Notes on the Apostles and their Predicament

ዘከመ፡ ተርጐሙ፡ ወሰበኩ፡ ነገራቲሆሙ፡ ለለ፡ ፩ወዘከመሂ፡ አዕረፉ፡ ወኀበሂ፡ ተቀብሩ፡ ስምዖን፡ ዘተሰምየ፡ ጴጥሮስ፡ ሰበከ፡ ለብሔረ፡ ጶንጦስ፡ ለብሔረ፡ ገላትያ፡ ለብሔረ፡ ቀጰዶቅያ፡ ለብሔረ፡ ቢታንያ፡ ለብሔረ፡ አጣልያ፡ ለብሔረ፡ ኤስያ፡ ሰበከ፡ ወንጌለ፡ ወአዕረፈ፡ ብሔረ፡ ሮሜ፡ በመዋዕለ፡ ኔሮን፡ ንጉሥ፡ ወከመዝ፡ አዕረፈ፡ እንዘ፡ ቍልቍል፡ ርእሱ፡ ወከመዝ፡ አስተበቍዎ፡ ለንጉሥ፡ እንዘ፡ ይብል፡ ኢትስቅለኒ፡ ከመ፡ አምላኪያ፡ ወከመዝ፡ ሰቀሎ፡ ቍልቍሊተ፡ ወብሔረ፡ ሮሜ፡ ተቀብረ። እድርያስ፡ ሰበከ፡ ለብሔረ፡ አስቀጥያ፡ ለሰብእ፡ ሰገድያን፡ ወለሰብአ፡ ስቂስ፡ ሰበከ፡ ወአዕረፈ፡ ብሔረ፡ ጰትራ፡ ዘእካይያ። ያዕቆብ፡ ወልደ፡ ዞብዴዎስ፡ ሰበከ፡ ለ፲ወ፫አዝማደ፡ ዕብራዊያን፡ ወቀተሎ፡ ሄሮድስ፡ ወመጥበሕት፡ በሀገረ፡ አቂ፡ ዘማርቂ። ዮሐንስ፡ ዘአፍቀሮ፡ እግዚእነ፡ ወንጌለዊ፡ አዕረፈ፡ በብሔረ፡ ኤፌሶን። ፍልጶስ፡ አዕረፈ፡ ብሔረ፡ ፍርግያ፡ ወቀበርዎ፡ ሀገረ፡ ሄዮጳሊስ፡ ወበብሔረ፡ እስያ፡ ምስለ፡ አርባዕ፡ ደናግል፡ አዋልዲሁ። ወበርተሎሜዎስ፡ ሰበከ፡ ለሰብአ፡ ህንደኬ፡ ሰበከ፡ ወንጌለ፡ ወአዕረፈ፡ በአልባና፡ ሀገር፡ በምድረ፡ ህርሜንያ። ቶማስ፡ ሰበከ፡ ወንጌለ፡ በብሔረ፡ ፉርስ፡ ወለሕዝብ፡ ጰራትያ፡ ወሕዝበ፡ ፋርስ፡ ወለሕዝበ፡ ሚደይ፡ ወለሕዝብ፡ ቀርማኑስ፡ ወለሕዝበ፡ ወርቀስ፡ ወለሕዝበ፡ ቄጥሩስ፡ ወአዕረፈ፡ በሀገረ፡ ሕለት፡ ህንደኬ። ማቴዎስ፡ ሰበከ፡ ወንጌለ፡ በነገረ፡ ዕብራዊያን፡ ወአዕረፈ፡ ሀገረ፡ ኢየሩሰሌም፡ ብሔረ፡ ፉርስ። ማርቆስ፡ ሰበከ፡ ወንጌለ፡ ብሔረ፡ እለ፡ እስክንድርያ፡ በመካን፡ ቀጢን፡ ወቀበርዎ፡ በመካን፡ ዘስሙ፡ በቍሉ፡ በመርጡል፡ ዘኀነጸ፡ ለርእሱ፡ ምስለ፡ ኡቁጡር፡ ሰማዕት፡ ትኩን፡ በሀገረ፡ ሎቆን፡ ወረከቦ፡ እለ፡ እስክንድሮስ፡ ንጉሥ፡ አዕጽምቲሁ፡ በሀገረ፡ ሎቆን፡ ወቀበሮ፡ ምስለ፡ ቴዎና፡ ሊቀ፡ ጳጳሳት። ያዕቆብ፡ ወልደ፡ እልፍዮስ፡ አዕረፈ፡ ዘቀተልዎ፡ አይሁድ፡ በውግረተ፡ እብን፡ በኢየሩሳሌም፡ ወውስተ፡ ሀገር፡ ቀበርዎ፡ ቅሩበ፡ ምኵራብ። ተዴዎስ፡ ዘተሰምየ፡ ይሁዳ፡ በሀገረ፡ ኤዴስያ፡ ወበብሔረ፡ ወሳጦምያ፡ ሰበከ፡ ወንጌለ፡ በመዋዕለ፡ አውግዮስ፡ ንጉሥ፡ ኤዳስስ፡ ወቀበርዎ፡ በሀገረ፡ ቢርጦስ። ስምዖን፡ ወልደ፡ ቃለ፡ ዮጰ፡ እምድኅረ፡ ያዕቆብ፡ ጻድቅ፡ ሤምዎ፡ ጳጳስ፡ ለኢየሩሰሌም፡ ወኵሉ፡ መዋዕለ፡ ሕይወቱ፡ ወዓመቱ፡ ወሰቀልዎ፡ በመዋዕለ፡ አጥርያኖስ፡ ንጉሥ፡ ፴ሀገረ፡ ኢየሩሳሌም። ማትያን፡ እምሰብዓ፡ አርድእት፡ እግዚእነ፡ ዘተከለለ፡ ህየንተ፡ ይሁዳ፡ አስቆሮታዊ፡ ወተቀብረ፡ በኢይሩሰሌም። ጳውሎስ፡ ሰበከ፡ ብሔረ፡ ኢያሪኮ፡ ወብሔረ፡ ሮሜ፡ ወብሔረ፡ አስጰንያ፡ በመዋዕለ፡ ኔሮን፡ ንጉሥ፡ ቀተሎ፡ በመጥበሕት፡ ወቀበሩ፡ አዕጽምቲሁ፡ በሀገረ፡ ሮሜ። ጢጦን፡ ሰበከ፡ ብሔረ፡ ቀርጢስ፡ በሐይቀ፡ ደሴት፡ ሰበከ፡ ወንጌለ፡ ወበውስተ፡ ይእቲ፡ ደሴት፡ አዕረፈ። ቂናቂስ፡ በብሔረ፡ ገለትያ፡ ውእቱ፡ ኅጽዋ፡ ለንግስተ፡ ኢትዮጵያ፡ በብሔረ፡ አራብያ፡ ዘብሔረ፡ ግብጽ፡ ወበአጵሮበኔ፡ በደሴት፡ በብሔረ፡ ኢትዮጵያ፡ ሰማዕተ፡ ኮነ። ወእምሐዋርያ፡ ዘእግዚእነ፡ ወአርድእት፡ ዘእምኆልቈ፡ ሮወዐ፡ እምኔሆሙ፡ ቀላሚጦስ፡ ዘሰበከ፡ ወጸሐፈ፡ ሕገ፡ ቤተ፡ ክርስትያን፡ ለጳጳሳት፡ ወለቀሳውስት፡ ወለኵሉ፡ ፍጻሜ፡ (Y94r) ሢመተ፡ ቤተ፡ ክርስትያን። ወስቴንሰ፡ ፩ቄፉስ፡ ዘስሙ፡ ከመዝ፡ ጴጥሮስ፡ ሊቀ፡ ሐዋርያት፡ ማትያስ፡ ዘተኆለቈ፡ ምስለ፡ ፲ወ፪ሐዋርያት፡ ማቴዎስ፡ ፩ወበርናበስ፡ ፩ቀሌናስ፡ ዘጸሐፈ፡ ኀበ፡ ጢሞቴዎስ፡ ረድኡ፡ ለጰውሎስ። ታዴዎስ፡ ወቀሌዎጶስ፡ ወንጌለ፡ ዘሰበከ፡ በልሰነ፡ ዕብራዊያን፡ በኢየሩሰሌም፡ ተርጐመ፡ በልሳነ፡ ጽርእ፡ ምስለ፡ ዮሐንስ፡ ወንጌል፡ ዘማርቆስ፡ ጴጥሮስ፡ ተርጐመ፡ በልሳነ፡ ጽርእ፡ ብሔረ፡ ሮሜ። ወንጌል፡ ዘሉቃስ፡ በነገረ፡ ጽርእ፡ እስመ፡ ውእቱ፡ ረድኡ፡ ለጰውሎስ፡ ወከመዝ፡ ጸሐፈ፡ በ፩መጽሐፍ፡ እንዘ፡ ይብል፡ አምኀክሙ፡ ሉቃስ፡ ዐቀቤ፡ ስራይ፡ ፍቁራንያ። ወንጌለ፡ ሉቃስ፡ ተርጐመ፡ በነገረ፡ ጽርእ፡ እንዘ፡ በዕብራይስጥ፡ ሀሎ። ወንጌል፡ ዘዮሐንስ፡ ተርጐመ፡ ዮሐንስ፡ ጳጳስ፡ በሀገረ፡ ጽርእ፡ ወኢየሱስ፡ ክርስቶስ፡ ተወልደ፡ በቤተ፡ ልሔም፡ ዘይሁዳ፡ በ፵ወ፪ዓመተ፡ መንግሥቱ፡ ለአግስጦስ፡ ንጉሰ፡ ሮሜ፡ በመዋዕለ፡ ኢሊጲዲዮን፡ መኰንን፡ ተኰነነ፡ እግዚእነ፡ እምሕዝበ፡ አይሁድ፡ በመዋዕለ፡ ሄሮድስ፡ ወልደ፡ አንጢጴስሮስ፡ አስቀሎን። ወስመ፡ እሙ፡ ለሄሮድስ፡ ቆጥርያ፡ ዘእብሔረ፡ አራብያ፡ ወኵሉ፡ እንከ፡ ማኅስስ፡ ሰሲላ፡ ወተብሂሎ፡ ኵሎ፡ ከመዝ፡ ይገብሩ፡ ወለአኀውኒ፡ እለ፡ ውስተ፡ ጽባሕ፡ በከመ፡ ይገብሩ፡ በሮምያ፡ ወበእለ፡ እስክድርያ፡ ወበዕዳንሂ፡ ኵሎሙ፡ ከመ፡ ዘበአሐቲ፡ ዕለት፡ በሕቡር፡ ቃል፡ ንፌኑ፡ ጸሎተ፡ በቅድስት፡ ዕለተ፡ ፋሲካ። ወዓለሙ፡ ኵሎሙ፡ እለ፡ ኢየኀብሩ፡ ምስለ፡ ከልአኒሆሙ።

(BNSupC 181 125vb) ዘከመ፡ ሰበኩ፡ ወዘከመ፡ ተርጐሙ፡ ነገራቲሆሙ፡ ለለ፩ወዘከመዝሂ፡ አዕረፉ፡ ወወኀበሂ፡ ተቀብረ፡ {in m. ፩} ጴጥሮስ፡ ዘተሰምየ፡ ኬፋ፡ ሰበከ፡ ለብሔረ፡ ጰ(BNSupC 181 126ra)ንጦን፡ ወለብሔረ፡ ገላትያ፡ ወለብሔረ፡ ቀጴዶቅያ፡ ወለብሔረ፡ ቢታንያ፡ ወለብሔረ፡ አጣልያ፡ ወለብሔረ፡ እስያ፡ ሰበከ፡ ወንጌለ፡ ወአዕረፈ፡ ለብሔረ፡ ሮሜ፡ በመዋዕለ፡ ኔሮን፡ ንጉሥ። ወከመዝ፡ እንዘ፡ ቍልቁል፡ ርእሱ፡ ወከመዝ፡ አስተብቍዖ፡ ለንጉሥ፡ እንዘ፡ ይብል፡ ኢት{in m. ስ}ቅለኒ፡ ከመ፡ እግዚእየ፡ ወከመዝ፡ ስቅሎ፡ ቍልቁሊተ፡ ወብሔረ፡ ሮሜ፡ ቀበሮ። {in m. ፪} እንድርያስ፡ ሰበከ፡ ለብሔረ፡ አስቃትያ፡ ለሰብአ፡ ሰጋድያን፡ ወለሰብአ፡ ሰቂስ፡ ሰበከ፡ ወአዕረፈ፡ ለብሔረ፡ ጰትራ፡ ዘአካይያ። {in m. ፫} ያዕቆብ፡ ወልደ፡ ዘብዴዎስ፡ ሰበከ፡ ለአዝማደ፡ እብራውያን፡ ወቀተሎ፡ ሄሮድስ፡ ለመጥባኅት፡ በሀገረ፡ አቂ፡ ዘማርቂ። {in m. ፬} ዮሐንስ፡ ዘአፍቅሮ፡ እግዚእነ፡ ወንጌላዊ፡ አዕርረፈ፡ (!) በብሔረ፡ ኤፌሶን። {in m. ፭} ፊልጶስ፡ አዕረፈ፡ በብሔረ፡ ፍርግያ፡ ወቀበርዎ፡ በሀገረ፡ ሔዮጰሌስ፡ በብሔረ፡ እስያ፡ ምስለ፡ ፬ደናግል፡ አዋልዲሁ። {in m. ፮} በርተሎሜዎስ፡ ሰበከ፡ ለብሔረ፡ ህንደኬ፡ ሰበከ፡ ወንጌለ፡ ወአዕረፈ፡ በአልባና፡ ሀገር፡ በምድረ፡ ህርሜንያ። {in m. ፯} ቶማስ፡ ሰበከ፡ ወንጌለ፡ ለብሔረ፡ ፋርስ፡ ለሕዝበ፡ ጰራትያ፡ ወለሕዝበ፡ ፋርስ፡ ወለሕዝበ፡ ሜዳይ፡ ወለሕዝበ፡ ቀ(BNSupC 181 26rb)ርማኑስ፡ ወለሕዝበ፡ ወርቃን፡ ወለሕዝበ፡ ቂጡርስ፡ ወአዕረፈ፡ በሀገረ፡ ሕለት፡ ወዘህንደኬ። {in m. ፰} ማቴዎስ፡ ሰበከ፡ ወንጌለ፡ በነገረ፡ ዕብራዊያን፡ ወአዕረፈ፡ በ{in m. ሀ}ገረ፡ ኢየሩሳሌም፡ በብሔረ፡ ፋርስ። {in m. ፱} ማርቆስ፡ ሰበከ፡ ወንጌለ፡ ለብሔረ፡ እለእስክንድርያ፡ ለብሔረ፡ ግብፅ፡ ወአዕረፈ፡ በእለስክንድርያ፡ በመካነ፡ ቀጲጦን፡ ወቀበርዎ፡ በመካን፡ ዘስሙ፡ በቁሉ፡ በመርጡል፡ ዘኀነጸ፡ ለርእሱ፡ ምስለ፡ ኡቁጦር፡ ሰማዕት፡ ትኩን፡ በሀገረ፡ ላቆን። ወረከቦ፡ እለስክንድሮስ፡ ንጉሥ፡ አዕጽምቲሁ፡ በሀገረ፡ እለስክንድርያ፡ ወቀበሮ፡ ቴዎና፡ ሊቀ፡ ጳጳሳት። {in m. ፲} ያዕቆብ፡ ወልደ፡ እልፍዮስ፡ አዕረፈ፡ ዘቀተልዎ፡ አይሁድ፡ በሞገርተ፡ ዕብን፡ በኢየሩሳሌም፡ ወውስተ፡ ሀገራ፡ ቀበርዎ፡ ቅሩበ፡ ምኩራበ። {in m. ፲፩} ታዴዎስ፡ ዘተሰምየ፡ ይሁዳ፡ {in m. በ}ሀገረ፡ ኤዴስያ፡ ወበብሔረ፡ መስጰጦምያ፡ ሰበከ፡ ወንጌለ፡ በመዋዕለ፡ አውጋሮስ፡ ንጉሥ፡ ኤዶሳስ፡ ወቀበርዎ፡ በሀገረ፡ ቢርጦስ። {in m. ፲፪} ናትናኤል፡ ወልደ፡ ቀለዮጳ፡ ወእምድኅረ፡ ያዕቆብ፡ ጻድቅ፡ ሤምዎ፡ ጳጳስ፡ ለኢየሩሳም፡ ወኵሎሙ፡ መዋዕለ፡ ሕይወቱ፡ ወዓመቱ፡ ፸ወሰቀልዎ፡ በመዋዕለ፡ አንጥርያኖስ፡ ንጉሥ፡ ሀገረ፡ ኢየሩሳሌም፡ (BNSupC 181 26va) {in m. ፲፫} ማትያስ፡ ፩እም፸ወ፩አርድእት፡ እግዚእነ፡ ዘተተክለ፡ ህየንተ፡ ይሁዳ፡ አስቆሮታዊ፡ ወአዕረፈ፡ ወተቀብረ፡ በሀ{in m. ገ}ረ፡ ኢይሩሰሌም። {in m. ፲፬} ጳውሎስ፡ ሐዋርያ፡ ሰበከ፡ እምሀገረ፡ ኢየሩሳሌም፡ እስከ፡ ብሔረ፡ ኢያሪኮ፡ ወብሔረ፡ ሮሜ፡ ወብሔረ፡ አስጰንያ፡ በመዋዕለ፡ ኔሮን፡ ንጉሥ፡ ቀተሎ፡ በመጥባኅት፡ ወቀበሮ፡ አዕጽምቲሁ፡ በብሔረ፡ ሮሜ። {in m. ፲፭} ቲቶን፡ በብሔረ፡ ቀርጢስ፡ በሐይቀ፡ ደሴት፡ ሰበከ፡ ወንጌለ፡ ወበውስተ፡ ይእቲ፡ ደሴት። {in