Book of Clement

በስመ፡ አብ፡ (…)ommission by William Wright ይቤ፡ ቅዱስ፡ ቀሌምንጦስ፡ እምድኅረ፡ ዕርገቱ፡ ለእግዚእነ፡ ወአምላክነ፡ ወመድኃኒነ፡ ኢየሱስ፡ ክርስቶስ፡ ውስተ፡ ሰማያት፡ ተፈልጡ፡ አርድእት፡ እስከ፡ አጽናፈ፡ ዓለም፡ ከመ፡ ይስብኩ፡ ዜና፡ ወንጌል፡ ቅዱስ፡ ወይሚጥዎሙ፡ ለአሕዛብ፡ ውስተ፡ አሚን፡ ወአእምሮ፡ ወያጥምቅዎሙ፡ በቅድስት፡ ጥምቀት፡ ዘሐዲስ፡ ልደት። ወበእንተዝ፡ ፈቀዱ፡ ይኅሥሡ፡ ውስተ፡ በሓውርት። ወእምዝ፡ ነሥአኒ፡ ሊተ፡ ስምዖን፡ ጴጥሮስ፡ ወረሰየኒ፡ ረድአ፡ ዚአሁ፡ እስመ፡ አመንኩ፡ ቦቱ፡ ወበዘፈነዎ። ወጠየቁ፡ ከመ፡ ውእቱ፡ ርእሶሙ፡ ለሐዋርያት፡ በእንተ፡ ቃል፡ ዘይቤ፡ እግዚእነ፡ ወመድኃኒነ፡ ኢየሱስ፡ ክርስቶስ፡ ለረድኡ፡ ጴጥሮስ፡ አንተ፡ ኰኵሕ፡ ወዲበ፡ ዛቲ፡ ኰኵሕ፡ አሐንጻ፡ ለቤተ፡ ክርስቲያንየ፡ ወኢይክልዋ፡ አናቅጸ፡ ሲኦል፡ አማስኖታ፡ ወኢይኄይልዋ። ወእሁበከ፡ ለከ፡ መራኁተ፡ መንግሥተ፡ ሰማያት። ወእምድኅረ፡ ጕንዱይ፡ ዕለት፡ ነሥአ፡ ክልኤ፡ አኃወ፡ ወረሰዮሙ፡ አርድእተ፡ ዚአሁ። ወእምዝ፡ ሶበ፡ ነበርኩ፡ ምስሌሁ፡ ዓሠርተ፡ ዓመተ፡ ነሥአኒ፡ ወአብጽሐኒ፡ ኀበ፡ አቡየ፡ ወእምየ፡ እንተ፡ ስማ፡ ምጥሮርያ፤ ወከሠተ፡ ሊተ፡ ምሥጢረ፡ ዘመሀሮ፡ እግዚእነ፡ ኢየሱስ፡ ክርስቶስ፡ በደብረ፡ ዘይት፤ ወውእተ፡ ጊዜ፡ ነበሩ፡ ሐዋርያት፡ ወኵሎሙ፡ መሃይምናን፡ ውስተ፡ ዐቢይ፡ ምንዳቤ፡ ወስደት፡ እምኀበ፡ ዕልዋን፡ ወከሓድያን፡ አይሁድ። እስመ፡ አይሁድ፡ ነበሩ፡ እንዘ፡ ይቀትሉ፡ ኵሎ፡ ዘረከቡ፡ መሃይምናን። ወእምዝ፡ ሖረ፡ ኄር፡ ጴጥሮስ፡ ወቦአ፡ ውስተ፡ አሐቲ፡ ሀገር፡ ወአነሂ፡ ምስሌሁ። ወበህየ፡ ረከበኒ፡ ዐቢይ፡ ምንዳቤ፡ እምተጋዕዞቶሙ፡ ለከሓድያን፡ አይሁድ። ወተስእሎቶሙ፡ በእንተ፡ ልደታ፡ ለማርያም፡ ቅድስት፡ እስመ፡ ይስእሉ፡ በእንቲአሃ፡ እስመ፡ ኢኮነት፡ እምትዝምደ፡ ይሁደ፡ ከመ፡ ያብጥሉ፡ ምጽአቶ፡ ለእግዚእነ፡ ወመድኃኒነ፡ ኢየሱስ፡ ክርስቶስ፡ ውስተ፡ ዓለም። እስመ፡ እሙንቱ፡ ነበሩ፡ እንዝ፡ ይሁቡ፡ ንዋየ፡ ብዙኃ፡ ለሰብአ፡ ጽርዕ፡ ወለሰብአ፡ ሮሜ፡ ከመ፡ ይርድእዎሙ፡ በእንተ፡ ጥፍአቶሙ፡ ለመሃይምናን፡ ወከልእዎሙ፡ ለሐዋርያት፡ አንብቦ፡ ኦሪት፡ ከመ፡ ያእምሩ፡ ቀዳሚ፡ ፍጥረተ፡ ዓለም። ወሶበ፡ ርኢኩ፡ ዘንተ፡ ኵሎ፡ ሕማመ፡ ወምንዳቤ፡ ዘመጽአ፡ ላዕሌነ፡ እምኀበ፡ አይሁድ፡ ከሓድያን፡ ኀሠሥኩ፡ አነ፡ ኀበ፡ መምህርየ፡ ስምዖን፡ ጴጥሮስ። ወተስእልክዎ፡ ከመ፡ ያለብወኒ፡ ወይንግረኒ፡ በከመ፡ ኮነ፡ ቀዳሚ፡ ፍጥረተ፡ ዓለም። እስመ፡ ውእቱ፡ አእመረ፡ ኵሎ፡ ምሥጢራተ፡ እምኀበ፡ እግዚእነ፡ ኢየሱሱ፡ ክርስቶስ፡ ወአንሰ፡ አአምር፡ በነገረ፡ ጽርዕ፡ ወበመጻሕፍቲሆሙ፡ ወኵሎ፡ ምሥጢራቲሆሙ፡ ወጥበባቲሆሙ። ወነገርክዎ፡ ኵሎ፡ ለመምህርየ፡ ዘመጽአ፡ ላዕሌየ፡ ቂመ፡ ወቅንዓተ፡ በእንተ፡ ዘጸልኡኒ፡ ወተጋዓዙኒ፡ አይሁድ፡ በእንተ፡ ማርያም፡ ቅድስት፡ እስመ፡ አልብየ፡ አእምሮ፡ በኦሪት፡ ወበነቢያት፡ ወብዙኃን፡ ይጽዕሉኒ፡ በእንተ፡ ፍጥረቱ፡ ለአዳም፡ አቡነ፡ ወፈድፋደ፡ ይጸርፉ፡ ላዕለ፡ እግዚእትነ፡ ማርያም፡ ቅድስት፡ ወኢረክቡ፡ ምክንያተ፡ በዘአአትት፡ እከዮሙ፡ ወርኩሰ፡ ቃሎሙ። ወሶበ፡ ነገርክዎ፡ ዘንተ፡ ኵሎ፡ ለመምህርየ፡ ተከዘ፡ ፈድፋደ፡ ወቦአ፡ ላዕሌሁ፡ ቅንዓት፡ ወይቤለኒ፡ አነ፡ እከሥት፡ ለከ፡ ኦወልድ፡ ኵሎ፡ ዘሰአልከኒ፡ ወአሌብወከ፡ ዘእምፍጥረተ፡ ዓለም፡ ቀዳሚ፡ ወአጤይቀከ፡ በእንተ፡ ቅድስት፡ ማርያም፡ እሙ፡ ለብርሃን፡ ከመ፡ ይእቲ፡ ጥይቅት፡ ዘእንበለ፡ አስትቶ፡ እምትዝምደ፡ ይሁደ፡ ወልደ፡ ያዕቆብ። ወዓዲ፡ እዜንወከ፡ ዘከመ፡ ወድቀ፡ ሰይጣን፡ እምሰማይ።

