብረነ፡ ለጸዊም፡ ወገብረ፡ መስቀል። እንዘ፡ ሀሎ፡ ውስተ፡ መንግሥት።
ኢበልዓ፡ ወኢሰትየ፡ ለፍትወተ፡ ሥጋሁ። ከመ፡ ይኩን፡ ፍግዓሁ፡ ፍጹም፡ በማዕደ፡ መርዓ፡ ዘኢየኃልፍ፡ በሰማያት። ወለነኒ፡
ኢይፍልጠነ፡ ወበውእቱ፡ ማዕደ፡ መርዓ። እግዚእነ። ወመድኃኒነ። ኢየሱስ፡ ክርስቶስ፡ በኃይለ፡ ጸሎቱ። ለገብረ፡ መስቀል።
መሲሁ፡ ዘተጸምደ፡ ለአርዑተ፡ ወጽሙና። እንዘ፡ ይነብር፡ ዲበ፡ መንግሥቱ፡ አሜን። ወዓዲ፡ ኮነ፡ በአሐዱ። እመዋል።
ወለነ፡ ሀሎ፡ ውስተ፡ ሀገር፡ እምአኅጉራተ፡ መንግሥቱ። ለአሐዱ፡ ዓላዊ፡ ዘዓለዎ፡
| ለገብረ፡ መስቀል፡ ንጉሥ፡ ወሐሳውያን። ወፈነዎ፡ ለወልዱ፡ ገብረ፡ መስቀል። ኀበ፡ ውእቱ። ዓላዊ።
ከመ፡ ይፅብዖ፡ ለውእቱ፡ ብእሲ፡ ዘአጽረሮ፡ ለገብረ፡ መስቀል። ወሶበ፡ በጽሐ፡ ውእቱ። ወልደ፡ ነጋሢ። ውስተ፡ ሀገሩ፡
ዓላዊ፡ ለዓላዊ፡ ወተአነ። ውስተ፡ አሐዱ፡ ወእምነ፡ መካን፡ ተጸዊኖ፡ ውስተ፡ ጕድበ፡ ደብር፡ ወለአከ፡ አሐዱ፡ ብእሴ፡
መኰንን፡ ወመኮንነ፡ ምስለ፡ ወአልያኒሁ፡ ኀበ፡ ውእቱ፡ ዓላዊ፡ በቃለ፡ ሰላም። እንዘ፡ ይብል። አቡየአ። ለአከኒአ፡
ኀቤከኣ፡ እንዘ፡ ይብልኣ፡ ነዓ። ከመንግበርኣ፡ ሰላመኣ። ወለምንትኣ፡ ተአለወኒኒኣ። ይመስለከ፡ አ። ዘኢአኰነነኒ፡
እግዚአብሔር፡ ኀቤ፡ አልበአ፡ ዘትመስጥ፡ እምእዴየኣ። ወውእቱሰ፡ ብእሲ፡ አግብአ፡ መልእክቶ፡ በኣ፡ በተኣይሮ፡ ከመ፡
ሰናክሬም፡ እንዘ፡ ይብል፡ አልብየኣ፡ ሰላመኣ፡ ምስሌሁ፡ ለአቡከኣ። ወምስሌከኒኣ፡ ወእምእፈርህ፡ እምኔክሙኣ፡
| ወኢይሰጠው፡ ቃለክሙኣ፡ ወእመሰአ፡ እመስአ፡ አመስጥአ፡ እምእዴክሙኣ፡ ኢትስአልአ፡ መነሂአ፡
ለሊከአ፡ አእምርአ፡ ከመ፡ ኢይትአየነኒአ፡ ወለእመሰኣ፡ ትፈድኣ፡ ከመኣ፡ ንትቃተልአ፡ ተደለውኣ። ወአነኒ፡ እመጽእ፡
ተደሊውየኣ። ወሰሚዖ፡ ወልደ፡ ነጋሢ። ይቤ፡ ለይኩንኣ፡ አንሰኣ፡ ኢይፃብአከኣ። አምላከ፡ አቡየኣ፡ ይሜጥወከአ። ውስተ፡
እዴየአ። ወበሳኒታ፡ ተደለው፡ ከመ፡ ይትቃተሉ፡ ወተዓየኑ፡ ኀበ፡ ይትረአዩ። ወይቤሎ፡ ወልዱ። ለውእቱ፡ ዓላዊ፡ ለወልደ፡
ገብረ፡ መስቀል፡ ንጉሥ። ክርስቲያን። ኅድግ፡ አንተኒ፡ ሐራከ፡ ወንትቃተል፡ ክልኤነ፡ በባሕቲነ፡ ወይቤሎ፡ ወልደ፡ ገብረ፡
መስቀል፡ ኢይቤለከኑ፡ ትማልም፡ አላ፡ በኃይልከ፡ አላ፡ በኃይለ፡ አቡየ። ወአምላኪየ፡ ወለዛቲኒ፡ ትዕይርትከ፡ ይሬስያ።
ከመ። ትዕይርተ፡ ጎልያድ። ወአነኒ፡ እመጽእ፡ ኀቤከ፡ በኃይለ፡ አምላኪየ፡ ከመ፡
| ዳዊት፡ ምዕመንየ። ወዘንተ፡ ብሂሎ፡ ተሰብሐቶ፡ ለውእቱ። ዓላዊ። ወይቤሎሙ፡ ውእቱ፡ ወልደ፡
ተአያሪ፡ ለወልደ፡ ገብረ፡ መስቀል፡ መቅደመሰ፡ አንተ፡ ፃዕ። ሊተ። ወፅአ፡ ሎቱ፡ ወደርብዮ፡ ውእቱ፡ ዓላዊ። ወኢረከበ፡
ወኢምንትኒ። እስመ፡ ኣደ[ለ]ወቶ፡ ኵናት፡ በኃይለ፡ ጸሎቱ፡ ለገብረ፡ መስቀል፡ ንጉሥ፡ ወገብረ፡ መስቀል፡ ይኔጽር። ኵሎ፡
ዘይ/ገ/ብር፡ ወዘይገብር፡ ወልደ፡ ዓላዊ፡ ምስለ፡ ወልዱ። ወንጻሬሁሰ፡ አኮ፡ በዓይነ፡ ሥጋ፡ አላ፡ በዓይነ፡ መንፈስ፡
ርእየ፡ እንዘ። ሀሎ፡ በሀገረ፡ ሮሀ፡ ወወልደ፡ ወለወልዱሰ፡ ርሑቀ፡ ሀሎ። ኀበ፡ ሀገረ፡ ዓላዊ፡ ወምሕዋሩሰ፡ መጠነ፡
ሰሙን። ወሶበ፡ ደርብዮ። ወዓላዊ፡ ወልደ፡ ዓላዊ፡ ለወልዱ፡ ርእየ፡ በመንፈስ፡ እንዘ፡ ሀሎ፡ ርሑቀ፡ ርእዮ፡ ይቤ።
ዕቀቦ፡ እግዚኦ። ከመ፡ ብንተ፡ ዓይን። ወበጽላሎተ፡ ክነፊከ፡ ክድኖ፡ ወሶበ፡ ይቤ፡ ከመዝ፡ ገብረ፡ መስቀል፡