m. ፲፮} ቂርቆስ፡ በብሔረ፡ ገላትያ፡ ውእቱ፡ ሕፅወ፡ ለህንደኬ፡ ንግሥተ፡ ኢትዮጵያ፡ በብሔረ፡ አራብያ፡ ዘብሔረ፡ ግብፅ፡ ወበአጰሮባኒ፡ በደሴት፡ በብሔረ፡ ኢትዮጵያ፡ ሰማዕተ፡ በህየ፡ ኮነ። እምሐዋርያት። ዘእግዚእነ፡ ወአርድእት፡ ዘእምኆልቈ፡ ፸ወ፩እምኔሆሙ፡ ቀሌምንጦስ፡ ዘሰበከ፡ ወጸሐፈ፡ ሕገ፡ ቤተ፡ ክርስቲያን፡ ለጳጳሳት፡ ወለቀሳውስት፡ ወኵሉ፡ ፍጻሜ፡ ሢመተ፡ ቤተ፡ ክርስትያን። ፲ወ፩ወስቲኒሰ፡ ቀፋስ፡ ዘስሙ፡ ከመዝ፡ ጴጥሮስ፡ ሊቀ፡ ሐዋርያት፡ ማትያስ፡ ዘተኆለቈ፡ ምስለ፡ ፲ወ፪ሐዋርያት። ማቴዎስ፡ ፩በርናባስ፡ ፩ቀሊኖስ፡ ዘጸሐፎ፡ ኀበ፡ ጢሞቴዎስ፡ ረድኡ፡ ለጳውሎስ፡ ታዴዎስ፡ (BNSupC 181 26vb) ወቀለዮጳ፡ ወንጌለ፡ ዘሰበከ፡ በልሳነ፡ ዕብራዊያን፡ በኢያሩሳሌም፡ ተርጐመ፡ በልሳነ፡ ጽርእ፡ ምስለ፡ ዮሐንስ። ወንጌል፡ ዘማርቆስ፡ ጴጥሮስ፡ ተርጐመ፡ በልሳነ፡ ጽርእ፡ በብሔረ፡ ሮሜ። ወንጌል፡ ዘሉቃስ፡ በነገረ፡ ጽርእ፡ እስመ፡ ውእቱ፡ ረድኡ፡ ለጰሎውሎስ፡ ወከመዝ፡ ጸሐፈ፡ በ፩መጽሐፍ፡ እንዘ፡ ይብል፡ አመኅክሙ፡ ሉቃስ፡ ዐቃቤ፡ ሥራይ፡ ፍቁራ{in m. ን}ያ። ወንጌል፡ ዘማቴዎስ፡ ሉቃስ፡ ወንጌላዊ፡ ተርጐመ፡ በነገረ፡ ጽርእ፡ እንዘ፡ በዕብራይስጢ፡ ሀሎ። ወንጌል፡ ዘዮሐንስ፡ ተርጐመ፡ ዮሐንስ፡ ጳጳስ፡ በነገረ፡ ጽርእ። ወኢየሱስ፡ ክርስቶስ፡ ተወልደ፡ በቤተ፡ ልሔም፡ ዘይሁዳ፡ በ{vac. /}ወ{vac. /}ዓመተ፡ መንግሥቱ፡ ለአጎስጦስ፡ ንጉሠ፡ ሮሜ፡ በመዋዕለ፡ ኢሊጴዮን፡ መኰንን፡ ተኰነነ፡ እግዚእነ፡ እምሕዝበ፡ አይሁድ፡ በመዋዕለ፡ ሄሮድስ፡ ወልደ፡ ኦንጢጲጥሮስ፡ በሀገረ፡ አስቀሎን። ወስመ፡ እሙ፡ ለሄሮድስ፡ ቆጥርያ፡ ዘእምብሔረ፡ አራብያ፡ ወኵሎ፡ እንከ፡ ማኅሠሥ፡ ሰሲላን፡ ወተብሂሎ፡ ኵሎ፡ ከመዝ፡ ይገብሩ። ወለአኀውኒ፡ እለ፡ ውስተ፡ ጽባሕ፡ በከመ፡ ይገብሩ፡ በሮሜ፡ ወበእለስክንድርያ፡ ወ(BNSupC 181 27ra)ባዕዳንሂ፡ ሎሙ፡ ከመ፡ ኵሉ፡ በአሐቲ፡ ዕለት፡ በኅቡር፡ ቃል፡ ንፌኑ፡ ጸሎተ፡ በቅድስት፡ ዕለት፡ ፋሲካ፡ ወዓለሙ፡ ኵሎሙ፡ እለ፡ ኢየኅብሩ፡ ምስለ፡ ካልአኒሆሙ።።።