በስመ፡ አብ፡ (…)ommission by William Wright ቀዳሜ፡ ምስጢራት፡ ዘከሠተ፡ ቅዱስ፡ ጴጥሮስ፡ ለረድኡ፡ ቀሌምንጦስ። ይቤ፡ ቅዱስ፡ ጴጥሮስ፡ ሶበ፡ ተፈጸመ፡ አርብዓ፡ ዕለት፡ እምድኅረ፡ ትንሣኤሁ፡ ለእግዚእነ፡ ኢየሱስ፡ ክርስቶስ፡ እሙታን፡ ፈቀደ፡ ይዕርግ፡ ውስተ፡ ሰማይ፡ ወይትመየጥ፡ ውስተ፡ ስብሐቲሁ፡ ወግሩም፡ ማኅደሩ።

በስመ፡ አብ፡ (…)ommission by William Wright ንቀድም፡ ንጽሐፍ፡ ኀይለ፡ ወተአምረ፡ ዘአርአዮ፡ እግዚአብሔር፡ ለብፁዕ፡ ጴጥሮስ፡ ርእሰ፡ ሐዋርያት፡ ዓዋዴ፡ መንግሥተ፡ ሰማያት፡ መጋቢ፡ ዘተወፈየ፡ እምኀበ፡ ሊቁ፡ መራሑተ፡ ጽድቅ፡ ከመ፡ ይፍታሕ፡ ወያርኁ፡ ወያበ፡ ዘፈቀደ፡ ለዘኢይደልዎ፡ በጽድቅ፡ ወበርትዕ። ወካዕበ፡ ለዘኢይደልዎ፡ ከመ፡ ይዕፁ፡ ውስተ፡ ገጹ፡ አንቀጸ፡ መንግሥተ፡ ሰማያተ፡ ሰማያት።