| ንጉሥ፡ አደወቶ፡ ኳናት፡ ለወልዱ። ዘተፈነወት፡ እምእደ፡ ዓላዊ። ወበዳግም፡ ደርበየ። ወልደ፡
ገብረ፡ መስቀል፡ ወለወልደ፡ ዓላዊ፡ ወወግዖ። ወቦኣቶ፡ ኵይናት። ለውእቱ፡ ዓላዊ፡ እንተ፡ ሕንጋዙ፡ ወፅአት፡ እንተ፡
ጉርኢሁ፡ መጠነ፡ ስዝር። ወጸመረቶ። ምስለ፡ ምድር፡ ወከመዝ፡ ሞተ፡ ውእቱ፡ ዓላዊ፡ ወወልዱሰ፡ ገብረ፡ መስቀል። ድኅነ፡
ተከዲኖ፡ በኃይለ፡ ጸሎቱ። ለአቡሁ፡ ወርእየ፡ ካዕበ፡ ገብረ፡ መስቀል፡ እንዘ፡ ይመውት፡ ውእቱ፡ ዕቡይ፡ በዕደ፡ ወልዱ፡
ወአዘዞሙ፡ ለሠራዊቱ። ከመ፡ ይወውዑ፡ በዓቢይ፡ ቃል፡ በፍሥሐ፡ እስመ፡ ሞአ፡ እግዚአብሔር። በዕደ፡ አግብርቲሁ፡ ወተሞኣ፡
ሰይጣን፡ ምስለ፡ ሠራዊቱ፡ ወሶበ፡ ወሶበሰ፡ ሞተ፡ ውእቱ፡ ወልደ፡ ዓላዊ፡ ተሰብሩ፡ ሠራዊቱ። ወሶበ፡ ዓላዊ፡ ወዴገንዎሙ።
ሠራዊቱ፡ ለገብረ፡ መስቀል፡ ወአኅለቅዎሙ፡ ለዓለውያን፡
| ወአኃዝዎ፡ ለአቡሁ፡ ወለውእቱ፡ ወልድ፡ ዘሞተ፡ ወአሠርዎ፡ ወአብጽሕዎ። ኀበ፡ እግዚኦሙ። ወኵሎ፡
ኣስተራቲዖ፡ ተመይጠ፡ ኀበ፡ አቡሁ፡ ወወሀቦ፡ ለአቡሁ። ወውእተ፡ ዓላዊ፡ ዘአምጽአ፡ አሢሮ። ወአቡሁሰ፡ ውእቱ፡ ከመ፡
እግዚአብሔር። ወሶበ፡ ርእዮ፡ ገብረ፡ መስቀል፡ ወይቤሎ፡ ለምንት። ዓለውከኒ። ወይእዜኒ፡ ሠረይኩ፡ ለከ፡ ዘቀዲሚ፡
ጌጋይከ። ወይእዜኒ። ኢትልመድ፡ ዘከመዝ። ግብረ፡ ሖረ፡ ዘከመዝ፡ ግብረ፡ ሑር፡ ውእቱ፡ ውስተ፡ አብያተ፡ ክርስቲያናት፡
ውስተ፡ አብያቲከ፡ ወውእቱሰ፡ ብእሲ፡ ድሩክ፡ ወውእቱ፡ ዕቡይ፡ ወሶበ፡ ወፅአ፡ እምኀበ፡ ንጉሥ፡ ህየንተ። ዘእምወደስ፡
አኃዘ፡ ይስለቆ፡ ሎቱ፡ ወለሐራሁ፡ እንዘ፡ ይብል። እፎ፡ አብዳን፡ እሉ፡ ሕዝብ፡ ቀዲሙ፡ ዓላውክምዎሙ፡ ወእግዚአብሔር።
አግብዑኒ፡ ውስተ፡ እዴሆሙ። ወይእዜኒ፡ ፈነውኒ፡ ሕያውየ፡ ወአልቦ፡
| ዘረሰየኒ፡ እስመ፡ አአብዩ፡ እምቀተሉኒ። ወዘንተ፡ ብሂሎ፡ ተጽዕነ፡ ፈረስ። ወአኃዘ፡ ይሑር።
ወሀለወት። አሐቲ፡ ኦም፡ ውስተ፡ ፍኖት። ወባቲ፡ ሦክ፡ ወወግአቶ፡ ለውእቱ፡ ብእሲ፡ ወቦአት፡ ውስተ፡ ፍጽሙ። ከመ፡
አሕፃ፡ ወበጊዜሃ። ሞተ፡ ወውእቱ፡ ዕቡይ፡ ወዜናውዎ፡ ለንጉሥ። ከመ፡ ሞተ፡ ወሰሚዖ፡ ንጉሥ፡ ወይቤ። እስመ፡ ኢሰሰለ፡
ትዕቢት፡ እምልቡ። ወበእንተዝ፡ ሞተ። እስመ፡ እስመ፡ ዘጸአለነ። ርዕዩኬ፡ ኦፍቁራንየ፡ ዘከመዝ፡ መድምም፡ ዘተገብረ፡
በኃይለ፡ ጸሎቱ፡ ለገብረ፡ መስቀል። ወራዕየሂ፡ ዘከመ፡ ርእየ፡ ዘርእየ፡ እንዘ፡ ሀሎ። ርሑቀ፡ እስመ፡ በከመ፡ ይሬኢ።
አምላኮሙ፡ ይሬእዩ፡ መላኪያኒሁ። እስመ፡ መንፈስ፡ ቅዱስ፡ ዘላዕሌሆሙ፡ ይክሥት፡ ይከሥት፡ ሎሙ። ኅቡአተ። ጸሎቱ፡
ወስዕለቱ። ለገብረ፡ መስቀል፡ የሀሉ፡ ምስሌነ። ወሰይፈ፡ ረድኤቱ፡
| ትግዝሞ፡ ለፀርነ፡ በከመ፡ ገዘመቶ፡ ለውእቱ፡ ዓላዊ። አሜን። ወአሜን። ። ። ወአሐተ፡ ዕለተ፡
ዘአርአየ። መንክራቲሁ። ገብረ፡ መስቀል። እፈቅድ፡ እንግርክሙ፡ ወሀለወት፡ አሐቲ፡ ብእሲት፡ በዕልተ። ወእንዘ፡ ትዴረር፡
ወትበልዕ፡ ሥጋ፡ እንስሳ፡ አኃዘት፡ ትብላዕ፡ ሥጋ፡ ሰብእ፡ ዘበሐሜት። ወሐመየቶ። ለላሊበላ፡ በነገር፡ ካልዕ፡ እንዘ፡
ትጸርፍ። ሎቱ፡ ወተፍአመት፡ ሥጋ፡ ወሐኒቃ፡ ወሐነቃ። ውእቱ፡ ሥጋ። ወኢወረደሂ፡ ታሕተ። ወኢላዕለ፡ ኢወፅአ። አላ፡
ነበረ፡ ማዕከለ፡ ጉርዔሃ። እንዘ፡ የጠንቃ፡ ዘበሐኒቅ። ወፈቀደ፡ ይፃዕ፡ ዓይና። እምብዝኃ፡ ሐኒቅ፡ ጥዋቄ፡ ህንቅት፡
ወጸርሐት፡ በውስተ፡ ልባ። እንዘ፡ ትብል፡ አበስኩ፡ ለከ፡ ኦእግዚእየ፡ እግዚእየ። ገብረ፡ መስቀል፡ መሲሑ፡
ለእግዚአብሔር፡ ወኢይደግም፡ እምይእዜ፡ ጸውዖተከ፡ ወኢይዜከር፡ ስመከ፡ በእከይ፡ እንበለ፡ በሠናይ።
| ወዘንተ፡ ሶበ፡ ትቤ፡ ወፅአ፡ ውእቱ፡ ምታረ፡ ሥጋ፡ ምስለ፡ ደም፡ ዝርኢሃ፡ ወወደቀ፡ ውስተ፡
ምድር፡ ጸሎቱ፡ ወስዕለቱ፡ ለገብረ፡ መስቀል። የሀሉ፡ ምስሌነ፡ ወሀብተ፡ ረድኤቱ፡ ይሕንቆ፡ ለዕደውነ። አሜን። ወካዕበ፡
አሐተ፡ ዕለተ፡ ኣንዘ። ይጽርፍ፡ ሎቱ፡ አሐዱ፡ ብእሲ። ለላሊበላ። እንዘ፡ የሐምዮ፡ ወብእሲቱሰ፡ ለውእቱ፡ ብእሲት፡
ትቤሎ። ኢትጽርፍ፡ ላዕለ፡ ገብረ፡ መስቀል። ወመሲሑ፡ ለእግዚአብሔር፡ ወእቱ፡ ወዓዲ፡ ተምዓ፡ ለብእሲቱ፡ ወተንሥአ፡
እምኀበ፡ ይነብር። ወዓርገ፡ ውስተ፡ ስማይ፡ ልቡ፡ ወኖመ። ወሶበ፡ ነቅሐ፡ እምነዋሙ፡ ወረከበ፡ ክልኤቱ፡ አዕይንቲሁ፡
ዕውሬን፡ ወዜነዎ፡ ለብእሲቱ። ከመ፡ ዖሩ፡ አዕይንቲሁ፡ ወብእሲቱሰ፡ ኢይቤለከኑ፡ ኢትጽርፍ፡ ዘእንበለ፡ ላዕለ፡ ገብረ፡
እግዚአብሔር፡ አርአየከ። እግዚአብሔር፡ ኃይሎ። ላዕሌከ፡ እስመ፡ ጸረፍከ፡ ላዕለ፡
| ገብሩ፡ በዑረተ፡ ልብከ፡ እግዚአብሔር፡ አዖሮን፡ ለአዕይንቲከ፡ ከመ። ይኩን፡ ዕውረ፡ ውስጥከኒ፡
ወአፍአከኒ። ወይእዜኒ። ኢትኅዝን፡ በእንተ፡ ዓረተ፡ አዕይቲከ። አላ፡ ሐዘን፡ በእንተ፡ ነፍስከ። እስመ፡ ትኬንን፡
በእሳተ፡ ገሃነም፡ ወለእመ፡ ኢነሣህከ። በከመ፡ ይቤ። እግዚእነ፡ በወንጌል፡ ኵሎ፡ ዘነበበ፡ ቃለ፡ ጽርፈት፡ ላዕለ፡
ወልደ። እጓለ፡ እመሕያው፡ ይትትኃደግ፡ ሎቱ፡ ወዘሰ፡ ጸረፈ። ላዕለ፡ መንፈስ፡ ቅዱስ፡ ኢይትኅድግ፡ ወኢይትኃደግ። ሎቱ፡
ኢበዝ፡ ዓለም፡ ወኢበዝ፡ ወበዘ፡ ይመጽእ። ዘጸረፈ፡ ዲበ፡ ወዲበ፡ እጓለ፡ እመሕያው። ዘይቤ፡ ላዕለ፡ ኢተጠመቀ፡ ወዘሰ።
ጸረፈ፡ ላዕለ፡ መንፈስ፡ ቅዱስ። ዲበ፡ እለ፡ ነሥኡ። መንፈስቅዱሰ። እምከርሠ፡ ጥምቀት። ወይእዜኒ፡ ዕብለከ፡ ዲበ፡
ሰብእ፡ ዘጸረፈከ፡ አላ፡ ዲበ፡ መንፈስ፡ ቅዱስ። ወከመዝ፡ ገሠጸቶ።
| ይእቲ፡ ብእሲት፡ ለብእሲሃ። እስመ፡ መንፈስ፡ ቅዱስ። አስተናገራ። አስተናገራ። ወይእዜኒ፡ ኢይፃ፡
ነገረ፡ ጽርፈት፡ እምአፉነ፡ ላዕለ፡ እኁነ። ክርስቲያናዊ። እስመ። ተወልደ፡ መንፈስ፡ ቅዱስ፡ ወበእንተዝ፡ ንሠመይ፡
ጸራፍያነ፡ ላዕለ፡ መንፈስ፡ ቅዱስ። እስመ፡ ጸፈ፡ ጸረፍነ። ላዕለ፡ ክርስቲያናዊ። ያድኅነነኬ። እግዚአብሔር። እምዘ፡
ከመዝ፡ ልማዱ። እስመ፡ ጳውሎስኒ። ይሜህር፡ ወይሜህረነ፡ ኢንርግም። እስከ፡ ከመ፡ ኢንረግሞ፡ ለሰይጣን፡ ዘይሜህረነ፡
ዘይሜህር። አው፡ ከመ፡ ኢንልክፎ፡ ወኢንለክፎ፡ ጥቀ፡ ወለመርገም፡ በልሳን። ከመ፡ ኢንድኅድ። ላዕለ፡ እኁነ።
ንትመፀኀፀንኬ፡ በኃይለ፡ ጸሎቱ። ለገብረ፡ መስቀል፡ ከመ፡ ያቡሮ፡ ለሰይጣን፡ ዘያስሕተነ፡ ወይሜህረነ። ከመ፡ ንጽርፍ።
በከመ፡ አዖሮ። ወለውእቱ፡ ብእሲ፡ ዘጸረፈ፡ ላዕሌሁ፡ ጸሎቱ፡
| ወበረከቱ።ወስዕለቱ፡ ወኀብተ፡ ረድኤቱ። የሀሎ፡ ምስሌነ፡ ወምስለ፡ ኵልነ፡ አሜን። ። ። ።
ስምዑኬ፡ ኦፍቁራንየ፡ እለ፡ እንግርክሙ፡ ዘከመ፡ ኮነ፡ ግብረ፡ ሕንፃሆን፡ ፀአቶን፡ ለእላንቱ፡ አብያተ፡ ክርስቲያናት፡
እምልበ፡ ምድር፡ በዕደ። ላሊበላ፡ ልዑለ፡ ዝክር። ወዘከመ፡ እፎ፡ ግብረ፡ ሕንፃሆን፡ ኮነ። እንበለ፡ ዕፅ። ወመሬት።
ወዘእንበለ፡ አኅባለ፡ ጠፈር፡ ወመዋጽሕት። ሰማዕክሙኑ። ዘከመዝ፡ ግብረ፡ በዜና፡ ወሚመ፡ ርኢክሙ፡ በአዕይንቲክሙ፡