በስመ፡ አብ፡ (…)ommission by William Wright ንጽሕፍ፡ ዘንተ፡ ነገረ፡ ዘተናገሮ፡ ጴጥሮስ፡ ርእሰ፡ ሐዋርያት፡ ለቀሌምንጦስ፡ ተልሚዱ። ዝውእቱ፡ ረድእ፡ ብሂል፡ በትርጓሜሁ፡ ወአለበዎ፡ ዘይከውን፡ ዘበሰማይኒ፡ ወዘበምድርኒ፡ በእንተ፡ ምሕረታተ፡ ውሉደ፡ ሰብእ። ወበእንተ፡ አፍቅሮቱ፡ ሰብአ፡ ለመድኃኔ፡ ዓለም፡ እንዘ፡ ውስተ፡ ላዕለ፡ ሕፅነ፡ አቡሁ፡ ፍሬ፡ መለኮት፡ ዘመዓዛሁ፡ ሠናይ፡ ወበእንተ፡ ፍቅረ፡ ዚአነ፡ በፈቃደ፡ አቡሁ፡ ወረደ፡ ዘበሕፅነ፡ አቡሁ፡ ሠረፀ፡ ፍሬ፡ ስብሐት። ወበመዓዛሁ፡ አምዓዘ፡ ኲሎ፡ ዓለመ።

በስመ፡ አብ፡ (…)ommission by William Wright ዝንቱ፡ ነገረ፡ ሥርዓት፡ ዘቅድስት፡ ቤተ፡ ክርስቲያን፡ ዘነገሮ፡ እግዚእነ፡ ኢየሱስ፡ ክርስቶስ፡ ለጴጥሮስ፡ መሠረተ፡ ቤተ፡ ክርስቲያን፡ በደብረ፡ ዘይት፡ ምስለ፡ አኃዊሁ፡ ውእቱኒ፡ ነገሮ፡ ለቀሌምንጦስ፡ ረድኡ። እስመ፡ ቀዳሚኒ፡ ነገሮ፡ በደብረ፡ ሲና፡ ለሙሴ፡ ግብራ፡ ለደብተራ፡ ቅድስት፡ በከመ፡ ሠርዓ፡ ለቅድስት፡ ጽዮን፡ ለኢየሩሳሌም፡ እንተ፡ በሰማያት።

በስመ፡ አብ፡ (…)ommission by William Wright በትር፡ ዘዘበጦ፡ ክርስቶስ፡ ውእቱ፡ በትረ፡ ሙሴ፡ እንተ፡ ገብረት፡ ተአምረ፡ በቃለ፡ እግዚአብሔር፡ በቀዳሚት፡ ሕግ፡ አርአያ፡ ትእምርተ፡ መስቀል፡ ይእቲ፡ በዘሰቀልዎ፡ ለክርስቶስ።

በስመ፡ አብ፡ (…)ommission by William Wright ዝንቱ፡ ራእይ፡ ዘርእየ፡ ስምዖን፡ ወልደ፡ ዮና፡ ዘምስለ፡ ጸጋ፡ ረድኤቱ፡ ተዎህበ፡ ትንቢት፡ ወመድኃኒት። አኮ፡ ከመ፡ ባዕዳን፡ ነቢያት፡ ዘእንበለ፡ ይትነፋሕ፡ መንፈስ፡ ቅዱስ፡ በእንተ፡ ምጽአቱ፡ ለግዚእነ፡ ወመድኃኒነ፡ ኢየሱስ፡ ክርስቶስ፡ ወልደ፡ እግዚአብሔር፡ ዘሎቱ፡ ክብር፡ ወስብሐት፡ ለዓለመ፡ ዓለም፡ አሜን። አላ፡ ዝንቱ፡ አብ፡ ወመምህር፡ ዘተመከዓበ፡ ወተወሰከ፡ ወረብሐ፡ ክልኤ፡ መካልየ፡ ወረከበ፡ ብዕዓ፡ እምኀበ፡ መድኃኔ፡ ዓለም፡ እንዘ፡ ይብሎ፡ ብፁዕ፡ አንተ፡ ስምዖን፡ ዘዮና፡ እስመ፡ ኢከሠተ፡ ለከ፡ ዘሥጋ፡ ወደም፡ አላ፡ አቡየ፡ ሰማያዊ።