ዘከመዝ፡ መንክረ። ወዘከመዝ፡ መድመ። መድፍን። ኅቡዕ፡ ዘተከሠተ፡ በዕደ፡ ወበእደ፡ ላሊበላ። እምልብኒ፡ ተመሥጠረ፡
ወእምሕሊናነ፡ ተሰወረ፡ ዝኩ፡ ገብረ፡ ኵሎ፡ ዓለመ፡ ወበጽዋዔ፡ ቃል፡ አመ፡ በጽሐ፡ ጊዜሁ፡ ለሕንፃከ፡ እሎን። አብያተ፡
ክርስቲያናት፡ ወአመ፡ ወርዘወ። ወሐናፂሆን፡ በሥጋኒ፡ ወበመፈስነኒ፡
| ፈቀደ፡ እግዚአብሔር፡ ከመ። ይክሥት፡ መድፍኖ፡ ኅቡአ፡ ዘነበረ፡ እምቀዳሚ፡ ትቤቶ፡ እምልበ፡
ምድር። ወኃየለ፡ ወኃለየ። ከመ፡ ያርኢ፡ ምሥጢሮ፡ ለሕዝብ፡ ለእለ፡ ይደልዎሙ፡ ከሢቶ፡ እምልበ፡ ምድር፡ ወጥበብ፡
ወጥበብ። መንክር፡ ወበምሥጢር፡ ኅቡዕ፡ በከመ፡ አውፅአ። ቀዳሚ፡ እምከርሠ፡ ምድር፡ ኵሎ፡ አዝርእተ፡ በአርአያሁ፡
ወበአርአያሁ፡ ወበበአምሳሊሁ፡ ወአርአያሁ። ወዕፀውኒ፡ ከማሁ፡ በበአርአያሁ፡ ወበበአምሳሊሁ፡ ወእንስሳኒ፡ ብዙኃ፡
በበአምሳሊሁ፡ በበአርአያሁ፡ ወበበአምሳሊሁ፡ ወከማሁ፡ ፈቀደ፡ እሎንተ፡ ወእሎንሂ፡ ቤተ፡ ክርስቲያናት፡ ያወፅዖሙ።
እምድር። ወአኮ፡ ወአሐዱ፡ ኅብሮሙ፡ ወኢሂ፡ ዘአሐዱ፡ ግብረቶን፡ ወ/ኢታ/ሐብር። አሐቲ፡ ምስለ፡ ካልዕታ፡ በኵሉ፡ ኅብራ፡
ወበኵሉ፡ ግብራ። ወሶበ፡ በጽሐ፡ ጊዜሁ። ከመ፡ ይክሥታ፡ ኵሎን፡
| አብያተ፡ ክርስቲያናት፡ ዓሠርቱ፡ ዘእምአሐቲ፡ ዕብን። ይቤሎ፡ እግዚአብሔር፡ ለላሊበላ። በጽሐ፡
ጊዜሁ፡ ከመ፡ ይትከሠታ፡ ኵሎን፡ አብያተ፡ ክርስቲያናት፡ በእደ፡ ዚአከ፡ ዘአርአይኩኩከ። ቀዳሚ። ወአንተኒ፡ ጽናዕ፡
ወኃይል። ከመ፡ ትፈጽም፡ መልእክተከ። እስመ፡ ብዙኃን፡ ነፍስተ፡ ይድኅኑ። በውስቴቶን፡ አስተፋጥን፡ ሐኒጾቶን። ወናሁ፡
አዘዝክዎሙ፡ ለመላእክት። ከመ፡ ይርድኡከ። ወገብረ፡ መስቀል፡ አገበረ፡ ኃፃውንተ። ብዙኃን፡ ዘዘዚአሁ፡ ግብረቶ፡
ወግብረቱ፡ ቦ፡ ለጸረብኒ፡ ወቦ፡ ሐኒጽ፡ ለመጻሕፍት፡ ወለወቂር፡ ዘንተ፡ ገብረ፡ በዘ፡ ይትፈጸም፡ ሕንፃ፡ መቅደስ። ዘእም፡
አሐቲ፡ ኰኵሕ፡ ወእምአሜሃሰ፡ ሀለየ፡ ገብረ፡ መስቀል። ሕሊና፡ ዘበምድር፡ ኢለመቅደስ፡ ኢለመፍቅድ፡ ወኢለመፍቅደ፡ ሲሳይ።
ወኢለመፍቅደ፡ ብእሲቱ፡ አላ፡ ይሄሊ። ኵሎ፡ አሚረ፡ በእንተ፡ እሎን፡ አብያተ፡ ክርስቲያናት፡
| ከመ፡ ይፈጽም፡ በከመ፡ ርእየ። ውስተ፡ ሰማይ። እንዘ፡ ይሄይሎ። መንፈስ፡ ቅዱስ፡ በኵሉ፡
ወበውስተ፡ ኵሉ። ወአግቢሮ፡ ሐፃውንተ፡ በዘይገብር፡ ሕንፃ። መቅደስ፡ አዛዞሙ፡ ለኵሎሙ፡ አሕዛብ፡ ከመ፡ ይትጋብኡ፡
ኀቤሁ። ወይቤሎሙ፡ ሶበ፡ ተጋብብዑ፡ ንግሩ፡ ዓስበክሙ፡ ዘትነሥኡ። ኵልክሙ። እለ፡ ትረድኡኒ፡ ውስተ፡ ሕንፃ፡ አብያተ፡
ክርስቲያናት። እስመ፡ አዘዘ፡ እግዚአብሔር። ከመ፡ እግበር። ወአንትሙኒ፡ ንግሩ፡ በቃልክሙ፡ ዘከመ፡ ትነሥኡ፡ ዓስበክሙ፡
ዘሂ፡ ይትራድኡ፡ ውስተ፡ ግብረ፡ ጸሪብ። ወዘሂ፡ ይፃምው። በአውፅኦ፡ መሬት። ወኵልክሙ፡ ንግሩ። በቃልክሙ፡ ወዘከመ፡
ትቤሉኒ፡ እኁበክሙ። ከመ፡ ኢትበሉኒ፡ ኢገበርነ። እንበለ፡ ፈቃድነ፡ ከመ፡ ኢይኵን፡ ፃማክሙ፡ በከመ፡ ሶበ፡ ታንጐረጕሩ፡
ወነበሩ፡ ኵሎሙ፡ በከመ፡ አሕለዮሙ፡ ልቦሙ። ወውእቱኒ፡ በከመ፡ ይቤልዎ፡ ወወሀቦሙ፡ ወኢያንተገ፡
| ውሂቦቶሙ፡ እምአመወጠነ፡ ሐኒፀ፡ ቤተ፡ ክርስቲያን፡ ቤተ። ክርስቲያናት። እስከ፡ ፈጸመ፡
ለለዕለቱ። ይሁቦሙ፡ በዓስቦሙ፡ ለዘይወቅርሂ፡ ወለዘ፡ ይጸርብሂ፡ ወለዘ፡ ያወፅእሂ፡ መሬተ። እምጽራበ፡ ቤተ፡
ክርስቲያናት፡ ወእምሕዝብሰ፡ ብዙኃን፡ እለ። ተረክቡ። ምሉዓነ፡ ጥበብ፡ እለ፡ ወደዮሙ፡ ላዕሌሆሙ፡ መንፈሰ፡ አእምሮ።
ከመ፡ በስልኤል፡ ወኤልያብ፡ ወተደለወ፡ ገብረ፡ መስቀል። ከመ፡ ይግበር፡ በከመ፡ አርአዮ፡ እግዚአብሔር። ወአኃዘ።
ይውኅጥ፡ ወይውኅጠነ፡ ወመላእክት፡ ያንሶስው፡ ምስሌሁ። እንዘ፡ ይሜጥኑ፡ ሎቱ፡ ምድረ። በበአምጣኖን፡ ለኵሉ፡ በበጸታሁ፡
ለንዑስኒ፡ ወለዓቢይኒ፡ ወውእተኒ፡ ምድር። ኀበ፡ ገብረ፡ አብያተ፡ ክርስቲያናት፡ ተሣየጠ፡ በወርቅ። እምኀቤሆሙ፡ ለእለ፡
ይኳንንዋ፡ ለይእቲ፡ ምድር፡ እንዘ፡ ያፈደፍድ፡ ወያፈድፍድ፡ ኂሩተ፡
| ወለእመሰ፡ ፈቀደ፡ ከመ፡ ይንሣእ፡ መኑ፡ እምከልኦ፡ ለንጉሥ፡ ወገብረ፡ ቀዳሚ፡ ቤተ፡ ክርስቲያን፡
በከመ፡ አርአዮ፡ እግዚአብሔር፡ በመንክር፡ ግብረት፡ ወበመድምም፡ ኪን፡ ዘኢይትከሀሎ፡ ለሰብእ፡ ከመ፡ ይግበር፡ ዘእንበለ፡
ፈቃድ፡ ፈቃደ፡ እግዚአብሔር፡ አሠንያ፡ ወአፍአሃኒ፡ ወውስጣኒ፡ ወአሠርገወ፡ በመስክወ፡ ሠናይ፡ ወሠናያን፡ ወስቅሱሳን።
እሙንቱ፡ ወሰንቆሙኒ፡ ኢኮነ፡ ዘዕፅ፡ ወኢአዕማዲሃኒ። ብዩናት፡ እሙንቱ፡ ወገብረ፡ እንተ፡ ቅድሜሃኒ፡ ክልኤቱ፡ አብያተ፡
ክርስቲያናት፡ ወሙባዓንሰ። አሐዱ፡ አንቀጽ፡ ወይፈልጦን፡ አንቀጸ፡ ውስጣይ፡ ወእንተ፡ ድኅሬሁሃ፡ ገብረ፡ አሐዱ፡ ቤተ፡
ክርስቲያን፡ ዓቢየ። ወአሠነያ፡ በብዙኅ፡ ስዝር፡ ሠርጐ፡ ወርቅ። ወብሩር፡ አላ፡ ሠርጉታቲሃኒ። ዘእብን። ወኆልቈ፡
አዕማዲሃኒ። ሰብአ፡ ወክልኤቱ፡ በኆልቈ፡ ሰብአ፡ ወክልኤቱ፡
| አርድእት። እንተ፡ በየማንኒ፡ ገብረ፡ ቤተ፡ ክርስቲያን። ወእንተ፡ በፀጋማኒ፡ ገብረ፡ አሐቲ፡
ቤተ፡ ክርስቲያን። ወሰመያ፡ ለቀዳሚት። ማርያም። ወለእንተ፡ ቅድሜሃኒ። ክልኤቱ፡ አብያተ፡ ክርስቲያን። ለአሐቲ፡ ሰመያ፡
ደብረ፡ ሲና። ወለካልዕታ፡ ሰመያ፡ ጎልጎታ፡ ወለእንተ፡ የማናኒ። ሰመያ፡ ቤተ፡ መስቀል፡ ወለእንተ፡ ጸጋማኒ፡ ሰመያ፡
ቤተ፡ ደናግል። ወከመዝ። አስተአኃዘ፡ ኃምስቱ፡ ቤተ፡ ክርስቲያናት። ሠናያነ፡ እምአሐቲ፡ ኰኵሕ። ወክልኤቲኒ። ቤተ፡
ክርስቲያናት፡ ገብረ፡ ሠናትት። ወግብረቶንሰ፡ ብዑድ፡ ወውእቱ፡ ወቅሩባን። እሙንቱ፡ ወባሕቱ፡ ይፈልጦን፡ ቅጽር፡ ዘሀሎ፡
ማዕከሎን፡ ወለእልክቱሂነ። ክል[ል]ኤሆን፡ ሰመያ፡ ቤተ፡ ገብርኤል። ወለካልዕታኒ፡ መጣዕ። ወከመዝ፡ አስተአኃዘ፡ እሎንተ፡
አብያተ፡ ክርስቲያናተ፡
| ወደመሮን፡ በቅጽር፡ ወፈለጦን፡ ካዕበ፡ በቅጽር፡ ወገብረ፡ ካዕበ፡ ክልኤተ፡ አብያተ፡
ክርስቲያናተ፡ መድምመ፡ ወግብረቶንሰ፡ ኢያኅብር፡ ወኢያኀብር። ለክልኤሆን። ወባሕቱ፡ እኁዛነ፡ ዘበይኖን፡ ወለእሎንሂ፡
ሰመያ፡ ለአሐቲ። መ፡ ቤተ፡ መርቆርዮስ፡ ወለከልዕታኒ፡ ሰመያ፡ ቤተ፡ ክርስቲያን፡ አማኑኤል። ወከመዝ፡ አስተአኃዘን።
ወለክልኤሆን፡ አብያተ፡ ክርስቲያናት፡ ወገብረ። አሐቲኒ፡ ቤተ፡ ክርስቲያናት፡ እንተ፡ ባሕቲታ፡ ግብረተ፡ ብዑድ፡ ወውእቱ፡
በትእምርተ፡ መስቀል። ገብራ። በከመ፡ አእመሩ፡ ሎቱ፡ መላእክት፡ ወበከመ፡ አርአይዎ። እንዘ፡ ይሜጥኑ፡ ሎቱ፡ ምድረ።
ወሰመያ፡ ላቲ፡ ቤተ፡ ጊዮርጊስ። ወከመዝ፡ ፈጸሞን፡ ለዓሠርቱ፡ አብያተ፡ ክርስቲያናት፡ ወግብረቶንሂ፡ ዘዘዚአሆን።
ወአርአያሆንሂ፡ ዘዘዚአሆን። ወአልቦ፡ ዘገብረ፡ ገብረ፡ መስቀል፡
| ወአንተኒ፡ ዘእንበለ፡ ዘአርአዮ፡ እግዚአብሔር፡ አላ፡ ገብረ፡ በከመ። ርእየ። በውስተ፡ ሳብእ፡
ሰማይ። ወኢወሰከ፡ ወኢዲበ፡ ኖኆን፡ ወኢዲበ፡ ግድሞን። ወኢዲበ፡ ሰሮን። አላ፡ በከመ፡ ይቤሎ፡ እግዚአብሔር። ኢወሰከ፡
ዲበ፡ ቆሞን፡ ወኢዲበ፡ ሰሮን። ወከመዝ፡ አኃዘ፡ ይውጥን፡ ሕንፃሆን፡ አኃዙ፡ መላእክትኒ። ይትራድዕዎ፡ በውስተ፡ ኵሉ፡
ግብር፡ ወኮኑ፡ አሐደ፡ መርዔተ፡ ሰብእ፡ ወመላእክትኒ፡ በውእቱ፡ መዋዕል፡ እስመ፡ ተደመሩ፡ ኀበ፡ ኵሎሙ፡ መስተገብራነ።
ቤተ፡ ክርስቲያን። ኀበ፡ ጸረብት፡ ወኀበ፡ ወቀርትኒ፡ ወበኀበ፡ ጸወርትኒ፡ መሬተ። መዓልተ፡ ወይትጌበሩ፡ መላእክት፡
ምስለ፡ ሰብእሰ፡ ውስተ፡ ሕንፃ፡ አብያተ፡ ክርስቲያናት። ወሊተሰ፡ ይትጌበሩ፡ መላእክት፡ መዓልተ። ሶበ፡ ይጌብሩ፡
ወገብሩ፡ አሐደ፡ እመተ፡ ወበሳኒታ፡ ይትረከብ፡ ከዊኖ፡ ዓርባዕተ፡ እመተ። እስመ፡
| እስመ፡ መላእክት፡ ይትገበሩ፡ ወይገብሩ፡ በኵሉ፡ ለያልየ። ወእለ፡ ርእዩ፡ ይቤሉ፡ ምንትኑ፡
ዝመንክር። ንሕነሰ፡ ኀደግነ፡ ወአሐዱ። እሞተ፡ ትማልም፡ ወይእዜሰ፡ ኮነ፡ ዓርባዕተ፡ እመተ፡ እስመ፡ ኢያእመሩ። እሙንቱ፡
ሰብእ፡ ከመ፡ መላእክት፡ ይገብሩ፡ እስመ፡ ኢይሬይዎሙ፡ በውስተ፡ ኵሉ፡ ግብር። ወኮሙ። አሐደ፡ መርዓተ፡ ሰብእ፡
ወመላእክት፡ በውእቱ፡ መዋዕል፡ እስመ፡ ኢሬእይዎሙ፡ ወለላሊበላሰ፡ የአምርዎ፡ መላእክት፡ ኂሩቶ፡ ወበእንተዝ፡ ኢይሰወርዎ።
እስመ፡ ኮንዎ፡ ኣብያጽ፡ እሳታውያን፡ ወበእንተዝ፡ ኢይትኀብዕዎ፡ ወከመዝ፡ ፈጸመ፡ ሐኒጸቶ፡ ለእላንቱ፡ አብያተ፡
ክርስቲያናት። ዓሠርቱ። ወአግብርቶንሰ፡ እምአሐዱ፡ ዕብን፡ ርእዩኬ፡ ፍቁራንየ፡ ዘከመዝ፡ ብእሲ፡ በእደዊሁ፡ ተከሥተ፡
እሎን፡ ሕንማኅፈድ፡ ዘኢይገብር፡ ወዘኢተገብረ፡ ዘከማሆን፡ በካልዕ፡ በሐውርት፡ በአይ፡ ልሳን፡ ንክል፡ ነጊረ፡
| ግብረቶን፡ ለእሎን፡ አብያተ፡ ክርስቲያናት፡ ወግብረተ፡ ቅጽሮንሂ፡ ኢንክል፡ ነጊረ። ኅድጉሳ፡
ዘንተ። ውስጦን፡ ዘርእየሂ፡ ኢይጸግብ፡ በነጽሮ። ወበአንክሮኒ፡ ኢንክል። ፈጽሞ፡ ልብ፡ እስመ፡ መንክር፡ ተገብረ።
በላዕለ፡ እደ፡ ላሊበላ፡ ዘኢይትሃወክ፡ ሀሎ፡ ለሥጋዊት፡ ከመ፡ ኆልቈ፡ መንክራቲሁ፡ እመቦ። ዘኢይኆልቈሙ፡ ለመንክራቲሁኒ፡
ዘተገብረ፡ በእደ፡ ላሊበላ። ወለእመሰ፡ ዘይፈቅድ፡ ከመ፡ ይርአይ፡ ግብረ፡ ሕንፃሆን፡ ለአብያተ፡ ክርስቲያናት፡ ዘተገብረ፡
በእደ፡ ላሊበላ። ይምጻእ። ወይርአይ፡ በአዕይንቲሁ፡ እስመ፡ አኮ፡ ዘይብል፡ ዘይብልያ፡ ሕንፃ፡ ማኅድ፡ ለላሊበላ። ከመ፡
ደብ/ተ/ራ። ሙሴ፡ ወኢሂ። ከመ፡ ምኩራበ፡ ሰሎሞን፡ ዘኢነሥእዎን። ለባውያን፡ ማኅፈደ፡ ደብተራሁሰ፡ ለገብረ፡ መስቀል።
ኢያንቀልቅል፡ ወኢያንቀልቅላ። ወኢይማስና፡ እስከ፡ ታስተርኢ፡
| ኢየሩሳሌም፡ ሰማያዊት፡ ዲበ፡ ምድር። እንተ፡ ድሉ፡ ለነዳያን፡ ወለኅሩያን። ለእለ፡ ይደልዎሙ፡
ከመ፡ ይኅድሩ። ምስለ፡ ጴጥሮስ። ወጳውሎስ፡ ሊቆሙ፡ ፈጸሙ። ሐነፀ፡ በሠለስቱ፡ ዕብን፡ አዕባን፡ እንዘ፡ ይለመልም። ከመ፡
ሰምዕ፡ በትእዛዘ፡ እግዚአብሔር። ወላሊበላኒ። ፈጸመ፡ ዓሠርቱ፡ አብያተ፡ ክርስቲያናት፡ በአሐዱ፡ ዕብን። እንዘ፡ ተረድኡ፡
በጸጋ፡ እግዚአብሔር። ምስለ፡ ኃይላቲሁ፡ ጴጥሮስ፡ ወጳውሎስ፡ ሐነጹ፡ ነፍሳተ፡ ብዙኃ፡ በአሐዱ፡ ሃይማኖት። ወላሊበላሰኒ።
ወላሊበላኒ፡ ሐነጸት፡ ወሐነጸ፡ ብዙኃ፡ አብያተ፡ ክርስቲያናት። ዲበ፡ አሐዱ፡ ኰኵሕ፡ ወግብረቶንሰ፡ በጽቡር። ወበአሕባል፡
ጠፈር፡ ወበመዋጽፍት፡ ዘዕፅ፡ ወአዕማዲሆን፡ ዘዕፅ፡ ወላሊበላኒ፡ ሰረረ፡ ብዙኃተ፡ አብያተ፡ ክርስቲያናት። ዘእምአሐዱ፡
ዕብን፡ ዘአልቦ፡ ጽቡረ፡ ለመኃዝቲሆሙ፡ ወአልቦ፡ ጠፈር፡
| ለመዓቅደን፡ ወዘአልቦ፡ ሣዕረ፡ ለመክድኖን። ወኵሎንሰ፡ ግብረታቲሆን፡ ኢንክል፡ ንንግርክሙ፡
በበገጹ። እስመ፡ ብዙኃ፡ ፆታ፡ ግብረቶን። ወናሁ፡ ተሠአነኒ፡ ለላዕላአ፡ ልሳን። ከመ፡ እጽሕፍ፡ ለክሙ፡ ኵሎ፡ ኂሩታቲሁ፡
ለዝንቱ። ብእሲ፡ ክቡር፡ ዘገረ፡ እምኵሎሙ። መሬታውያን፡ በጥበብኒ። ወበስነ፡ ጽድቅኒ። ተብህለ፡ በእንተ፡ ሰሎሞን፡
ጠቢብ፡ እምሰብእ። ወእምኵሎሙ፡ ጠቢባነ፡ ግብጽ፡ ወውእቱ፡ ገብረ፡ ምኵራበ፡ በኢየሩሳሌም፡ በአዕባን፡ ወበአዕባነ፡
አበይት፡ ዘስሞን፡ ሰብእ፡ ወዘዘ፡ ኖኆን። እንዘ፡ ይረድእ፡ ኪራም፡ ንጉሥ፡ ንጉሠ፡ ጢሮስ፡ በዕፀወ፡ ቄድሮን። ወበዕፀወ፡
ጴውቋና። ወበዕፀወ፡ ቄጵሮስስ። ወፈጸመ፡ ክልኤተ፡ አብያተ፡ ክርስቲያን። ቤተ፡ እግዚአብሔርኒ፡ ወቤተ፡ ርእሱኒ። በእሥራ፡
ዓመት። ወላሊበላኒ፡ ገብረ፡ ዓሠርቱ፡ ቤተ፡ ክርስቲያናት፡
| በአሐዱ፡ ዕብን፡ እንዘ፡ ይረድኦ፡ ወልደ፡ እግዚአብሔር። እምእሉ፡ ክልኤቱ፡ ጠቢባን፡ ተገብሩ፡
ክልኤቱ፡ ጠቢራባት፡ ምኵራብ። አሐዱ፡ ጠቢብ፡ በዕብን፡ ወበዕፀው፡ ወበአሕባል፡ ወበጽብር፡ ወካልኡኒ፡ ጠቢብ፡ ገብረ፡
ማኅፈዳቲሁ፡ ዘእም፡ አሐዱ፡ ዕብን፡ እንዘ፡ ኢይፈቅድ፡ ወኢምንትኒ፡ ለመፍቅዶን። ኢዕፀ፡ ለመሳውቂሆን። ወኢአሕበለ፡
ለመአቅዳን፡ ወኢፅቡረ፡ ለመሕዝቲሆን። እስመ፡ በአሐዱ፡ ዕብን፡ ፈጸመ፡ ኵሎ። ግብረቶን፡ ግብረ፡ ቅጽሮንሂ፡ እምዕብን፡
ወግብረተ፡ ውስጦንኒ፡ ዘእም፡ አሐዱ። ዕብን፡ ወእምፃማ፡ ውጠንስ፡ የዓቢ፡ ፃማ፡ ቅጽራቲሆን። ኵሉ፡ ሰብእ፡ እንዘ፡
ኢትዮጵያዊ፡ ውእቱ፡ ዘኢበጽሐ፡ ውስተ፡ ሀገረ፡ ሮሐ፡ ቅድስት፡ እንዘ፡ ይሰምዕ፡ ዜናሆን፡ ለዕላንቱ፡ አብያተ፡
ክርስቲያናት። እለ፡ ተገብራ፡ ዘእምአሐዱ፡ ዕብን፡
| ይትሜሰል፡ ከመ፡ ብእሲ፡ ዘኢያፈቅር፡ ከመ፡ ይርአዎ፡ ገጻ፡ ለኢየሱሱ፡ ክርስቶስ። ወላሊበላሰ።
ሶበ፡ ፈ/ጸ/መ፡ ሕንጻሆን። ለአብያተ፡ ክርስቲያናት። ዘከመ፡ ኣርአዮ፡ እግዚአብሔር፡ ኢፈቀደ፡ ከመ፡ ይጐንዲ፡ ላዕሌሁ።
ሢመተ፡ መንግሥት፡ ወኢፈቀደ፡ ከመ፡ ትርዕዱ፡ ላዕለ። ወልዱኒ፡ አላ፡ ይቤ፡ ይሜጣ፡ እግዚአብሔር። ለዛቲ፡ ሢመተ፡
መንግሥት፡ ወያግብዕ፡ ኀበ፡ እስራኤል። እስመ፡ ሎሙኒ፡ ይቤሎሙ፡ በእንቲአክሙ፡ ፈጠርክዎሙ፡ ሕዝብ፡ ወካዕበ፡ መሐለ፡
ሎሙ። እንዘ፡ ይብል፡ ኢይሜንኖሙ፡ ለሕዝበ፡ ወለአሕዝብ። ያዕቆብ፡ ወኢያስተሐቅሮሙ፡ ለሕዝበ፡ እስራኤል። እስመ፡
ኪያያሆሙ፡ ኃረይኩ፡ እምኵሉ፡ ሕዝብ። በከመ፡ ይቤ፡ ነቢይ፡ መሐለ። እግዚአብሔር። ለዳዊት፡ በጽድቅ፡ ወኢይኔስሕ። እስመ፡
ይቤሎ፡ እምፍሬ፡ ከርሥከ፡ አነብር። ዲበ፡ መንበርከ። ወይእዜኒ፡ ለያግብአ፡
| ለዛቲ፡ ሢመተ መንግሥት፡ ኀበ፡ እስራኤል፡ ወኢይትኃጣዕ፡ እምእስራኤል፡ ዘይነብር፡ ዲበ፡ መንበረ፡
መንግሥት፡ ኢያጐንድያ። እግዚአ፡ ኃያላን፡ ለዛቲ፡ ሢመተ፡ መንግሥት፡ ኢዲቤየ። ወኢዲበ፡ አዝማድየ፡ ወአንሰ፡ ፈጸምኩ፡
መልእክትየ፡ ዘበእንቲአሃ፡ ሢመኒ፡ ሢመተ፡ መንግሥት። እንዘ፡ ለሊሁ። እግዚአብሔር፡ ይገብር። በእደ፡ መላእክቲሁ፡ ከመዝ፡
ይቤ። ገብረ፡ መስቀል፡ እስመ፡ ኢያፈቅር፡ ሢመተ፡ ዘበምድር። ወፈጸሞ፡ መልእክቶ፡ ወመጽወተ፡ ኵሎ፡ ንዋዮ። እስከ፡
ኢይትርፍ፡ ወኢያትረፈ፡ አሣዕን። ዲበ፡ እገሪሁ፡ ወአሰርጊዎ፡ ወአሠርጊዎ፡ አብያተ፡ ክርስቲያናቲሁ፡ ዘገብረ፡ በውስተ።
ኵሉ፡ በሐውርት፡ ወእሎንተኒ፡ ዓሠርቱ፡ ማኅፈዳተ፡ ዘእምአሐዱ፡ ዕብን፡ አሠርጊዎ፡ በሠርጐ፡ ዘይደሉ፡ ለቤተ፡
ክርስቲያናት። በመስቀልኒ። ወበአልባስኒ፡
| ዘአሠርጊዎን፡ በሲኢኒ። ወፈድፋደሰ። ገብረ፡ መድኃኒተ፡ ገብረ፡ መድምመ፡ በመካነ፡ ጎልጎታ፡
በድኑ። ወካልአንሂ፡ ስዕለተ፡ ብዙኃ፡ ገብረ። እስመ፡ በእንቲአሆሙ፡ ይተግህ፡ መዓልተ፡ ወሌሊተ። ወአነሂ፡ ወኢሂ፡
መፍቅደ፡ ሥጋሁ፡ እምብልዓ፡ ለሲሲቱ፡ ወኢ[ብ]ልብሰ፡ ለአራዙ። ወኢተከዘ፡ በእንተ፡ ብእሲ፡ ወበእንተ፡ ውሉዱኒ፡
ዘእንበለ፡ በእንዚአሆን። ወሶበ፡ ፈጸሞን፡ ጸለየ። በውስ/ቴ/ቶን፡ እንዘ፡ ይብል፡ ኵሎ፡ ዘጌሠ፡ ውስተ፡ እላንቱ፡ ጽርሐ፡
ቅድሳቲከ፡ ዘገበርከ፡ ባዕደ፡ ዚአየ፡ ገብርከ፡ ሀበኒ፡ ዓሥራተ፡ ኦእግዚእየ፡ ወይቤሎ፡ እግዚአብሔር። ይኵንከ፡ በከመ፡
ትቤ፡ ለእመ፡ በንጹሕ፡ ጌሠ፡ ውስተ፡ ቤተ፡ ክርስቲያኒከ። ኦኅሩይየ፡ ከማሁ፡ ከመ፡ በከመ፡ ሰዓልከ። አንተሰ፡ ፈጸምከ፡
መልእክተከ። ወዓቀብከ፡ ሃይማኖተከ፡ እምይእዜሰ፡
| ጽኑሕ፡ ለከ፡ አክሊለ፡ ጽድቅ፡ ወርኅው፡ ወአርኅው፡ ለከ፡ ኆኅተ፡ መንግሥትየ። ከመ፡ ትበዕ፡
በፍሥሐ፡ ወዘንተ፡ እምድኅረ። ይቤሎ፡ መድኃኒነ፡ ሐመ፡ ላሊበላ፡ ንስቲተ፡ ወአዕረፈ፡ አመ፡ አሠርቱ፡ ወክልኤቱ፡ ለወርኃ፡
ሐዚራን፡ ወተመጠው፡ ነፍሰ፡ ንጽሕተ፡ ወመላእክተ፡ ብርሃን። ወ[ጾ]ፀሮ፡ ገብርኤል፡ በአክናፊሁ፡ ወካልአን፡ መላእክት፡
እንዘ፡ ይዜምሩ፡ በቅድሜሁ፡ ወበጽኅሬሁ፡ አዕረግዎ፡ ውስተ፡ ሰማይ፡ ወአተወ፡ ገብረ። መስቀል፡ ውስተ፡ ምዕራፊሁ፡
ዘለዓለም፡ ወኃደረ፡ ምስለ፡ ጴጥሮስ፡ ወጳውሎስ። እስመ፡ ከመዝ፡ ተውህቦ፡ ኪዳን፡ እምኀበ። መድኅን። ናሁኬ፡ ለካዕኩ፡
ለክሙ፡ ፍቁራንየ፡ ንስቲተ፡ ዜና፡ እምትሩፋቲሁ፡ ለገብረ፡ መስቀል፡ ከመ፡ ይትፈሣሐክሙ፡ ልብክሙ፡ ወይኵነነ፡ ለኵልነ፡
ለእለ፡ ተጋባዕነ፡ ዝየ፡ ኃይለ፡
| ጸሎቱ፡ ጌራ፡ መዊዕ፡ ለርእስነ፡ ወጸዳለ፡ ሱራሔ፡ ለገጽነ። ወኵህለ፡ መድኃኒት፡ ለአዕይንቲነ።
ወመዓዘ፡ ሠናይ፡ ለአዕናፊነ፡ መማኅተ፡ ጽድቅ። ለከና[ፊ]ፍሪነ። ወሞጣኅተ፡ ፍሥሐ፡ ለዘባንነ፡ ወእልትሃ፡ መዊዕ፡
ለእንግደዓነ። ወአውቃፈ፡ ምሕረት፡ ለአዕዳዊኒ። ወሕልተ፡ ፍቅር። ለአዕጻብዒነ፡ ወአሣዕነ፡ አድኅኖ፡ ለአዕገሪነ፡ ወስቴ፡
ሕይወት፡ ለጽምዕነ። ወኅብስተ፡ መና፡ ለረሀብነ። ወኀበ፡ ቦአ፡ ቤተ፡ መርዓ፡ ምስሌሁ፡ ያብአነ። በጸላሎተ፡ ክነፊሁ።
እንዘ፡ ይክድነነ፡ ወኀበ፡ ረፈቀ፡ ያርፍቀነ፡ አሜን። አሜን። ለይኩን። ይኩን። ።።።። ። - ለ/ዘ/ጸሐፎ፡ ለዘጸሐፎ።
ወለዘ፡ አጹሐፎ። ወለዘ፡ አንበቦ፡ ወለዘ፡ ተርጐሞ። ወለዘ፡ ሰምዓ፡ ቃላቲሁ። ወለዘ፡ ይቤ። አሜን። ኅቡረ፡ ይምሐረነ።
እግዚአብሔር፡ በመንግሥተ፡ ሰማያት። ለዓለመ፡ ዓለም፡ አሜን። ወአሜን። ። ።
Catalogue Bibliography
-
Cerulli, E. 1946. ‘I manoscritti etiopici della biblioteca dell’India Office in Londra’, Oriente Moderno, 26/7–12 (1946), 109–116.
Hypothes.is public annotations pointing here
Use the tag BetMas:BLEthiopic4 in your public hypothes.is annotations which refer to this entity.
f1
This file is
licensed under the Creative Commons Attribution-ShareAlike 4.0.